Mat 2
2
1 #
Luk 2,1-7. Awo Yezu bwe yazaalibwa e Beteleemu ekya Yuda, mu mirembe gya kabaka Erode, abasajja bakalimagezi ne bava e Buvanjuba ne bajja e Yeruzaalemu nga bagamba nti: 2#Emiw 24,17. “Kabaka w'Abayudaaya oyo azaaliddwa ali ludda wa! Kubanga twalaba emmunyeenye ye mu Buvanjuba ne tujja okumusinza.” 3Kabaka Erode bwe yawulira, ne yeeraliikirira, ne Yeruzaalemu kyonna ne kyeraliikirira wamu naye. 4N'akuŋŋaanya bakabona abakulu bonna n'abawandiisi b'abantu, n'ababuuliriza ku Kristu gy'alizaalibwa. 5#Yow 7,42. Bo ne bamugamba nti: “Mu Beteleemu eky'omu Yuda; kubanga bwe kiti bwe kyawandiikibwa omulanzi nti: 6#Mik 5,2. ‘Naawe Beteleemu, ensi ya Yuda, ddala si ggwe asingayo obutene mu bafuzi b'omu Buyudaaya, kubanga mu ggwe mwe muliva omufuzi alifuga abantu bange Yisirayeli.’ ”
7Awo Erode n'ayita abasajja bakalimagezi mu kyama, n'ababuuliriza amanye ebbanga emmunyeenye lye yalabikiramu. 8N'abasindika e Beteleemu nga bw'abagamba nti: “Mugende munoonyereze bulungi ku mwana oyo; bwe mubanga mumulabye, mumbuulire, nange nzije mmusinze.”
9Bwe baamala okuwulira ebya kabaka, ne bagenda. Amangu ago emmunyeenye gye baalaba e Buvanjuba n'ebakulemberamu okutuusa lwe yatuuka n'eyimirira waggulu omwana we yali. 10Bwe baalaba emmunyeenye, ne bajaguza n'essanyu lingi nnyo. 11Bwe baayingira mu nyumba, ne balabamu omwana wamu ne Mariya nnyina, ne bavunnama, ne bamusinza. Ne basumulula amakula gaabwe, ne bamutonera ebirabo: zaabu, obubaani ne mirra. 12Naye bwe baalabulibwa mu kirooto obutadda wa Erode, ne badda mu nsi yaaboobwe nga bayitira mu kkubo eddala.
Okuddukira e Misiri; abaana abato battibwa
13Bwe baamala okugenda, malayika w'Omukama n'alabikira Yozefu mu kirooto, n'amugamba nti: “Golokoka otwale omwana ne nnyina, oddukire e Misiri, obeere eyo okutuusa lwe ndikugamba, kubanga Erode wuuyo agenda kunoonya omwana okumutta.” 14N'agolokoka, n'atwala omwana ne nnyina ekiro, n'asitula okulaga e Misiri. 15#Okuv 4,22; Emiw 23,22; Oz 11,1.N'abeera eyo okutuusa Erode lwe yafa, Omukama kye yagamba ng'ayita mu mulanzi kituukirire, nti: “Nayita mutabani wange okuva mu Misiri.” 16Erode bwe yalaba ng'abasajja bakalimagezi bamuguumaazizza, n'akalala nnyo; n'atuma n'atta mu Beteleemu ne mu byalo ebiriraanyeewo abaana bonna ab'obulenzi abaakamala emyaka ebiri n'okukka wansi, ng'alabira mu biro byennyini bye yabuulirizaamu abasajja bakalimagezi. 17Omulanzi Yeremiya kye yalanga ne kituukirira, nti:
18 #
Yer 31,15. “Eddoboozi lyawulirwa mu Rama;
okulira n'emiranga eminene;
Rakeli ng'akaabira abaana be;
tayagala na kukubagizibwa,
kubanga tewakyali n'omu.”
Okuva mu Misiri n'okusenga mu Nazareti
19Awo Erode bwe yamala okufa, malayika w'Omukama n'alabikira Yozefu mu kirooto e Misiri, n'amugamba nti: 20“Golokoka, kwata omwana ne nnyina, ogende mu nsi ya Yisirayeli, kubanga abaali banoonya omwana okumutta baafa.” 21N'agolokoka, n'akwata omwana ne nnyina, n'agenda mu nsi ya Yisirayeli. 22Naye bwe yawulira nga Arikelawo y'afuga Buyudaaya mu kifo kya kitaawe Erode, n'atya okugenda eyo; bwe yalabulibwa mu kirooto, n'adda mu ssaza ly'e Galilaaya. 23#Mar 1,24; Luk 2,39; Yow 1,45.Bwe yatuuka eyo, n'asenga mu kibuga ekiyitibwa Nazareti; bwe kityo abalanzi kye baayogera kituukirire, nti: “Aliyitibwa Munazareewo.”
II. YEZU YEETEGEKERA OKUYIGIRIZA
Yowanna Batista ayigiriza
Currently Selected:
Mat 2: BIBU1
Highlight
Share
Copy
Want to have your highlights saved across all your devices? Sign up or sign in
BIBULIYA ENTUKUVU SECOND EDITION © The Bible Society of Uganda, 2018.