Zakaria 6
6
1Mi ŋman pilim nya wenŋmazuk ale ka wusuma torokoba banaansi ale za mi niŋ, ba jam nyini ka guuta tiye suŋsuŋ po, ti jam ka kutuk mɔnta guuta. 2Wusum toroko kuui ale dɛ niŋ la a jam ta ka wusum mɔnta, ate buui ale saari buyewa la a ta sobluk 3ate buui ale saari butawa la a ta peeluk, ate buui ale saari bunaansiwa la nyiŋka a jam ka ŋmiŋmiruk. Ba meena a jam pagra kama. 4Mi yaa bek maarɔwa ayen ka wana ale poom a biisi ale mi la, <<M nyɔnɔ, ŋade ale boa?>
5Wenŋmazuk maarɔwa yaa tulisi mi ayen, <<Wenŋmazuk vaata tinaansiwa ale nna, a nyini nyɔnɔwa jigi a cheŋ tɛŋka meena. 6Waai ale ta wusum sobtaŋa la a cheŋ ka tɛŋ kaai ale bo wiilukku geŋsa la po, waai ale ta wusum peetaŋa la, a cheŋ va yeniŋ geŋsa, ate waai ale ta wusum ŋmiŋmiritaŋa la mɛ a cheŋ a va yeseoku geŋsa.>>
7Ase wusum ŋaai ale pagra la ale ga nyini la, ŋa kasim jaa yienti kama ayen ŋa nyini a kpesi tɛŋka meena ale ka diila. Wenŋmazuk maarɔwa yaa weeni ayen, <<Ni be cheŋ ga kpesi ka.>> Dila nyiŋ ŋa be sum jam cheŋ tɛŋka meena kama. 8Ate wa yaa ŋman wi mi ayen, <<Baai ale a cheŋ wiiluk tɛŋka geŋsa la mi Chiika ale vuusi wiiluk tɛŋka po.>>
9Naawen wanni a jan jam mi jigi ayen, 10<<Tuesi kpana ale ligmɔniŋ a nyini Yeldai ale Tobijaya ale Jedaya ale jam cheŋ ga bo Babilon ale ŋman pilim jam la jigi. Dai dila danni dek cheŋ Zefania nidoabinni Josia yenni. 11Pai kpana ale ligmɔniŋ a nye naam zutɔk a ta cheŋ ga vuk Josua kaabteerɔ kpioŋku ale ka Jeyozadak nidoabinni la zuk. 12Weeni wa ayen Naawen Dii Ale A Dɛ Tugurik Tɔŋdɔma Niŋ La ale a weeni ayen, <Nuruwa de ate ba a wi wa ayen, Tiimu Naŋka La, naŋ kala ale ka teeri a sɛ Naawen yenni. 13Ka wala ale za wa sɛ Naawen yenni, ate ba ale pai nalima gatta a jo wa ate wa ale kali naam zukpaglika zuk a dɛ wa naamu. Wa ale chim ka kaabteerɔ wa naam zukpaglika zuk. Ate nɔiyeŋ ale bo bayewa suŋsuŋ.> 14Naam zutɔkka ale te ka Yelem ale Tobijaya ale Jedaya ale Yen ale ka Zefania nidoabinni la teerika Naawen yenni po. 15Baai ale yalima la ale jam a maari ate Naawen yenni a sɛ, ate nama ale miŋ ayen Naawen Dii Ale A Dɛ Tugurik Tɔŋdɔma Niŋ La ale sum tom mi ni jigi, kude ale nye kama ase nama nin kasim a zuli mi Naawen ni Wenni.>>
Currently Selected:
Zakaria 6: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Zakaria 6
6
1Mi ŋman pilim nya wenŋmazuk ale ka wusuma torokoba banaansi ale za mi niŋ, ba jam nyini ka guuta tiye suŋsuŋ po, ti jam ka kutuk mɔnta guuta. 2Wusum toroko kuui ale dɛ niŋ la a jam ta ka wusum mɔnta, ate buui ale saari buyewa la a ta sobluk 3ate buui ale saari butawa la a ta peeluk, ate buui ale saari bunaansiwa la nyiŋka a jam ka ŋmiŋmiruk. Ba meena a jam pagra kama. 4Mi yaa bek maarɔwa ayen ka wana ale poom a biisi ale mi la, <<M nyɔnɔ, ŋade ale boa?>
5Wenŋmazuk maarɔwa yaa tulisi mi ayen, <<Wenŋmazuk vaata tinaansiwa ale nna, a nyini nyɔnɔwa jigi a cheŋ tɛŋka meena. 6Waai ale ta wusum sobtaŋa la a cheŋ ka tɛŋ kaai ale bo wiilukku geŋsa la po, waai ale ta wusum peetaŋa la, a cheŋ va yeniŋ geŋsa, ate waai ale ta wusum ŋmiŋmiritaŋa la mɛ a cheŋ a va yeseoku geŋsa.>>
7Ase wusum ŋaai ale pagra la ale ga nyini la, ŋa kasim jaa yienti kama ayen ŋa nyini a kpesi tɛŋka meena ale ka diila. Wenŋmazuk maarɔwa yaa weeni ayen, <<Ni be cheŋ ga kpesi ka.>> Dila nyiŋ ŋa be sum jam cheŋ tɛŋka meena kama. 8Ate wa yaa ŋman wi mi ayen, <<Baai ale a cheŋ wiiluk tɛŋka geŋsa la mi Chiika ale vuusi wiiluk tɛŋka po.>>
9Naawen wanni a jan jam mi jigi ayen, 10<<Tuesi kpana ale ligmɔniŋ a nyini Yeldai ale Tobijaya ale Jedaya ale jam cheŋ ga bo Babilon ale ŋman pilim jam la jigi. Dai dila danni dek cheŋ Zefania nidoabinni Josia yenni. 11Pai kpana ale ligmɔniŋ a nye naam zutɔk a ta cheŋ ga vuk Josua kaabteerɔ kpioŋku ale ka Jeyozadak nidoabinni la zuk. 12Weeni wa ayen Naawen Dii Ale A Dɛ Tugurik Tɔŋdɔma Niŋ La ale a weeni ayen, <Nuruwa de ate ba a wi wa ayen, Tiimu Naŋka La, naŋ kala ale ka teeri a sɛ Naawen yenni. 13Ka wala ale za wa sɛ Naawen yenni, ate ba ale pai nalima gatta a jo wa ate wa ale kali naam zukpaglika zuk a dɛ wa naamu. Wa ale chim ka kaabteerɔ wa naam zukpaglika zuk. Ate nɔiyeŋ ale bo bayewa suŋsuŋ.> 14Naam zutɔkka ale te ka Yelem ale Tobijaya ale Jedaya ale Yen ale ka Zefania nidoabinni la teerika Naawen yenni po. 15Baai ale yalima la ale jam a maari ate Naawen yenni a sɛ, ate nama ale miŋ ayen Naawen Dii Ale A Dɛ Tugurik Tɔŋdɔma Niŋ La ale sum tom mi ni jigi, kude ale nye kama ase nama nin kasim a zuli mi Naawen ni Wenni.>>
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation