Matayo 10
10
Baarume liikhumi na babili
(Mako 3.13-19; Luka 6.12-16)
1Yesu walaanga baleekelwa beewe liikhumi na babili, wabawa bunyala bwe khuwoonatsaka kimisaambwa kimibi, ni khuwonesatsaka buli ndwaale, na buli butsiina bwoosi. 2Ni kamasina ke baarume beene liikhumi na babili niko kano: uwanyoowa niye Simoni (ulaangiwa Petero) ni wandaaye Andereya; Yakobo ni wandaaye Yokana, nga boombi babaana ba Zebedaayo; 3Filipo ni Batolomayo; Tomasi ni Matayo, uwaba umubuusanisi we kumusolo; Yakobo umuwana wa Alufayo; ni Tadewo; 4Simoni uwaba atsiinikhila naabi linaambo lyeewe (beesi balaanga bari Zelote); ni Yuda Isikalyoti, niye uwalyamo Yesu luwomelo.
Yesu arumana baarume liikhumi na babili
(Mako 6.7-13; Luka 9.1-6)
5Yesu waarumana basaani bano liikhumi na babili, nga abalomela ari, “Mukhatsyakho mu shisiintsa shoosi she Banaambo ta, namwe mukhenjilakho mu shiriimba shoosi she Basamariya ta. 6Ne shilayi mutsye isi kamasheese kakakoraana ke mu ntsu ya Isiraeli. 7Ni muba nga mutsya, mulaangilile muri, ‘Buyiinga bwe mwikulu bwolele ambi.’ 8Muwonese balwaale, mulamuse baafu, muwonese ibo babaali ni bulwaale bwe bikeenge, naluundi muwoonatsake kimisaambwa kimibi. Inywe mwawebwele busa nga mbaawo sheesi musasuule ta, ni nanywe muryo ni muwanatsake busa. 9Mukhasuta izaabu, namwe ifeeza, namwe tsinusu musutilo tseenywe ta. 10#1 Kor 9.14; 1 Tim 5.18Namwe mukhasuta isutilo ye lukyeendo ta, namwe tsingubo tsibili ta, namwe bilaalo ta, namwe imiimbo iye khukhwitiila ta. Lwekhuuba umuraambi akhila kumukheemba kweewe kweebyo bibimwakhila.
11“Ne mu buli shiriimba namwe shishaalo sheesi mwinjilamo, mutsya muweentse umuundu umulayi, unyala wabakaanila, mumenye w'omweene uyo, khukhwoolesa ni mururayo. 12Ni muba nga mwinjila mu ntsu, musheesatsaka abo babaakilimo. 13Ne mu ntsu umwo ni mubamo babaandu babaabakaanila, khuusheesa khweenywe khwe lukoosi khurame khu nibo. Ne ni baba nga sibaakhila ta, khuusheesa khweenywe khwe lukoosi khukobolatsake isi muli. 14#Bur 13.51Ne muungo mwoosi, namwe shiriimba shoosi isi bekaana khubekhoyela, namwe baalekha khubawulilisa bilomo byeenywe ta, ni muba nga murura mu ntsu iyo, namwe mu shiriimba isho, musisakulatsaka lufuumbi luluuli khu bikyele byeenywe. 15#Mat 11.24; Rak 19.24-28#Luka 10.4-12Ilala imbaloma ndi, khu shifukhu she khuukhalilakho kimisaango, Wele aliwaambila babaandu be mu shiriimba Sodoma, ni Gomora#10.15 Bino byaba biriimba byeesi Wele aahesa lwe bumoyaani bwaabwe mu muboolo kwa Iburayimu. shiisa khufuurisa babaandu be mu shiriimba isho.”
Bitaambiso bibiliitsa
(Mako 13.9-13; Luka 21.12-17)
16 #
Luka 10.3
Yesu weloosela waabalomela ari, “Bona ise imbarumana nga kamasheese akari mu bitsuutse. Nashiryo, ni mube ni kamakyesi nga tsindemu, naluundi mube baawolu nga kamawuusi.
