Matayo 8
8
Yesu awonesa umusaani uwe bikeenge
(Mako 1.40-45; Luka 5.12-16)
1Yesu n'ekha khukhwaama khu lukiingi, kamatuuli makali ke babaandu kamuloondakho. 2Aabawo umusaani uwaba walwaala bulwaale bwe bikeenge.#8.2 Mu biseela ibyo, Bikeenge shamanyisatsaka bulwaale bwe lihaafu lwe kumubili bwoosi. Umweene yuno weetsa isi Yesu waafukhama aasi, waamuloma ari, “Umukasya noola ukana, unyala khukhuumpyeluusa.”
3Yesu wenyusa kumukhono kweewe wamuwaambakho, nga aloma ari, “Ilala ise ingana; n'upyeluukhe.” Lubaluba umusaani wawonesebwa bikeenge. 4#Lev 14.1-32Lwanyuma Yesu wamuloma ari, “Bona uri s'uboolelakho umuundu yeesi ta, ne n'utsye w'omusaayi wiyokesane, uweyo shiwaanwa sheesi Musa alakila, shibe shishiŋaŋasa isi babaandu.”
Khuufukiilila khw'omusilikhale umu Roma
(Luka 7.1-10)
5Yesu n'enjila mu Kaperunaumu, umusilikhale umukhulu Umu Roma waamwiitsayo, waamuloomba buyeeti nga aloma ari, 6“Musakhulu, umwakaanisi wase waakonele mu ntsu, wakataala, ali ni butsiina bukali.”
7Yesu waamwiilamo ari, “Kane niitse imuwonese.”
8Ne umusilikhale yuno waamuloma ari, “Umukasya, sishintsakhila iwe khukhwiitsa mu ntsu yase ta. Ne loma bulomi ilomo, n'umwakaanisi wase kane awone. 9Lwekhuuba ise nase indi umuundu uuli aasi e bakhulu, ni nase indi ni basilikhale babaali aasi aase. Ne ni noma mutweela ndi, ‘Tsya,’ naye atsya; n'ukuundi ndi, ‘Yiitsa,’ naye eetsa. Ise inoma umukulwa wase ndi, ‘Khola shino,’ naye ashikhola.”
10Ne Yesu n'awulila isho, weyaanga naabi, waaloma babaandu babaamuloondelela ari, “Ilala imbaboolela ndi, ishiili khubonatsakakho umuundu uli ni khuufukiilila nga khuno, ikhaba ni mu Isiraeli mwoosi ta. 11#Luka 13.29Luundi imbaboolela ndi, babaandu bakali baliitsa nga baama ibwamanyaanga ni bukwanyaanga, bekhale atweela ni Iburayimu, ni Isaaka, ni Yakobo, khu mayiiya mu Buyiinga bwe mwikulu. 12#Mat 22.13; 25.30; Luka 13.28Ne ibo babaandibeele babeene be Buyiinga, balituumibwa ibulafu mu shilima she antsye, ibweeneyo ilibayo khulila ni khukhwilumaka kameeno.”
13Lwanyuma Yesu waaloma umusilikhale umukhulu ari, “Tsya ingo, sheesi iwe ufukiililamo kane shikholikhe nga iwe n'ufukiilila.” N'umwakaanisi weewe waawonelawo mu saawa nyeneyo.
Yesu awonesa babaandu bakali
(Mako 1.29-34; Luka 4.38-41)
14Ne Yesu n'enjila mu ntsu ya Petero, waabona maayi umumasaala uwa Petero nga waakonele mu bulili lwekhuuba aaba walwaalile kamayima. 15Waamuwaamba khu mukhono, ni kamayima kaamururakho, wenyukha waawa Yesu she khulya.
16Ne antsye ni bwelabula, baamureerera babaandu bakali babaaba bataambisibwa ni kimisaambwa, naye aryo waawoona kimisaambwa ikyo nga araambisa shilomo, luundi nga awonesa boosi babaaba balwaale. 17#Isay 53.4Shino aashikhola khukhwoolelesa shishalomebwa n'umuŋoosi Yisaaya shiri, “Niye umweene aayila butsiina bweefwe, waasuta ni tsindwaale tseefwe.”
Khuuba umulondeleli uwa Yesu
(Luka 9.57-62)
18Yesu n'abona kamatuuli ke babaandu nga kamwibotokhelela, waalakila baleekelwa beewe ari bambukhe shanjelekha we inyaantsa. 19Lwanyuma umuleekeli we kamakaambila weetsa is'ali waamuloma ari, “Umuleekeli, kane ikhulondelelatsake buli oosi isi kane utsyatsake.”
20Yesu waamwiilamo ari, “Tsishipwe tsili ni kamalowo kaatso, ni binywiinywi bye mu ngaaki bili ni biiswi byabyo, ne Umwaana w'Omuundu s'ali ni isi anyala waara ni kumurwe kweewe ta.”
21Umuleekelwa ukuundi waamuloma ari, “Umukasya, n'undekhe inyoowe intsye isiikhe paapa wase nio.”
22Yesu waamwiilamo ari, “Inoondelele, ulekhe baafu basiikhe baafu baabwe.”#8.22 Abe mu Bayudaaya, ilomo iye khusiikha baafu ili ikhulu naabi. Shikila Yesu aleekela ari khumulondelela niye shili shifuura byoosi.
Yesu asilisa ikhuungu
(Mako 4.35-41; Luka 8.22-25)
23Lwanyuma Yesu waaniina mwikhoŋolo, ni baleekelwa beewe baamuloondakho. 24Lubaluba abalukhawo ikhuungu iye kamaani yeetsa yawuutsa khu nyaantsa, ni kameetsi kaatirira naabi keenga khumila ni likhoŋolo. Ne Yesu aba ali mwiilo akona. 25Baleekelwa baatsya baamusisimusa nga baloma bari, “Umukasya, khuwonese, khwahela!”
26Yesu waabaloma ari, “Lwashiina muba ni khuurya khukali, inywe babaali ni khuufukiilila khufwiiti?” Aryo wenyukha waakhookhela imbewo ni khuutumbuukha khwe inyaantsa, aryo abawo khuukwalaala khukali.
27Basaani tsana beyaanga busa nga baloma bari, “Musaani shiina yuno? Bona imbewo ni khuutumbuukha khwe inyaantsa nabyo bimuwulila!”
Yesu awonesa basaani babili
(Mako 5.1-20; Luka 8.26-39)
28Ne Yesu n'ola shanjelekha she inyaantsa mu shaalo she Bagerasene, basaani babili abe babataambisibwa ni kimisaambwa baamwakaanana, nga baama mu mafuluma keesi basiikhatsakamo baafu. Basaani bano babaabakho kimisaambwa kimibi nga bali barafu naabi, nga mbaawo n'umuundu ubirirakho mu ntsila iyo ta. 29Boombi baalomela angaaki ni likono likali bari, “Iwe Umwaana wa Wele, ukhufunisa ifwe shiina? Weetsile khuukhuwa shitaambiso nga isaawa inyene ishiili khukhwoola ta?”
30Khukhwaama isi baaba, aleeyikho khakyeekhe, aabawo likana lye tsimbiitsi tsingali nga tsaaya. 31Kimimakoombe kyekontselela Yesu kiri, “Noola ukhuwoona, ukhusindikha khutsye mu likana lye tsimbiitsi.”
32Naye Yesu waakilomela ari, “Tsya!” Nakyo kyaarura mu basaani, kyaafulumukha kyaweela mu mbiitsi, ni likana lyoosi lyaarindimukha, lyaselengela ilumya, lyaweela mu nyaantsa, lyahelela mu meetsi. 33Babaayi be tsimbiitsi baatitukha, baatsya mu shiriimba, baaboola kamakhuuwa koosi, ni nebyo bibyakholekha khu basaani baabili, babaaba bataambisibwa ni kimisaambwa. 34Baryo babaandu boosi be mu shiriimba isho beetsa khukhwakaanana Yesu, ne ni bamubona, bamwikontselela bari arure mu shisiintsa shaawe.
Currently Selected:
Matayo 8: LPE
Highlight
Copy
Compare
Share
Want to have your highlights saved across all your devices? Sign up or sign in
The Bible in Lumasaaba © Bible Society of Uganda, 2016.
Matayo 8
8
Yesu awonesa umusaani uwe bikeenge
(Mako 1.40-45; Luka 5.12-16)
1Yesu n'ekha khukhwaama khu lukiingi, kamatuuli makali ke babaandu kamuloondakho. 2Aabawo umusaani uwaba walwaala bulwaale bwe bikeenge.#8.2 Mu biseela ibyo, Bikeenge shamanyisatsaka bulwaale bwe lihaafu lwe kumubili bwoosi. Umweene yuno weetsa isi Yesu waafukhama aasi, waamuloma ari, “Umukasya noola ukana, unyala khukhuumpyeluusa.”
3Yesu wenyusa kumukhono kweewe wamuwaambakho, nga aloma ari, “Ilala ise ingana; n'upyeluukhe.” Lubaluba umusaani wawonesebwa bikeenge. 4#Lev 14.1-32Lwanyuma Yesu wamuloma ari, “Bona uri s'uboolelakho umuundu yeesi ta, ne n'utsye w'omusaayi wiyokesane, uweyo shiwaanwa sheesi Musa alakila, shibe shishiŋaŋasa isi babaandu.”
Khuufukiilila khw'omusilikhale umu Roma
(Luka 7.1-10)
5Yesu n'enjila mu Kaperunaumu, umusilikhale umukhulu Umu Roma waamwiitsayo, waamuloomba buyeeti nga aloma ari, 6“Musakhulu, umwakaanisi wase waakonele mu ntsu, wakataala, ali ni butsiina bukali.”
7Yesu waamwiilamo ari, “Kane niitse imuwonese.”
8Ne umusilikhale yuno waamuloma ari, “Umukasya, sishintsakhila iwe khukhwiitsa mu ntsu yase ta. Ne loma bulomi ilomo, n'umwakaanisi wase kane awone. 9Lwekhuuba ise nase indi umuundu uuli aasi e bakhulu, ni nase indi ni basilikhale babaali aasi aase. Ne ni noma mutweela ndi, ‘Tsya,’ naye atsya; n'ukuundi ndi, ‘Yiitsa,’ naye eetsa. Ise inoma umukulwa wase ndi, ‘Khola shino,’ naye ashikhola.”
10Ne Yesu n'awulila isho, weyaanga naabi, waaloma babaandu babaamuloondelela ari, “Ilala imbaboolela ndi, ishiili khubonatsakakho umuundu uli ni khuufukiilila nga khuno, ikhaba ni mu Isiraeli mwoosi ta. 11#Luka 13.29Luundi imbaboolela ndi, babaandu bakali baliitsa nga baama ibwamanyaanga ni bukwanyaanga, bekhale atweela ni Iburayimu, ni Isaaka, ni Yakobo, khu mayiiya mu Buyiinga bwe mwikulu. 12#Mat 22.13; 25.30; Luka 13.28Ne ibo babaandibeele babeene be Buyiinga, balituumibwa ibulafu mu shilima she antsye, ibweeneyo ilibayo khulila ni khukhwilumaka kameeno.”
13Lwanyuma Yesu waaloma umusilikhale umukhulu ari, “Tsya ingo, sheesi iwe ufukiililamo kane shikholikhe nga iwe n'ufukiilila.” N'umwakaanisi weewe waawonelawo mu saawa nyeneyo.
Yesu awonesa babaandu bakali
(Mako 1.29-34; Luka 4.38-41)
14Ne Yesu n'enjila mu ntsu ya Petero, waabona maayi umumasaala uwa Petero nga waakonele mu bulili lwekhuuba aaba walwaalile kamayima. 15Waamuwaamba khu mukhono, ni kamayima kaamururakho, wenyukha waawa Yesu she khulya.
16Ne antsye ni bwelabula, baamureerera babaandu bakali babaaba bataambisibwa ni kimisaambwa, naye aryo waawoona kimisaambwa ikyo nga araambisa shilomo, luundi nga awonesa boosi babaaba balwaale. 17#Isay 53.4Shino aashikhola khukhwoolelesa shishalomebwa n'umuŋoosi Yisaaya shiri, “Niye umweene aayila butsiina bweefwe, waasuta ni tsindwaale tseefwe.”
Khuuba umulondeleli uwa Yesu
(Luka 9.57-62)
18Yesu n'abona kamatuuli ke babaandu nga kamwibotokhelela, waalakila baleekelwa beewe ari bambukhe shanjelekha we inyaantsa. 19Lwanyuma umuleekeli we kamakaambila weetsa is'ali waamuloma ari, “Umuleekeli, kane ikhulondelelatsake buli oosi isi kane utsyatsake.”
20Yesu waamwiilamo ari, “Tsishipwe tsili ni kamalowo kaatso, ni binywiinywi bye mu ngaaki bili ni biiswi byabyo, ne Umwaana w'Omuundu s'ali ni isi anyala waara ni kumurwe kweewe ta.”
21Umuleekelwa ukuundi waamuloma ari, “Umukasya, n'undekhe inyoowe intsye isiikhe paapa wase nio.”
22Yesu waamwiilamo ari, “Inoondelele, ulekhe baafu basiikhe baafu baabwe.”#8.22 Abe mu Bayudaaya, ilomo iye khusiikha baafu ili ikhulu naabi. Shikila Yesu aleekela ari khumulondelela niye shili shifuura byoosi.
Yesu asilisa ikhuungu
(Mako 4.35-41; Luka 8.22-25)
23Lwanyuma Yesu waaniina mwikhoŋolo, ni baleekelwa beewe baamuloondakho. 24Lubaluba abalukhawo ikhuungu iye kamaani yeetsa yawuutsa khu nyaantsa, ni kameetsi kaatirira naabi keenga khumila ni likhoŋolo. Ne Yesu aba ali mwiilo akona. 25Baleekelwa baatsya baamusisimusa nga baloma bari, “Umukasya, khuwonese, khwahela!”
26Yesu waabaloma ari, “Lwashiina muba ni khuurya khukali, inywe babaali ni khuufukiilila khufwiiti?” Aryo wenyukha waakhookhela imbewo ni khuutumbuukha khwe inyaantsa, aryo abawo khuukwalaala khukali.
27Basaani tsana beyaanga busa nga baloma bari, “Musaani shiina yuno? Bona imbewo ni khuutumbuukha khwe inyaantsa nabyo bimuwulila!”
Yesu awonesa basaani babili
(Mako 5.1-20; Luka 8.26-39)
28Ne Yesu n'ola shanjelekha she inyaantsa mu shaalo she Bagerasene, basaani babili abe babataambisibwa ni kimisaambwa baamwakaanana, nga baama mu mafuluma keesi basiikhatsakamo baafu. Basaani bano babaabakho kimisaambwa kimibi nga bali barafu naabi, nga mbaawo n'umuundu ubirirakho mu ntsila iyo ta. 29Boombi baalomela angaaki ni likono likali bari, “Iwe Umwaana wa Wele, ukhufunisa ifwe shiina? Weetsile khuukhuwa shitaambiso nga isaawa inyene ishiili khukhwoola ta?”
30Khukhwaama isi baaba, aleeyikho khakyeekhe, aabawo likana lye tsimbiitsi tsingali nga tsaaya. 31Kimimakoombe kyekontselela Yesu kiri, “Noola ukhuwoona, ukhusindikha khutsye mu likana lye tsimbiitsi.”
32Naye Yesu waakilomela ari, “Tsya!” Nakyo kyaarura mu basaani, kyaafulumukha kyaweela mu mbiitsi, ni likana lyoosi lyaarindimukha, lyaselengela ilumya, lyaweela mu nyaantsa, lyahelela mu meetsi. 33Babaayi be tsimbiitsi baatitukha, baatsya mu shiriimba, baaboola kamakhuuwa koosi, ni nebyo bibyakholekha khu basaani baabili, babaaba bataambisibwa ni kimisaambwa. 34Baryo babaandu boosi be mu shiriimba isho beetsa khukhwakaanana Yesu, ne ni bamubona, bamwikontselela bari arure mu shisiintsa shaawe.
The Bible in Lumasaaba © Bible Society of Uganda, 2016.