Chiinika 25
25
1Ase Izirali demma ale diem jam bo Sittim la, nidoama a yaa jam bobi Moab tɛŋka nipooma a goa, 2baai ale jam wi ba ayen ba jam nya ba wenaŋa kaabka la. Nuruma a yaa jam dɛ ale koori tɛŋ a zuli wenaŋa de. 3Dila Izirali demma a yaa jam gum ba po a zuli Baal ale bo Peor la. Ate Naawen sui a yaa puuri ale ba.
4Naawen a yaa weeni Moosis ayen, <<Ta nuruma niŋdeerɔma meena a ga ko ba a jalisi ba kantueŋ Naawen niŋ, dila Naawen suinni ale yɔk ale Izirali demma.>>
5Dila Moosis a yaa biisi te Izirali boteerɔma ayen, <<Ku a fɛ ate ni wanyi meena a ko ni nuru baai ale gum ba po a zuli Baal ale bo Peor tɛŋka po la.>>
6Izirali nidoa a yaa ta Midian tɛŋka lie a jam wa dɔkdemma jigi Moosis ale Izirali tigsuŋku meena nimbie po diipo ate ba diem a kum Tuka Viuku nɔi la. 7Ase Fineyas Eleaza nidoabinni ate kaabteerɔwa Aaron a chim wa kokpieŋ la ale ga nya kude la, wa yaa basi tigsuŋku, ale pai gbaluk, 8a va Izirali demma a jo viuku po. Wa jam pai gbaluku chub ba nɔi bayema a vuri a va Izirali denɔwa po a taam paari nipowa nyiŋka. Nyiŋtuilaŋa ale jam bo Izirali demma po la a jam basi kama, 9alege baai ale kpi ale nyiŋtuilaŋa la a paari ka tusa pisiye ale ŋanaansi (24,000).
10Naawen a yaa biisi ale Moosis ayen, 11<<Fineyas Eleaza nidoabinni ate kaabteerɔwa Aaron a chim wa kokpieŋ la a nye ate m sui a yɔk kama ale Izirali demma, dii nyiŋla, wa jam ta ka nyiŋ zeentika ase mi ale ka dii m zulaŋa nyiŋ a te ba la, mi nyiŋ zeentika nyiŋ mi an basi ate ba kpi nueri ya. 12Dila nyiŋ weeni wa ayen mi a nye ka suiyɔgni nɔiyeŋ ale wa. 13Wa ale wa ŋaaŋbisaŋa ale taka nɔiyeŋ kaabteka tuin dii ale di beni, dii nyiŋla wa nyiŋ jam a zeenti kama ale wa Naawen zulaŋa ale nye biem duisi basika a te Izirali demma.>>
14Izirali denɔ waai ate ba jam ko wa ale Midian tɛŋka nipowa la yuei ale Zimri, wa kowa yuei jam le Salu a chim Simeyon dɔkdem niŋdeerɔ. 15Midian tɛŋka nipok waai ate ba jam ko la yue jam le Kozbi, Zur lie, wa jam ka Midian dɔkdemma naab.
16Naawen a yaa weeni Moosis ayen, 17<<Nye Midian demma ase dachaasa la a ko ba, 18dii nyiŋla ba nye ni ase ka dachaasa la a va Peor ale ba toawa Kozbi Midian niŋdeerɔwa liewa a paasi ni, nipok waai ate ba jam ko ase nyiŋtuilaŋa ale jam va Peor nyiŋ a jam la>>
Currently Selected:
Chiinika 25: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Chiinika 25
25
1Ase Izirali demma ale diem jam bo Sittim la, nidoama a yaa jam bobi Moab tɛŋka nipooma a goa, 2baai ale jam wi ba ayen ba jam nya ba wenaŋa kaabka la. Nuruma a yaa jam dɛ ale koori tɛŋ a zuli wenaŋa de. 3Dila Izirali demma a yaa jam gum ba po a zuli Baal ale bo Peor la. Ate Naawen sui a yaa puuri ale ba.
4Naawen a yaa weeni Moosis ayen, <<Ta nuruma niŋdeerɔma meena a ga ko ba a jalisi ba kantueŋ Naawen niŋ, dila Naawen suinni ale yɔk ale Izirali demma.>>
5Dila Moosis a yaa biisi te Izirali boteerɔma ayen, <<Ku a fɛ ate ni wanyi meena a ko ni nuru baai ale gum ba po a zuli Baal ale bo Peor tɛŋka po la.>>
6Izirali nidoa a yaa ta Midian tɛŋka lie a jam wa dɔkdemma jigi Moosis ale Izirali tigsuŋku meena nimbie po diipo ate ba diem a kum Tuka Viuku nɔi la. 7Ase Fineyas Eleaza nidoabinni ate kaabteerɔwa Aaron a chim wa kokpieŋ la ale ga nya kude la, wa yaa basi tigsuŋku, ale pai gbaluk, 8a va Izirali demma a jo viuku po. Wa jam pai gbaluku chub ba nɔi bayema a vuri a va Izirali denɔwa po a taam paari nipowa nyiŋka. Nyiŋtuilaŋa ale jam bo Izirali demma po la a jam basi kama, 9alege baai ale kpi ale nyiŋtuilaŋa la a paari ka tusa pisiye ale ŋanaansi (24,000).
10Naawen a yaa biisi ale Moosis ayen, 11<<Fineyas Eleaza nidoabinni ate kaabteerɔwa Aaron a chim wa kokpieŋ la a nye ate m sui a yɔk kama ale Izirali demma, dii nyiŋla, wa jam ta ka nyiŋ zeentika ase mi ale ka dii m zulaŋa nyiŋ a te ba la, mi nyiŋ zeentika nyiŋ mi an basi ate ba kpi nueri ya. 12Dila nyiŋ weeni wa ayen mi a nye ka suiyɔgni nɔiyeŋ ale wa. 13Wa ale wa ŋaaŋbisaŋa ale taka nɔiyeŋ kaabteka tuin dii ale di beni, dii nyiŋla wa nyiŋ jam a zeenti kama ale wa Naawen zulaŋa ale nye biem duisi basika a te Izirali demma.>>
14Izirali denɔ waai ate ba jam ko wa ale Midian tɛŋka nipowa la yuei ale Zimri, wa kowa yuei jam le Salu a chim Simeyon dɔkdem niŋdeerɔ. 15Midian tɛŋka nipok waai ate ba jam ko la yue jam le Kozbi, Zur lie, wa jam ka Midian dɔkdemma naab.
16Naawen a yaa weeni Moosis ayen, 17<<Nye Midian demma ase dachaasa la a ko ba, 18dii nyiŋla ba nye ni ase ka dachaasa la a va Peor ale ba toawa Kozbi Midian niŋdeerɔwa liewa a paasi ni, nipok waai ate ba jam ko ase nyiŋtuilaŋa ale jam va Peor nyiŋ a jam la>>
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation