Chiinika 30
30
1Moosis a biisi te Izirali diinaŋa niŋdeerɔma ayen, <<Naawen ale weeni diila ale nna, 2Ase nuru a dan pɛ ale Naawen yaase wa dueni nɔi a pai wadek a nyo pumpuulima po, ku a fɛ ate wa kan basi wa le weeni diila alege ku a fɛ ate wa nye dii meena ate wa weeni la.
3<<Ase nipok paalik a dan diem bo wa ko yeri a nye pɛka a te Naawen yaase wa pai wadek a nyo pumpuulima wari nyiŋ, 4ate wa kowa a wom wa pɛka yaase pumpuulimaŋa alege an weeni wa wari ya, wa pɛka ale pumpuulima ŋaai meena ate wa pai wadek a nyoro la a diem va wa kama. 5Alege wa kowa a dan seba ku nɔi po ale kpalimu, pɛka yaase pumpuulimaŋa ŋaai ate wa pai wadek a nyoro la an ŋman va wa. Naawen ale yeeri wa du dii nyiŋla wa kowa a kpaliŋ kama.
6<<Ase wa dan yali wa le pɛ la ŋaaŋnyiŋ yaase wa nɔnni a nye betta a pai wadek a nyo pumpuulima po 7ate wa chorɔwa a wom alege an biisi wari a te wa, wa pɛka yaase pumpuulima ŋaai ate wa pai wadek a nyoro la va wa kama. 8Alege wa chorɔwa a dan seba ku nɔi po wa ale kasi pumpuulima ŋaai ale a te wa suik yaase yeentika pumpuulima ŋaai ate wa pa wadek a nyo ŋa po la ate Naawen ale yeeri wa ŋa po.
9<<Ase pukɔgi yaase nipok waai ale basi wa chorɔ la a dan pɛ yaase wa puulim ku va wa kama.
10<<Ase nipok a dan bo ale wa chorɔ a nye pɛka a pai wadek a nyo pumpuulima po a dueni nɔi 11ate wa chorɔwa a wom alege an weeni wa wari ya alege an kasi wa, wa pɛka meena yaase wa pumpuulimaŋa ate wa pai wadek a nyoro la ale va wa. 12Alege wa chorɔwa a dan wom ale zɛri ŋa, pɛka yaase pumpuulimaŋa ale nyini wa nɔnni po la a kan tom tuima. Wa chorɔwa a kaasi ŋa kama, ate Naawen ale yeeri wa. 13Wa chorɔwa ale maa weeni yaase wa kaasi pɛ kaai ate wa nye yaase wa puulim wa zɛri wadek la. 14Alege wa chorɔwa a dan kan weeni wari a te wa, a nyini di danni, ku a sak ayen wa siak pɛka ale pumpuulimaŋa meena ale bobi wa la kama. Wa siak kama wa ale kan weeni wa wari diipo ate wa wom ŋa la nyiŋ. 15Ase wa dan wom ale an nye wari ya, wa womka ŋaaŋnyiŋ wa an baga a kaasi ŋa, wa le soa nipowa kaasuŋku.>>
16Sinsaŋŋa de ate Naawen a te Moosis a magsi chaab ale nuru ale wa pok suŋsuŋ po, ale ko ale wa lie paalik waai ale diem vua a bo wa yeri po la.
Currently Selected:
Chiinika 30: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Chiinika 30
30
1Moosis a biisi te Izirali diinaŋa niŋdeerɔma ayen, <<Naawen ale weeni diila ale nna, 2Ase nuru a dan pɛ ale Naawen yaase wa dueni nɔi a pai wadek a nyo pumpuulima po, ku a fɛ ate wa kan basi wa le weeni diila alege ku a fɛ ate wa nye dii meena ate wa weeni la.
3<<Ase nipok paalik a dan diem bo wa ko yeri a nye pɛka a te Naawen yaase wa pai wadek a nyo pumpuulima wari nyiŋ, 4ate wa kowa a wom wa pɛka yaase pumpuulimaŋa alege an weeni wa wari ya, wa pɛka ale pumpuulima ŋaai meena ate wa pai wadek a nyoro la a diem va wa kama. 5Alege wa kowa a dan seba ku nɔi po ale kpalimu, pɛka yaase pumpuulimaŋa ŋaai ate wa pai wadek a nyoro la an ŋman va wa. Naawen ale yeeri wa du dii nyiŋla wa kowa a kpaliŋ kama.
6<<Ase wa dan yali wa le pɛ la ŋaaŋnyiŋ yaase wa nɔnni a nye betta a pai wadek a nyo pumpuulima po 7ate wa chorɔwa a wom alege an biisi wari a te wa, wa pɛka yaase pumpuulima ŋaai ate wa pai wadek a nyoro la va wa kama. 8Alege wa chorɔwa a dan seba ku nɔi po wa ale kasi pumpuulima ŋaai ale a te wa suik yaase yeentika pumpuulima ŋaai ate wa pa wadek a nyo ŋa po la ate Naawen ale yeeri wa ŋa po.
9<<Ase pukɔgi yaase nipok waai ale basi wa chorɔ la a dan pɛ yaase wa puulim ku va wa kama.
10<<Ase nipok a dan bo ale wa chorɔ a nye pɛka a pai wadek a nyo pumpuulima po a dueni nɔi 11ate wa chorɔwa a wom alege an weeni wa wari ya alege an kasi wa, wa pɛka meena yaase wa pumpuulimaŋa ate wa pai wadek a nyoro la ale va wa. 12Alege wa chorɔwa a dan wom ale zɛri ŋa, pɛka yaase pumpuulimaŋa ale nyini wa nɔnni po la a kan tom tuima. Wa chorɔwa a kaasi ŋa kama, ate Naawen ale yeeri wa. 13Wa chorɔwa ale maa weeni yaase wa kaasi pɛ kaai ate wa nye yaase wa puulim wa zɛri wadek la. 14Alege wa chorɔwa a dan kan weeni wari a te wa, a nyini di danni, ku a sak ayen wa siak pɛka ale pumpuulimaŋa meena ale bobi wa la kama. Wa siak kama wa ale kan weeni wa wari diipo ate wa wom ŋa la nyiŋ. 15Ase wa dan wom ale an nye wari ya, wa womka ŋaaŋnyiŋ wa an baga a kaasi ŋa, wa le soa nipowa kaasuŋku.>>
16Sinsaŋŋa de ate Naawen a te Moosis a magsi chaab ale nuru ale wa pok suŋsuŋ po, ale ko ale wa lie paalik waai ale diem vua a bo wa yeri po la.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation