Chiinika 28
28
1Naawen a biisi te Moosis ayen, 2<<Pa wanni de a te Izirali demma a weeni ba ayen, <Ni nya ku zuk diipo ale magsi ni te mu ŋandiinta a ta nyini m tiirimu ate ni nye ale bolim ase nyum buui ale masa a te mi la.> 3Weeni ba ayen, <Tiirimu de ate ba nye ale bolim ayen ni pai a te Naawen la, ni yik pabisa siye, sii ale ta bein yeŋ dekki ale ka jomi la a nye ase ni nyiem ale a nye juka tiirim daa meena diila. 4Gomsi pabiik kanyi saluik abe kanyi wa mɛ junɔi, 5ale ŋandiinta tiirim ase zom naliŋ kuruba nɔi a pai kpaam kolini dinyi a dam du. 6Juka tiirimu de ate ni a nye daa meena ase ku le jam ka dii a nyini Sinai Guuku, ase mariŋka nyum buui ale masa, tiirim buui ate ba nye ale bolim a te Naawen la. 7Daamu tiirimu ale paasaŋ la a chim da kum chin geli ale pabiik kanyi meena. Kpiiri daamu tiirimu a te Naawen yenni po. 8Gomsi pabiik kaai ale saari siyewa la junɔi ale ŋandiinta tiirimu ale daam tiirim tii dek ate ni gomsi saluiku la. Bu de ka tiirim buui ate ba nye ale bolim, nyum buui ale masa a te Naawen la.
9<< <Vuusumu danni, ni nye tiirim ale pabisa siye, sii ale ta bein yeŋ dekki a ka jomi la, a gum chaab ale ka nyuka tiirimu ale ŋandiinta tiirim taasi kpien nɔi a lab pi a pai buye ale zonaliŋ a dam le kpaam. 10Kude ka juka tiirim a te Vuusum dai meena a gum chaab ale juka tiirimu ale daamu tiirimu ate ni kasim a nye la.
11<< <Chiik meena piilimka dai, ni yik lalik paalisa siye ale padiak kanyi ale padabilisa siyopɔi, sii ale ta bein yeŋ ale ka jomi la a nye juka tiirim a te Naawen. 12Ale lalik kanyi meena ku a magsi ka ŋandiinta tiirim ale zonaliŋ taasi kpien nɔi a lab pi a pai buta a dam ale kpaam ale padiaka, ale ŋandiinta tiirim ale zom taasi kpien nɔi a lab pi a pai buye a dam ale kpaam. 13Ale padiak kanyi ale ŋandiinta tiirim taasi kpien nɔi a lab pi a pai dinyi a dam ale kpaam. Kude a magsika juka tiirim, buui nyum ale masa, tiirim buuni ate ba nye ale bolim a te Naawen. 14Ale lalik kanyi meena ku a magsika nyuka tiirim ale damasik kɔlima ŋaye ale padiak ale kolini abe kolini a magsi pabiika mɛ. Kude ale chiik meena juka tiirimu a magsi ni a nye chiik paalik meena beni po. 15Alege ni le kasim a nye juka tiirimu ale daam tiirimu la, Buuk kunyi ale ni a te Naawen ase biem tiirim la.
16<< <Piilimka chiika ka daa pi ale ŋanaansiwa danni ni teeri Naawen Gaambasika Tigini a dɛ di. 17Chiika de ka daa pi ale ŋanuwa danni a magsi ka ni de tigi a paari daa ŋayopɔi a ŋɔbi boroborok kuui ate dabinta a ka ku po. 18Piilim ka danni ni nye tuilum tigsuŋ. Ni kan tom tuin pagri. 19Ni te Naawen tiirim buui ate ni nye ale bolim la, ni yik lalik paalisa siye ale padiak kanyi ale padabilisa siyopɔi, sii ale ta bein yeŋ dekki ale ka jomi la a nye juka tiirimu. 20Ni dan ta lalikka cheena ni maa ta ŋandiinta tiirim taasi kpien nɔi a lab pi a pa buta ale zonaliŋ a dam kpaam du ale padiaka mɛ ni ta zom taasi kpien nɔi a lab pi a pai buye a jam, 21padabilisa siyopɔiwa meena ni ta zom taasi kpien nɔi a lab pi a ta bunyi a jam. 22Ni ta buduk kunyi a maa jam ase biem tiirim la a nye biem duisi basika. 23Ni gomsi ŋantaŋa de a gum chaab ase saluik meena ate ni a nye juka tiirimu diila. 24Suiku de po gomsi ŋan bieŋa tiirimu ate ni a nye ale bolim daa meena la ate ku paari daa ŋayopɔi ase nyum buui ale masa a te Naawen la, ku magsi ni gomsi a gum chaab ale ni nyiem ale a nye juka tiirimu ale daamu tiirimu diila. 25Daa ŋayopɔiwa danni ni nye tuilum tigsuŋ, ni kan tom tuin pagri.
26<< <Yɔna ŋaai ale dɛ niŋ a bɛ la, ase ni dan te Naawen tiirim ale ŋanbie paala Bakoa Tigini danni, ni tu chaab ale weleŋsa abe ni kan tom tuini ase ni nyiem ale a tom diila. 27Ni nye juka tiirim ale lalik paalisa siye ale padiak kanyi ale padabilisa siyopɔi, sii ale ta bein yeŋ dekki la ase nyum buui ale masa a te Naawen la. 28A gum chaab ale lalik kanyi meena ku a magsi ka ni ta ŋandiinta tiirim taasi kpien nɔi a lab pi a pai buta ale zonaliŋ a dam kpaam du, ale padiaka ni ta taasi kpien nɔi a lab pi a ta buye a jam, 29ale padabilisa siyopɔiwa kanyi meena ni ta taasi kpien nɔi a lab pi a pai bunyi a gum du a jam. 30Ni maa ta buduk kunyi a gum du a magsi ate ba nye biem duisi basika a te ni. 31Gomsi ŋantaŋa de a gum chaab ale ba daamu tiirimu a gum ba nyiem ale nye juka tiirimu ale ŋandiinta tiirimu la po. Kpesi nya chak ayen duŋsaŋa a ka jomi ya.
Currently Selected:
Chiinika 28: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Chiinika 28
28
1Naawen a biisi te Moosis ayen, 2<<Pa wanni de a te Izirali demma a weeni ba ayen, <Ni nya ku zuk diipo ale magsi ni te mu ŋandiinta a ta nyini m tiirimu ate ni nye ale bolim ase nyum buui ale masa a te mi la.> 3Weeni ba ayen, <Tiirimu de ate ba nye ale bolim ayen ni pai a te Naawen la, ni yik pabisa siye, sii ale ta bein yeŋ dekki ale ka jomi la a nye ase ni nyiem ale a nye juka tiirim daa meena diila. 4Gomsi pabiik kanyi saluik abe kanyi wa mɛ junɔi, 5ale ŋandiinta tiirim ase zom naliŋ kuruba nɔi a pai kpaam kolini dinyi a dam du. 6Juka tiirimu de ate ni a nye daa meena ase ku le jam ka dii a nyini Sinai Guuku, ase mariŋka nyum buui ale masa, tiirim buui ate ba nye ale bolim a te Naawen la. 7Daamu tiirimu ale paasaŋ la a chim da kum chin geli ale pabiik kanyi meena. Kpiiri daamu tiirimu a te Naawen yenni po. 8Gomsi pabiik kaai ale saari siyewa la junɔi ale ŋandiinta tiirimu ale daam tiirim tii dek ate ni gomsi saluiku la. Bu de ka tiirim buui ate ba nye ale bolim, nyum buui ale masa a te Naawen la.
9<< <Vuusumu danni, ni nye tiirim ale pabisa siye, sii ale ta bein yeŋ dekki a ka jomi la, a gum chaab ale ka nyuka tiirimu ale ŋandiinta tiirim taasi kpien nɔi a lab pi a pai buye ale zonaliŋ a dam le kpaam. 10Kude ka juka tiirim a te Vuusum dai meena a gum chaab ale juka tiirimu ale daamu tiirimu ate ni kasim a nye la.
11<< <Chiik meena piilimka dai, ni yik lalik paalisa siye ale padiak kanyi ale padabilisa siyopɔi, sii ale ta bein yeŋ ale ka jomi la a nye juka tiirim a te Naawen. 12Ale lalik kanyi meena ku a magsi ka ŋandiinta tiirim ale zonaliŋ taasi kpien nɔi a lab pi a pai buta a dam ale kpaam ale padiaka, ale ŋandiinta tiirim ale zom taasi kpien nɔi a lab pi a pai buye a dam ale kpaam. 13Ale padiak kanyi ale ŋandiinta tiirim taasi kpien nɔi a lab pi a pai dinyi a dam ale kpaam. Kude a magsika juka tiirim, buui nyum ale masa, tiirim buuni ate ba nye ale bolim a te Naawen. 14Ale lalik kanyi meena ku a magsika nyuka tiirim ale damasik kɔlima ŋaye ale padiak ale kolini abe kolini a magsi pabiika mɛ. Kude ale chiik meena juka tiirimu a magsi ni a nye chiik paalik meena beni po. 15Alege ni le kasim a nye juka tiirimu ale daam tiirimu la, Buuk kunyi ale ni a te Naawen ase biem tiirim la.
16<< <Piilimka chiika ka daa pi ale ŋanaansiwa danni ni teeri Naawen Gaambasika Tigini a dɛ di. 17Chiika de ka daa pi ale ŋanuwa danni a magsi ka ni de tigi a paari daa ŋayopɔi a ŋɔbi boroborok kuui ate dabinta a ka ku po. 18Piilim ka danni ni nye tuilum tigsuŋ. Ni kan tom tuin pagri. 19Ni te Naawen tiirim buui ate ni nye ale bolim la, ni yik lalik paalisa siye ale padiak kanyi ale padabilisa siyopɔi, sii ale ta bein yeŋ dekki ale ka jomi la a nye juka tiirimu. 20Ni dan ta lalikka cheena ni maa ta ŋandiinta tiirim taasi kpien nɔi a lab pi a pa buta ale zonaliŋ a dam kpaam du ale padiaka mɛ ni ta zom taasi kpien nɔi a lab pi a pai buye a jam, 21padabilisa siyopɔiwa meena ni ta zom taasi kpien nɔi a lab pi a ta bunyi a jam. 22Ni ta buduk kunyi a maa jam ase biem tiirim la a nye biem duisi basika. 23Ni gomsi ŋantaŋa de a gum chaab ase saluik meena ate ni a nye juka tiirimu diila. 24Suiku de po gomsi ŋan bieŋa tiirimu ate ni a nye ale bolim daa meena la ate ku paari daa ŋayopɔi ase nyum buui ale masa a te Naawen la, ku magsi ni gomsi a gum chaab ale ni nyiem ale a nye juka tiirimu ale daamu tiirimu diila. 25Daa ŋayopɔiwa danni ni nye tuilum tigsuŋ, ni kan tom tuin pagri.
26<< <Yɔna ŋaai ale dɛ niŋ a bɛ la, ase ni dan te Naawen tiirim ale ŋanbie paala Bakoa Tigini danni, ni tu chaab ale weleŋsa abe ni kan tom tuini ase ni nyiem ale a tom diila. 27Ni nye juka tiirim ale lalik paalisa siye ale padiak kanyi ale padabilisa siyopɔi, sii ale ta bein yeŋ dekki la ase nyum buui ale masa a te Naawen la. 28A gum chaab ale lalik kanyi meena ku a magsi ka ni ta ŋandiinta tiirim taasi kpien nɔi a lab pi a pai buta ale zonaliŋ a dam kpaam du, ale padiaka ni ta taasi kpien nɔi a lab pi a ta buye a jam, 29ale padabilisa siyopɔiwa kanyi meena ni ta taasi kpien nɔi a lab pi a pai bunyi a gum du a jam. 30Ni maa ta buduk kunyi a gum du a magsi ate ba nye biem duisi basika a te ni. 31Gomsi ŋantaŋa de a gum chaab ale ba daamu tiirimu a gum ba nyiem ale nye juka tiirimu ale ŋandiinta tiirimu la po. Kpesi nya chak ayen duŋsaŋa a ka jomi ya.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation