Malaki 4
4
Shiifukhu she khuukhala kimisaango
1Umukasya alikho aloma ari, “Shifukhu she khuukhalilakho kimisaango shilikho shiitsa, shikhoole. Abo boosi babeyiingayiinga ni baboonaki, bakhoonakisibwe. Khu shifukhu isho bakhookhebwe ni kumulilo, nio akile ilekhe khubawo kumuli kwaabwe namwe lusakya ta. 2Ne inywe mumuntsisaaya ise, kamaani kaase kakaawonesa kakhaababurukhile inywe nga inyaanga, mumenye aasi e tsisasani tsyayo tsindayi. Mukhesutake busa nga tsimoosi tsindoro tsyeesi balekhulile khukhwaama mu litaala. 3Umukasya aloma ari, khu shifukhu khweesi akhaakhalilekho kimisaango, inywe bakhosefu mukhaakhandakilile baboonaki aasi e bikele byeenywe, khulwekhuuba bakhaabe busa nga liikoshe.
4“Ni mushebulile kamakaambila k'omwakaanisi wase Musa, biilakilo n'indeekela byeesi ise namuweela niye khu lukiingi Horebu, ndi awe ba Isiraeli boosi.
5 #
Mat 11.14; 17.10-13; Mrk 9.11-13; Luk 1.17; Yoh 1.21 “Bona nga shifukhu isho shishiili khukhwoola ta, ise Umukasya, ikhaabasiindikhile inywe umuŋoosi Eliya. 6Niye akhaakile ibewo khuukanana akari e babaana ni ba paapa baabwe, nio akile ise indekhe khukhwiitsa noonakise shibala isho, nga imbirira mu shitsubo ta.”
Currently Selected:
Malaki 4: LCE
Highlight
Share
Copy
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.