17 #
Mako 13.9-11; Luka 12.11,12; 21.12-15 “Ne ni mwiliinde babaandu, lwekhuuba balibawaamba babawaaneyo isi tsimbuusano tse Bayudaaya, naluundi babakhupile tsimiimbo mu ntsu tsye khukhwisaayilamo. 18Ni lwe khuubafunisa ise, balibakhweeselesa, babayile isi bawuli, ni bayiinga, nio mube bajulisi baase isi nibo, ni isi Banaambo. 19Ne ni kane babawaaneyo, mukheyembelela lwe byeesi munyala khukanikha ta, namwe isaambo isi munyala khuukanikhamo ta, lwekhuuba mu saawa inyene iyo, muliweebwa byeesi muliloma. 20Lwekhuuba bilomo byeesi muliloma sibiliiba bibyeenywe ta, ne bilyaama isi Umwoyo wa Paapa weenywe, nga niye ukanikhila mus'iinywe.
21 #
Mako 13.12; Luka 21.16 “Babaandu baliwaanayo babandaayabwe khukhwiribwa, ba paapa balikhola shishiindu sheene nisho shitweela isi babaana baabwe, ni babaana nabo balinyukhila basaali baabwe babeere. 22#Mat 24.9; Mako 13.13; Luka 21.17; Mat 24.13; Mako 13.13Babaandu boosi balibabiiyila inywe, lwe khuubafunisa lisiina lyase. Ne uyo ulihandalala khukhwoolesa ibumaliliso, niye uliwonesebwa. 23Ne ni balibataambisila mu shiriimba shitweela, mwilukhila mu shiriimba shiindi. Ilala imbaboolela ndi Umwaana w'Omuundu aliitsa nga mushiili na khumalilisa kumulimo kweenywe mu biriimba byoosi bya Isiraeli ta.
24 #
Luka 6.40;
Yok 13.16; 15.20 “Mbaawo umuleekelwa ufuura umuleekeli weewe ta, namwe mbaawo umwakaanisi ufuura umukoosi weewe ta. 25#Mat 9.34; 12.24; Mako 3.22; Luka 11.15Ne umuleekelwa shiba shimumala, n'aba wekyelile nga umuleekeli weewe, n'umwakaanisi khukhwikyela nga umukoosi weewe. Baryo babaandu ni baba nga balaangile umweene muungo khuuba Belizebuli, sibalifuurisakho naabi khulaanga be muungo mweewe baryo!
Naanu isi khwaakha khuurya
(Luka 12.2-7)
26 #
Mako 4.22; Luka 8.17 “Nashiryo, mukharya babaandu ta. Lwekhuuba mbaawo shishabiimbiwakho shishikhalibonesebwa ta, namwe shishabisibwa shishikhalimanyikha ta. 27Ise sheesi imbaboolela mu shilima, mushilomatsaka mu lubuula; ni sheesi muwulilila mu shimoonyo mushilaangilila khu ntsu khu ngaaki. 28Mukharya ibo babeera kumubili ne baalekha khunyala khukhwiira kumwoyo ta. Khurusakho ni muryatsake uyo unyala khuwesa kumubili ni kumwoyo kweene atweela mu mulilo kukukhasima ta. 29Banamundyoole babili sibanyala khukulisibwamo liŋooti litweela? Ne mbaawo na mutweela khu nibo unyala wakwa aasi nga Paapa weenywe akhumanya ta. 30Ne inywe ni litsuune liliili khu mirwe kyeenywe lyoosi lyamala khaale ni khubaliwa. 31Ni nashiryo, mukharya ta, inywe be lisuno likali khufuura banamundyoole bakali.
Khuubuula ni khukhwikaana Kristo
(Luka 12.8-9)
32“Aso, buli muundu yeesi uwibuula ari ali uwase mu moni tse babaandu, ni nase ndyo indimubuula isi Paapa wase uli mwikulu. 33#2 Tim 2.12Ne buli muundu yeesi uwuntsikaanila mu moni tse babaandu, nase ndyo indimwikaanila mu moni tsa Paapa wase uuli mwikulu.
Khukhwawukhanisa ne akhuba lukoosi ta
(Luka 12.51-53; 14.26-27)
34“Inywe mukhambaasa muri ise neetsa khuureera lukoosi khu shiibala ta. Ne ise neetsa khuureera lurima lwe khukhwawukhana. 35#Miik 7.6Lwekhuuba ise neetsa khureerawo khukhaandisana akari o mwaana umusiinde ni paapawe; akari o mwaana umukhaana ni maayiwe, akari o mukhaana umumasaala ni maayiwe umumasaala. 36Ni basiku boowo babafuura buubi kane babatsake be mu ntsu yoowo.
37“Umuundu yeesi ukana naabi paapawe namwe maayiwe, namwe babaana beewe besiinde, namwe be khaana, khufuurisa ise, s'akhila khuuba umuleekelwa wase ta. 38#Mat 16.24; Mako 8.34; Luka 9.23Ne uyo ukhakane asute kumusalaba kweewe anoondelele ise, aba s'akhila ni khuuba umuleekelwa wase ta. 39#Mat 16.25; Mako 8.35; Luka 9.24; 17.33; Yok 12.25Uyo ukhakakho khuwonesa buulamu bweewe, alibufwilwa, ni nooyo ufwila buulamu bweewe khu lwase, alibunyoola.
Biwaanwa
(Mako 9.41)
40 #
Luka 10.16; Yok 13.20;
Mako 9.37; Luka 9.48 “Umuundu yeesi ubakaanila inywe, aba wantsakaaniile ise, ni nooyo uwuntsakaanila ise, aba wakaaniile uyo uwanduma ise. 41Umuundu yeesi uwakaanila umuŋoosi lwekhuuba ali umuŋoosi, alifuna shiwaanwa shishaakhila umuŋoosi. Ni nooyo uwakaanila umuundu umukwalaafu lwekhuuba ali umukwalaafu, umuundu uyo alinyoola shiwaanwa shishaakhila umuundu umukwalaafu. 42Ne buli muundu yeesi uwakho mutweela khu bakyeekhe bano kameetsi kamanyire ke khuunywa lwekhuuba bari ali umuleekelwa wase, ilala imbaloma ndi, umuundu uyo alifuna kumukheemba kweewe.”
Currently Selected:
Matayo 10: LPE
Highlight
Copy
Compare
Share
Want to have your highlights saved across all your devices? Sign up or sign in
The Bible in Lumasaaba © Bible Society of Uganda, 2016.
Matayo 10
10
Baarume liikhumi na babili
(Mako 3.13-19; Luka 6.12-16)
1Yesu walaanga baleekelwa beewe liikhumi na babili, wabawa bunyala bwe khuwoonatsaka kimisaambwa kimibi, ni khuwonesatsaka buli ndwaale, na buli butsiina bwoosi. 2Ni kamasina ke baarume beene liikhumi na babili niko kano: uwanyoowa niye Simoni (ulaangiwa Petero) ni wandaaye Andereya; Yakobo ni wandaaye Yokana, nga boombi babaana ba Zebedaayo; 3Filipo ni Batolomayo; Tomasi ni Matayo, uwaba umubuusanisi we kumusolo; Yakobo umuwana wa Alufayo; ni Tadewo; 4Simoni uwaba atsiinikhila naabi linaambo lyeewe (beesi balaanga bari Zelote); ni Yuda Isikalyoti, niye uwalyamo Yesu luwomelo.
Yesu arumana baarume liikhumi na babili
(Mako 6.7-13; Luka 9.1-6)
5Yesu waarumana basaani bano liikhumi na babili, nga abalomela ari, “Mukhatsyakho mu shisiintsa shoosi she Banaambo ta, namwe mukhenjilakho mu shiriimba shoosi she Basamariya ta. 6Ne shilayi mutsye isi kamasheese kakakoraana ke mu ntsu ya Isiraeli. 7Ni muba nga mutsya, mulaangilile muri, ‘Buyiinga bwe mwikulu bwolele ambi.’ 8Muwonese balwaale, mulamuse baafu, muwonese ibo babaali ni bulwaale bwe bikeenge, naluundi muwoonatsake kimisaambwa kimibi. Inywe mwawebwele busa nga mbaawo sheesi musasuule ta, ni nanywe muryo ni muwanatsake busa. 9Mukhasuta izaabu, namwe ifeeza, namwe tsinusu musutilo tseenywe ta. 10#1 Kor 9.14; 1 Tim 5.18Namwe mukhasuta isutilo ye lukyeendo ta, namwe tsingubo tsibili ta, namwe bilaalo ta, namwe imiimbo iye khukhwitiila ta. Lwekhuuba umuraambi akhila kumukheemba kweewe kweebyo bibimwakhila.
11“Ne mu buli shiriimba namwe shishaalo sheesi mwinjilamo, mutsya muweentse umuundu umulayi, unyala wabakaanila, mumenye w'omweene uyo, khukhwoolesa ni mururayo. 12Ni muba nga mwinjila mu ntsu, musheesatsaka abo babaakilimo. 13Ne mu ntsu umwo ni mubamo babaandu babaabakaanila, khuusheesa khweenywe khwe lukoosi khurame khu nibo. Ne ni baba nga sibaakhila ta, khuusheesa khweenywe khwe lukoosi khukobolatsake isi muli. 14#Bur 13.51Ne muungo mwoosi, namwe shiriimba shoosi isi bekaana khubekhoyela, namwe baalekha khubawulilisa bilomo byeenywe ta, ni muba nga murura mu ntsu iyo, namwe mu shiriimba isho, musisakulatsaka lufuumbi luluuli khu bikyele byeenywe. 15#Mat 11.24; Rak 19.24-28#Luka 10.4-12Ilala imbaloma ndi, khu shifukhu she khuukhalilakho kimisaango, Wele aliwaambila babaandu be mu shiriimba Sodoma, ni Gomora#10.15 Bino byaba biriimba byeesi Wele aahesa lwe bumoyaani bwaabwe mu muboolo kwa Iburayimu. shiisa khufuurisa babaandu be mu shiriimba isho.”
Bitaambiso bibiliitsa
(Mako 13.9-13; Luka 21.12-17)
16 #
Luka 10.3
Yesu weloosela waabalomela ari, “Bona ise imbarumana nga kamasheese akari mu bitsuutse. Nashiryo, ni mube ni kamakyesi nga tsindemu, naluundi mube baawolu nga kamawuusi.
17 #
Mako 13.9-11; Luka 12.11,12; 21.12-15 “Ne ni mwiliinde babaandu, lwekhuuba balibawaamba babawaaneyo isi tsimbuusano tse Bayudaaya, naluundi babakhupile tsimiimbo mu ntsu tsye khukhwisaayilamo. 18Ni lwe khuubafunisa ise, balibakhweeselesa, babayile isi bawuli, ni bayiinga, nio mube bajulisi baase isi nibo, ni isi Banaambo. 19Ne ni kane babawaaneyo, mukheyembelela lwe byeesi munyala khukanikha ta, namwe isaambo isi munyala khuukanikhamo ta, lwekhuuba mu saawa inyene iyo, muliweebwa byeesi muliloma. 20Lwekhuuba bilomo byeesi muliloma sibiliiba bibyeenywe ta, ne bilyaama isi Umwoyo wa Paapa weenywe, nga niye ukanikhila mus'iinywe.
21 #
Mako 13.12; Luka 21.16 “Babaandu baliwaanayo babandaayabwe khukhwiribwa, ba paapa balikhola shishiindu sheene nisho shitweela isi babaana baabwe, ni babaana nabo balinyukhila basaali baabwe babeere. 22#Mat 24.9; Mako 13.13; Luka 21.17; Mat 24.13; Mako 13.13Babaandu boosi balibabiiyila inywe, lwe khuubafunisa lisiina lyase. Ne uyo ulihandalala khukhwoolesa ibumaliliso, niye uliwonesebwa. 23Ne ni balibataambisila mu shiriimba shitweela, mwilukhila mu shiriimba shiindi. Ilala imbaboolela ndi Umwaana w'Omuundu aliitsa nga mushiili na khumalilisa kumulimo kweenywe mu biriimba byoosi bya Isiraeli ta.
24 #
Luka 6.40;
Yok 13.16; 15.20 “Mbaawo umuleekelwa ufuura umuleekeli weewe ta, namwe mbaawo umwakaanisi ufuura umukoosi weewe ta. 25#Mat 9.34; 12.24; Mako 3.22; Luka 11.15Ne umuleekelwa shiba shimumala, n'aba wekyelile nga umuleekeli weewe, n'umwakaanisi khukhwikyela nga umukoosi weewe. Baryo babaandu ni baba nga balaangile umweene muungo khuuba Belizebuli, sibalifuurisakho naabi khulaanga be muungo mweewe baryo!
Naanu isi khwaakha khuurya
(Luka 12.2-7)
26 #
Mako 4.22; Luka 8.17 “Nashiryo, mukharya babaandu ta. Lwekhuuba mbaawo shishabiimbiwakho shishikhalibonesebwa ta, namwe shishabisibwa shishikhalimanyikha ta. 27Ise sheesi imbaboolela mu shilima, mushilomatsaka mu lubuula; ni sheesi muwulilila mu shimoonyo mushilaangilila khu ntsu khu ngaaki. 28Mukharya ibo babeera kumubili ne baalekha khunyala khukhwiira kumwoyo ta. Khurusakho ni muryatsake uyo unyala khuwesa kumubili ni kumwoyo kweene atweela mu mulilo kukukhasima ta. 29Banamundyoole babili sibanyala khukulisibwamo liŋooti litweela? Ne mbaawo na mutweela khu nibo unyala wakwa aasi nga Paapa weenywe akhumanya ta. 30Ne inywe ni litsuune liliili khu mirwe kyeenywe lyoosi lyamala khaale ni khubaliwa. 31Ni nashiryo, mukharya ta, inywe be lisuno likali khufuura banamundyoole bakali.
Khuubuula ni khukhwikaana Kristo
(Luka 12.8-9)
32“Aso, buli muundu yeesi uwibuula ari ali uwase mu moni tse babaandu, ni nase ndyo indimubuula isi Paapa wase uli mwikulu. 33#2 Tim 2.12Ne buli muundu yeesi uwuntsikaanila mu moni tse babaandu, nase ndyo indimwikaanila mu moni tsa Paapa wase uuli mwikulu.
Khukhwawukhanisa ne akhuba lukoosi ta
(Luka 12.51-53; 14.26-27)
34“Inywe mukhambaasa muri ise neetsa khuureera lukoosi khu shiibala ta. Ne ise neetsa khuureera lurima lwe khukhwawukhana. 35#Miik 7.6Lwekhuuba ise neetsa khureerawo khukhaandisana akari o mwaana umusiinde ni paapawe; akari o mwaana umukhaana ni maayiwe, akari o mukhaana umumasaala ni maayiwe umumasaala. 36Ni basiku boowo babafuura buubi kane babatsake be mu ntsu yoowo.
37“Umuundu yeesi ukana naabi paapawe namwe maayiwe, namwe babaana beewe besiinde, namwe be khaana, khufuurisa ise, s'akhila khuuba umuleekelwa wase ta. 38#Mat 16.24; Mako 8.34; Luka 9.23Ne uyo ukhakane asute kumusalaba kweewe anoondelele ise, aba s'akhila ni khuuba umuleekelwa wase ta. 39#Mat 16.25; Mako 8.35; Luka 9.24; 17.33; Yok 12.25Uyo ukhakakho khuwonesa buulamu bweewe, alibufwilwa, ni nooyo ufwila buulamu bweewe khu lwase, alibunyoola.
Biwaanwa
(Mako 9.41)
40 #
Luka 10.16; Yok 13.20;
Mako 9.37; Luka 9.48 “Umuundu yeesi ubakaanila inywe, aba wantsakaaniile ise, ni nooyo uwuntsakaanila ise, aba wakaaniile uyo uwanduma ise. 41Umuundu yeesi uwakaanila umuŋoosi lwekhuuba ali umuŋoosi, alifuna shiwaanwa shishaakhila umuŋoosi. Ni nooyo uwakaanila umuundu umukwalaafu lwekhuuba ali umukwalaafu, umuundu uyo alinyoola shiwaanwa shishaakhila umuundu umukwalaafu. 42Ne buli muundu yeesi uwakho mutweela khu bakyeekhe bano kameetsi kamanyire ke khuunywa lwekhuuba bari ali umuleekelwa wase, ilala imbaloma ndi, umuundu uyo alifuna kumukheemba kweewe.”
The Bible in Lumasaaba © Bible Society of Uganda, 2016.