Chiinika 29
29
1<< <Chiisa siyopɔiwa piilimka danni ni tu chaab ale weleŋsa abe ni kan tom tuini ase ni nyiem ale tom diila. Ku ka dai dii ale magsi ni peeri damunsaŋa la. 2Ase nyum buui ale masa a te Naawen la, ni gomsi juka tiirim ale lalikbili dinyi ale padiak kanyi ale padabilisa siyopɔi, sii ale ta bein yeŋ dekki ale ka jomi la. 3A gum chaab ale lalikka, gomsi ŋandiinta tiirim ale taasi kpien nɔi lab pi a pai buta ale zonaliŋ a dam kpaam du, ni ta taasi kpien nɔi lab pi a pai buye a gum padiaka po, 4abe pabisa siyopɔiwa kanyi meena ni te taasi kpien nɔi a lab pi a pai bunyi. 5Ni ta buduk kunyi ase biem tiirim la ate ba nye biem duisi basika a te ni. 6Ŋade a gum chaab ale ka chiika ale danni po juka tiiritaŋa ale ba ŋan bieŋa ale nyuka tiiritaŋa ase ku le poom ka diila. Ti ka tiirim tii ate ba nye a te Naawen ale bolim ase nyum buui ale masa la.
7<< <Chiisa siyopɔiwa po ka daa piwa danni ni tu chaab ale weleŋsa. Ku a fɛ ate ni zɛri nidek abe ni kan tom tuini. 8Ni yik lalikbili dinyi ale padiak kanyi ale padabilisa siyopɔi sii ale ta bein yeŋ dekki ale ka jomi la a nye juka tiirim ase nyum buui ale masa la a te Naawen. 9A gum chaab ale lalikka, gomsi ŋandiinta tiirim taasi kpien nɔi a lab pi a pai buta ale zonaliŋ a dam kpaam du, ale padiaka mɛ ni gum zom taasi kpien nɔi a lab pi a pai buye, 10abe padabilisa siyopɔiwa kanyi meena gum zom taasi kpien nɔi a lab pi a pai bunyi. 11Ni maa ta buduk kunyi a jam ase biem tiirim la, a gum chaab ale biem tiirimu a magsi biem duisi basika ale ni nyiem ale a nye juka tiirimu la ale ba ŋandiinta tiirimu ale ba nyuka tiiritaŋa.
12<<Chiisa siyopɔiwa ka daa pi ale ŋanuwa danni, ni nye tuilum tigsuŋ, ni kan tom tuin pagri. Ni nye tigi te Naawen daa ŋayopɔi. 13Ni nye tiirim ale bolim ase nyum buui ale masa a te Naawen. Ni yik lalik paalisa pi ale sita ale padaasa siye ale padabilisa pi ale sinaansi, sii ale ta bein yeŋ dekki ale ka jomi la, a jam nye juka tiirim buui nyum ale masa a te Naawen. 14A gum chaab ale lalisa pi ale sitawa kanyi meena ni gomsi ŋandiinta tiirim ale taasi kpien nɔi a lab pi a pai buta ale zom naliŋ a dam kpaam du. Ni ta zom taasi kpien nɔi a lab pi a pai buye a gum padaasa siye du, 15abe padabilisa pi ale sinaansiwa kanyi meena ni gum taasi kpien nɔi a lab pi a pai bunyi. 16Ni maa ta buduk kunyi ase biem tiirim la a gum daa meena juka tiirimu ale ku ŋandiinta tiirimu ale nyuka tiirimu po.
17<< <Daa ŋayewa danni ni gomsi lalik paalisa pi ale siye ale padaasa siye ale padabilisa pi ale sinaansi, sii ale ta bein yeŋ dekki ale ka jomi la. 18A gum chaab ale lalisaŋa ale padaasaŋa ale pabisaŋa ni gomsi ba ŋandiinta tiirimu ale nyuka tiiritaŋa a magsi chaab ale ba nɔi ale ka diila. 19Ni maa yik buduk a gum du ase biem tiirim la a gum daa meena juka tiirimu po ale ba ŋandiinta tiirimu ale ba nyuka tiiritaŋa po.
