Chiinika 31
31
1Naawen a yaa weeni Moosis ayen, 2<<Nye kpaliŋ ale Midian demma a te Izirali demma, dila ŋaaŋnyiŋ fi yaa le paari fi nyama.>>
3Dila nyiŋla Moosis a yaa biisi a te nuruma ayen, <<Ni gomsi nidoama gela ate ni nye kpaliŋ ale Midian demma a ta Naawen suipuurumu a paari ba. 4Ta nidoaba tusidi a nyini Izirali dɔk kunyi meena po a cheŋ kpaliŋka.>> 5Nidoaba tusa pi ale ŋaye (12,000) ale jam gomsi badek a magsi kpaliŋ, tusidi a nyini Izirali yezuimaŋa meena a jam te. 6Moosis yaa jam ta ba cheŋ kpaliŋka, nuruba tusidi ale jam nyini dɔk meena po a gum chaab ale Fineyas kaabteerɔwa Eleaza nidoabinni po, waai ale jam pai ŋan baai ale bo Naawen yenni po la ale damunsa a magsi magsa la.
7Ba yaa nye kpaliŋ ale Midian demma ase Naawen ale weeni Moosis diila a ko nidoa meena. 8Baai ate ba jam ko la po ale Evi ale Arekem ale Zur ale Yur ale Areba. Ba nɔi banuwa ka Midian nalima. Ba jam maa ko Balaam, Biio nidoabinni ale gebik woŋ. 9Izirali demma a yaa nak yik Midian nipooma ale ba bisaŋa ale ba duŋsaŋa ale ŋan baai meena ate ba ta la. 10Ba jam ju Midian demma ale jam kala juijui la kama ale bolim. 11Ba jam pai ŋan maŋsaŋa meena kama ale ŋan baai ale ŋmasi nala la ale nuruma ale duŋsaŋa, 12a ta baai ate ba yik la ale ŋantaŋa a jam te Moosis ale kaabteerɔwa Eleaza ale Izirali demma ale bo juijui la Moab tɛŋka peelimmu po, a moata Jodan kauk kuui ale tuk Jeriko la.
13Moosis ale kaabteerɔwa Eleaza ale naakuuni niŋdeerɔma meena a yaa basi ba boka jigini ale cheŋ ayen ba tu ba. 14Moosis sui yaa jam puuri ale tugurik tɔŋdɔma niŋdeerɔma ale kpag ŋaai ale a nya tusa ale kpaga ŋaai ale a nya kobsa zuk la, baai ale nyini kpaliŋka po a jam la.
15Wa yaa bek ayen, <<Ni basi ate nipooma meena a boro kama?>> 16<<Bala ale baai ale va Balaam sinsaŋŋa a tulim Izirali demma ate ba basi Naawen vaka dii ale jam nye Peor la, ate nyiŋtuila a nak Naawen nuruma. 17Yɔgyɔgla de ni ko nidoabilisaŋa meena. Abe ni ko nipok waai meena ale goa ale nidoa la, 18alege ni tali nipokbili meena ale kan goa ale nidoa a nya la a te nidek.
19<<Nama baai meena ale ko nuru yaase ni tiri waai ate ba ko la, ku a fɛ ate ni bo peelim a paari daa ŋayopɔi. Daa ŋatawa ale daa ŋayopɔiwa daaŋa, nama ale baai ate ni nak yik la a nye cheri. 20Ni basi ate ni gattaŋa meena a nye cheri ale ŋan baai ate ba pai gbana yaase buuk kɔbta yaase daata a nye la.>>
21Kaabteerɔwa Eleaza yaa biisi te tugurik tɔŋdɔma baai ale cheŋ kpaliŋka po la ayen, <<Ŋmarisika sinsaŋŋa ale nna ate Naawen a te Moosis la. 22Ligmɔniŋ ale kpana ale kutuk mɔnuŋ ale kutuk ale kutuk peeluk ale kutuk kuui ale baasa la 23ale jabuui meena ale kaa chali bolim la, ku a fɛ ate ba pai a nyo bolim po ate wa nala alege ku a fɛ ate sugrika nyiamu ale bu basi ate ba nala. Ate jabuui ale a chali bolim la ku a fɛ ate ba pai jabula a nyo nyiam bula mɛ po. 24Daa ŋayopɔiwa danni ni sugri ni gattaŋa ate ni nala. Dila ni baga jam ni boka jigini kama.>>
25Naawen yaa weeni Moosis ayen, 26<<Fi ale kaabteerɔwa Eleaza ale yeeŋa nyama naakuuni po ale ni chiini nuruma meena ale duŋsaŋa ate ni nak yik la. 27Ni lab ŋan bala buye a chari tugurik tɔŋdɔma baai ale maa nye kpaliŋka la ale naakuuni meena. 28A nyini tugurik tɔŋdɔma baai ale ga nye kpaliŋka la po, gaari wanyi a ta nyini kobsinu meena po a te Naawen ase zula la, ka nuruba yaase ka niiga yaase ka bonsa yaase, ka piisa yaase ka bua. 29Ni nye zulaŋa de a ta nyini ba charuku genni po a te kaabteerɔwa Eleaza ase Naawen dɛka jigi la. 30A nyini Izirali demma po geli, lueri wanyi a ta nyini pisinu meena po, dan poom ka nuruba yaase niiga yaase bonsa yaase piisa yaase boa yaa duŋ yoŋsa. Pai si te Livaima baai ale a nya Naawen viuku zuk la.>> 31Moosis ale kaabteerɔwa Eleaza yaa nye dii ate Naawen a weeni Moosis la.
