Zakaria 7
7
1Ku bena ŋanaansi po ate Naab Darius jam bo wa naamu po la, ate Naawen wanni jan jam Zakaria jigi chiisa neokku Kislev chiika ka daa ŋanaansiwa po. 2Betel demma a jam tom Sarezer ale Aregem Melek ale ba nidoama ayen ba bek nyini Naawen jigi, 3ate kaabteerɔma ale bo Naawen Dii Ale A Dɛ Tugurik Tɔŋdɔma Niŋ La yenni po ale wa biisiteerɔma la ayen, <<M baga a kum a ŋman baga a bobi nɔi chiisa sinuwa po ase m le kasim jam a nye dii bena yega ale taam la?>>
4Ate Naawen Dii Ale A Dɛ Tugurik Tɔŋdɔma Niŋ La wanni a jam mi jigi ayen, 5<<Bek nuruma meena ale bo tɛŋka po la ale kaabteerɔma ayen, ase ba ale jam bobi ba noaŋa ale kum chiisa sinu ale siyopɔiwa po bena pisiyopɔiwa ale taam la, ku jam ka mi nyiŋ ate ni jam bobi ni noaŋa? 6Ase ni ale jam boro a dɛ ale a nyu la, ni a jam a nye daa nidek masim nyiŋŋa? 7Daa Naawen wieŋa ale la ate Wen biisiteerɔ baai ale dɛ niŋ la a mooli ase Jerusalem ale ka gilagila tɛŋsaŋa a jam bo vuusum ale jigsika po, ate Negev ale yeniŋ demma a jam kali la?>>
8Ate Naawen wanni ŋman jam Zakaria jigi ayen, 9<<Naawen Dii Ale A Dɛ Tugurik Tɔŋdɔma Niŋ La ale weeni diila ale nna: <Ni ta wensie nyemagsika, a sak jiirim ale ŋmanteka ale chaab. 10Ni kan namsi pukɔga ale baai ale kan ta koba la ale nicham yaase ŋanjaksa. Ni kan poli biem ni suiniima po a te chaaba.>
11<<Alege ba an jam wom ya. Ba jam a nye ka tukpari ale cheem ba ŋaaŋsa a te mi ale mi wanni ale ŋman jam lik ba tueŋa. 12Ba basi kama ate ba suiniima a pagra ase tain chesinni la ate ba poom kan wom sinsaŋŋa yaase wie ŋaai ate Naawen Dii Ale A Dɛ Tugurik Tɔŋdɔma Niŋ La a pai wa Chiika a weeni ta va wa biisiteerɔma zuk baai ale dɛ niŋ la. Di la nyiŋ Naawen Dii Ale A Dɛ Tugurik Tɔŋdɔma Niŋ La sui yaa jam puuri ale ba nna yegayega.
13<< <Mi ale jam wi ba la, ba an jam wom mi: Dila nyiŋla, ba mɛ dan wi mi, m kan wom ba,> Naawen Dii Ale A Dɛ Tugurik Tɔŋdɔma Niŋ La ale weeni diila ale la. 14<M yiak ba kama ale va kiliŋ a basi tɛŋ kpieŋsa meena po ate ba chim nicham. Tɛŋka a jam doa ka koruk ba ŋaaŋnyiŋ ate nuru a kan jam yaase wa cheŋ. Ba ale nye dii a kaasi tɛŋ maŋka de la ale la.> >>
Currently Selected:
Zakaria 7: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Zakaria 7
7
1Ku bena ŋanaansi po ate Naab Darius jam bo wa naamu po la, ate Naawen wanni jan jam Zakaria jigi chiisa neokku Kislev chiika ka daa ŋanaansiwa po. 2Betel demma a jam tom Sarezer ale Aregem Melek ale ba nidoama ayen ba bek nyini Naawen jigi, 3ate kaabteerɔma ale bo Naawen Dii Ale A Dɛ Tugurik Tɔŋdɔma Niŋ La yenni po ale wa biisiteerɔma la ayen, <<M baga a kum a ŋman baga a bobi nɔi chiisa sinuwa po ase m le kasim jam a nye dii bena yega ale taam la?>>
4Ate Naawen Dii Ale A Dɛ Tugurik Tɔŋdɔma Niŋ La wanni a jam mi jigi ayen, 5<<Bek nuruma meena ale bo tɛŋka po la ale kaabteerɔma ayen, ase ba ale jam bobi ba noaŋa ale kum chiisa sinu ale siyopɔiwa po bena pisiyopɔiwa ale taam la, ku jam ka mi nyiŋ ate ni jam bobi ni noaŋa? 6Ase ni ale jam boro a dɛ ale a nyu la, ni a jam a nye daa nidek masim nyiŋŋa? 7Daa Naawen wieŋa ale la ate Wen biisiteerɔ baai ale dɛ niŋ la a mooli ase Jerusalem ale ka gilagila tɛŋsaŋa a jam bo vuusum ale jigsika po, ate Negev ale yeniŋ demma a jam kali la?>>
8Ate Naawen wanni ŋman jam Zakaria jigi ayen, 9<<Naawen Dii Ale A Dɛ Tugurik Tɔŋdɔma Niŋ La ale weeni diila ale nna: <Ni ta wensie nyemagsika, a sak jiirim ale ŋmanteka ale chaab. 10Ni kan namsi pukɔga ale baai ale kan ta koba la ale nicham yaase ŋanjaksa. Ni kan poli biem ni suiniima po a te chaaba.>
11<<Alege ba an jam wom ya. Ba jam a nye ka tukpari ale cheem ba ŋaaŋsa a te mi ale mi wanni ale ŋman jam lik ba tueŋa. 12Ba basi kama ate ba suiniima a pagra ase tain chesinni la ate ba poom kan wom sinsaŋŋa yaase wie ŋaai ate Naawen Dii Ale A Dɛ Tugurik Tɔŋdɔma Niŋ La a pai wa Chiika a weeni ta va wa biisiteerɔma zuk baai ale dɛ niŋ la. Di la nyiŋ Naawen Dii Ale A Dɛ Tugurik Tɔŋdɔma Niŋ La sui yaa jam puuri ale ba nna yegayega.
13<< <Mi ale jam wi ba la, ba an jam wom mi: Dila nyiŋla, ba mɛ dan wi mi, m kan wom ba,> Naawen Dii Ale A Dɛ Tugurik Tɔŋdɔma Niŋ La ale weeni diila ale la. 14<M yiak ba kama ale va kiliŋ a basi tɛŋ kpieŋsa meena po ate ba chim nicham. Tɛŋka a jam doa ka koruk ba ŋaaŋnyiŋ ate nuru a kan jam yaase wa cheŋ. Ba ale nye dii a kaasi tɛŋ maŋka de la ale la.> >>
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation