1 Yokana KHUKHWAANTSULA
KHUKHWAANTSULA
Ibaluwa ya Yokana Inyoowa ili ni bitsiilililwa bibili.
Shishinyoowa, nisho she khukhupilisa basomi be baluwa yino khuuba mu butweela ni Wele naluundi n'Umwaana weewe Yesu Kristo mu bulamu bwaabwe.
She khabili, nikhwo khureewula basomi balekhe khulondelela indeekela ikhali iyaŋali ta, inyala khukhwonakisa butweela bwaabwe. Indeekela iyo yimikha khu ndeekela iloma iri, khukhwoneka khwaama mu khuraambakana ni shiibala shino shishiilimo bibiindu byeesi khubona. Nashiryo, Yesu nga Umwaana wa Wele abe sishanyalikhilakho ilala khuuba umuundu uli ni kumubili ta. Baleekeli bano be bubeeyi baaba baloma bari, umuundu khuuwonesebwa aakha alekhe khuuba ni khuuraambakana ni bulamu bwe shiibala shino.
Naluundi baleekela bari, buwonesi mbaawo esi buwaambakanila ni bibiindu bibiwaamba khukhwibirisa bulayi, namwe ni khuukana babaandu basheefwe ta.
Mu khukhabisanisa indeekela imbi yino, umuroni we baluwa yino aŋaŋasila ilala ari, Yesu Kristo aaba Umuundu ilala, naluundi ashihangasila ilala ari, ibo boosi babafukiilila mu Yesu, naluundi baaba ni khuukana isi Wele, baakha babe nga bakanana bonyene na bonyene.
Inoondekhana iye bibiilimo
Khukhwaantsula (1.1-4)
Buwaanga ni shishiilima (1.5—2.29)
Babaana ba Wele ni babaana ba Sitaani (3.1-24)
Bwaŋali ni bubeeyi (4.1-6)
Buufunisi bwe khukana (4.7-21)
Khuufukiilila khukhuuwula shiibala (5.1-21)
Currently Selected:
1 Yokana KHUKHWAANTSULA: LPE
Highlight
Copy
Compare
Share
Want to have your highlights saved across all your devices? Sign up or sign in
The Bible in Lumasaaba © Bible Society of Uganda, 2016.