1 Yokana 1

Shilomo shishireera buulamu

1 # Yok 1.1 Khubaronela inywe khu biwaamba

khu Shilomo shishireera buulamu,

shishabawo khukhwaama makiboole.

Shilomo shino khwashiwulila,

khwashibonakho ni tsimoni tseefwe khwashilolakho,

luundi khwashiwaambakho ni kamakhono keefwe.

Nisho sheesi khukanikhakho.

2 # Yok 1.14 Bulamu ubwo nibwo bubwabonekha, ni nafwe khwabubona, khwabuwakho bujulisi nga khubukanikhakho, naluundi khwababoolela inywe bye buulamu ubwo bubukhawawo ta, bubwabawo ni Paapa, bwakhubonekhela ni nafwe. 3Ifwe byeesi khwabona, luundi khwawulila, nibyo byeesi khubaboolela nanywe, nio mube mu butweela ni nafwe, ni butweela bweefwe ibwo buli ni Paapa, n'Umwaana weewe, Yesu Kristo. 4Khubaronela bino nio kumwikhoyo kweefwe kube kumwitsufu.

Wele niye buwaanga

5Buno nibwo buurume bweesi khwawulila khukhwaama isi Umwaana weewe Yesu Kristo, luundi nibwo bweesi khwababoolela inywe; khuri, Wele niye Buwaanga, ni mu niye simulimo shishiilima na khafwiiti khoosi ta.

6Ne nikhuloma khuri khuli ni butweela ni Wele, n'enga khukyendela mushiilima, khuba khuli babeeyi, luundi khuba sikhukyendela mu bwa ŋali ta. 7Ne ni khuba nga khukyendela mu buwaanga, nga naye n'ali mu buwaanga, khuba khuli mu butweela fwenyene na fwenyene. Ni kamafuki ka Yesu, Umwaana weewe, kakhusiingakho ifwe bibyoonako byoosi.

8Ifwe ni khuloma khuri sikhulikho ni shishonako ta, khuba khwiwombesa busa fwabeene, naluundi khuba nga si khulimo bwa ŋali ta mus'iifwe ta. 9Ne siinga ifwe khwibiiyisa bibyoonako byeefwe, Wele niye ali umwiyikinwa luundi umukwalaafu. Niye kane akhwiyakhile ifwe bibyoonako byeene, naluundi niye akhupyeluuse ifwe khukhwaama mu bye bubwoonaki bweefwe.

10Ni khuloma khuri, khushiili khwonakakho ta, khuba khukalusa Wele khuuba umubeeyi, ni shilomo sheewe shiba sishili ni shiifwo mu bulamu bweefwe ta.

Currently Selected:

1 Yokana 1: LPE

Highlight

Copy

Compare