Matayo 9
9
Yesu awonesa umusaani uwaba wakataala
(Mako 2.1-12; Luka 5.17-26)
1Lwanyuma Yesu waniina mu likhoŋolo, wambukha inyaantsa, woola mu shiriimba she waabwe. 2Ibweene iyo babaandu baamureerera umuundu uwaba nga wakataala, nga waakonele khu bulili bweewe. Ne Yesu n'abona khuufukiilila khwe babaandu babaamureera, waalomela umusaani uwaba wakataala ari, “Mwaana wase, yikumisa kumwoyo kwoowo. Bibyoonako byoowo byakhwiyakhiilwe.”
3Ne batweela khu baleekeli be kamakaambila ka Musa belomela bonyene bari, “Umusaani uyu afwotsola Wele.”
4Ne Yesu n'amanya bibyambaaso byaabwe, wabareeba ari, “Lwashiina mwaambaasa bibiindu biibi nga bino mu myoyo kyeenywe? 5Shishiindu shishaangu nisho shili; khuuloma umusaani umuleme yuno ndi, ‘Bibyoonako byoowo byakhwiyakhiilwe,’ namwe khuuloma ndi, ‘Yinyukha ukyeende?’ 6Ne nase kane imbokesanise indi Umwaana w'Omuundu ali ni bunyala khu shiibala khukhwiyakhila bibyoonako.” Lwanyuma kila Yesu aloma umusaani uwaba wakataala ari, “Yinyukha usute lusaamba lwoowo, wileyo ingo woowo.” 7Aryo umusaani wenyukha, waatsya ingo. 8Ne kamatuuli ke babaandu ni kaabona shino, baarya naabi, naluundi baabuyila Wele uwaha babaandu bunyala bubuufwaana buryo.
Yesu alaanga Matayo
(Mako 2.13-17; Luka 5.27-32)
9Lwanyuma nga Yesu waarulileyo, n'aba nga akyeenda atsya, waabona umusaani ulaangiwa Matayo nga wekhaale esi babuusanisila kumusolo. Kila Yesu waamuloma ari, “Inoondekho.” Matayo wenyukha waamuloondakho.
10 #
Luka 15.1,2 Lwanyumakho nga Yesu wekhaale mu ntsu ya Matayo, nga balya biilyo, babuusanisi be kumusolo bakali busa, ni babonaki babaandi beetsa bekhala baliila atweela ni Yesu, ni baleekelwa beewe. 11Ne Bafarisaayo balala ni baabona shino, baareeba baleekelwa ba Yesu bari, “Lwashiina umuleekeli weenywe ekhala waaliila atweela ni babuusanisi be kumusolo ni baboonaki babaandi?”
12Ne Yesu n'awulila aryo, wabeelamo ari, “Babaandu babaali baalamu sibali nibo babaakana umukaangi ta, akhali balwaale bonyene. 13#Mat 12.7; Hos 6.6Ne ni mutsye mwiyike kamakhulu ke shisharonebwa shishiloma shiri, ‘Ise ingana shiisa, ne akhuba tsisaayilo ta.’ Ise shineetsa khulaanga bakhosefu ta, ne njeeba babonaki.”
Shireebo khu bye khuubuya intsala
(Mako 2.18-22; Luka 5.33-39)
14Lwanyuma baleekelwa ba Yokana Umubatisa beetsa isi Yesu baamureeba bari, “Lwashiina ifwe ni Bafarisaayo khubuya intsala busheele, ne baleekelwa boowo sibabuya baryo ta?”
15Naye Yesu wabeelamo ari, “Shinyalikha bakyeni booyo ukhweele umukhasi khuuba mu mutaambo, nga ukhweele mweene uyo ashiiliwo ni nabo? Taawe! Ne bifukhu bilyoola byeesi uyo ukhweele aliibarusibwakho, ni nabo balibuya intsala.
16“Mbaawo umuundu unabila shishaapa she ngubo imbyaakha khu ngubo ingore ta. Lwekhuuba n'akhola aryo, isho shishinabiwilekho shiloosela khukhwinuula ingubo ingore tsana, ni kumwanya kubalaaha khufuuriisakho. 17Namwe mbaawo umuundu utsukha iviini inyana mu kungutsi tsingore ta. Lwekhuuba n'akhola aryo, tsikungutsi tsonuukha, tsonekha ni iviini tsana yatsutsukha. Ne khurusakho, iviini inyana itsukhiwa mu kungutsi tsiimbya, nio byoombi byaliindiwa bulayi.”
Umukhaana wa Yayiro n'umukhasi uwatiila khu ngubo ya Yesu
(Mako 5.21-43; Luka 8.40-56)
18Ne Yesu n'aba nga ashikanikha bino, aabawo umuwuli mutweela Umuyudaaya, uweetsa isi Yesu, waafukhamila aasi is'ali, waamuloma ari, “Umukhaana wase nio aama khuufwa ari, ne ni wiitse, umurekho kamakhono koowo nio alamukhe.” 19Aryo Yesu wenyukhilakho khaangukho, waamuloondakho, atweela ni baleekelwa beewe.
20Ne ni baaba nga batsya, umukhasi uwaba nga walwaala khukhwibeena kamafuki khuumala kimiiko liikhumi na kibili, wetsila imukoongo wa Yesu, waatiila khu ndulo khwe ngubo ya Yesu. 21Lwekhuuba elomela umweene mu mwoyo kweewe ari, “Ise ni kane indiile butiili khu ngubo yeewe, kane imbonesebwe.”
22Ne Yesu n'eshebukha inyuma, waabona umukhasi waamuloma ari, “Mukhaana wase, yikumisa kumwoyo kwoowo, lwe khuufukiilila khwoowo waawonisibwile.” Khu saawa nyene iyo, umukhasi waawonesebwa.
23Ne Yesu n'ola mu ntsu y'omuwuli Yayiro tsana uyo, waabona babaakhupa kimilele, ni lituuli lye babaandu nga bakhupa tsimuungu.#9.23 Abe Bayudaaya bapaangisa balili babaabalilila baafu baabwe. 24Yesu waabaloma ari, “Ni murure muno mweesi mutsye, umukhaana yuno wakhufwa ta, ne waakonele bukoni.” Baryo babaandu tsana baamutsekhelela busa. 25Ne lituuli lye babaandu ni lyamala khurusibwa ibulafu, Yesu wenjila mu ntsu mukari, wawaamba umukhaana kumukhono, aryo umukhaana wenyukha. 26Ni bilomo bino byafuma naabi mu shaalo isho shoosi.
Yesu awonesa basaani baabofu babili
27Aryo Yesu n'aarurayo iyo, nga n'abira atsya, basaani baabofu babili bamuloondakho, nga bayokesela angaaki bari, “Iwe Umwitsukhulu wa Dawudi#9.27 Bayudaaya beyikina bari Umuwonesi waabwe alyaama mu shikuuka sha Dawudi, shikila Umuwonesi bamulaanga bari Umwitsukhulu wa Dawudi. khuwaambile shiisa.”
28Aryo Yesu n'enjila mu ntsu, baabofu tsana beetsa is'ali, naye waabareeba ari, “Inywe mufukiilila muri ise inyala khuubawonesa?”
Nabo baamwiilamo bari, “Ee, Umukasya.”
29Lwanyuma Yesu waatiila khu moni tsaabwe, waaloma ari, “Khashikholekhe isi muli nga khuufukiilila khweenywe ni khuli.” 30Baryo tsimoni tsaabwe tsaabimbukha. Ne Yesu waabakhoonyakilila naabi ari, “Ni mubone muri, simuboolelakho umuundu yeesi khu shiindu shino ta.” 31Ne nibo ni baarurawo baatsya, baasalanisa bilomo bibiwaamba khu Yesu mu shaalo isho shoosi.
Yesu awonesa umusaani abe uuli wawuma
32Baryo basaani bano ni baaba nga barura baatsya, babaandu babaandi bareera isi Yesu umusaani wawuma, uwaba ataambisibwa ni kimisaambwa. 33Ne shisaambwa shiibi shino ni shawoonebwa khurura, umusaani uwaba wawuma waarakikha khuukanikha. Kamatuuli ke babaandu babaabawo belaliila busa nga baloma bari, “Ifwe abe khwakhubonatsakakho shishiindu nga shino mu Isiraeli ta.”
34 #
Mat 10.25; 12.24; Mako 3.22; Luka 11.15 Ne Bafarisaayo nibo baloma bari, “Oyu awoona kimisaambwa kimibi lwe bunyala bweesi aweebwa n'umukhulu wakyo.”
Yesu awaambila babaandu shiisa
35 #
Mat 4.23; Mako 1.39; Luka 4.44 Mu mbuka iyo, Yesu waaba nga akyeenda abira mu biriimba byoosi, ni mu byaalo, nga aleekelela mu ntsu tsye khukhwisaayilamo, nga aboolela kamakhuuwa kamalayi ke Buyiinga bwe mwikulu, naluundi nga awonesa tsindwaale tsoosi, ni khuutaambisibwa khwa buli saambo. 36#Bala 27.17; 1 Bay 22.17; 2 Kim 18.16; Ezek 34.5; Mako 6.34Aryo n'abona kamatuuli ke babaandu, waabawaambila shiisa, lwekhuuba baaba nga bataambisibwa lukali nga sibalikho ni buyeeti bwoosi ta, baaba baasalaniile busa nga kamasheese kakaakhalikho n'umwaayi ta. 37#Luka 10.2Kila Yesu alomela baleekelwa beewe ari, “Bye khuukyesa bili bikali, ne babakyesa nibo bakyeekhe. 38Aso, ni muloombe naabi isi Umukasya we bye khukyesa, arumane baraambi mwikyesa lyeewe.”
Currently Selected:
Matayo 9: LPE
Highlight
Copy
Compare
Share
Want to have your highlights saved across all your devices? Sign up or sign in
The Bible in Lumasaaba © Bible Society of Uganda, 2016.
Matayo 9
9
Yesu awonesa umusaani uwaba wakataala
(Mako 2.1-12; Luka 5.17-26)
1Lwanyuma Yesu waniina mu likhoŋolo, wambukha inyaantsa, woola mu shiriimba she waabwe. 2Ibweene iyo babaandu baamureerera umuundu uwaba nga wakataala, nga waakonele khu bulili bweewe. Ne Yesu n'abona khuufukiilila khwe babaandu babaamureera, waalomela umusaani uwaba wakataala ari, “Mwaana wase, yikumisa kumwoyo kwoowo. Bibyoonako byoowo byakhwiyakhiilwe.”
3Ne batweela khu baleekeli be kamakaambila ka Musa belomela bonyene bari, “Umusaani uyu afwotsola Wele.”
4Ne Yesu n'amanya bibyambaaso byaabwe, wabareeba ari, “Lwashiina mwaambaasa bibiindu biibi nga bino mu myoyo kyeenywe? 5Shishiindu shishaangu nisho shili; khuuloma umusaani umuleme yuno ndi, ‘Bibyoonako byoowo byakhwiyakhiilwe,’ namwe khuuloma ndi, ‘Yinyukha ukyeende?’ 6Ne nase kane imbokesanise indi Umwaana w'Omuundu ali ni bunyala khu shiibala khukhwiyakhila bibyoonako.” Lwanyuma kila Yesu aloma umusaani uwaba wakataala ari, “Yinyukha usute lusaamba lwoowo, wileyo ingo woowo.” 7Aryo umusaani wenyukha, waatsya ingo. 8Ne kamatuuli ke babaandu ni kaabona shino, baarya naabi, naluundi baabuyila Wele uwaha babaandu bunyala bubuufwaana buryo.
Yesu alaanga Matayo
(Mako 2.13-17; Luka 5.27-32)
9Lwanyuma nga Yesu waarulileyo, n'aba nga akyeenda atsya, waabona umusaani ulaangiwa Matayo nga wekhaale esi babuusanisila kumusolo. Kila Yesu waamuloma ari, “Inoondekho.” Matayo wenyukha waamuloondakho.
10 #
Luka 15.1,2 Lwanyumakho nga Yesu wekhaale mu ntsu ya Matayo, nga balya biilyo, babuusanisi be kumusolo bakali busa, ni babonaki babaandi beetsa bekhala baliila atweela ni Yesu, ni baleekelwa beewe. 11Ne Bafarisaayo balala ni baabona shino, baareeba baleekelwa ba Yesu bari, “Lwashiina umuleekeli weenywe ekhala waaliila atweela ni babuusanisi be kumusolo ni baboonaki babaandi?”
12Ne Yesu n'awulila aryo, wabeelamo ari, “Babaandu babaali baalamu sibali nibo babaakana umukaangi ta, akhali balwaale bonyene. 13#Mat 12.7; Hos 6.6Ne ni mutsye mwiyike kamakhulu ke shisharonebwa shishiloma shiri, ‘Ise ingana shiisa, ne akhuba tsisaayilo ta.’ Ise shineetsa khulaanga bakhosefu ta, ne njeeba babonaki.”
Shireebo khu bye khuubuya intsala
(Mako 2.18-22; Luka 5.33-39)
14Lwanyuma baleekelwa ba Yokana Umubatisa beetsa isi Yesu baamureeba bari, “Lwashiina ifwe ni Bafarisaayo khubuya intsala busheele, ne baleekelwa boowo sibabuya baryo ta?”
15Naye Yesu wabeelamo ari, “Shinyalikha bakyeni booyo ukhweele umukhasi khuuba mu mutaambo, nga ukhweele mweene uyo ashiiliwo ni nabo? Taawe! Ne bifukhu bilyoola byeesi uyo ukhweele aliibarusibwakho, ni nabo balibuya intsala.
16“Mbaawo umuundu unabila shishaapa she ngubo imbyaakha khu ngubo ingore ta. Lwekhuuba n'akhola aryo, isho shishinabiwilekho shiloosela khukhwinuula ingubo ingore tsana, ni kumwanya kubalaaha khufuuriisakho. 17Namwe mbaawo umuundu utsukha iviini inyana mu kungutsi tsingore ta. Lwekhuuba n'akhola aryo, tsikungutsi tsonuukha, tsonekha ni iviini tsana yatsutsukha. Ne khurusakho, iviini inyana itsukhiwa mu kungutsi tsiimbya, nio byoombi byaliindiwa bulayi.”
Umukhaana wa Yayiro n'umukhasi uwatiila khu ngubo ya Yesu
(Mako 5.21-43; Luka 8.40-56)
18Ne Yesu n'aba nga ashikanikha bino, aabawo umuwuli mutweela Umuyudaaya, uweetsa isi Yesu, waafukhamila aasi is'ali, waamuloma ari, “Umukhaana wase nio aama khuufwa ari, ne ni wiitse, umurekho kamakhono koowo nio alamukhe.” 19Aryo Yesu wenyukhilakho khaangukho, waamuloondakho, atweela ni baleekelwa beewe.
20Ne ni baaba nga batsya, umukhasi uwaba nga walwaala khukhwibeena kamafuki khuumala kimiiko liikhumi na kibili, wetsila imukoongo wa Yesu, waatiila khu ndulo khwe ngubo ya Yesu. 21Lwekhuuba elomela umweene mu mwoyo kweewe ari, “Ise ni kane indiile butiili khu ngubo yeewe, kane imbonesebwe.”
22Ne Yesu n'eshebukha inyuma, waabona umukhasi waamuloma ari, “Mukhaana wase, yikumisa kumwoyo kwoowo, lwe khuufukiilila khwoowo waawonisibwile.” Khu saawa nyene iyo, umukhasi waawonesebwa.
23Ne Yesu n'ola mu ntsu y'omuwuli Yayiro tsana uyo, waabona babaakhupa kimilele, ni lituuli lye babaandu nga bakhupa tsimuungu.#9.23 Abe Bayudaaya bapaangisa balili babaabalilila baafu baabwe. 24Yesu waabaloma ari, “Ni murure muno mweesi mutsye, umukhaana yuno wakhufwa ta, ne waakonele bukoni.” Baryo babaandu tsana baamutsekhelela busa. 25Ne lituuli lye babaandu ni lyamala khurusibwa ibulafu, Yesu wenjila mu ntsu mukari, wawaamba umukhaana kumukhono, aryo umukhaana wenyukha. 26Ni bilomo bino byafuma naabi mu shaalo isho shoosi.
Yesu awonesa basaani baabofu babili
27Aryo Yesu n'aarurayo iyo, nga n'abira atsya, basaani baabofu babili bamuloondakho, nga bayokesela angaaki bari, “Iwe Umwitsukhulu wa Dawudi#9.27 Bayudaaya beyikina bari Umuwonesi waabwe alyaama mu shikuuka sha Dawudi, shikila Umuwonesi bamulaanga bari Umwitsukhulu wa Dawudi. khuwaambile shiisa.”
28Aryo Yesu n'enjila mu ntsu, baabofu tsana beetsa is'ali, naye waabareeba ari, “Inywe mufukiilila muri ise inyala khuubawonesa?”
Nabo baamwiilamo bari, “Ee, Umukasya.”
29Lwanyuma Yesu waatiila khu moni tsaabwe, waaloma ari, “Khashikholekhe isi muli nga khuufukiilila khweenywe ni khuli.” 30Baryo tsimoni tsaabwe tsaabimbukha. Ne Yesu waabakhoonyakilila naabi ari, “Ni mubone muri, simuboolelakho umuundu yeesi khu shiindu shino ta.” 31Ne nibo ni baarurawo baatsya, baasalanisa bilomo bibiwaamba khu Yesu mu shaalo isho shoosi.
Yesu awonesa umusaani abe uuli wawuma
32Baryo basaani bano ni baaba nga barura baatsya, babaandu babaandi bareera isi Yesu umusaani wawuma, uwaba ataambisibwa ni kimisaambwa. 33Ne shisaambwa shiibi shino ni shawoonebwa khurura, umusaani uwaba wawuma waarakikha khuukanikha. Kamatuuli ke babaandu babaabawo belaliila busa nga baloma bari, “Ifwe abe khwakhubonatsakakho shishiindu nga shino mu Isiraeli ta.”
34 #
Mat 10.25; 12.24; Mako 3.22; Luka 11.15 Ne Bafarisaayo nibo baloma bari, “Oyu awoona kimisaambwa kimibi lwe bunyala bweesi aweebwa n'umukhulu wakyo.”
Yesu awaambila babaandu shiisa
35 #
Mat 4.23; Mako 1.39; Luka 4.44 Mu mbuka iyo, Yesu waaba nga akyeenda abira mu biriimba byoosi, ni mu byaalo, nga aleekelela mu ntsu tsye khukhwisaayilamo, nga aboolela kamakhuuwa kamalayi ke Buyiinga bwe mwikulu, naluundi nga awonesa tsindwaale tsoosi, ni khuutaambisibwa khwa buli saambo. 36#Bala 27.17; 1 Bay 22.17; 2 Kim 18.16; Ezek 34.5; Mako 6.34Aryo n'abona kamatuuli ke babaandu, waabawaambila shiisa, lwekhuuba baaba nga bataambisibwa lukali nga sibalikho ni buyeeti bwoosi ta, baaba baasalaniile busa nga kamasheese kakaakhalikho n'umwaayi ta. 37#Luka 10.2Kila Yesu alomela baleekelwa beewe ari, “Bye khuukyesa bili bikali, ne babakyesa nibo bakyeekhe. 38Aso, ni muloombe naabi isi Umukasya we bye khukyesa, arumane baraambi mwikyesa lyeewe.”
The Bible in Lumasaaba © Bible Society of Uganda, 2016.