32Ŋan baai ate tugurik tɔŋdɔma a jam pai ate ba tali la ale nna, piisaŋa a jam ka tusa kobsiyuebi ale pisiyopɔi ale ŋanu (675,000), 33niiga tusa pisiyopɔi ale ŋaye (72,000), 34bonsa tusa pisiyuebi ale dinyi (61,000), 35nipok baai ale kan seba nidoaba la mɛ a paari tusa pisita ale ŋaye (32,000).
36Baai ale jam cheŋ kpaliŋka po la charuku genni a jam ka piisa tusa kobsita ale pisita ale ŋayopɔi ale kobsinu (337,500), 37alege ate Naawen zulaŋa tiirimu a paari piisa kobsiyuebi ale pisiyopɔi ale ŋanu, 38niiga tusa pisita ale ŋayuebi (36,000) ate Naawen a soa pisiyopɔi ale ŋaye, 39bonsaŋa me a jam ka tusa pisita ale kobsinu (30,500) ate Naawen a soa pisiyuebi ale kanyi, 40alege nuruma a paari tusa pi ale ŋayuebi (16,000) ate Naawen a soa pisita ale baye.
41Moosis a jam pai Naawen zulaŋa tiirimu a te ka kaabteerɔwa Eleaza ase Naawen ale jam weeni Moosis diila.
42Geli dii ate Izirali demma a soa ate Moosis a jam gaari ba ba tɔga a ta nyini tugurik tɔŋdɔma po la, 43naakuuni genni a jam ka piisa tusa kobsita ale pisita ale ŋayopɔi ale kobsinu (337,500), 44niiga tusa pisita ale ŋayuebi (36,000), 45bonsa tusa pisita ale kobsinu (30,500), 46nuruma me a jam ka tusa pi ale ŋayuebi (16,000). 47A nyini Izirali demma genni po, Moosis a lueri ka nuru yeŋ pisinu po ale duŋ yeŋ duŋsa pisinu po ase Naawen ale weeni wa diila a yaa pai ba a te Livaima baai ale a nya Naawen viuku zuk la.
48Kpaŋŋa baai ale a nya tugurik tommu labka zuk la, kpaga ŋaai ale nya tusa ale kobsa zuk la a yaa cheŋ Moosis jigi 49a weeni wa ayen, <<Fi tomteerɔma a chiini tugurik tɔŋdɔma ate tama a nya ba zuk la kama, ba wanyi me la an bɛ ya. 50Tama meena a ta ka tiirim a jam ti te Naawen, ŋantaŋa abe le ligmɔniŋ ale nigiri baŋsa ale nisɔgi baŋsa ale nifelima ale tukpana ale ŋiri baŋsa ayen ti nye biem duisi basika tiirim a te tidek Naawen niŋ.>>
51Moosis ale Eleaza kaabteerɔwa a yaa siak tuesi ligmɔniŋka ŋantaŋa meena ate ba te la ba jigi. 52Ligmɔniŋka meena ale nyini kpaŋŋa baai ale a nya tusa ale kobsa la ate Moosis ale kaabteerɔwa Eleaza a jam pai te Naawen ase tiirim la, ba magsika dobrimu a jam ka ligbie tusa pi ale ŋayuebi ale kobsiyopɔi ale pisinu (16,750). 53Tugurik tɔŋdɔ meena a poom jam pai ŋanta a te wadek kama. 54Moosis ale kaabteerɔwa Eleaza a yaa jam siak tuesi ligmɔniŋka kpaga ŋaai ale nya tusa ale kobsa zuk la jigi, a yaa ta ba jam Tuka Viuku po ase teerika la te Izirali demma Naawen niŋ.
Currently Selected:
Chiinika 31: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Chiinika 31
31
1Naawen a yaa weeni Moosis ayen, 2<<Nye kpaliŋ ale Midian demma a te Izirali demma, dila ŋaaŋnyiŋ fi yaa le paari fi nyama.>>
3Dila nyiŋla Moosis a yaa biisi a te nuruma ayen, <<Ni gomsi nidoama gela ate ni nye kpaliŋ ale Midian demma a ta Naawen suipuurumu a paari ba. 4Ta nidoaba tusidi a nyini Izirali dɔk kunyi meena po a cheŋ kpaliŋka.>> 5Nidoaba tusa pi ale ŋaye (12,000) ale jam gomsi badek a magsi kpaliŋ, tusidi a nyini Izirali yezuimaŋa meena a jam te. 6Moosis yaa jam ta ba cheŋ kpaliŋka, nuruba tusidi ale jam nyini dɔk meena po a gum chaab ale Fineyas kaabteerɔwa Eleaza nidoabinni po, waai ale jam pai ŋan baai ale bo Naawen yenni po la ale damunsa a magsi magsa la.
7Ba yaa nye kpaliŋ ale Midian demma ase Naawen ale weeni Moosis diila a ko nidoa meena. 8Baai ate ba jam ko la po ale Evi ale Arekem ale Zur ale Yur ale Areba. Ba nɔi banuwa ka Midian nalima. Ba jam maa ko Balaam, Biio nidoabinni ale gebik woŋ. 9Izirali demma a yaa nak yik Midian nipooma ale ba bisaŋa ale ba duŋsaŋa ale ŋan baai meena ate ba ta la. 10Ba jam ju Midian demma ale jam kala juijui la kama ale bolim. 11Ba jam pai ŋan maŋsaŋa meena kama ale ŋan baai ale ŋmasi nala la ale nuruma ale duŋsaŋa, 12a ta baai ate ba yik la ale ŋantaŋa a jam te Moosis ale kaabteerɔwa Eleaza ale Izirali demma ale bo juijui la Moab tɛŋka peelimmu po, a moata Jodan kauk kuui ale tuk Jeriko la.
13Moosis ale kaabteerɔwa Eleaza ale naakuuni niŋdeerɔma meena a yaa basi ba boka jigini ale cheŋ ayen ba tu ba. 14Moosis sui yaa jam puuri ale tugurik tɔŋdɔma niŋdeerɔma ale kpag ŋaai ale a nya tusa ale kpaga ŋaai ale a nya kobsa zuk la, baai ale nyini kpaliŋka po a jam la.
15Wa yaa bek ayen, <<Ni basi ate nipooma meena a boro kama?>> 16<<Bala ale baai ale va Balaam sinsaŋŋa a tulim Izirali demma ate ba basi Naawen vaka dii ale jam nye Peor la, ate nyiŋtuila a nak Naawen nuruma. 17Yɔgyɔgla de ni ko nidoabilisaŋa meena. Abe ni ko nipok waai meena ale goa ale nidoa la, 18alege ni tali nipokbili meena ale kan goa ale nidoa a nya la a te nidek.
19<<Nama baai meena ale ko nuru yaase ni tiri waai ate ba ko la, ku a fɛ ate ni bo peelim a paari daa ŋayopɔi. Daa ŋatawa ale daa ŋayopɔiwa daaŋa, nama ale baai ate ni nak yik la a nye cheri. 20Ni basi ate ni gattaŋa meena a nye cheri ale ŋan baai ate ba pai gbana yaase buuk kɔbta yaase daata a nye la.>>
21Kaabteerɔwa Eleaza yaa biisi te tugurik tɔŋdɔma baai ale cheŋ kpaliŋka po la ayen, <<Ŋmarisika sinsaŋŋa ale nna ate Naawen a te Moosis la. 22Ligmɔniŋ ale kpana ale kutuk mɔnuŋ ale kutuk ale kutuk peeluk ale kutuk kuui ale baasa la 23ale jabuui meena ale kaa chali bolim la, ku a fɛ ate ba pai a nyo bolim po ate wa nala alege ku a fɛ ate sugrika nyiamu ale bu basi ate ba nala. Ate jabuui ale a chali bolim la ku a fɛ ate ba pai jabula a nyo nyiam bula mɛ po. 24Daa ŋayopɔiwa danni ni sugri ni gattaŋa ate ni nala. Dila ni baga jam ni boka jigini kama.>>
25Naawen yaa weeni Moosis ayen, 26<<Fi ale kaabteerɔwa Eleaza ale yeeŋa nyama naakuuni po ale ni chiini nuruma meena ale duŋsaŋa ate ni nak yik la. 27Ni lab ŋan bala buye a chari tugurik tɔŋdɔma baai ale maa nye kpaliŋka la ale naakuuni meena. 28A nyini tugurik tɔŋdɔma baai ale ga nye kpaliŋka la po, gaari wanyi a ta nyini kobsinu meena po a te Naawen ase zula la, ka nuruba yaase ka niiga yaase ka bonsa yaase, ka piisa yaase ka bua. 29Ni nye zulaŋa de a ta nyini ba charuku genni po a te kaabteerɔwa Eleaza ase Naawen dɛka jigi la. 30A nyini Izirali demma po geli, lueri wanyi a ta nyini pisinu meena po, dan poom ka nuruba yaase niiga yaase bonsa yaase piisa yaase boa yaa duŋ yoŋsa. Pai si te Livaima baai ale a nya Naawen viuku zuk la.>> 31Moosis ale kaabteerɔwa Eleaza yaa nye dii ate Naawen a weeni Moosis la.
32Ŋan baai ate tugurik tɔŋdɔma a jam pai ate ba tali la ale nna, piisaŋa a jam ka tusa kobsiyuebi ale pisiyopɔi ale ŋanu (675,000), 33niiga tusa pisiyopɔi ale ŋaye (72,000), 34bonsa tusa pisiyuebi ale dinyi (61,000), 35nipok baai ale kan seba nidoaba la mɛ a paari tusa pisita ale ŋaye (32,000).
36Baai ale jam cheŋ kpaliŋka po la charuku genni a jam ka piisa tusa kobsita ale pisita ale ŋayopɔi ale kobsinu (337,500), 37alege ate Naawen zulaŋa tiirimu a paari piisa kobsiyuebi ale pisiyopɔi ale ŋanu, 38niiga tusa pisita ale ŋayuebi (36,000) ate Naawen a soa pisiyopɔi ale ŋaye, 39bonsaŋa me a jam ka tusa pisita ale kobsinu (30,500) ate Naawen a soa pisiyuebi ale kanyi, 40alege nuruma a paari tusa pi ale ŋayuebi (16,000) ate Naawen a soa pisita ale baye.
41Moosis a jam pai Naawen zulaŋa tiirimu a te ka kaabteerɔwa Eleaza ase Naawen ale jam weeni Moosis diila.
42Geli dii ate Izirali demma a soa ate Moosis a jam gaari ba ba tɔga a ta nyini tugurik tɔŋdɔma po la, 43naakuuni genni a jam ka piisa tusa kobsita ale pisita ale ŋayopɔi ale kobsinu (337,500), 44niiga tusa pisita ale ŋayuebi (36,000), 45bonsa tusa pisita ale kobsinu (30,500), 46nuruma me a jam ka tusa pi ale ŋayuebi (16,000). 47A nyini Izirali demma genni po, Moosis a lueri ka nuru yeŋ pisinu po ale duŋ yeŋ duŋsa pisinu po ase Naawen ale weeni wa diila a yaa pai ba a te Livaima baai ale a nya Naawen viuku zuk la.
48Kpaŋŋa baai ale a nya tugurik tommu labka zuk la, kpaga ŋaai ale nya tusa ale kobsa zuk la a yaa cheŋ Moosis jigi 49a weeni wa ayen, <<Fi tomteerɔma a chiini tugurik tɔŋdɔma ate tama a nya ba zuk la kama, ba wanyi me la an bɛ ya. 50Tama meena a ta ka tiirim a jam ti te Naawen, ŋantaŋa abe le ligmɔniŋ ale nigiri baŋsa ale nisɔgi baŋsa ale nifelima ale tukpana ale ŋiri baŋsa ayen ti nye biem duisi basika tiirim a te tidek Naawen niŋ.>>
51Moosis ale Eleaza kaabteerɔwa a yaa siak tuesi ligmɔniŋka ŋantaŋa meena ate ba te la ba jigi. 52Ligmɔniŋka meena ale nyini kpaŋŋa baai ale a nya tusa ale kobsa la ate Moosis ale kaabteerɔwa Eleaza a jam pai te Naawen ase tiirim la, ba magsika dobrimu a jam ka ligbie tusa pi ale ŋayuebi ale kobsiyopɔi ale pisinu (16,750). 53Tugurik tɔŋdɔ meena a poom jam pai ŋanta a te wadek kama. 54Moosis ale kaabteerɔwa Eleaza a yaa jam siak tuesi ligmɔniŋka kpaga ŋaai ale nya tusa ale kobsa zuk la jigi, a yaa ta ba jam Tuka Viuku po ase teerika la te Izirali demma Naawen niŋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation