Zakaria 13

1<<Dai dila danni, mi ale lagri nyiam a te Deevid ŋaaŋbisaŋa ale Jerusalem demma, ate nya bula ale sugri ba biem ale daŋta tuima a basi.

2<<Dai dila danni, mi le yeeri bɔgtaŋa yueŋa tɛŋka zuk, ate ba a kan ŋman teeri ti wari ya.>> Ka Naawen Dii Ale A Dɛ Tugurik Tɔŋdɔma Niŋ La ale weeni. Wa ŋman weeni kama ayen, <M le yeeri biisiteerɔma ale baai ale ta chiik daŋtisa la tɛŋka zuk.>> 3Ate waai dan diem a weeni chum po wie, kula choa nyɔnɔwa ko ale wa ma ale weeni wa ayen ba ko wa dii nyiŋla wa pai ka Naawen yuenni a weeni venta wie. Wa dan weeni chum po wie, wadek nyam ale chub wa ale gebik a ko.

4<<Dai dila danni, biisiteerɔ meena za wa ta ka chivie ale wa gɔdaasini. Wa a kan jo garuk kuui ale ta kɔbta ayen wa paasi nuruba. 5Wa ale weeni ayen mi daa biisiteerɔ, mi ka kpaarɔ! A zaani m paalim po ate m kasim kpa a dɛ. 6Waai a dan bek wa ayen, <Mulaŋa de a nye ka sɛ a bo fi nyiŋka? Wa ale tulisi kama ayen, <Mi nya mulaŋa de a nyini ka mi doaba yie po.>

7Naawen Dii Ale A Dɛ Tugurik Tɔŋdɔma Niŋ La ale weeni ayen, <<Gebik woŋka abe ta chaab ale m naapeerika ale nuru waai ale moata mu la! Siti naapeerika ate piisaŋa ale waaŋ chaab, ate m le pai m nisa a nye kpaliŋ ale bisaŋa. 8Tɛŋka meena, fi dan lab ka po buta, ka po buye ale za ba kpi, ate ka bunyiwa ale boro.>> Naawen ale weeni dila. 9<<Nya kude ale butawa po bunyi ate mi ale ta jam bolimu po. M le soti ba ase kpana la, abe m chamsi ba a nya ase ligmɔniŋ la. Ba ale wi m yuenni ate m le tulisi ba. M le weeni ayen, <Ba ka mi nuruba>, ate ba ale weeni ayen, <Naawen ka tama Wen.> >>

Currently Selected:

Zakaria 13: BWU

Highlight

Copy

Compare