Matayo 11
11
Yezu ni Yohana Umubatisa
(Luk 7.18-35)
1Nga Yezu wamalile aryo khuleekela baleekelwa beewe liikhumi na babili, warura mu shiifwo isho watsya khuleekela nalundi ni khuboolela mu biriimba bye Galilaaya.
2Ne Yohana Umubatisa nga ali mu mapuusu n'awulila byoosi byeesi Kristu aba ali khukhola, warumanayo baleekelwa beewe isi Yezu, 3ari batsye bamureebe bari, “Iwe niye uyo abe isi khuliindilila uli khukhwiitsa, namwe khuliindilileyo ukuundi?”
4Yezu wabelamo ari, “Ni mutsye muboolele Yohana Umubatisa byeesi muwulile ni byeesi muboone. 5#Isay 35.5,6 Isay 61.1Babofu babona, babalemala bakyeenda, ibo babaali ni bulwaale bwe bikeenge bawonesebwa, bamiinyi bekukha mu maru bawulila, baafu balamusibwa, ni Kamakhuuwa Kamalayi kaboolelwa isi bataambi. 6Ne ali ni khabi umuundu yeesi ukhantsikanakana ise ta.”
7Ne baleekelwa ba Yohana Umubatisa ni baaba nga batsya, Yezu wakanikha isi kamatuuli ke babaandu bibiwaamba khu Yohana mweene, nga aloma ari, “Inywe ni mwatsya isi Yohana mu mubiimbi, shiina sheesi mwatsiililila khubona? Khubona lukholo luluteengasibwa ni mbewo? 8Ne mwatsiililila khubona umuundu ufwana aryeena? Umuundu ukwarire tsingubo tsitsinyenanyena? Bona ibo babakwaara tsingubo tsitsinyenanyena bali mu lwanyi lw'omuyiinga. 9Ne ilala mwatsiililila khubona shiina? Khubona umuŋoosi? Ee, ilala imbaboolela ndi niye afuurira ilala umuŋoosi. 10#Mal 3.1Yohana oyu niye isi bibyaronebwa bikhosefu bilomakho biri, ‘Indirumana umurume wase iburaangisi woowo, ulikhuŋoonaŋoonela intsila yeesi ulikyeendelakho.’
11“Ilala imbaboolela ndi, mu baandu boosi babasaalikha khu shiibala khuno, mbaawo na mutweela ufuura Yohana Umubatisa ta. Ne khurusakho uyo ufuura bukyeekhe mu Buyiinga bwe mwikulu niye umukhulu khufuura Yohana mweene. 12#Luk 16.16Khukhwamila ilala khu bifukhu bya Yohana Umubatisa khukhwoolesa shaleelo, Buyiinga bwe mwikulu babwinjilamo ni khurekana, ni naabo babarekana nibo babuwamba ni kamaani. 13Bitabo bye baŋoosi ni kamakaambila ka Musa bikanikha khu Buyiinga bwe mwikulu khukhwoola khu Yohana Umubatisa. 14#Mal 4.5; Mat 17.10-13; Mrk 9.11-13Ne muba nga mumukana khufukiilila, Yohana uyo niye Eliya abe isi mwaliindilila. 15Uyo uli ni kamaru ke khuwulila n'awulile.
16“Ari babaandu be kumuboolo kuno imbakyelaase na shiina? Bafwanana nga babaana babekhaale mu khatale, nga balaangana ni bashaawe bari, 17‘Ifwe khwabakhupila kimilele ni inywe mwalekha khukana khushiina ta, ifwe khwabakhupila tsimuungu ne inywe mwalekha khwantsuwa ta.’
18“Yohana Umubatisa etsa nga abuya intsala nga s'alya biilyo namwe nga s'anywa iviini ta, ne babaandu boosi baloma bari, ‘Ali ni shisaambwa shiibi.’ 19Ne Umwaana w'Omuundu n'etsa nga naalya, nalundi nga anywa, babaandu tsana baloma bari, ‘Ali ni kumukhabyo nalundi umumeeli, umusaale we babusanisi be kumusolo ni baboonaki babaandi.’ Ne kamakyesi ka Wele kokyesanisibwa ni n'ebyo bibyaama mu makyesi keeneko.”
Kumutaambo isi biriimba bibikhafukiilila ta
(Luk 10.13-15)
20Aryo Yezu warakikha khukhwikiitsa biriimba mweesi akholela bye kamakaanga bibifuura bukali, ne byalekha khukhwibiiyisa ta. Kila aloma ari: 21#Isay 23.1-18; Ezek 26.1—28.26; Yow 3.4-8; Amos 1.9,10; Zek 9.2-4“Nga she kumutaambo isi iwe Korazini! Nga she kumutaambo n'isi nawe Besusaida! Lwekhuba bye kamakaanga bibyakholewela mwiinywe biba nga bibyakholewela i Tulo ni Sidoni, khali bebiiyisa bibyonako byaawe khaalekho, bekhala nga bakwaarire bitsina, behanyakakho likokhe, khukhwokesanisa bari bebiiyisile bibyonako. 22Ne ari imbaboolela ndi Wele aliwambila Tulo ni Sidoni shiisa khu shifukhu she khukhalilakho kimisaango khufuurisa inywe.
23 #
Isay 14.13-15
Rak 19.24-28
“Ni nawe Kaperunaumu, wakana khukhwiniinisa wamweene mwikulu? Ulikhisibwa asi i makoombe. Lwekhuba bye kamakaanga bibyakholewela mwiiwe biba nga bibyakholewela i Sodoma, khali shiriimba isho shishiiliwo khukhwoolesa ni shaleelo. 24#Mat 10.15; Luk 10.12Ne ari imbaboolela ndi, Wele aliwambila shiisa shiriimba isho Sodoma khu shifukhu she khukhalilakho kimisaango khufuurisa inywe.”
Yiitsa isiindi uwole
(Luk 10.21-22)
25Mu saawa iyo, Yezu waloma ari, “Paapa, Umukasya we mwikulu ni shiibala. Ikhusiima, lwekhuba bibiindu bino byoosi wabibisa babaandu be kamakyesi ni baleekele. Ne wabibimbulila ibo babaali babusheele busa. 26Niabweene Paapa wamweene washisiima uryo.
27 #
Yoh 3.35
Yoh 1.18; 10.15 “Paapa wase wayimambisa ise bibiindu byoosi. Nalundi mbaawo umuundu yeesi umanyile Umwaana ta, khurusakho Paapa yenyene. Nalundi mbaawo umanyile Paapa ta, khurusakho Umwaana yenyene, ni babaandu boosi beesi Umwaana akana khubabimbulila bibiwaamba khu Paapa.
28 #
Sir 6.24-30; 24.19; 51.23-26 “Aso, inywe mweesi babaluwile, lundi babasitowelelwe ni mwiitse is'ise, ni nase kane imbawe inywe khuwola. 29#Yer 6.16Ni muyile shisutwa shase, mushitwiikhe, muryo mwiyikile khwiise, lwekhuba ise ndi umukwalaafu lundi umuwolu mu mwoyo, ni nanywe mulinyoolela kimyoyo kyeenywe shiwolelo. 30Lwekhuba shisutwa shase si shili shisiro ta, nalundi shili shishaangu.”
Currently Selected:
Matayo 11: LCE
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.
Matayo 11
11
Yezu ni Yohana Umubatisa
(Luk 7.18-35)
1Nga Yezu wamalile aryo khuleekela baleekelwa beewe liikhumi na babili, warura mu shiifwo isho watsya khuleekela nalundi ni khuboolela mu biriimba bye Galilaaya.
2Ne Yohana Umubatisa nga ali mu mapuusu n'awulila byoosi byeesi Kristu aba ali khukhola, warumanayo baleekelwa beewe isi Yezu, 3ari batsye bamureebe bari, “Iwe niye uyo abe isi khuliindilila uli khukhwiitsa, namwe khuliindilileyo ukuundi?”
4Yezu wabelamo ari, “Ni mutsye muboolele Yohana Umubatisa byeesi muwulile ni byeesi muboone. 5#Isay 35.5,6 Isay 61.1Babofu babona, babalemala bakyeenda, ibo babaali ni bulwaale bwe bikeenge bawonesebwa, bamiinyi bekukha mu maru bawulila, baafu balamusibwa, ni Kamakhuuwa Kamalayi kaboolelwa isi bataambi. 6Ne ali ni khabi umuundu yeesi ukhantsikanakana ise ta.”
7Ne baleekelwa ba Yohana Umubatisa ni baaba nga batsya, Yezu wakanikha isi kamatuuli ke babaandu bibiwaamba khu Yohana mweene, nga aloma ari, “Inywe ni mwatsya isi Yohana mu mubiimbi, shiina sheesi mwatsiililila khubona? Khubona lukholo luluteengasibwa ni mbewo? 8Ne mwatsiililila khubona umuundu ufwana aryeena? Umuundu ukwarire tsingubo tsitsinyenanyena? Bona ibo babakwaara tsingubo tsitsinyenanyena bali mu lwanyi lw'omuyiinga. 9Ne ilala mwatsiililila khubona shiina? Khubona umuŋoosi? Ee, ilala imbaboolela ndi niye afuurira ilala umuŋoosi. 10#Mal 3.1Yohana oyu niye isi bibyaronebwa bikhosefu bilomakho biri, ‘Indirumana umurume wase iburaangisi woowo, ulikhuŋoonaŋoonela intsila yeesi ulikyeendelakho.’
11“Ilala imbaboolela ndi, mu baandu boosi babasaalikha khu shiibala khuno, mbaawo na mutweela ufuura Yohana Umubatisa ta. Ne khurusakho uyo ufuura bukyeekhe mu Buyiinga bwe mwikulu niye umukhulu khufuura Yohana mweene. 12#Luk 16.16Khukhwamila ilala khu bifukhu bya Yohana Umubatisa khukhwoolesa shaleelo, Buyiinga bwe mwikulu babwinjilamo ni khurekana, ni naabo babarekana nibo babuwamba ni kamaani. 13Bitabo bye baŋoosi ni kamakaambila ka Musa bikanikha khu Buyiinga bwe mwikulu khukhwoola khu Yohana Umubatisa. 14#Mal 4.5; Mat 17.10-13; Mrk 9.11-13Ne muba nga mumukana khufukiilila, Yohana uyo niye Eliya abe isi mwaliindilila. 15Uyo uli ni kamaru ke khuwulila n'awulile.
16“Ari babaandu be kumuboolo kuno imbakyelaase na shiina? Bafwanana nga babaana babekhaale mu khatale, nga balaangana ni bashaawe bari, 17‘Ifwe khwabakhupila kimilele ni inywe mwalekha khukana khushiina ta, ifwe khwabakhupila tsimuungu ne inywe mwalekha khwantsuwa ta.’
18“Yohana Umubatisa etsa nga abuya intsala nga s'alya biilyo namwe nga s'anywa iviini ta, ne babaandu boosi baloma bari, ‘Ali ni shisaambwa shiibi.’ 19Ne Umwaana w'Omuundu n'etsa nga naalya, nalundi nga anywa, babaandu tsana baloma bari, ‘Ali ni kumukhabyo nalundi umumeeli, umusaale we babusanisi be kumusolo ni baboonaki babaandi.’ Ne kamakyesi ka Wele kokyesanisibwa ni n'ebyo bibyaama mu makyesi keeneko.”
Kumutaambo isi biriimba bibikhafukiilila ta
(Luk 10.13-15)
20Aryo Yezu warakikha khukhwikiitsa biriimba mweesi akholela bye kamakaanga bibifuura bukali, ne byalekha khukhwibiiyisa ta. Kila aloma ari: 21#Isay 23.1-18; Ezek 26.1—28.26; Yow 3.4-8; Amos 1.9,10; Zek 9.2-4“Nga she kumutaambo isi iwe Korazini! Nga she kumutaambo n'isi nawe Besusaida! Lwekhuba bye kamakaanga bibyakholewela mwiinywe biba nga bibyakholewela i Tulo ni Sidoni, khali bebiiyisa bibyonako byaawe khaalekho, bekhala nga bakwaarire bitsina, behanyakakho likokhe, khukhwokesanisa bari bebiiyisile bibyonako. 22Ne ari imbaboolela ndi Wele aliwambila Tulo ni Sidoni shiisa khu shifukhu she khukhalilakho kimisaango khufuurisa inywe.
23 #
Isay 14.13-15
Rak 19.24-28
“Ni nawe Kaperunaumu, wakana khukhwiniinisa wamweene mwikulu? Ulikhisibwa asi i makoombe. Lwekhuba bye kamakaanga bibyakholewela mwiiwe biba nga bibyakholewela i Sodoma, khali shiriimba isho shishiiliwo khukhwoolesa ni shaleelo. 24#Mat 10.15; Luk 10.12Ne ari imbaboolela ndi, Wele aliwambila shiisa shiriimba isho Sodoma khu shifukhu she khukhalilakho kimisaango khufuurisa inywe.”
Yiitsa isiindi uwole
(Luk 10.21-22)
25Mu saawa iyo, Yezu waloma ari, “Paapa, Umukasya we mwikulu ni shiibala. Ikhusiima, lwekhuba bibiindu bino byoosi wabibisa babaandu be kamakyesi ni baleekele. Ne wabibimbulila ibo babaali babusheele busa. 26Niabweene Paapa wamweene washisiima uryo.
27 #
Yoh 3.35
Yoh 1.18; 10.15 “Paapa wase wayimambisa ise bibiindu byoosi. Nalundi mbaawo umuundu yeesi umanyile Umwaana ta, khurusakho Paapa yenyene. Nalundi mbaawo umanyile Paapa ta, khurusakho Umwaana yenyene, ni babaandu boosi beesi Umwaana akana khubabimbulila bibiwaamba khu Paapa.
28 #
Sir 6.24-30; 24.19; 51.23-26 “Aso, inywe mweesi babaluwile, lundi babasitowelelwe ni mwiitse is'ise, ni nase kane imbawe inywe khuwola. 29#Yer 6.16Ni muyile shisutwa shase, mushitwiikhe, muryo mwiyikile khwiise, lwekhuba ise ndi umukwalaafu lundi umuwolu mu mwoyo, ni nanywe mulinyoolela kimyoyo kyeenywe shiwolelo. 30Lwekhuba shisutwa shase si shili shisiro ta, nalundi shili shishaangu.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.