Chiinika 20
20
1Piilimka chiika po, Izirali tigsuŋku meena a yaa paari Zin Gɔnni po, ba yaa jam bo Kades. Dula jigini ate Miriam a jam kpi ate ba gu wa.
2Nyiam a jam ka dula a te tigsuŋku, ate nuruma a yaa tigsi a ta chaab ale Moosis ale Aaron. 3Ba yaa nye kpaliŋ ale Moosis a weeni wa ayen, <<Tama mɛ daam a dan kpi kama ase te suataŋa ale lo kpi Naawen niŋ la! 4Ka boa ate fi ta Naawen tigsuŋ a jam gɔnni dɛ po ayen tama ale ti duŋsaŋa a kpi dela? 5Ka boa ate fi a ta ti nyini Ejipiti po a nyini jam jigi pagrika dɛ? Ka ka ŋanbie yaase kiŋkama yaase yɔna. Nyiam a karo a nyu.>>
6Moosis ale Aaron a yaa basi tigsuŋku ale cheŋ Tuka Viuku nansuiŋku nɔi a lo pai nina a vuk tɛŋ, ate Naawen zulaŋa a jam ba jigi. 7Naawen a yaa weeni Moosis ayen, 8<<Pa doani ate fi ale fi suoku Aaron a tigsi tigsuŋku jigi yeŋ. Biisi a te piuŋku ate ba nya la ate ku nyiamu ale nyini. Fi le ta nyiam a nyini piuŋku po a nyini a te naakuuni ate ba ale ba duŋsaŋa a nyu.>>
9Moosis yaa pai tachekka Naawen niŋ, ase wa le weeni wa diila. 10Wa ale Aaron a yaa tigsi tigsuŋku meena jigi yeŋ piuŋku niŋ ate Moosis a weeni ba ayen, <<Ni wom dɛ tukpari nyama, ku a fɛ kama ayen tama a ta nyiam a nyini piuŋku dɛ po a nyini te ni?>> 11Moosis yaa zak wa nisaŋa ŋmai a nak piuŋku buye ale wa doani. Nyiam a yaa na nyini a te naakuuni ale ba duŋsaŋa a nyu.
12Alege Naawen a yaa weeni Moosis ale Aaron ayen, <<Nama ale kan ta sebchakka mi la ate ni an zuli mi ase weleŋsa nyɔnɔ Izirali demma nina po la nyiŋ, ni kan ta tigsuŋku dɛ a jam tɛŋka ate mi a te ba la po.>>
13Meriba nyaataŋa jam ale nna juijui ate Izirali demma a jam kpaliŋ ale Naawen, dula jigini ate wa jam pai wadek a sak ba ase waai ale ta tuilum la.
14Moosis a yaa tom nuruba ate ba nyini Kades a cheŋ Edom Naawa jigi, a weeni wa ayen, <<Dii ate fi suoku Izirali a weeni la ale nna: fi seba wapagri ŋaai ale jam tama jigi la kama. 15Tama kokpieŋsaŋa a jam cheŋ ka Ejipiti tɛŋka, ti jam bo dula ka ben boari. Ejipiti demma a jam namisi tama ale ti koma kama, 16alege tama ale jam kaari a te Naawen la, wa wom ti kaarika a tom maarɔ ate wa ta ti a nyini Ejipiti po a nyini. Yɔgyɔgla de ti bo ka dela Kades, tɛŋ kaai ale moata fi tɛŋ banni la.
17<<Ti a saalim basi ate ti va fi tɛŋka po a taam. Ti kan jo talim yaase kaduk po yaase ti nyu nyiam vili po. Ti le vaka Naawa Suik Duoku po a taam ti kan viriŋ juga yaase gala ate ti ga nyini fi tɛŋka po a nyini.>>
18Edom a yaa tulisi ayen, <<Ni kan va dela ni dan zɛri ale jam, ti le nyini ale gebisa a siti ni.>>
19Izirali demma a yaa tulisi ayen, <<Ti le va ka suik duoku a taam ase tama yaase ti duŋsaŋa a dan nyu ni nyaataŋa ti le tuni bu nyiŋ. Tama a yaa ti cheŋ ka naŋta a va du a taam wari a karo.>>
20Ba yaa ŋman tulisi ayen, <<Ni kan bag a va dela.>> Edom demma a yaa nyini a tu chaab ale ba ale tugurik tɔŋdɔba nna yegayega. 21Ase Edom demma ale zɛri ayen ba kan va ba tɛŋka po a taam la Izirali demma a yaa cheem va suik yoŋ.
22Izirali naakuuni meena a yaa basi Kades ale jam Yor Guuku. 23Yor Guuku ale moata Edom tɛŋka banni la dula jigini Naawen a yaa weeni Moosis ale Aaron ayen, 24<<Aaron kala wa kpi a cheŋ ka wa nuruma jigi. Wa kan jo tɛŋ kaai ate mi a te Izirali demma la dii nyiŋla, ni nɔi niyema a nye kaasi m wanni kama diipo ate ni bo Meriba nyaataŋa jigini la. 25Yik Aaron ale wa nidoabinni Eleaza a ta ba jueli Yor Guuku zuk. 26Yeeri Aaron gattaŋa a pai ti jo wa nidoabinni Eleaza ale Aaron a kala wa kpi a cheŋ ka wa nuruma jigi. Wa le kpi ka dela.>>
27Moosis yaa nye dii ate Naawen a weeni wa la. Ba yaa jam jueli Yor Guuku zuk alege naakuuni meena. 28Moosis a yaa yeeri Aaron gattaŋa a pai ti jo wa nidoabinni Eleaza. Aaron a yaa jam kpi guuku zuk. Moosis ale Eleaza a yaa nyini guuku zuk a siŋ, 29ase naakuuni meena ale ga wom ayen Aaron kpi la, Izirali yenni meena a yaa kum wa nyiŋ a paari daa pisita.
Currently Selected:
Chiinika 20: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Chiinika 20
20
1Piilimka chiika po, Izirali tigsuŋku meena a yaa paari Zin Gɔnni po, ba yaa jam bo Kades. Dula jigini ate Miriam a jam kpi ate ba gu wa.
2Nyiam a jam ka dula a te tigsuŋku, ate nuruma a yaa tigsi a ta chaab ale Moosis ale Aaron. 3Ba yaa nye kpaliŋ ale Moosis a weeni wa ayen, <<Tama mɛ daam a dan kpi kama ase te suataŋa ale lo kpi Naawen niŋ la! 4Ka boa ate fi ta Naawen tigsuŋ a jam gɔnni dɛ po ayen tama ale ti duŋsaŋa a kpi dela? 5Ka boa ate fi a ta ti nyini Ejipiti po a nyini jam jigi pagrika dɛ? Ka ka ŋanbie yaase kiŋkama yaase yɔna. Nyiam a karo a nyu.>>
6Moosis ale Aaron a yaa basi tigsuŋku ale cheŋ Tuka Viuku nansuiŋku nɔi a lo pai nina a vuk tɛŋ, ate Naawen zulaŋa a jam ba jigi. 7Naawen a yaa weeni Moosis ayen, 8<<Pa doani ate fi ale fi suoku Aaron a tigsi tigsuŋku jigi yeŋ. Biisi a te piuŋku ate ba nya la ate ku nyiamu ale nyini. Fi le ta nyiam a nyini piuŋku po a nyini a te naakuuni ate ba ale ba duŋsaŋa a nyu.>>
9Moosis yaa pai tachekka Naawen niŋ, ase wa le weeni wa diila. 10Wa ale Aaron a yaa tigsi tigsuŋku meena jigi yeŋ piuŋku niŋ ate Moosis a weeni ba ayen, <<Ni wom dɛ tukpari nyama, ku a fɛ kama ayen tama a ta nyiam a nyini piuŋku dɛ po a nyini te ni?>> 11Moosis yaa zak wa nisaŋa ŋmai a nak piuŋku buye ale wa doani. Nyiam a yaa na nyini a te naakuuni ale ba duŋsaŋa a nyu.
12Alege Naawen a yaa weeni Moosis ale Aaron ayen, <<Nama ale kan ta sebchakka mi la ate ni an zuli mi ase weleŋsa nyɔnɔ Izirali demma nina po la nyiŋ, ni kan ta tigsuŋku dɛ a jam tɛŋka ate mi a te ba la po.>>
13Meriba nyaataŋa jam ale nna juijui ate Izirali demma a jam kpaliŋ ale Naawen, dula jigini ate wa jam pai wadek a sak ba ase waai ale ta tuilum la.
14Moosis a yaa tom nuruba ate ba nyini Kades a cheŋ Edom Naawa jigi, a weeni wa ayen, <<Dii ate fi suoku Izirali a weeni la ale nna: fi seba wapagri ŋaai ale jam tama jigi la kama. 15Tama kokpieŋsaŋa a jam cheŋ ka Ejipiti tɛŋka, ti jam bo dula ka ben boari. Ejipiti demma a jam namisi tama ale ti koma kama, 16alege tama ale jam kaari a te Naawen la, wa wom ti kaarika a tom maarɔ ate wa ta ti a nyini Ejipiti po a nyini. Yɔgyɔgla de ti bo ka dela Kades, tɛŋ kaai ale moata fi tɛŋ banni la.
17<<Ti a saalim basi ate ti va fi tɛŋka po a taam. Ti kan jo talim yaase kaduk po yaase ti nyu nyiam vili po. Ti le vaka Naawa Suik Duoku po a taam ti kan viriŋ juga yaase gala ate ti ga nyini fi tɛŋka po a nyini.>>
18Edom a yaa tulisi ayen, <<Ni kan va dela ni dan zɛri ale jam, ti le nyini ale gebisa a siti ni.>>
19Izirali demma a yaa tulisi ayen, <<Ti le va ka suik duoku a taam ase tama yaase ti duŋsaŋa a dan nyu ni nyaataŋa ti le tuni bu nyiŋ. Tama a yaa ti cheŋ ka naŋta a va du a taam wari a karo.>>
20Ba yaa ŋman tulisi ayen, <<Ni kan bag a va dela.>> Edom demma a yaa nyini a tu chaab ale ba ale tugurik tɔŋdɔba nna yegayega. 21Ase Edom demma ale zɛri ayen ba kan va ba tɛŋka po a taam la Izirali demma a yaa cheem va suik yoŋ.
22Izirali naakuuni meena a yaa basi Kades ale jam Yor Guuku. 23Yor Guuku ale moata Edom tɛŋka banni la dula jigini Naawen a yaa weeni Moosis ale Aaron ayen, 24<<Aaron kala wa kpi a cheŋ ka wa nuruma jigi. Wa kan jo tɛŋ kaai ate mi a te Izirali demma la dii nyiŋla, ni nɔi niyema a nye kaasi m wanni kama diipo ate ni bo Meriba nyaataŋa jigini la. 25Yik Aaron ale wa nidoabinni Eleaza a ta ba jueli Yor Guuku zuk. 26Yeeri Aaron gattaŋa a pai ti jo wa nidoabinni Eleaza ale Aaron a kala wa kpi a cheŋ ka wa nuruma jigi. Wa le kpi ka dela.>>
27Moosis yaa nye dii ate Naawen a weeni wa la. Ba yaa jam jueli Yor Guuku zuk alege naakuuni meena. 28Moosis a yaa yeeri Aaron gattaŋa a pai ti jo wa nidoabinni Eleaza. Aaron a yaa jam kpi guuku zuk. Moosis ale Eleaza a yaa nyini guuku zuk a siŋ, 29ase naakuuni meena ale ga wom ayen Aaron kpi la, Izirali yenni meena a yaa kum wa nyiŋ a paari daa pisita.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation