Zakaria 5
5
1Mi ŋman nya ale ka gbaŋ ale yiti a bo wenŋmazuk! 2Wa yaa bek mi ayen, <<Ka boa ate fi nya?>> Mi yaa tulisi wa ayen, <<Mi nya ka gbaŋ ale wɔŋa a paari anamagib pisinaansi ale ŋman labsa a paari anamagib pisiye a bo wenŋmazuk.>>
3Ate wa weeni sak mi ayen, <<Gbaŋka nyiŋka a ŋmarisi ka kika sii ale za si jam tɛŋka meena zuk. Ku ŋmarisi kama ayen, ba za ba yiak zueba ale baai ale a nye venta pɛka a bo tɛŋka po la kama. 4Naawen Dii Ale A Dɛ Tugurik Tɔŋdɔma Niŋ La ale weeni ayen, <M le tom m wanni ate di jo zuewa yenni po ale waai ale pai mi yuenni a nye venta pɛka la yenni po. Di ale wari a bo wa yenni a ga kaasi di, di ale kaasi di daataŋa ale di tanaŋa meena.> >>
5Ate Wen maarɔ waai ale a biisi ale mi la yaa jam zaani mi niŋ, a weeni sak mi ayen, <<Zak nya wenŋmazuk dii ale a nye la.>> 6Mi yaa bek ayen, <<Ka boa ale la?>> Wa yaa tulisi mi ayen, <<Ka magsika busik.>> Ate wa ŋman weeni a gum du ayen, <<Kude a sak ka nuruma meena ale bo tɛŋka po la wabaataŋa ale soa diila.>> 7Ba ale lak busika kuta nanlikka la, nipok ale jam kala busika po! 8Wenŋmazuk maarɔwa jaa weeni kama ayen, <<Nipowa de a magsi chaab ale ka gaasa,>> Ate wa ŋman tusi wa a basi ka po a yaa pai nanlikka a lik wa basi du.
9Ate mi zak nya wenŋmazuk ale nipooba baye ale viok a bo ba kiŋkaŋŋa po ase jumbaliiruk la, ba yaa zak busika wenŋmazuk ale tɛŋzuk suŋsuŋ. 10Mi yaa jam bek maarɔwa ayen, <<Ba ta busika a cheŋ ka bɛ?>> 11Wa yaa jam tulisi mi ayen, <<Mi ta a cheŋ ka Sinar demma tɛŋka ayen m sɛ yeri a te ka. Ase ku dan gomsi a nueri, busika ale bo dula ka jigini.>>
Currently Selected:
Zakaria 5: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Zakaria 5
5
1Mi ŋman nya ale ka gbaŋ ale yiti a bo wenŋmazuk! 2Wa yaa bek mi ayen, <<Ka boa ate fi nya?>> Mi yaa tulisi wa ayen, <<Mi nya ka gbaŋ ale wɔŋa a paari anamagib pisinaansi ale ŋman labsa a paari anamagib pisiye a bo wenŋmazuk.>>
3Ate wa weeni sak mi ayen, <<Gbaŋka nyiŋka a ŋmarisi ka kika sii ale za si jam tɛŋka meena zuk. Ku ŋmarisi kama ayen, ba za ba yiak zueba ale baai ale a nye venta pɛka a bo tɛŋka po la kama. 4Naawen Dii Ale A Dɛ Tugurik Tɔŋdɔma Niŋ La ale weeni ayen, <M le tom m wanni ate di jo zuewa yenni po ale waai ale pai mi yuenni a nye venta pɛka la yenni po. Di ale wari a bo wa yenni a ga kaasi di, di ale kaasi di daataŋa ale di tanaŋa meena.> >>
5Ate Wen maarɔ waai ale a biisi ale mi la yaa jam zaani mi niŋ, a weeni sak mi ayen, <<Zak nya wenŋmazuk dii ale a nye la.>> 6Mi yaa bek ayen, <<Ka boa ale la?>> Wa yaa tulisi mi ayen, <<Ka magsika busik.>> Ate wa ŋman weeni a gum du ayen, <<Kude a sak ka nuruma meena ale bo tɛŋka po la wabaataŋa ale soa diila.>> 7Ba ale lak busika kuta nanlikka la, nipok ale jam kala busika po! 8Wenŋmazuk maarɔwa jaa weeni kama ayen, <<Nipowa de a magsi chaab ale ka gaasa,>> Ate wa ŋman tusi wa a basi ka po a yaa pai nanlikka a lik wa basi du.
9Ate mi zak nya wenŋmazuk ale nipooba baye ale viok a bo ba kiŋkaŋŋa po ase jumbaliiruk la, ba yaa zak busika wenŋmazuk ale tɛŋzuk suŋsuŋ. 10Mi yaa jam bek maarɔwa ayen, <<Ba ta busika a cheŋ ka bɛ?>> 11Wa yaa jam tulisi mi ayen, <<Mi ta a cheŋ ka Sinar demma tɛŋka ayen m sɛ yeri a te ka. Ase ku dan gomsi a nueri, busika ale bo dula ka jigini.>>
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation