1 Petero KHUKHWAANTSULA
KHUKHWAANTSULA
Ibaluwa inyoowa iya Petero yaronebwa isi bafukiilisi mu Kristo, beesi niye alaanga ari “Babaandu ba Wele baarobole,” babaaba baasalanila mu shisiintsa she ngaaki sha Asiya. Ilomo ikhulu mu baluwa yino nikhwo khukhwisamo basomi be baluwa yino kamaani lwekhuuba baaba bakubyeengewa naluundi bataambisibwa lwe khufukiilila khwawe. Umuroni yuno shino ashikhola nga ashebusa basomi Kamakhuuwa kamalayi kakawaamba khu Yesu Kristo, nga aloma ari lwe khuufwa khweewe, ni khulamukha, ni khukobola khweewe khukhwasuubisibwa, khubawa kumwiyikino. Ni lwe lomo yino bafukiilisi bakhiile bafukiilile, luundi bekhalilikhe khutaambisibwa, nga bashimanyila ilala bari khuno khuli khukhakibwa khwe khufukiilila khwawe noola khuli khwa ŋali, naluundi bashimanye bari baliweebwa kumukheemba khu “Shifukhu khweesi Yesu Kristo alibonekhelakho.”
Khulooselakho khu lomo yino iye khukhwisamo basomi kamaani mu mbuka iye khutaambisibwa, umuroni yuno akhupilisa basomi khumenya nga babaandu babaali ba Kristo.
Inoondekhana iye bibiilimo
Khukhwaantsula (1.1-2)
Khuukhwiyikina khulamu (1.3-12)
Khuulaangibwa isi bulamu bukhosefu (1.13—2.10)
Buufunisi bwe Bafukiilisi mu bikosi (2.11—4.19)
Buuwolu ni bubwakaanisi (5.1-11)
Khuusheesa khuumalilisi (5.12-14)
Currently Selected:
1 Petero KHUKHWAANTSULA: LPE
Highlight
Copy
Compare
Share
Want to have your highlights saved across all your devices? Sign up or sign in
The Bible in Lumasaaba © Bible Society of Uganda, 2016.