20<< <Daa ŋatawa danni ni gomsi lalisa pi ale kanyi, padaasa siye ale padabilisa pi ale sinaansi a ta bein yeŋ dekki la, sii ale kan ta jomi la. 21A gum chaab ale lalisaŋa ale padaasaŋa ale pabisaŋa gomsi ba ŋan bieŋa tiiritaŋa ale nyuka tiiritaŋa a magsi chaab ale ŋantaŋa nɔi ale ka diila. 22Ni maa ta buduk a jam magsi biem tiirim a gum ni nyiem le a nye juka tiirimu ale ku ŋandiinta tiirimu ale nyuka tiirimu diila.
23<< <Daa ŋanaansiwa danni gomsi lalisa pi ale padaasa siye ale padabilisa pi ale sinaansi, sii ale ta bein yeŋ dekki ale ka jomi la. 24A gum chaab ale lalisaŋa ale padaasaŋa ale pabisaŋa gomsi ba ŋandiinta tiiritaŋa ale nyuka tiiritaŋa a magsi chaab ale ba nɔi ale ka diila. 25Ni maa ta buduk a jam magsi biem tiirim a gum chaab ale ni nyiem ale a nye juka tiirimu ale ŋandiinta tiirimu ale nyuka tiirimu diila.
26<< <Daa ŋanuwa danni gomsi lalisa neok ale padaasa siye ale padabilisa pi ale sinaansi, sii ale ta bein yeŋ dekki, ale ka jomi ya. 27A gum chaab ale lalisaŋa ale padaasaŋa ale pabisaŋa gomsi ba ŋan bieŋa tiiritaŋa ale ba nyuka tiiritaŋa a magsi chaab ale ba nɔi ale ka diila. 28Ni maa ta buduk a jam magsi biem tiirim a gum chaab ale daa meena juka tiirimu ale ba ŋandiinta tiirimu ale nyuka tiirimu ale ka diila.
29<< <Daa ŋayuebiwa danni gomsi lalisa naaniŋ ale padaasa siye ale padabilisa pi ale sinaansi, sii ale ta bein yeŋ dekki ale ka jomi la. 30A gum chaab ale lalisaŋa ale padaasaŋa ale pabisaŋa, gomsi ba ŋan bieŋa tiiritaŋa ale ba nyuka tiiritaŋa a magsi chaab ale ba nɔi ale ka diila. 31Ni maa ta buduk a jam ase biem tiirim la, a gum ni nyiem ale a nye juka tiirimu ale ŋandiinta tiirimu ale nyuka tiirimu diila.
32<< <Daa ŋayopɔiwa danni ni gomsi lalisa siyopɔi ale padaasa siye ale padabilisa pi ale sinaansi, sii ale ta bein yeŋ dekki ale ka jomi la. 33A gum chaab ale lalisaŋa ale padaasaŋa ale pabisaŋa, gomsi ba ŋan bieŋa tiiritaŋa ale nyuka tiiritaŋa a magsi chaab ale ba nɔi ale ka diila. 34Ni maa gum buduk kunyi du ase biem tiirim la, a gum chaab ale ni nyiem ale a nye juka tiirim ale ba ŋandiinta tiirimu ale nyuka tiirimu diila.
35<< <Daa naanika danni ni tu chaab abe ni kan tom tuini ase ni nyiem ale a tom diila. 36Ni yik lalik yeŋ ale padiak yeŋ ale padabilisa siyopɔi, sii ale ta bein yeŋ dekki ale ka jomi la, a nye juka tiirim buui nyum ale masa a te Naawen. 37A gum chaab ale lalikka ale padiaka ale pabisaŋa siyopɔiwa gomsi ba ŋan bieŋa tiiritaŋa ale ba nyuka tiiritaŋa a magsi chaab ale ba nɔi ale ka diila. 38Ni maa gum buduk kunyi du ase biem tiirim la, a gum chaab ale ni nyiem ale nye ba juka tiirimu ale ba ŋandiinta tiirimu ale nyuka tiirimu diila.
39<< <A gum chaab ale dii ate ni pɛ ayen ni nye ale nidek yaalika tiiritaŋa la, ni gomsi ba dɛ a te Naawen diipo ate ni a dɛ feoku la, ni nye juka tiirita ale ŋandiin tiirita ale nyuka tiirita ale suiyɔgni tiirita.> >>
40Ate Moosis a yaa weeni Izirali demma dii meena ate Naawen a biisi ale wa la.
Currently Selected:
Chiinika 29: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Chiinika 29
29
1<< <Chiisa siyopɔiwa piilimka danni ni tu chaab ale weleŋsa abe ni kan tom tuini ase ni nyiem ale tom diila. Ku ka dai dii ale magsi ni peeri damunsaŋa la. 2Ase nyum buui ale masa a te Naawen la, ni gomsi juka tiirim ale lalikbili dinyi ale padiak kanyi ale padabilisa siyopɔi, sii ale ta bein yeŋ dekki ale ka jomi la. 3A gum chaab ale lalikka, gomsi ŋandiinta tiirim ale taasi kpien nɔi lab pi a pai buta ale zonaliŋ a dam kpaam du, ni ta taasi kpien nɔi lab pi a pai buye a gum padiaka po, 4abe pabisa siyopɔiwa kanyi meena ni te taasi kpien nɔi a lab pi a pai bunyi. 5Ni ta buduk kunyi ase biem tiirim la ate ba nye biem duisi basika a te ni. 6Ŋade a gum chaab ale ka chiika ale danni po juka tiiritaŋa ale ba ŋan bieŋa ale nyuka tiiritaŋa ase ku le poom ka diila. Ti ka tiirim tii ate ba nye a te Naawen ale bolim ase nyum buui ale masa la.
7<< <Chiisa siyopɔiwa po ka daa piwa danni ni tu chaab ale weleŋsa. Ku a fɛ ate ni zɛri nidek abe ni kan tom tuini. 8Ni yik lalikbili dinyi ale padiak kanyi ale padabilisa siyopɔi sii ale ta bein yeŋ dekki ale ka jomi la a nye juka tiirim ase nyum buui ale masa la a te Naawen. 9A gum chaab ale lalikka, gomsi ŋandiinta tiirim taasi kpien nɔi a lab pi a pai buta ale zonaliŋ a dam kpaam du, ale padiaka mɛ ni gum zom taasi kpien nɔi a lab pi a pai buye, 10abe padabilisa siyopɔiwa kanyi meena gum zom taasi kpien nɔi a lab pi a pai bunyi. 11Ni maa ta buduk kunyi a jam ase biem tiirim la, a gum chaab ale biem tiirimu a magsi biem duisi basika ale ni nyiem ale a nye juka tiirimu la ale ba ŋandiinta tiirimu ale ba nyuka tiiritaŋa.
12<<Chiisa siyopɔiwa ka daa pi ale ŋanuwa danni, ni nye tuilum tigsuŋ, ni kan tom tuin pagri. Ni nye tigi te Naawen daa ŋayopɔi. 13Ni nye tiirim ale bolim ase nyum buui ale masa a te Naawen. Ni yik lalik paalisa pi ale sita ale padaasa siye ale padabilisa pi ale sinaansi, sii ale ta bein yeŋ dekki ale ka jomi la, a jam nye juka tiirim buui nyum ale masa a te Naawen. 14A gum chaab ale lalisa pi ale sitawa kanyi meena ni gomsi ŋandiinta tiirim ale taasi kpien nɔi a lab pi a pai buta ale zom naliŋ a dam kpaam du. Ni ta zom taasi kpien nɔi a lab pi a pai buye a gum padaasa siye du, 15abe padabilisa pi ale sinaansiwa kanyi meena ni gum taasi kpien nɔi a lab pi a pai bunyi. 16Ni maa ta buduk kunyi ase biem tiirim la a gum daa meena juka tiirimu ale ku ŋandiinta tiirimu ale nyuka tiirimu po.
17<< <Daa ŋayewa danni ni gomsi lalik paalisa pi ale siye ale padaasa siye ale padabilisa pi ale sinaansi, sii ale ta bein yeŋ dekki ale ka jomi la. 18A gum chaab ale lalisaŋa ale padaasaŋa ale pabisaŋa ni gomsi ba ŋandiinta tiirimu ale nyuka tiiritaŋa a magsi chaab ale ba nɔi ale ka diila. 19Ni maa yik buduk a gum du ase biem tiirim la a gum daa meena juka tiirimu po ale ba ŋandiinta tiirimu ale ba nyuka tiiritaŋa po.
20<< <Daa ŋatawa danni ni gomsi lalisa pi ale kanyi, padaasa siye ale padabilisa pi ale sinaansi a ta bein yeŋ dekki la, sii ale kan ta jomi la. 21A gum chaab ale lalisaŋa ale padaasaŋa ale pabisaŋa gomsi ba ŋan bieŋa tiiritaŋa ale nyuka tiiritaŋa a magsi chaab ale ŋantaŋa nɔi ale ka diila. 22Ni maa ta buduk a jam magsi biem tiirim a gum ni nyiem le a nye juka tiirimu ale ku ŋandiinta tiirimu ale nyuka tiirimu diila.
23<< <Daa ŋanaansiwa danni gomsi lalisa pi ale padaasa siye ale padabilisa pi ale sinaansi, sii ale ta bein yeŋ dekki ale ka jomi la. 24A gum chaab ale lalisaŋa ale padaasaŋa ale pabisaŋa gomsi ba ŋandiinta tiiritaŋa ale nyuka tiiritaŋa a magsi chaab ale ba nɔi ale ka diila. 25Ni maa ta buduk a jam magsi biem tiirim a gum chaab ale ni nyiem ale a nye juka tiirimu ale ŋandiinta tiirimu ale nyuka tiirimu diila.
26<< <Daa ŋanuwa danni gomsi lalisa neok ale padaasa siye ale padabilisa pi ale sinaansi, sii ale ta bein yeŋ dekki, ale ka jomi ya. 27A gum chaab ale lalisaŋa ale padaasaŋa ale pabisaŋa gomsi ba ŋan bieŋa tiiritaŋa ale ba nyuka tiiritaŋa a magsi chaab ale ba nɔi ale ka diila. 28Ni maa ta buduk a jam magsi biem tiirim a gum chaab ale daa meena juka tiirimu ale ba ŋandiinta tiirimu ale nyuka tiirimu ale ka diila.
29<< <Daa ŋayuebiwa danni gomsi lalisa naaniŋ ale padaasa siye ale padabilisa pi ale sinaansi, sii ale ta bein yeŋ dekki ale ka jomi la. 30A gum chaab ale lalisaŋa ale padaasaŋa ale pabisaŋa, gomsi ba ŋan bieŋa tiiritaŋa ale ba nyuka tiiritaŋa a magsi chaab ale ba nɔi ale ka diila. 31Ni maa ta buduk a jam ase biem tiirim la, a gum ni nyiem ale a nye juka tiirimu ale ŋandiinta tiirimu ale nyuka tiirimu diila.
32<< <Daa ŋayopɔiwa danni ni gomsi lalisa siyopɔi ale padaasa siye ale padabilisa pi ale sinaansi, sii ale ta bein yeŋ dekki ale ka jomi la. 33A gum chaab ale lalisaŋa ale padaasaŋa ale pabisaŋa, gomsi ba ŋan bieŋa tiiritaŋa ale nyuka tiiritaŋa a magsi chaab ale ba nɔi ale ka diila. 34Ni maa gum buduk kunyi du ase biem tiirim la, a gum chaab ale ni nyiem ale a nye juka tiirim ale ba ŋandiinta tiirimu ale nyuka tiirimu diila.
35<< <Daa naanika danni ni tu chaab abe ni kan tom tuini ase ni nyiem ale a tom diila. 36Ni yik lalik yeŋ ale padiak yeŋ ale padabilisa siyopɔi, sii ale ta bein yeŋ dekki ale ka jomi la, a nye juka tiirim buui nyum ale masa a te Naawen. 37A gum chaab ale lalikka ale padiaka ale pabisaŋa siyopɔiwa gomsi ba ŋan bieŋa tiiritaŋa ale ba nyuka tiiritaŋa a magsi chaab ale ba nɔi ale ka diila. 38Ni maa gum buduk kunyi du ase biem tiirim la, a gum chaab ale ni nyiem ale nye ba juka tiirimu ale ba ŋandiinta tiirimu ale nyuka tiirimu diila.
39<< <A gum chaab ale dii ate ni pɛ ayen ni nye ale nidek yaalika tiiritaŋa la, ni gomsi ba dɛ a te Naawen diipo ate ni a dɛ feoku la, ni nye juka tiirita ale ŋandiin tiirita ale nyuka tiirita ale suiyɔgni tiirita.> >>
40Ate Moosis a yaa weeni Izirali demma dii meena ate Naawen a biisi ale wa la.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation