Matayo 12
12
Yezu bamureeba khu bya Sabato
(Mrk 2.23-28; Luk 6.1-5)
1 #
Maka 23.25
Mu bifukhu ibyo, Yezu waba nga abira mu nimilo tse ŋaano#12.1 yabatsaka isaambo yaabwe ndi babaandu babakyeenda nga intsala yabaliile, batsya mu nimilo ye ŋaano bakusa bikala baalya. khu shifukhu sha Sabato. Baleekelwa beewe intsala yaba ibalya, baryo baaba nga bakusa bikala bye ŋaano baalya. 2Ne Bafarisaayo ni baabona shino, baloma Yezu bari, “Bona, baleekelwa boowo bakhola shishiindu she mbikho khu shifukhu sha Sabato.”
3 #
1 Sam 21.1-6
Naye Yezu wabelamo ari, “Inywe simwakhusomatsakakho sheesi Daudi akhola niye ni babaandu beewe beesi aba ni nabo, intsala ni yabalya? 4#Lev 24.9Niye enjila mu ntsu ya Wele, ni babaandu beewe, baalya kumukaati kukwawongewa isi Wele, ikhaba nga shaba she kumusilo niye ni babaandu beewe khuulya kumukaati kuno. Basaayi bonyene aba nibo babafukiilisibwa khukulya. 5#Bala 28.9,10Namwe inywe si mwasomakho mu makaambila ka Musa, nga buli lwa Sabato, basaayi babaaba mu Lisaayilo Likhulu, bafuniaaka likaambila lye khu Sabato, ne nga si bali ni kumusaango ta? 6Ne ari imbaboolela ndi, iliyo shishiindu shikhulu shishifuura Lisaayilo Likhulu. 7#Mat 9.13 Hos 6.6Muba babamanya, khali mumanyile kamakhulu ke shisharonebwa shishiloma shiri, ‘Mu shiifwo she tsisaayilo, khali mubeele be shiisa isi babaandi.’ Muba babamanya sheesi shino shimanyisa, khali simukhaliile kumusaango ibo babakhali ni kumusaango ta. 8Lwekhuba Umwaana w'Omuundu niye Umukasya wa Sabato.”
Umusaani uwe kumukhono kumuleme
(Mrk 3.1-6; Luk 6.6-11)
9Yezu warurayo iyo watsya mu ntsu iye khukhwisaayilamo iye Bayudaaya, 10mu bweenemwo mwabamo umusaani uwaba ni kumukhono kumuleme. Ne babaandu balala babaakana khuwabilayo Yezu lwe khukhola shishiindu shishikhali shilayi, kila bamureeba bari, “Shifukilisibwa mu makaambila iwe khuwonesela umuundu khu shifukhu sha Sabato?”
11 #
Luk 14.5
Yezu naye wabareeba ari, “Naanu khwiinywe n'aba ni lisheese lyeewe litweela ne lyaakwa mwilowo khu shifukhu sha Sabato, ukhatsya walirusamo? 12Umuundu afuura lisheese aleeyi naabi! Nashiryo shili shilayi khukhola bulayi khu shifukhu sha Sabato.” 13Lwanyuma kila Yezu aloma umusaani tsana uwe kumukhono kumuleme ari, “Kolola kumukhono kwoowo.” Umusaani n'akukolola, kwaaba kwawonele, nga kuli nga kukwashe. 14Ne Bafarisaayo barura ibulafu, bakanikhila atweela, nga ni bakane bamwiire.
Umwakaanisi umurobole uwa Wele
15Aryo Yezu n'amanya khu luwomelo luno, warurayo watsya, ni babaandu bakali bamuloondakho, ni naye wabawonesa boosi babaaba balwaale. 16Ne wabakhonyakilila ari balekhe khuboolelakho umuundu yeesi ta. 17Shino shakholekha nio shinyale khukhwoolelesa sheesi umuŋoosi Yisaaya aloma ari,
18 #
Isay 42.1-4
“Bona, umwakaanisi wase yeesi narobola,
niye yeesi ingana, nalundi niye uwuntsikhoyesa bulamu bwase,
indimurakho Umwoyo wase,
ni naye alilaangilila khukhala kumusaango khwa ŋali isi kamanaambo,
19Niye s'alilomanakho, namwe s'aliyokesakho ta.
Mbaawo umuundu yeesi uliwulilakho likono lyeewe mu mikhoosi kye mu shiriimba ta.
20Niye s'alifuniaaka lukholo lulwifuumbilemo ta,
namwe s'alisimisa lutaambi lulukana khuwakho kumulilo ta.
Shino alishikhola khukhwoolesa nga kumusaango kwa ŋali kwamalile khukhaliwa.
21Ni babaandu be kamanaambo koosi balimuramo bubwiyikinwa bwaabwe.”
Yezu ni Belizebuli umukhulu we bisaambwa
(Mrk 3.20-30; Luk 11.14-23)
22Lwanyuma babaandu babaandi bamureerayo umuundu mutweela uwaba ataambisibwa ni kimisaambwa, nga ali umubofu nalundi nga ali wawuma. Yezu wawonesa umusaani uyo, aryo wanyalisa khukanikha ni khubona. 23Kamatuuli ke babaandu boosi beyaanga, nga baloma bari, “Manya umusaani uyu anyala khuuba umwitsukhulu wa Daudi?”
24 #
Mat 9.34; 10.25 Ne Bafarisaayo ni bawulila shino, baloma bari, “Umusaani uyu awoona kimisaambwa kimibi khurura, lwekhuba Belizebuli umukhulu we kimisaambwa kimibi niye umuwa bunyala ibwo.”
25Yezu wamanya byeesi baaba bambaasa kila abaloma ari, “Buli buyiinga ni bwawukhanamwo bwonyene, buhela. Na buli shiriimba namwe mungo ni mubamo khukhwawukhanamwo, ibawo khuukwa. 26Nashiryo Sitaani n'aba nga esoolanisa umweene, aba wawukhanilemo umweene, buyiinga bweewe bunyala buryeena khukhwiimawo? 27Ne noola ise imboona kimisaambwa kimibi khulwe bunyala bwa Belizebuli, ne baloondeleli beenywe babiwoona khulwe bunyala bwa naanu? Baryo nibo balibakhalila inywe kumusaango. 28Ne noola ise imboona kimisaambwa kimibi khulwe bunyala bw'Omwoyo wa Wele, Buyiinga bwa Wele bwamalile khaale khubeetsila inywe.
29 #
Tob 8.3
“Namwe mbaawo umuundu unyala khufuna lundi wenjila mu ntsu y'omundu uwe kamaani, wanuula bibiindu byeewe, khurusakho nga wanyooyile khumubowa, aryo nio wanyalisa khunuula bibiindu.
30 #
Mrk 9.40
“Umuundu yeesi ukhali khu lubeka lwase ta niye aba umusiku wase. Ni nooyo ukhabusanisila atweela ni nase ta, aba asalanisa. 31Ni lwe lomo yino mbaloma ndi, babaandu baliyakhilwa buli shonako shoosi, ni khukhoma khweesi bakhomamo Umwaana w'Omuundu. Ne shiibi she khufwotsola Umwoyo Umukhosefu, si shiliyakhilwa ta. 32#Luk 12.10Buli mundu yeesi ulikhoma Umwaana w'Omuundu anyala khukhwiyakhilwa, ne buli mundu yeesi ufwotsola Umwoyo Umukhosefu si bali mwiyakhila bibyoonako ta, oba mu muboolo kuno, namwe kukwiitsa muumoni.
Kusaala ni bibyaamo byakwo
(Luk 6.43-45)
33 #
Sir 27.6; Mat 7.20; Luk 6.44 “Buli kusaala kulayi kwanakho bibyaamo bilayi, ni kusaala kuubi nakwo kwanakho bibyaamo biibi. Lwekhuba buli kusaala kumanyikhila khu byaamo byakwo byeesi kwana. 34#Mat 3.7; 23.33; Luk 3.7 Mat 15.18; Luk 6.45Inywe tsindemu tse buutwa! Munyala muryeena khukanikha bibiindu bilayi nga inywe mwabeene muli babaandu baabi? Lwekhuba kumunwa kw'omundu kukanikha ibyo bibitsuule mu mwoyo kweewe. 35Umuundu umulayi arusa bilayi nga abyaamisa mwibikhilo lyeewe lilayi lye kumwoyo kweewe, n'umuundu umubi naye aryo biibi abirusa nga abyaamisa mwibikhilo lyeewe liibi lye kumwoyo kweewe. 36Nashiryo imbaboolela ndi, buli lomo yoosi yeesi babaandu baloma ikhalimo kumukaso ta, balikiwotsela khu shifukhu she khukhalilakho kumusaango. 37Biryo bilomo byoowo byeesi ukanikha bilikila ufuure kumusaango, namwe bilikila kumusaango kukhufuure.”
Khabonelo kha Yona
(Mrk 8.11-12; Luk 11.29-32)
38 #
Mat 16.1; Mrk 8.11; Luk 11.16 Baryo batweela khu Bafarisaayo, ni baleekeli be kamakaambila ka Musa baloma Yezu bari, “Umuleekeli, khukana khubone khabonelo khe kamakaanga kheesi unyala khukhola.”
39 #
Mat 16.4; Mrk 8.12 Kila Yezu naye abelamo ari, “Kumuboolo kumubi kuno nalundi kukukhafukiilila ta, nikwo kuweentsa khabonelo khe kamakaanga. Ne mbaawo khabonelo khe kamakaanga khoosi kheesi kane mubone ta, khurusakho khabonelo khe kamakaanga kh'omuŋoosi Yona. 40#Yona 1.17Lwekhuba nga Yona n'amala munda mwe nyeeni imboofu bifukhu bitaru shiilo ni kumuusi, n'Umwaana w'Omuundu naye aryo alimala bifukhu bitaru shiilo ni kumuusi asi i makoombe. 41#Yona 3.5Ne khu shifukhu she khukhalilakho kumusaango, babaandu be Nineve balimikha atweela ni babaandu be kumuboolo kuno, babafuurise kumusaango, lwekhuba nibo bebiiyisa bibyonako byaawe, ni bawulila khuboolela khwa Yona. Ne ari iliwo ano uyo uli umukhulu naabi khufuurisa Yona.
42 #
1 Bay 10.1-10; 2 Kim 9.1-12 “N'umuyiinga umukhasi uwama imwaalo we shiibala mu buyiinga bwa Seba, alimikha afuurise babaandu be kumuboolo kuno kumusaango khu shifukhu she khukhalilakho kumusaango, lwekhuba niye akyeenda khukhwaama ibwakamilo we shiibala, weetsa khurekeeresa kamakhula ka Solomoni. Ne ari bona iliwo ano uyo uli umukhulu naabi khufuura Solomoni.
Khuukobola khwe shisaambwa shiibi
(Luk 11.24-26)
43“Nga shisaambwa shiibi sharurire mu mundu, shitsya shakyeendanaka mu biifwo bibikhalimo kameetsi ta, nga shiweentsa shiifwo ekhuwolela. Ne ni shilekha khunyoola ta, 44shilomela shisheene shiri, ‘Kane nileyo mu ntsu yase mweesi naama.’ Ne ni shiitsa shanyoola nga intsu iyo ili busa, nga intseye bulayi, lundi imiliwu, nga yaŋoonewele bulayi. 45Shiryo, shirura shatsya shareera bisaambwa bibindi musaafu bibiili biibi khushifuurisakho nisho. Byoosi biitsa byaweela mu ntsu iyo, byamenyamo. Ni intsakamo iy'omundu uyo iba imbi naabi ni khufuurisa bibyanyoowa. Aso shiliiba shiryo isi babaandu baabi be kumuboolo kuno.”
Maayi ni babandaaye ba Yezu
(Mrk 3.31-35; Luk 8.19-21)
46Aryo Yezu n'aba nga ashikanikha isi kamatuuli ke babaandu, maayi weewe, ni babandaaye beewe beetsa beema ibulafu, nga bakana bakanikhekho ni naye. 47Umuundu mutweela weetsa waboolela Yezu ari, “Bona maayi woowo ni babandaayo beemile ibulafu bakana khukhukanikhayo.” 48Kila Yezu elamo ari, “Maayi wase niye naanu? Nalundi babandaayase nibo banaanu?” 49Wakolola kumukhono kweewe wakuloselela isi baleekelwa beewe, waloma ari, “Bano nibo maayi wase, nibo babandaayase. 50Buli mundu yeesi ukhola byeesi Paapa wase uli mwikulu akana, niye wandaayase, niye umukooko wase lundi niye maayi wase.”
Currently Selected:
Matayo 12: LCE
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.
Matayo 12
12
Yezu bamureeba khu bya Sabato
(Mrk 2.23-28; Luk 6.1-5)
1 #
Maka 23.25
Mu bifukhu ibyo, Yezu waba nga abira mu nimilo tse ŋaano#12.1 yabatsaka isaambo yaabwe ndi babaandu babakyeenda nga intsala yabaliile, batsya mu nimilo ye ŋaano bakusa bikala baalya. khu shifukhu sha Sabato. Baleekelwa beewe intsala yaba ibalya, baryo baaba nga bakusa bikala bye ŋaano baalya. 2Ne Bafarisaayo ni baabona shino, baloma Yezu bari, “Bona, baleekelwa boowo bakhola shishiindu she mbikho khu shifukhu sha Sabato.”
3 #
1 Sam 21.1-6
Naye Yezu wabelamo ari, “Inywe simwakhusomatsakakho sheesi Daudi akhola niye ni babaandu beewe beesi aba ni nabo, intsala ni yabalya? 4#Lev 24.9Niye enjila mu ntsu ya Wele, ni babaandu beewe, baalya kumukaati kukwawongewa isi Wele, ikhaba nga shaba she kumusilo niye ni babaandu beewe khuulya kumukaati kuno. Basaayi bonyene aba nibo babafukiilisibwa khukulya. 5#Bala 28.9,10Namwe inywe si mwasomakho mu makaambila ka Musa, nga buli lwa Sabato, basaayi babaaba mu Lisaayilo Likhulu, bafuniaaka likaambila lye khu Sabato, ne nga si bali ni kumusaango ta? 6Ne ari imbaboolela ndi, iliyo shishiindu shikhulu shishifuura Lisaayilo Likhulu. 7#Mat 9.13 Hos 6.6Muba babamanya, khali mumanyile kamakhulu ke shisharonebwa shishiloma shiri, ‘Mu shiifwo she tsisaayilo, khali mubeele be shiisa isi babaandi.’ Muba babamanya sheesi shino shimanyisa, khali simukhaliile kumusaango ibo babakhali ni kumusaango ta. 8Lwekhuba Umwaana w'Omuundu niye Umukasya wa Sabato.”
Umusaani uwe kumukhono kumuleme
(Mrk 3.1-6; Luk 6.6-11)
9Yezu warurayo iyo watsya mu ntsu iye khukhwisaayilamo iye Bayudaaya, 10mu bweenemwo mwabamo umusaani uwaba ni kumukhono kumuleme. Ne babaandu balala babaakana khuwabilayo Yezu lwe khukhola shishiindu shishikhali shilayi, kila bamureeba bari, “Shifukilisibwa mu makaambila iwe khuwonesela umuundu khu shifukhu sha Sabato?”
11 #
Luk 14.5
Yezu naye wabareeba ari, “Naanu khwiinywe n'aba ni lisheese lyeewe litweela ne lyaakwa mwilowo khu shifukhu sha Sabato, ukhatsya walirusamo? 12Umuundu afuura lisheese aleeyi naabi! Nashiryo shili shilayi khukhola bulayi khu shifukhu sha Sabato.” 13Lwanyuma kila Yezu aloma umusaani tsana uwe kumukhono kumuleme ari, “Kolola kumukhono kwoowo.” Umusaani n'akukolola, kwaaba kwawonele, nga kuli nga kukwashe. 14Ne Bafarisaayo barura ibulafu, bakanikhila atweela, nga ni bakane bamwiire.
Umwakaanisi umurobole uwa Wele
15Aryo Yezu n'amanya khu luwomelo luno, warurayo watsya, ni babaandu bakali bamuloondakho, ni naye wabawonesa boosi babaaba balwaale. 16Ne wabakhonyakilila ari balekhe khuboolelakho umuundu yeesi ta. 17Shino shakholekha nio shinyale khukhwoolelesa sheesi umuŋoosi Yisaaya aloma ari,
18 #
Isay 42.1-4
“Bona, umwakaanisi wase yeesi narobola,
niye yeesi ingana, nalundi niye uwuntsikhoyesa bulamu bwase,
indimurakho Umwoyo wase,
ni naye alilaangilila khukhala kumusaango khwa ŋali isi kamanaambo,
19Niye s'alilomanakho, namwe s'aliyokesakho ta.
Mbaawo umuundu yeesi uliwulilakho likono lyeewe mu mikhoosi kye mu shiriimba ta.
20Niye s'alifuniaaka lukholo lulwifuumbilemo ta,
namwe s'alisimisa lutaambi lulukana khuwakho kumulilo ta.
Shino alishikhola khukhwoolesa nga kumusaango kwa ŋali kwamalile khukhaliwa.
21Ni babaandu be kamanaambo koosi balimuramo bubwiyikinwa bwaabwe.”
Yezu ni Belizebuli umukhulu we bisaambwa
(Mrk 3.20-30; Luk 11.14-23)
22Lwanyuma babaandu babaandi bamureerayo umuundu mutweela uwaba ataambisibwa ni kimisaambwa, nga ali umubofu nalundi nga ali wawuma. Yezu wawonesa umusaani uyo, aryo wanyalisa khukanikha ni khubona. 23Kamatuuli ke babaandu boosi beyaanga, nga baloma bari, “Manya umusaani uyu anyala khuuba umwitsukhulu wa Daudi?”
24 #
Mat 9.34; 10.25 Ne Bafarisaayo ni bawulila shino, baloma bari, “Umusaani uyu awoona kimisaambwa kimibi khurura, lwekhuba Belizebuli umukhulu we kimisaambwa kimibi niye umuwa bunyala ibwo.”
25Yezu wamanya byeesi baaba bambaasa kila abaloma ari, “Buli buyiinga ni bwawukhanamwo bwonyene, buhela. Na buli shiriimba namwe mungo ni mubamo khukhwawukhanamwo, ibawo khuukwa. 26Nashiryo Sitaani n'aba nga esoolanisa umweene, aba wawukhanilemo umweene, buyiinga bweewe bunyala buryeena khukhwiimawo? 27Ne noola ise imboona kimisaambwa kimibi khulwe bunyala bwa Belizebuli, ne baloondeleli beenywe babiwoona khulwe bunyala bwa naanu? Baryo nibo balibakhalila inywe kumusaango. 28Ne noola ise imboona kimisaambwa kimibi khulwe bunyala bw'Omwoyo wa Wele, Buyiinga bwa Wele bwamalile khaale khubeetsila inywe.
29 #
Tob 8.3
“Namwe mbaawo umuundu unyala khufuna lundi wenjila mu ntsu y'omundu uwe kamaani, wanuula bibiindu byeewe, khurusakho nga wanyooyile khumubowa, aryo nio wanyalisa khunuula bibiindu.
30 #
Mrk 9.40
“Umuundu yeesi ukhali khu lubeka lwase ta niye aba umusiku wase. Ni nooyo ukhabusanisila atweela ni nase ta, aba asalanisa. 31Ni lwe lomo yino mbaloma ndi, babaandu baliyakhilwa buli shonako shoosi, ni khukhoma khweesi bakhomamo Umwaana w'Omuundu. Ne shiibi she khufwotsola Umwoyo Umukhosefu, si shiliyakhilwa ta. 32#Luk 12.10Buli mundu yeesi ulikhoma Umwaana w'Omuundu anyala khukhwiyakhilwa, ne buli mundu yeesi ufwotsola Umwoyo Umukhosefu si bali mwiyakhila bibyoonako ta, oba mu muboolo kuno, namwe kukwiitsa muumoni.
Kusaala ni bibyaamo byakwo
(Luk 6.43-45)
33 #
Sir 27.6; Mat 7.20; Luk 6.44 “Buli kusaala kulayi kwanakho bibyaamo bilayi, ni kusaala kuubi nakwo kwanakho bibyaamo biibi. Lwekhuba buli kusaala kumanyikhila khu byaamo byakwo byeesi kwana. 34#Mat 3.7; 23.33; Luk 3.7 Mat 15.18; Luk 6.45Inywe tsindemu tse buutwa! Munyala muryeena khukanikha bibiindu bilayi nga inywe mwabeene muli babaandu baabi? Lwekhuba kumunwa kw'omundu kukanikha ibyo bibitsuule mu mwoyo kweewe. 35Umuundu umulayi arusa bilayi nga abyaamisa mwibikhilo lyeewe lilayi lye kumwoyo kweewe, n'umuundu umubi naye aryo biibi abirusa nga abyaamisa mwibikhilo lyeewe liibi lye kumwoyo kweewe. 36Nashiryo imbaboolela ndi, buli lomo yoosi yeesi babaandu baloma ikhalimo kumukaso ta, balikiwotsela khu shifukhu she khukhalilakho kumusaango. 37Biryo bilomo byoowo byeesi ukanikha bilikila ufuure kumusaango, namwe bilikila kumusaango kukhufuure.”
Khabonelo kha Yona
(Mrk 8.11-12; Luk 11.29-32)
38 #
Mat 16.1; Mrk 8.11; Luk 11.16 Baryo batweela khu Bafarisaayo, ni baleekeli be kamakaambila ka Musa baloma Yezu bari, “Umuleekeli, khukana khubone khabonelo khe kamakaanga kheesi unyala khukhola.”
39 #
Mat 16.4; Mrk 8.12 Kila Yezu naye abelamo ari, “Kumuboolo kumubi kuno nalundi kukukhafukiilila ta, nikwo kuweentsa khabonelo khe kamakaanga. Ne mbaawo khabonelo khe kamakaanga khoosi kheesi kane mubone ta, khurusakho khabonelo khe kamakaanga kh'omuŋoosi Yona. 40#Yona 1.17Lwekhuba nga Yona n'amala munda mwe nyeeni imboofu bifukhu bitaru shiilo ni kumuusi, n'Umwaana w'Omuundu naye aryo alimala bifukhu bitaru shiilo ni kumuusi asi i makoombe. 41#Yona 3.5Ne khu shifukhu she khukhalilakho kumusaango, babaandu be Nineve balimikha atweela ni babaandu be kumuboolo kuno, babafuurise kumusaango, lwekhuba nibo bebiiyisa bibyonako byaawe, ni bawulila khuboolela khwa Yona. Ne ari iliwo ano uyo uli umukhulu naabi khufuurisa Yona.
42 #
1 Bay 10.1-10; 2 Kim 9.1-12 “N'umuyiinga umukhasi uwama imwaalo we shiibala mu buyiinga bwa Seba, alimikha afuurise babaandu be kumuboolo kuno kumusaango khu shifukhu she khukhalilakho kumusaango, lwekhuba niye akyeenda khukhwaama ibwakamilo we shiibala, weetsa khurekeeresa kamakhula ka Solomoni. Ne ari bona iliwo ano uyo uli umukhulu naabi khufuura Solomoni.
Khuukobola khwe shisaambwa shiibi
(Luk 11.24-26)
43“Nga shisaambwa shiibi sharurire mu mundu, shitsya shakyeendanaka mu biifwo bibikhalimo kameetsi ta, nga shiweentsa shiifwo ekhuwolela. Ne ni shilekha khunyoola ta, 44shilomela shisheene shiri, ‘Kane nileyo mu ntsu yase mweesi naama.’ Ne ni shiitsa shanyoola nga intsu iyo ili busa, nga intseye bulayi, lundi imiliwu, nga yaŋoonewele bulayi. 45Shiryo, shirura shatsya shareera bisaambwa bibindi musaafu bibiili biibi khushifuurisakho nisho. Byoosi biitsa byaweela mu ntsu iyo, byamenyamo. Ni intsakamo iy'omundu uyo iba imbi naabi ni khufuurisa bibyanyoowa. Aso shiliiba shiryo isi babaandu baabi be kumuboolo kuno.”
Maayi ni babandaaye ba Yezu
(Mrk 3.31-35; Luk 8.19-21)
46Aryo Yezu n'aba nga ashikanikha isi kamatuuli ke babaandu, maayi weewe, ni babandaaye beewe beetsa beema ibulafu, nga bakana bakanikhekho ni naye. 47Umuundu mutweela weetsa waboolela Yezu ari, “Bona maayi woowo ni babandaayo beemile ibulafu bakana khukhukanikhayo.” 48Kila Yezu elamo ari, “Maayi wase niye naanu? Nalundi babandaayase nibo banaanu?” 49Wakolola kumukhono kweewe wakuloselela isi baleekelwa beewe, waloma ari, “Bano nibo maayi wase, nibo babandaayase. 50Buli mundu yeesi ukhola byeesi Paapa wase uli mwikulu akana, niye wandaayase, niye umukooko wase lundi niye maayi wase.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.