Chiinika 21
21
1Keenan demma naawa Arad waai ale jam bo Negev tɛŋka po la ale wom ayen Izirali demma a bo Atarim suiku po a cheen la, wa yaa siti Izirali demma a yik ba gela. 2Izirali demma a yaa puulim a te Naawen ayen, <<Ase fi a dan pai nuruma de a nyo ti nisima po, ti le kaasi ba tɛŋsaŋa meena.>> 3Naawen a yaa wom Izirali demma saalimka a yaa pai Keenan demma a te ba. Ba yaa kaasi ba ale ba tɛŋsaŋa meena dila nyiŋla jigini yuei a jam le Yorma.
4Ba yaa jam nyini Yor Guuku a va suik kuui ale a cheŋ Nyakpiem Mɔnuŋku geŋsa la, a gilim Edom. Alege nuruma sue yaa jam kaasi suiku po. 5Ba yaa jam biisi kaasi Wen ale Moosis ayen, <<Ka boa ate fi ta ti nyini Ejipiti po a nyini ayen ti kpi gɔnni dɛ po? Ŋandiinta ka! Nyiam ka! Ti be kan yaali niniga ŋandiintaŋa de!>>
6Naawen a yaa tom ate waapiisa a jam ba po a dom ba ate Izirali demma yega a kpi. 7Nuruma a yaa jam Moosis jigi ayen, <<Ti nye ka biem ti le biisi kaasi Naawen ale fi la. Puusi a te Naawen ate wa te wiiŋa a cheŋ abe ŋa ge ti.>> Moosis a yaa puusi a te nuruma.
8Naawen a yaa biisi ale Moosis ayen, <<Wa nye waab a pai bu a yik diok nyiŋ, nuru waai ate waab dom wa la a dan zak nya bu wa kan kpi.>> 9Dila nyiŋla Moosis a yaa nye kutuk mɔnuŋ waab a pai bu a yik diok nyiŋ. Waai meena ate waab a dom ate wa zak nya kutuk mɔnuŋ waamu la a yaa vuuk.
10Izirali demma a yaa ŋman basi dula ale cheŋ Obot. 11Ba ŋman nyini Obot a cheŋ ka Iye Abarim gɔnni ale tuk Moab la wenbinni ale pusi kauk kuui la geŋ. 12A nyini dula ba ŋman cheŋ ka Zered Viaka. 13Ba basi dula ale cheŋ ga kali ka Arnon Benaŋka nɔi juijui ale bo gɔnni po a ta ga paari Amori demma tɛŋ banni. Arnon ka bain a bo Moab ale Amori demma suŋsuŋ. 14Dila ale soa ate Naawen Kpaliŋsa Gbaŋka a weeni ayen, <<Waheb tɛŋka ale bo Sufa la ale vooliŋsa ale Arnon Benaŋka, 15ale vooliŋsaŋa ale churinti, a tuak Ar geŋsa la a doa a nye bain ale Moab la.>>
16A nyini dula ba jam cheŋ ka Beer vili dii ate Naawen a weeni Moosis ayen, <<Tigsi nuruma jigi yeŋ ate mi ale te ba nyiam.>> 17Izirali demma a yaa lenni yiini dɛ ayen, <<Tɔŋ jueli vili yaa, ni pai di a lenni yiili, 18a magsi chaab ale vili dii ate nabisaŋa a jam tu la, dii ate nuruma kpaŋŋa a jam tu la, kpaŋŋa ale ba tacheksaŋa.>> Ba yaa basi gɔnni ale cheŋ Mattana, 19a nyini Mattana ba cheŋ ka Nayaliel a nyini Nayaliel ba cheŋ ka Bamot. 20Ba ŋman nyini Bamot a cheŋ ka Moab viaka kauk kuui ate fi dan zaani Pisga guuku zuk fi nya tɛŋ kaai ale doa jassi la.
21Izirali demma a yaa tom nuruba ayen ba weeni Siyon Amori naawa ayen, 22<<Basi ate ti va fi tɛŋka po a taam. Ti kan mobi jo laŋ yaase kaduk po yaase ti nyu nyiam vili po. Ti le vaka naawa suik duoku ate tama a ga gaam fi tɛŋka meena a taam.>>
23Alege Siyon an siak ayen Izirali demma a va wa tɛŋka po a taamu. Wa jam ta ka wa tugurik tommu meena a nyini cheŋ gɔnni po a tu chaab ale Izirali demma. Ase wa le paari Jayaz la, wa yaa nye kpaliŋ ale Izirali demma 24Izirali demma a yaa ko wa ale tuesi wa tɛŋka a zaani Arnon benaŋka a ga paari Jabbok benaŋka alege paarika Ammon demma tɛŋka nyiini, dii nyiŋla ba tɛŋka bani ka parik ale gilim ka. 25Izirali demma a yaa nak tuesi Amori demma tɛŋsaŋa meena a bo si po. Ba jam maa bo Yesbon ale tɛŋ sii meena ale gilim ka la po kama. 26Yesbon ale kauk kuui ate Amori demma naawa Siyon a nyini la, waai ale jam liŋ nye kpaliŋ ale Moab nakpaka ale tuesi wa tɛŋka meena a ta ga paari Arnon benaŋka la.
27Dila ale soa ate wamagsima nyɔnɔwa a weeni ayen, <<Ni jam Yesbon a ŋman pilim sɛ ka. Basi ate Siyon a pilim nya wa tɛŋka.
28<<Bolim ale jam chɔgsi Yesbon tɛŋka, bolim ŋiak a yiti Siyon tɛŋka. Bu dɛ Ar ale bo Moab po la ale Arnon guutaŋa. 29Ku le bie a te Moab demma! Ni kaasi kama, Chemos demma! Wa pai wa nidoabilisaŋa a tagri te kama ale pai wa liema mɛ a te naab Siyon Amori denɔwa ase yɔm la.
30<<Alege ti yiak ba basi kama. Ti kaasi Yesbon tɛŋka meena kama a ta ga paari Dibon. Ti ŋɔriŋ ba kama a ta ga paari Nofa kaai ale teeri ga paari Medeba la.>>
31Izirali demma a yaa jam bo Amori demma tɛŋka po. 32Moosis ale jam tom nuruba ayen ba ga kpesi nya Jazer la ŋaaŋnyiŋ, Izirali demma a yaa jam nak yik ka tɛŋ kpaŋsaŋa a yaa yiak Amori demma baai ale bo dula la a basi.
33Ba yaa jam viriŋ a jueli va Basan suiku ate Basan naawa Og ale wa tugurik tommu meena a yaa nyini a tu ba suik ayen ba nye kpaliŋ Edrei. 34Naawen yaa weeni Moosis ayen, <<Kan chali wa yɔgsummoa, ale mi pai wa ale wa tugurik tommu ale wa tɛŋka meena a nyo ka fi nisima po. Nye wa ase fi le nye Siyon Amori demma naawa diila waai ale jam a nya Yesbon la.>> 35Ba yaa jam chub wa lɔnsi ale wa nidoabilisaŋa ale wa tugurik tommu meena an tali javuwa. Ale jam tuesi wa tɛŋka a tara.
Currently Selected:
Chiinika 21: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Chiinika 21
21
1Keenan demma naawa Arad waai ale jam bo Negev tɛŋka po la ale wom ayen Izirali demma a bo Atarim suiku po a cheen la, wa yaa siti Izirali demma a yik ba gela. 2Izirali demma a yaa puulim a te Naawen ayen, <<Ase fi a dan pai nuruma de a nyo ti nisima po, ti le kaasi ba tɛŋsaŋa meena.>> 3Naawen a yaa wom Izirali demma saalimka a yaa pai Keenan demma a te ba. Ba yaa kaasi ba ale ba tɛŋsaŋa meena dila nyiŋla jigini yuei a jam le Yorma.
4Ba yaa jam nyini Yor Guuku a va suik kuui ale a cheŋ Nyakpiem Mɔnuŋku geŋsa la, a gilim Edom. Alege nuruma sue yaa jam kaasi suiku po. 5Ba yaa jam biisi kaasi Wen ale Moosis ayen, <<Ka boa ate fi ta ti nyini Ejipiti po a nyini ayen ti kpi gɔnni dɛ po? Ŋandiinta ka! Nyiam ka! Ti be kan yaali niniga ŋandiintaŋa de!>>
6Naawen a yaa tom ate waapiisa a jam ba po a dom ba ate Izirali demma yega a kpi. 7Nuruma a yaa jam Moosis jigi ayen, <<Ti nye ka biem ti le biisi kaasi Naawen ale fi la. Puusi a te Naawen ate wa te wiiŋa a cheŋ abe ŋa ge ti.>> Moosis a yaa puusi a te nuruma.
8Naawen a yaa biisi ale Moosis ayen, <<Wa nye waab a pai bu a yik diok nyiŋ, nuru waai ate waab dom wa la a dan zak nya bu wa kan kpi.>> 9Dila nyiŋla Moosis a yaa nye kutuk mɔnuŋ waab a pai bu a yik diok nyiŋ. Waai meena ate waab a dom ate wa zak nya kutuk mɔnuŋ waamu la a yaa vuuk.
10Izirali demma a yaa ŋman basi dula ale cheŋ Obot. 11Ba ŋman nyini Obot a cheŋ ka Iye Abarim gɔnni ale tuk Moab la wenbinni ale pusi kauk kuui la geŋ. 12A nyini dula ba ŋman cheŋ ka Zered Viaka. 13Ba basi dula ale cheŋ ga kali ka Arnon Benaŋka nɔi juijui ale bo gɔnni po a ta ga paari Amori demma tɛŋ banni. Arnon ka bain a bo Moab ale Amori demma suŋsuŋ. 14Dila ale soa ate Naawen Kpaliŋsa Gbaŋka a weeni ayen, <<Waheb tɛŋka ale bo Sufa la ale vooliŋsa ale Arnon Benaŋka, 15ale vooliŋsaŋa ale churinti, a tuak Ar geŋsa la a doa a nye bain ale Moab la.>>
16A nyini dula ba jam cheŋ ka Beer vili dii ate Naawen a weeni Moosis ayen, <<Tigsi nuruma jigi yeŋ ate mi ale te ba nyiam.>> 17Izirali demma a yaa lenni yiini dɛ ayen, <<Tɔŋ jueli vili yaa, ni pai di a lenni yiili, 18a magsi chaab ale vili dii ate nabisaŋa a jam tu la, dii ate nuruma kpaŋŋa a jam tu la, kpaŋŋa ale ba tacheksaŋa.>> Ba yaa basi gɔnni ale cheŋ Mattana, 19a nyini Mattana ba cheŋ ka Nayaliel a nyini Nayaliel ba cheŋ ka Bamot. 20Ba ŋman nyini Bamot a cheŋ ka Moab viaka kauk kuui ate fi dan zaani Pisga guuku zuk fi nya tɛŋ kaai ale doa jassi la.
21Izirali demma a yaa tom nuruba ayen ba weeni Siyon Amori naawa ayen, 22<<Basi ate ti va fi tɛŋka po a taam. Ti kan mobi jo laŋ yaase kaduk po yaase ti nyu nyiam vili po. Ti le vaka naawa suik duoku ate tama a ga gaam fi tɛŋka meena a taam.>>
23Alege Siyon an siak ayen Izirali demma a va wa tɛŋka po a taamu. Wa jam ta ka wa tugurik tommu meena a nyini cheŋ gɔnni po a tu chaab ale Izirali demma. Ase wa le paari Jayaz la, wa yaa nye kpaliŋ ale Izirali demma 24Izirali demma a yaa ko wa ale tuesi wa tɛŋka a zaani Arnon benaŋka a ga paari Jabbok benaŋka alege paarika Ammon demma tɛŋka nyiini, dii nyiŋla ba tɛŋka bani ka parik ale gilim ka. 25Izirali demma a yaa nak tuesi Amori demma tɛŋsaŋa meena a bo si po. Ba jam maa bo Yesbon ale tɛŋ sii meena ale gilim ka la po kama. 26Yesbon ale kauk kuui ate Amori demma naawa Siyon a nyini la, waai ale jam liŋ nye kpaliŋ ale Moab nakpaka ale tuesi wa tɛŋka meena a ta ga paari Arnon benaŋka la.
27Dila ale soa ate wamagsima nyɔnɔwa a weeni ayen, <<Ni jam Yesbon a ŋman pilim sɛ ka. Basi ate Siyon a pilim nya wa tɛŋka.
28<<Bolim ale jam chɔgsi Yesbon tɛŋka, bolim ŋiak a yiti Siyon tɛŋka. Bu dɛ Ar ale bo Moab po la ale Arnon guutaŋa. 29Ku le bie a te Moab demma! Ni kaasi kama, Chemos demma! Wa pai wa nidoabilisaŋa a tagri te kama ale pai wa liema mɛ a te naab Siyon Amori denɔwa ase yɔm la.
30<<Alege ti yiak ba basi kama. Ti kaasi Yesbon tɛŋka meena kama a ta ga paari Dibon. Ti ŋɔriŋ ba kama a ta ga paari Nofa kaai ale teeri ga paari Medeba la.>>
31Izirali demma a yaa jam bo Amori demma tɛŋka po. 32Moosis ale jam tom nuruba ayen ba ga kpesi nya Jazer la ŋaaŋnyiŋ, Izirali demma a yaa jam nak yik ka tɛŋ kpaŋsaŋa a yaa yiak Amori demma baai ale bo dula la a basi.
33Ba yaa jam viriŋ a jueli va Basan suiku ate Basan naawa Og ale wa tugurik tommu meena a yaa nyini a tu ba suik ayen ba nye kpaliŋ Edrei. 34Naawen yaa weeni Moosis ayen, <<Kan chali wa yɔgsummoa, ale mi pai wa ale wa tugurik tommu ale wa tɛŋka meena a nyo ka fi nisima po. Nye wa ase fi le nye Siyon Amori demma naawa diila waai ale jam a nya Yesbon la.>> 35Ba yaa jam chub wa lɔnsi ale wa nidoabilisaŋa ale wa tugurik tommu meena an tali javuwa. Ale jam tuesi wa tɛŋka a tara.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation