Matayo 14
14
Khuufwa khwa Yohana Umubatisa
(Mrk 6.14-29; Luk 9.7-9)
1Mu bifukhu ibyo, Herode umuwuli, waba nga awulilaka lubuyi luluwamba khu Yezu. 2Kila alomela babakaanisi beewe ari, “Oyu niye Yohana Umubatisa! Walamukhile khukhwaama mu bafu, nisho shishikila akhola bye kamakaanga bino byoosi.”
3 #
Luk 3.19,20 Shino shaba shiryo lwekhuba Herode makiboolekho, awamba Yohana Umubatisa wamubowa, wamura mu mapuusu. Herode akhola shino khu lwa Herodiya, umukhasi wa wandaaye Filipo. 4#Lev 18.16; 20.21Yohana Umubatisa alomela Herode ari, “Shili she kumusilo iwe khuyila Herodiya, umukhasi wa wandaayo.” 5Aryo Herode wakana khukhwiira Yohana, ne warya lwe kamatuuli ke babaandu, lwekhuba babaandu bambaasa Yohana khuuba umuŋoosi.
6Shifukhu shoola khweesi Herode akabulilakho kamayiiya khu shifukhu she kamasaalikha keewe. Umukhaana wa Herodiya weetsa washinila iburaangisi waabwe, wekhoyesa naabi Herode. 7Ni abweene awo, Herode wamulomela nga etsuba ari, “Kane ikhuwe shishiindu shoosi sheesi kane unoombe.” 8Ne umukhaana n'amala khuboolelwa ni maayi weewe shiina she khuloomba, waloma ari, “Khu saawa yino, ingana wumbe kumurwe kwa Yohana Umubatisa nga kuli khu lweelo.” 9Umuyiinga kumutaambo kwamuwamba lukali, ne lwekhuba etsubila mu moni tse bakyeni beewe boosi beesi aba nabo khu mayiiya, walakila ari bawe umukhaana kumurwe kwa Yohana Umubatisa nga n'aloomba. 10Aryo walakila baatsya bakhalakho Yohana Umubatisa kumurwe mu mapuusu. 11Kumurwe tsana bakureera khu lweelo, bakuwa umukhaana, n'umukhaana naye wakuyilila maayi weewe. 12Baleekelwa ba Yohana beetsa basuta kumulaambo kweewe, bakuyila, bakusiikha. Lwanyuma baatsya baboolela Yezu byoosi bibyakholekha.
Yezu aliisa babaandu biikana biraano (5,000)
(Mrk 6.30-44; Luk 9.10-17; Yoh 6.1-14)
13Aryo Yezu n'awulila bino bibiwaamba khu Yohana Umubatisa, warurayo iyo, wambukhila mwikhoŋolo, watsya iyo yenyene, mu shiifwo mumukhali babaandu ta. Ne kamatuuli ke babaandu ni kawulila karyo, bamaka mu biriimba nga bakyeenda khumuloondakho. 14Ne Yezu n'amala khurura mwikhoŋolo, wabona lituuli lye babaandu bakali, wabawambila shiisa, wawonesa ibo boosi babaaba balwaale.
15Ne antsye ni bwaba nga bwilabula, baleekelwa beewe beetsa is'ali bamuloma bari, “Ano khuli mu mubiimbi, nalundi antsye bona bulikho bwilabula, siibula babaandu batsye beweentsele bye khulya mu byaalo esi kane babinyoole.”
16Yezu naye wabelamo ari, “Babaandu bano si baakha khuutsya ta. Inywe mwabeene ni mubawe shakhulya shishiiliwo balye.”
17Nabo baleekelwa bamwiilamo bari, “Ano khuliwo ni kimikaati kiraano kyonyene, ni tsinyeeni tsibili.”
18Lwanyuma Yezu wabelamo ari, “Ni mubindereere ano.” 19Aryo kila alakila babaandu khukhwikhala asi khu bunyaasi. Wabukula kimikaati tsana kiraano, ni tsinyeeni tsibili, wakalama mu ngaaki mwikulu, wasiima Wele. Aryo wamenyulamo kimikaati, wakiwa baleekelwa beewe, bakikabila babaandu. 20Babaandu boosi baalya, bekura. Lwanyuma baleekelwa ba Yezu babusanisa bubuya bubwarama, betsusa bibiipo liikhumi na bibili. 21Bukali bwe babaandu boosi babaalya baaba boola basaani biikana biraano (5,000), nga akhurakho bakhasi ni babaana ta.
Yezu akyeendela khu meetsi
(Mrk 6.45-52; Yoh 6.15-21)
22Khaangukho Yezu walakila baleekelwa beewe khuniina mu likhoŋolo, ari baraangile batsye shanjelekha we nyaantsa, nga niye n'ashiiramakho inyuma amale khusiibula lituuli lye babaandu. 23Ne lwanyuma n'amala khusiibula babaandu, waniina khu lukiingi khuloomba. Ne antsye ni bwelabula, waba nga ali yenyene ibweene iyo. 24Ne khu mbuka nyene yino, likhoŋolo lyaba lyamalile khukhwoola akari khu nyaantsa khukhwaama khu lwoomu, nga liyiyanisibwa ni khutumbuukha khwe kameetsi, ni mbewo ingali nga ibawuutsa khubaama ibweeni.
25Mu shilo isho, akari e tsisaawa nga sheenda namwe liikhumi na tsibili tse kumutikhinyi, Yezu umweene weetsa isi bali nga akyeendela khu meetsi. 26Ne baleekelwa ni baamubona nga akyeendela khu meetsi baarya naabi, nga baloma bari, “Bona shisimu.” Baryo bahariina lwe khuurya khukali.
27Ni abweene awo, Yezu wabaloma ari, “Mukheyembelela ta. Ise niye Yezu. Mukharya ta.”
28Lwanyuma Petero wamuloma ari, “Musakhulu, noola iwe niye, indakile niitse is'uli nga injendela khu meetsi.”
29Yezu wamulomela ari, “Ni wiitse.” Aryo Petero warura mwikhoŋolo, wakyeendela khu meetsi nga atsya isi Yezu. 30Ne Petero n'abona imbewo iye kamaani, warya, aryo, warakikha khukhwisiikha mu meetsi. Ne welootsa khaangu ari, “Umukasya, n'umbonese.”
31Khaangukho Yezu wakolola kumukhono kweewe, wamukumila, nga aloma ari, “Iwe nga uli ni khufukiilila khufwiiti. Lwashiina wikanakaane?”
32Baryo Yezu ni Petero baniina mwikhoŋolo, ni mbewo yakama. 33Baryo ibo babaaba mwikhoŋolo, bamwisaaya nga baloma bari, “Ilala iwe uli Umwaana uwa Wele.”
Yezu awonesa balwaale i Genesareeti
(Mrk 6.53-56)
34Baryo Yezu ni baleekelwa beewe ni baamala khukhwambukha inyaantsa, boola khu lwoomu i Genesareeti. 35Ne babaandu b'eyo ni bamwofwasa nga niye Yezu, barumanisaka mu byaalo byeeyo bibihesanewo isi buli mundu, khureera balwaale boosi isi Yezu. 36Baryo bamwikontselela bari balwaale ibo batiilekho butiili khu ndulo khwe ngubo yeewe. Baryo boosi babatiilakho bawonesebwa.
Currently Selected:
Matayo 14: LCE
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.
Matayo 14
14
Khuufwa khwa Yohana Umubatisa
(Mrk 6.14-29; Luk 9.7-9)
1Mu bifukhu ibyo, Herode umuwuli, waba nga awulilaka lubuyi luluwamba khu Yezu. 2Kila alomela babakaanisi beewe ari, “Oyu niye Yohana Umubatisa! Walamukhile khukhwaama mu bafu, nisho shishikila akhola bye kamakaanga bino byoosi.”
3 #
Luk 3.19,20 Shino shaba shiryo lwekhuba Herode makiboolekho, awamba Yohana Umubatisa wamubowa, wamura mu mapuusu. Herode akhola shino khu lwa Herodiya, umukhasi wa wandaaye Filipo. 4#Lev 18.16; 20.21Yohana Umubatisa alomela Herode ari, “Shili she kumusilo iwe khuyila Herodiya, umukhasi wa wandaayo.” 5Aryo Herode wakana khukhwiira Yohana, ne warya lwe kamatuuli ke babaandu, lwekhuba babaandu bambaasa Yohana khuuba umuŋoosi.
6Shifukhu shoola khweesi Herode akabulilakho kamayiiya khu shifukhu she kamasaalikha keewe. Umukhaana wa Herodiya weetsa washinila iburaangisi waabwe, wekhoyesa naabi Herode. 7Ni abweene awo, Herode wamulomela nga etsuba ari, “Kane ikhuwe shishiindu shoosi sheesi kane unoombe.” 8Ne umukhaana n'amala khuboolelwa ni maayi weewe shiina she khuloomba, waloma ari, “Khu saawa yino, ingana wumbe kumurwe kwa Yohana Umubatisa nga kuli khu lweelo.” 9Umuyiinga kumutaambo kwamuwamba lukali, ne lwekhuba etsubila mu moni tse bakyeni beewe boosi beesi aba nabo khu mayiiya, walakila ari bawe umukhaana kumurwe kwa Yohana Umubatisa nga n'aloomba. 10Aryo walakila baatsya bakhalakho Yohana Umubatisa kumurwe mu mapuusu. 11Kumurwe tsana bakureera khu lweelo, bakuwa umukhaana, n'umukhaana naye wakuyilila maayi weewe. 12Baleekelwa ba Yohana beetsa basuta kumulaambo kweewe, bakuyila, bakusiikha. Lwanyuma baatsya baboolela Yezu byoosi bibyakholekha.
Yezu aliisa babaandu biikana biraano (5,000)
(Mrk 6.30-44; Luk 9.10-17; Yoh 6.1-14)
13Aryo Yezu n'awulila bino bibiwaamba khu Yohana Umubatisa, warurayo iyo, wambukhila mwikhoŋolo, watsya iyo yenyene, mu shiifwo mumukhali babaandu ta. Ne kamatuuli ke babaandu ni kawulila karyo, bamaka mu biriimba nga bakyeenda khumuloondakho. 14Ne Yezu n'amala khurura mwikhoŋolo, wabona lituuli lye babaandu bakali, wabawambila shiisa, wawonesa ibo boosi babaaba balwaale.
15Ne antsye ni bwaba nga bwilabula, baleekelwa beewe beetsa is'ali bamuloma bari, “Ano khuli mu mubiimbi, nalundi antsye bona bulikho bwilabula, siibula babaandu batsye beweentsele bye khulya mu byaalo esi kane babinyoole.”
16Yezu naye wabelamo ari, “Babaandu bano si baakha khuutsya ta. Inywe mwabeene ni mubawe shakhulya shishiiliwo balye.”
17Nabo baleekelwa bamwiilamo bari, “Ano khuliwo ni kimikaati kiraano kyonyene, ni tsinyeeni tsibili.”
18Lwanyuma Yezu wabelamo ari, “Ni mubindereere ano.” 19Aryo kila alakila babaandu khukhwikhala asi khu bunyaasi. Wabukula kimikaati tsana kiraano, ni tsinyeeni tsibili, wakalama mu ngaaki mwikulu, wasiima Wele. Aryo wamenyulamo kimikaati, wakiwa baleekelwa beewe, bakikabila babaandu. 20Babaandu boosi baalya, bekura. Lwanyuma baleekelwa ba Yezu babusanisa bubuya bubwarama, betsusa bibiipo liikhumi na bibili. 21Bukali bwe babaandu boosi babaalya baaba boola basaani biikana biraano (5,000), nga akhurakho bakhasi ni babaana ta.
Yezu akyeendela khu meetsi
(Mrk 6.45-52; Yoh 6.15-21)
22Khaangukho Yezu walakila baleekelwa beewe khuniina mu likhoŋolo, ari baraangile batsye shanjelekha we nyaantsa, nga niye n'ashiiramakho inyuma amale khusiibula lituuli lye babaandu. 23Ne lwanyuma n'amala khusiibula babaandu, waniina khu lukiingi khuloomba. Ne antsye ni bwelabula, waba nga ali yenyene ibweene iyo. 24Ne khu mbuka nyene yino, likhoŋolo lyaba lyamalile khukhwoola akari khu nyaantsa khukhwaama khu lwoomu, nga liyiyanisibwa ni khutumbuukha khwe kameetsi, ni mbewo ingali nga ibawuutsa khubaama ibweeni.
25Mu shilo isho, akari e tsisaawa nga sheenda namwe liikhumi na tsibili tse kumutikhinyi, Yezu umweene weetsa isi bali nga akyeendela khu meetsi. 26Ne baleekelwa ni baamubona nga akyeendela khu meetsi baarya naabi, nga baloma bari, “Bona shisimu.” Baryo bahariina lwe khuurya khukali.
27Ni abweene awo, Yezu wabaloma ari, “Mukheyembelela ta. Ise niye Yezu. Mukharya ta.”
28Lwanyuma Petero wamuloma ari, “Musakhulu, noola iwe niye, indakile niitse is'uli nga injendela khu meetsi.”
29Yezu wamulomela ari, “Ni wiitse.” Aryo Petero warura mwikhoŋolo, wakyeendela khu meetsi nga atsya isi Yezu. 30Ne Petero n'abona imbewo iye kamaani, warya, aryo, warakikha khukhwisiikha mu meetsi. Ne welootsa khaangu ari, “Umukasya, n'umbonese.”
31Khaangukho Yezu wakolola kumukhono kweewe, wamukumila, nga aloma ari, “Iwe nga uli ni khufukiilila khufwiiti. Lwashiina wikanakaane?”
32Baryo Yezu ni Petero baniina mwikhoŋolo, ni mbewo yakama. 33Baryo ibo babaaba mwikhoŋolo, bamwisaaya nga baloma bari, “Ilala iwe uli Umwaana uwa Wele.”
Yezu awonesa balwaale i Genesareeti
(Mrk 6.53-56)
34Baryo Yezu ni baleekelwa beewe ni baamala khukhwambukha inyaantsa, boola khu lwoomu i Genesareeti. 35Ne babaandu b'eyo ni bamwofwasa nga niye Yezu, barumanisaka mu byaalo byeeyo bibihesanewo isi buli mundu, khureera balwaale boosi isi Yezu. 36Baryo bamwikontselela bari balwaale ibo batiilekho butiili khu ndulo khwe ngubo yeewe. Baryo boosi babatiilakho bawonesebwa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.