Chiinika 32
32
1Aruben dɔkdemma ale Gad dɔkdemma baai ale jam ta duŋsa piisi la a yaa nya ale Jazer ale Gilead tɛŋsaŋa a nala magsi duŋsa wuuka. 2Ba yaa jam Moosis ale kaabteerɔwa Eleaza ale naakuuni niŋdeerɔma jigi ayen, 3<<Atarot ale Dibon ale Jazer ale Nimra ale Yesbon ale Elealeya ale Sebam ale Nebo ale Beon 4tɛŋ kaai ate Naawen a nya pagrim ba zuk Izirali demma niŋ la a nala kama a magsi duŋsa wuuka, fi tomteerɔma mɛ abe taka duŋsa.>> 5Ba weeni ayen, <<Ase ni nina a dan sueri ale tama, ni be te ni tomteerɔma tɛŋka ase ti nitalim la, kan basi ate ti lo Jodan benni a jueli.>>
6Moosis yaa biisi a te Gad dɔkdemma ale Aruben dɔkdemma ayen, <<Ni tɛŋka demma a magsi ba cheŋ kpaliŋ alege ate nama a kala dela? 7Ka boa ate nama a nye ate Izirali demma a jɔk nyiŋbiiri ayen ba kan cheŋ tɛŋ kaai ate Naawen a te ba la? 8Ni koma ale jam nye diila ale nna ase mi ale jam tom ba ayen ba basi Kades Barnea abe ba ga kpesi nya tɛŋka la. 9Ase ba le ga paari Eskol Viaka a nya tɛŋka la ŋaaŋnyiŋ ba yaa jam nye ate Izirali demma a jɔk nyiŋbiiri ate dila a basi ate ba an jo tɛŋ kaai ate Naawen a te ba la po. 10Naawen sui yaa puuri dai dila danni ate wa yaa pɛ pɛka de ayen, 11<Dii nyiŋla ba an va mi ale ba suiniima meena, nuruma de baai ale paari bena pisiye yaase ba gaam dila a nyini Ejipiti po a nyini la, ba wanyi mɛ la a kan nya tɛŋ kaai ate mi a puulim ale Abrayam ale Aizik ale Jekob la. 12Ba wanyi mɛ la a kan nya ka, ka Jefunne nidoabinni Kaleb ate wa nyini Kenizzi dɔkdemma po la ale Nun nidoabinni Josua, dii nyiŋla ba jam va Naawen ale ka ba suiniima meena.> 13Ate Naawen sui yaa jam a dɛ ale Izirali demma ate wa nye ate ba bo gɔnni po cheŋ a gilim a paari bena pisinaansi ate ku ga paari diipo ate gaŋ kala baai meena ale nye biem la a kpi cheŋ.
14<<Ni abe le nna dela wabaata nyama jilli, za ni koma naŋkula po a ŋmasi nye ate Naawen sui a puuri ale Izirali demma nna yegayega. 15Ni dan basi wa vaka, wa le ŋman basi nuruma de meena ka gɔnni po, ku be le sak ayen ka nama ale soa ba kaasuŋku.>>
16Ba yaa jam wa jigi ayen, <<Ti a yaali ti se zoŋta a magsi ti duŋsaŋa abe ti se tɛŋsa me a magsi ti pooma ale bisaŋa. 17Alege tama gomsi tidek kama ale kpaliŋ kɔlima ayen ti bo Izirali demma niŋ ate ku ga paari diipo ate tama ale ta ba jam ba jigini la. Alege ti pooma ale bisaŋa ale bo tɛŋ sii ate parik pagrik a gilim la, ate wari a kan nyini tɛŋka po a paari ba. 18Ti kan ŋmani kuli ti yeeŋa, ka ti ni nya ale Izirali demma a tuesi ba nitalimu. 19Tama a kan ŋman tuesi nitalim ale bo Jodan Benni kauk kunkula, dii nyiŋla tama nitalimu a nyinika Jodan Benni kori geŋsa.>>
20Moosis a yaa biisi ale ba ayen, <<Ase ni dan nye kude, ase ni dan gomsi nidek Naawen niŋ a magsi kpaliŋ, 21ase ni meena a dan gomsi nidek a magsi kpaliŋ lo Jodan benni a jueli Naawen niŋ a ta ga paari diipo ate wa le yiak wa dachaasaŋa a basi te ni la 22ate ni dan nya pagrim tɛŋka zuk Naawen niŋ, ni yaa baga ŋmani kama, ni ŋman ka pami ale Naawen ale Izirali demma waai ya. Ate tɛŋka de a yaa le chim ka ni nitalim Naawen nimbie po.
23<<Alege ni dan zɛri an nye wieŋa de, ni nye ka biem a kaasi Naawen, ni be seba ayen ni biemu ale ta ni nyini peelim. 24Ni be se tɛŋsa a te ni nipooma ale bisaŋa, abe ni se zoŋta a te ni duŋsaŋa, alege ni nye dii ate ni puulim la.>>
25Gad dɔkdemma ale Aruben dɔkdemma a yaa weeni Moosis ayen, <<Tama fi tomteerɔma ale nye ase ti nyɔnɔwa ale weeni diila. 26Ti bisaŋa ale ti pooma ale ti duŋsaŋa ale wari dela Gilead tɛŋka po. 27Alege ni tomteerɔma, nuru meena ale gomsi a magsi kpaliŋ la, ale lo jueli a kpaliŋ Naawen niŋ, ase ti nyɔnɔwa ale weeni diila.>>
28Moosis a yaa weeni ba wie a te kaabteerɔwa Eleaza ale Nun nidoabinni Josua ale Izirali diinaŋa niŋdeerɔma. 29Wa weeni ba ayen, <<Ase Gad dɔkdemma ale Aruben dɔkdemma meena ale gomsi badek a magsi kpaliŋ, a lo Jodan Benni a jueli Naawen niŋ la, ate ni nya pagrim tɛŋka zuk, ni te ba Gilead tɛŋka ase ba nitalim la. 30Alege ba dan kan gomsi badek a magsi kpaliŋ a lo beni a jueli ale fu, ku a fɛ ate ba maa siak tuesi ba nitalimu ale fu Keenan tɛŋka po.>>
31Gad dɔkdemma ale Aruben dɔkdemma yaa tulisi ayen, <<Fi tomteerɔma ale nye dii ate Naawen a weeni la. 32Ti le gomsi tidek a magsi kpaliŋ Naawen niŋ a lo jueli Keenan, alege ti nitalimu ale boka Jodan benni kauk kude.>>
33Ate Moosis a yaa pai Amori Naawa Siyon naamu ale Basan Naawa Og naamu ale tɛŋka ale yeeŋa ale gilim ba la a te Gad dɔkdemma ale Aruben dɔkdemma ale Josefi nidoabinni Manasa dɔkdemma geli.
34Gad dɔkdemma ale jam ŋman se Dibon ale Atarot ale Aroer, 35ale Atrot Sofan ale Jazer ale Jogbeya, 36ale Bet Nimra ale Bet Yaran ase tɛŋ sii ate parik pagrisa a gilim la, ale se zoŋta a te ba duŋsaŋa. 37Aruben dɔkdemma ale ŋman se Yesbon Elealeya ale Kiriataim tɛŋsaŋa, 38ale Nebo ale Baal Meon (yueŋa de ba jam tagri ŋa kama) ale Sibma. Ba jam te tɛŋsaŋa ate ba ŋman se la ka yue.
39Makir Manasa nidoabinni ŋaaŋbisaŋa a yaa jam cheŋ Gilead a nak yik ba, a yiak Amori demma baai ale jam bo dula la ate ba nyini. 40Ate Moosis a yaa jam pai Gilead tɛŋka a te Makir dɔkdemma, Manasa ŋaaŋbiika ate ba kali dula. 41Jair ale ka Manasa ŋaaŋbiik la, a yaa jam nak tuesi ba kalisaŋa jiŋŋa ale a wi ba ayen Yavvot Jair. 42Ate Noba me a nak yik Kenat ale tɛŋ sii ale kali gilim ka la, a yaa pai wadek yuenni a te tɛŋka yue ayen Noba.
Currently Selected:
Chiinika 32: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Chiinika 32
32
1Aruben dɔkdemma ale Gad dɔkdemma baai ale jam ta duŋsa piisi la a yaa nya ale Jazer ale Gilead tɛŋsaŋa a nala magsi duŋsa wuuka. 2Ba yaa jam Moosis ale kaabteerɔwa Eleaza ale naakuuni niŋdeerɔma jigi ayen, 3<<Atarot ale Dibon ale Jazer ale Nimra ale Yesbon ale Elealeya ale Sebam ale Nebo ale Beon 4tɛŋ kaai ate Naawen a nya pagrim ba zuk Izirali demma niŋ la a nala kama a magsi duŋsa wuuka, fi tomteerɔma mɛ abe taka duŋsa.>> 5Ba weeni ayen, <<Ase ni nina a dan sueri ale tama, ni be te ni tomteerɔma tɛŋka ase ti nitalim la, kan basi ate ti lo Jodan benni a jueli.>>
6Moosis yaa biisi a te Gad dɔkdemma ale Aruben dɔkdemma ayen, <<Ni tɛŋka demma a magsi ba cheŋ kpaliŋ alege ate nama a kala dela? 7Ka boa ate nama a nye ate Izirali demma a jɔk nyiŋbiiri ayen ba kan cheŋ tɛŋ kaai ate Naawen a te ba la? 8Ni koma ale jam nye diila ale nna ase mi ale jam tom ba ayen ba basi Kades Barnea abe ba ga kpesi nya tɛŋka la. 9Ase ba le ga paari Eskol Viaka a nya tɛŋka la ŋaaŋnyiŋ ba yaa jam nye ate Izirali demma a jɔk nyiŋbiiri ate dila a basi ate ba an jo tɛŋ kaai ate Naawen a te ba la po. 10Naawen sui yaa puuri dai dila danni ate wa yaa pɛ pɛka de ayen, 11<Dii nyiŋla ba an va mi ale ba suiniima meena, nuruma de baai ale paari bena pisiye yaase ba gaam dila a nyini Ejipiti po a nyini la, ba wanyi mɛ la a kan nya tɛŋ kaai ate mi a puulim ale Abrayam ale Aizik ale Jekob la. 12Ba wanyi mɛ la a kan nya ka, ka Jefunne nidoabinni Kaleb ate wa nyini Kenizzi dɔkdemma po la ale Nun nidoabinni Josua, dii nyiŋla ba jam va Naawen ale ka ba suiniima meena.> 13Ate Naawen sui yaa jam a dɛ ale Izirali demma ate wa nye ate ba bo gɔnni po cheŋ a gilim a paari bena pisinaansi ate ku ga paari diipo ate gaŋ kala baai meena ale nye biem la a kpi cheŋ.
14<<Ni abe le nna dela wabaata nyama jilli, za ni koma naŋkula po a ŋmasi nye ate Naawen sui a puuri ale Izirali demma nna yegayega. 15Ni dan basi wa vaka, wa le ŋman basi nuruma de meena ka gɔnni po, ku be le sak ayen ka nama ale soa ba kaasuŋku.>>
16Ba yaa jam wa jigi ayen, <<Ti a yaali ti se zoŋta a magsi ti duŋsaŋa abe ti se tɛŋsa me a magsi ti pooma ale bisaŋa. 17Alege tama gomsi tidek kama ale kpaliŋ kɔlima ayen ti bo Izirali demma niŋ ate ku ga paari diipo ate tama ale ta ba jam ba jigini la. Alege ti pooma ale bisaŋa ale bo tɛŋ sii ate parik pagrik a gilim la, ate wari a kan nyini tɛŋka po a paari ba. 18Ti kan ŋmani kuli ti yeeŋa, ka ti ni nya ale Izirali demma a tuesi ba nitalimu. 19Tama a kan ŋman tuesi nitalim ale bo Jodan Benni kauk kunkula, dii nyiŋla tama nitalimu a nyinika Jodan Benni kori geŋsa.>>
20Moosis a yaa biisi ale ba ayen, <<Ase ni dan nye kude, ase ni dan gomsi nidek Naawen niŋ a magsi kpaliŋ, 21ase ni meena a dan gomsi nidek a magsi kpaliŋ lo Jodan benni a jueli Naawen niŋ a ta ga paari diipo ate wa le yiak wa dachaasaŋa a basi te ni la 22ate ni dan nya pagrim tɛŋka zuk Naawen niŋ, ni yaa baga ŋmani kama, ni ŋman ka pami ale Naawen ale Izirali demma waai ya. Ate tɛŋka de a yaa le chim ka ni nitalim Naawen nimbie po.
23<<Alege ni dan zɛri an nye wieŋa de, ni nye ka biem a kaasi Naawen, ni be seba ayen ni biemu ale ta ni nyini peelim. 24Ni be se tɛŋsa a te ni nipooma ale bisaŋa, abe ni se zoŋta a te ni duŋsaŋa, alege ni nye dii ate ni puulim la.>>
25Gad dɔkdemma ale Aruben dɔkdemma a yaa weeni Moosis ayen, <<Tama fi tomteerɔma ale nye ase ti nyɔnɔwa ale weeni diila. 26Ti bisaŋa ale ti pooma ale ti duŋsaŋa ale wari dela Gilead tɛŋka po. 27Alege ni tomteerɔma, nuru meena ale gomsi a magsi kpaliŋ la, ale lo jueli a kpaliŋ Naawen niŋ, ase ti nyɔnɔwa ale weeni diila.>>
28Moosis a yaa weeni ba wie a te kaabteerɔwa Eleaza ale Nun nidoabinni Josua ale Izirali diinaŋa niŋdeerɔma. 29Wa weeni ba ayen, <<Ase Gad dɔkdemma ale Aruben dɔkdemma meena ale gomsi badek a magsi kpaliŋ, a lo Jodan Benni a jueli Naawen niŋ la, ate ni nya pagrim tɛŋka zuk, ni te ba Gilead tɛŋka ase ba nitalim la. 30Alege ba dan kan gomsi badek a magsi kpaliŋ a lo beni a jueli ale fu, ku a fɛ ate ba maa siak tuesi ba nitalimu ale fu Keenan tɛŋka po.>>
31Gad dɔkdemma ale Aruben dɔkdemma yaa tulisi ayen, <<Fi tomteerɔma ale nye dii ate Naawen a weeni la. 32Ti le gomsi tidek a magsi kpaliŋ Naawen niŋ a lo jueli Keenan, alege ti nitalimu ale boka Jodan benni kauk kude.>>
33Ate Moosis a yaa pai Amori Naawa Siyon naamu ale Basan Naawa Og naamu ale tɛŋka ale yeeŋa ale gilim ba la a te Gad dɔkdemma ale Aruben dɔkdemma ale Josefi nidoabinni Manasa dɔkdemma geli.
34Gad dɔkdemma ale jam ŋman se Dibon ale Atarot ale Aroer, 35ale Atrot Sofan ale Jazer ale Jogbeya, 36ale Bet Nimra ale Bet Yaran ase tɛŋ sii ate parik pagrisa a gilim la, ale se zoŋta a te ba duŋsaŋa. 37Aruben dɔkdemma ale ŋman se Yesbon Elealeya ale Kiriataim tɛŋsaŋa, 38ale Nebo ale Baal Meon (yueŋa de ba jam tagri ŋa kama) ale Sibma. Ba jam te tɛŋsaŋa ate ba ŋman se la ka yue.
39Makir Manasa nidoabinni ŋaaŋbisaŋa a yaa jam cheŋ Gilead a nak yik ba, a yiak Amori demma baai ale jam bo dula la ate ba nyini. 40Ate Moosis a yaa jam pai Gilead tɛŋka a te Makir dɔkdemma, Manasa ŋaaŋbiika ate ba kali dula. 41Jair ale ka Manasa ŋaaŋbiik la, a yaa jam nak tuesi ba kalisaŋa jiŋŋa ale a wi ba ayen Yavvot Jair. 42Ate Noba me a nak yik Kenat ale tɛŋ sii ale kali gilim ka la, a yaa pai wadek yuenni a te tɛŋka yue ayen Noba.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation