Chiinika 24
24
1Yɔgyɔgla de ase Balaam ale nya ale ku yɔk Naawen sui ayen wa niak Izirali la, wa an bek chichirisa ase da ŋaai ale taam la, alege wa tulim wa ninaŋa a tuk ka gɔnni geŋsa. 2Balaam ale nya ale Izirali bisaŋa a lab kali ba dɔk ba dɔk la, Naawen Chiika a yaa jam wa jigi 3ate wa yaa biisi wa wasusugni ayen, <<Biio nidoabinni Balaam wasusugni, wasusugni waai nina ale a nya nalimnyiini la. 4Wasusugni nyɔnɔ waai ale a wom Wen wieŋa la, waai ale nya gɔdaasini a nyini Wen Dii Ale A Niak La, waai ale lo poi nyiŋ ale waai nina ale lagri la.
5<<Nya fi viitaŋa ale nala dii yaa Jekob. Nya fi boka jigini Izirali,
6<<Ase viak la ba teeri nyini peelim, ase talim ale moata benaŋ la, ase ŋan baai ate ba ayen alos te ba vuk ba moata Naawen la, ase nyunyoŋ ale vuk nyiam nɔi diila. 7Nyiam ale nyini ba liisaŋa po a nyini, ba ŋan bieŋa ale ta nyiam yega. Ba naawa ale gaam Agag, ba naamu ale ta zula.
8<<Wen ale ta ba a nyini Ejipiti po a nyini, ba taka lalik waarik pagrim. Ba nya pagrim tɛŋ sii ale kaa yaa ba wari la zuk a wɛ ba kobaŋa bunabuna, ale ba pieŋa ba lu ba. 9Ase gbeŋli la ba a goosi ale a duek tɛŋ, ase gbeŋ niima la ka wana ale baga a nye ba wari ya? Mi a yaali baai ale niak ni la, abe nya niaka abe baai ale ka a te ni la a nya kikaasa.>>
10Ate Belak sui a puuri ale Balaam nna yegayega. Wa yaa nak nichaala ale weeni ayen, <<M wi fu kama ayen fi ka te m dachaasaŋa alege fi gonti niak ba ku nɔi buta meena. 11Nye nwuli a kuli yeri, m le te fu tiirim dek, alege Naawen a zɛri kama ayen fi kan nya tiirim.>>
12Balaam a yaa tulisi Belak ayen. <<Mi an weeni baai ate fi tom ba mi jigi la ayen, 13<Ase Belak a dan poom pai kpana ale ligmɔniŋ a sueri wa yenni a te mi, mi kan baga a nye wari mi dek yeŋka nalim yaase biemmoa, a gaam Naawen ale weeni diila. Ku a fɛ ate m weeni dii nyiini ate Naawen a weeni la?> 14Yɔgyɔgla de mi ŋman a cheŋ ka m nuruma jigi, alege jam ate m kaam fu nuruma de ale ba nye fi nuruma dii da ŋaai ale cheen la.>>
15Ate wa yaa biisi wa wasusugni, <<Biio nidoabinni Balaam wasusugni, wasusugni ate waai a nya di ale nina cheri la, 16wasusugni ate waai a wom Wen wieŋa la, waai nya sebika a nyini Wen Dii Ale Bo Wenŋmazuk La jigi, waai ale nya gɔdaasini Wen Dii Ale A Niak La, waai ni lo pai ninaŋa a vuk tɛŋ ale waai nina ale lagri la.
17<<Mi nya wa kama, alege daa yɔgyɔgla. M nya wa kama alege wa an moata. Chiŋmarik ale nyini Jekob buuni po. Tachek ale yiti Izirali po. Wa le ŋɔriŋ Moab deeŋa ale Sɛyɛt nidoabinni meena zukottaŋa. 18Ba le nya pagrim Edom tɛŋka zuk. Seir, wa dachaasaŋa ale jo wa nisa po alege ate Izirali ale kasim pagra a gum du. 19Niŋdeerɔ ale nyini Jekob buuni po a ko baai ale vuuk la tɛŋka po.>>
20Balaam jam nya Amalek a yaa biisi wa wasusugni ayen, <<Amalek demma ale jam dɛ buura meena niŋ alege wa le jam kaasuŋ jigi kpeglimka.>>
21Wa yaa ga nya Ken demma tɛŋka a biisi wa wasusugni ayen, <<Fi boka jigini ka jigi maŋ, ni yeeŋa mɛ se piuŋ zuk, 22alege nama Ken demma ale kaasi ase Assur demma a ni jam nak yik ni.>>
23Wa ŋman biisi wa wasusugni ayen, <<Ka wana ale wa vua ase Wen a ni nye kude? 24Ŋaaruŋta ale nyini Kittim a jam kaasi Assur ale Eber tɛŋsaŋa alege ba mɛ ale jam kaasuŋ jigi.>>
25Balaam a yaa yiti ŋman kuli yeri alege ate Belak mɛ a va wadek suik.
Currently Selected:
Chiinika 24: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Chiinika 24
24
1Yɔgyɔgla de ase Balaam ale nya ale ku yɔk Naawen sui ayen wa niak Izirali la, wa an bek chichirisa ase da ŋaai ale taam la, alege wa tulim wa ninaŋa a tuk ka gɔnni geŋsa. 2Balaam ale nya ale Izirali bisaŋa a lab kali ba dɔk ba dɔk la, Naawen Chiika a yaa jam wa jigi 3ate wa yaa biisi wa wasusugni ayen, <<Biio nidoabinni Balaam wasusugni, wasusugni waai nina ale a nya nalimnyiini la. 4Wasusugni nyɔnɔ waai ale a wom Wen wieŋa la, waai ale nya gɔdaasini a nyini Wen Dii Ale A Niak La, waai ale lo poi nyiŋ ale waai nina ale lagri la.
5<<Nya fi viitaŋa ale nala dii yaa Jekob. Nya fi boka jigini Izirali,
6<<Ase viak la ba teeri nyini peelim, ase talim ale moata benaŋ la, ase ŋan baai ate ba ayen alos te ba vuk ba moata Naawen la, ase nyunyoŋ ale vuk nyiam nɔi diila. 7Nyiam ale nyini ba liisaŋa po a nyini, ba ŋan bieŋa ale ta nyiam yega. Ba naawa ale gaam Agag, ba naamu ale ta zula.
8<<Wen ale ta ba a nyini Ejipiti po a nyini, ba taka lalik waarik pagrim. Ba nya pagrim tɛŋ sii ale kaa yaa ba wari la zuk a wɛ ba kobaŋa bunabuna, ale ba pieŋa ba lu ba. 9Ase gbeŋli la ba a goosi ale a duek tɛŋ, ase gbeŋ niima la ka wana ale baga a nye ba wari ya? Mi a yaali baai ale niak ni la, abe nya niaka abe baai ale ka a te ni la a nya kikaasa.>>
10Ate Belak sui a puuri ale Balaam nna yegayega. Wa yaa nak nichaala ale weeni ayen, <<M wi fu kama ayen fi ka te m dachaasaŋa alege fi gonti niak ba ku nɔi buta meena. 11Nye nwuli a kuli yeri, m le te fu tiirim dek, alege Naawen a zɛri kama ayen fi kan nya tiirim.>>
12Balaam a yaa tulisi Belak ayen. <<Mi an weeni baai ate fi tom ba mi jigi la ayen, 13<Ase Belak a dan poom pai kpana ale ligmɔniŋ a sueri wa yenni a te mi, mi kan baga a nye wari mi dek yeŋka nalim yaase biemmoa, a gaam Naawen ale weeni diila. Ku a fɛ ate m weeni dii nyiini ate Naawen a weeni la?> 14Yɔgyɔgla de mi ŋman a cheŋ ka m nuruma jigi, alege jam ate m kaam fu nuruma de ale ba nye fi nuruma dii da ŋaai ale cheen la.>>
15Ate wa yaa biisi wa wasusugni, <<Biio nidoabinni Balaam wasusugni, wasusugni ate waai a nya di ale nina cheri la, 16wasusugni ate waai a wom Wen wieŋa la, waai nya sebika a nyini Wen Dii Ale Bo Wenŋmazuk La jigi, waai ale nya gɔdaasini Wen Dii Ale A Niak La, waai ni lo pai ninaŋa a vuk tɛŋ ale waai nina ale lagri la.
17<<Mi nya wa kama, alege daa yɔgyɔgla. M nya wa kama alege wa an moata. Chiŋmarik ale nyini Jekob buuni po. Tachek ale yiti Izirali po. Wa le ŋɔriŋ Moab deeŋa ale Sɛyɛt nidoabinni meena zukottaŋa. 18Ba le nya pagrim Edom tɛŋka zuk. Seir, wa dachaasaŋa ale jo wa nisa po alege ate Izirali ale kasim pagra a gum du. 19Niŋdeerɔ ale nyini Jekob buuni po a ko baai ale vuuk la tɛŋka po.>>
20Balaam jam nya Amalek a yaa biisi wa wasusugni ayen, <<Amalek demma ale jam dɛ buura meena niŋ alege wa le jam kaasuŋ jigi kpeglimka.>>
21Wa yaa ga nya Ken demma tɛŋka a biisi wa wasusugni ayen, <<Fi boka jigini ka jigi maŋ, ni yeeŋa mɛ se piuŋ zuk, 22alege nama Ken demma ale kaasi ase Assur demma a ni jam nak yik ni.>>
23Wa ŋman biisi wa wasusugni ayen, <<Ka wana ale wa vua ase Wen a ni nye kude? 24Ŋaaruŋta ale nyini Kittim a jam kaasi Assur ale Eber tɛŋsaŋa alege ba mɛ ale jam kaasuŋ jigi.>>
25Balaam a yaa yiti ŋman kuli yeri alege ate Belak mɛ a va wadek suik.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation