Chiinika 22
22
1Ate Izirali demma a yaa ŋman cheŋ ga kala Moab tɛŋka a moata Jodan benni ale tuk Jeriko la.
2Zippor nidoabinni Belak ale jam nya dii meena ate Izirali demma a nye Amori demma la, 3ate yɔgsum a jam yik Moab demma dii nyiŋla nuruma a jam piisi ka nna yegayega. Wensie Moab demma a sum jam yɔgsa kama Izirali demma nyiŋ.
4Moab demma a yaa biisi ale Midian nisɔmma ayen, <<Nuru boanni a za ba dɛ ka jabuui meena ale gilim ti la ase naab ale dɛ wuuk meena diila.>> Dila nyiŋla Zippor nidoabinni Belak, waai ale jam ka Moab naab da ŋala po la, 5a yaa tom nuruba ayen ba weeni Biio nidoabinni Balaam waai ale jam bo Petor ate ka moata Benni wadek tɛŋka po la. Belak a weeni ayen, <<Nuruba ale nyini Ejipiti a jam, ba lik tɛŋka meena kama a kala moata mi. 6Yɔgyɔgla de jam ka kikaasa a basi nuruma de zuk dii nyiŋla ba ŋmasi pagra kama a te mu. Dila ale basi ate m baga nya pagrim ba zuk a yiak ba ate ba nyini tɛŋka po a nyini. Mi seba kama ayen baai ate fi niak la a nya niaka kama, baai ate fi ka te la a nya ka kikaasa.>>
7Moab ale Midian nisɔmma a yaa basi dula a yaa ta chuei a magsi bɔkka. Ba le jam Balaam jigi la, ba yaa weeni wa Belak ale weeni diila.
8Balaam yaa tulisi ba ayen, <<Ni goa dela yokku de, ate m ta Naawen ale tulisi mu diila a ŋman jam te ni.>> Ate Moab nabisaŋa a yaa jam goa dula ale wa.
9Wen yaa jam Balaam jigi a bek wa ayen, <<Ka nuru boa ale bo ale fi la?
10Balaam yaa tulisi Wen ayen, <<Zippor nidoabinni Belak, Moab naawa ale tom ba mi jigi, 11<Nuruba ale nyini Ejipiti a lik tɛŋka meena. Jam ka kikaasa a basi ba zuk a te mu. Dila ale basi ate m baga kpaliŋ ale ba a yiak ba a basi.> >>
12Alege Wen a yaa weeni Balaam ayen, <<Kan cheŋ ale ba. Ku a fɛ ate fi kan ka kikaasa a te nuru bala dii nyiŋla Wen a niak ba kama.>>
13Vari ale veenti la Balaam a yaa weeni Belak nabisaŋa ayen, <<Ni ŋman cheŋ nidek tɛŋka, ale Naawen a zɛri kama ayen m kan va ni a cheŋ.>>
14Dila nyiŋla Moab nabisaŋa a yaa ŋman cheŋ Belak jigi a weeni wa ayen, <<Balaam a zɛri kama ayen wa kan va ti a jamu.>>
15Ate Belak yaa ŋman tom nabisa ba chaab ate ba piisi ale ŋman chim ba tɔga ale baai ale poom dɛ niŋka la. 16Ba yaa jam Balaam jigi ayen, <<Zippor nidoabinni Belak ale weeni diila ale nna. Kan basi ate wari a kasi fu ate fi kan jam m jigi ya, 17dii nyiŋ la mi ale te fu tiirim maŋ, abe nye dii meena ate fi a weeni la. Jam ka kikaasa a basi nuruma de zuk a te mu.>>
18Alege Balaam a yaa tulisi ba ayen, <<Ase Belak a dam poom pai wa yenni ate kpana ale ligmɔniŋ a sueri di la a te mi, mi a kan baga a nye wakpien yaase wa fiik a kaasi Naawen m Wenni wanni. 19Bo dela yokku de ase mbala ale nye diila, ate mi ale nya dii ate Naawen ale weeni mi la.>>
20Yok kula Wen a yaa jam Balaam jigi a weeni wa ayen, <<Ase nuruma de ale jam ayen ba ta fu cheŋ la, va ba a cheŋ alege nye dii ate mi a weeni fi la nyiini.>>
21Balaam yaa yiti saluiku a do wa bonika a va Moab nabisaŋa a cheŋ. 22Alege Wen sui yaa jam puuri nna yegayega wa le cheŋ la nyiŋ, ate Naawen maarɔ a yaa za suiku niŋ ayen wa kasi wa. Balaam jam kala ka wa bonika zuk alege ate wa tomteerɔma bayewa mɛ a bo dula ale wa. 23Ase boniŋka ale ga nya Naawen maarɔwa ale wa za suiku po a ta gebik wa nisaŋa po la, ka yaa mobi jo kapeoku po ale basi suiku. Balaam a jam a nak ka kama ayen ka ŋman lo suiku po.
24Ate Naawen maarɔwa a yaa za suik miglik po talita tiye suŋsuŋsa po ate parisa a bo ganaŋa ŋayewa meena. 25Ase boniŋka ale ga nya Naawen maarɔwa la, ka yaa cheŋ maŋ parika ate wa naŋsaŋa a kpiiri parika. Dila a basi kama ate wa ŋman nak ka.
26Naawen maarɔwa a yaa dɛ niŋ a ga zaani suik miglika po kauk kuui ate suik a karo a mobi a va juga yaase gala la. 27Ase boniŋka ale ga nya Naawen maarɔwa la, ka yaa duek Balaam tɛŋ, wa sui yaa jam puuri ate wa nak ka ale wa tachekka. 28Naawen a yaa lak boniŋka nɔnni ate ka weeni Balaam ayen, <<Mi nye fu ka sɛ ate dila basi ate fi a nak mu buta meena?>>
29Balaam yaa tulisi boniŋka ayen, <<Fi koosi mi a la kama, m dan ta ka gebik m nisa po, m te le ko fu.>>
30Boniŋka mɛ a ŋman weeni Balaam ayen mi daa fidek boniŋa, kaai ate fi kasim a do daa meena a paari jinla? Mi diem nye fi nnala nya ya?>> Ate wa weeni ayen, <<Aaya.>>
31Naawen yaa lak Balaam ninaŋa ate wa nya Naawen maarɔwa ale wa za suiku po a yeeri wa gebik. Ate wa yaa koori tɛŋ a lo pai nina vuk tɛŋ.
32Naawen maarɔwa a bek wa ayen, <<Ka boa ate fi nak fi boniŋka buta meena? Mi jam dela ayen m kan siak a te fu dii nyiŋla fi suiku ka suik kaasuŋ a te mi. 33Boniŋka a nya mi kama a ŋmani buta meena. Ase ka dan poom kan ŋmani ya, yɔgyɔgla de m te ko fu kama alege basi ka.>>
34Balaam a yaa weeni Naawen maarɔwa ayen, <<Mi nye ka biem. Mi an kpesi ayen fi za suiku po ayen fi zɛri mu. Yɔgyɔgla de fi sui a dan kaasi m le pilim ŋmani.>>
35Naawen maarɔwa a yaa weeni Balaam ayen, <<Cheŋ ale nuruma alege biisi dii ate mi a weeni fu la nyiini.>> Ate Balaam va nabisaŋa a cheŋ Belak jigi.
36Ase Belak ale wom ayen Balaam a cheena la, wa yaa nyini peelim ayen wa tu wa Moab tɛŋ banni ale bo Arnon la wa tɛŋka kpeglimka jigini a ni la. 37Belak a yaa bek Balaam ayen, <<Mi an tom wi fi tuilituili? Ka boa ate fi an jamu m jigi ya? Mi an baga te fu tiirim ku nyiŋŋa?>>
38Aa, m jam fi jigi kama yɔgyɔgla de, <<Balaam ale tulisi diila ale la. Alege mi bag a biisi wayoŋŋoa? Ku a fɛ ate m biisi dii nyiini ate Wen a pai nyo m nɔnni po la.>>
39Balaam yaa va Belak a cheŋ Kiriat Yuzot. 40Belak yaa nye kaabka ale niiga ale piisa a yaa pai gela te Balaam ale nabisaŋa baai ale jam va wa la. 41Vari ale veenti la saluik Belak yaa ta Balaam cheŋ Bamot Baal jigi. A nyini dula wa yaa nya nuruma gela.
Currently Selected:
Chiinika 22: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Chiinika 22
22
1Ate Izirali demma a yaa ŋman cheŋ ga kala Moab tɛŋka a moata Jodan benni ale tuk Jeriko la.
2Zippor nidoabinni Belak ale jam nya dii meena ate Izirali demma a nye Amori demma la, 3ate yɔgsum a jam yik Moab demma dii nyiŋla nuruma a jam piisi ka nna yegayega. Wensie Moab demma a sum jam yɔgsa kama Izirali demma nyiŋ.
4Moab demma a yaa biisi ale Midian nisɔmma ayen, <<Nuru boanni a za ba dɛ ka jabuui meena ale gilim ti la ase naab ale dɛ wuuk meena diila.>> Dila nyiŋla Zippor nidoabinni Belak, waai ale jam ka Moab naab da ŋala po la, 5a yaa tom nuruba ayen ba weeni Biio nidoabinni Balaam waai ale jam bo Petor ate ka moata Benni wadek tɛŋka po la. Belak a weeni ayen, <<Nuruba ale nyini Ejipiti a jam, ba lik tɛŋka meena kama a kala moata mi. 6Yɔgyɔgla de jam ka kikaasa a basi nuruma de zuk dii nyiŋla ba ŋmasi pagra kama a te mu. Dila ale basi ate m baga nya pagrim ba zuk a yiak ba ate ba nyini tɛŋka po a nyini. Mi seba kama ayen baai ate fi niak la a nya niaka kama, baai ate fi ka te la a nya ka kikaasa.>>
7Moab ale Midian nisɔmma a yaa basi dula a yaa ta chuei a magsi bɔkka. Ba le jam Balaam jigi la, ba yaa weeni wa Belak ale weeni diila.
8Balaam yaa tulisi ba ayen, <<Ni goa dela yokku de, ate m ta Naawen ale tulisi mu diila a ŋman jam te ni.>> Ate Moab nabisaŋa a yaa jam goa dula ale wa.
9Wen yaa jam Balaam jigi a bek wa ayen, <<Ka nuru boa ale bo ale fi la?
10Balaam yaa tulisi Wen ayen, <<Zippor nidoabinni Belak, Moab naawa ale tom ba mi jigi, 11<Nuruba ale nyini Ejipiti a lik tɛŋka meena. Jam ka kikaasa a basi ba zuk a te mu. Dila ale basi ate m baga kpaliŋ ale ba a yiak ba a basi.> >>
12Alege Wen a yaa weeni Balaam ayen, <<Kan cheŋ ale ba. Ku a fɛ ate fi kan ka kikaasa a te nuru bala dii nyiŋla Wen a niak ba kama.>>
13Vari ale veenti la Balaam a yaa weeni Belak nabisaŋa ayen, <<Ni ŋman cheŋ nidek tɛŋka, ale Naawen a zɛri kama ayen m kan va ni a cheŋ.>>
14Dila nyiŋla Moab nabisaŋa a yaa ŋman cheŋ Belak jigi a weeni wa ayen, <<Balaam a zɛri kama ayen wa kan va ti a jamu.>>
15Ate Belak yaa ŋman tom nabisa ba chaab ate ba piisi ale ŋman chim ba tɔga ale baai ale poom dɛ niŋka la. 16Ba yaa jam Balaam jigi ayen, <<Zippor nidoabinni Belak ale weeni diila ale nna. Kan basi ate wari a kasi fu ate fi kan jam m jigi ya, 17dii nyiŋ la mi ale te fu tiirim maŋ, abe nye dii meena ate fi a weeni la. Jam ka kikaasa a basi nuruma de zuk a te mu.>>
18Alege Balaam a yaa tulisi ba ayen, <<Ase Belak a dam poom pai wa yenni ate kpana ale ligmɔniŋ a sueri di la a te mi, mi a kan baga a nye wakpien yaase wa fiik a kaasi Naawen m Wenni wanni. 19Bo dela yokku de ase mbala ale nye diila, ate mi ale nya dii ate Naawen ale weeni mi la.>>
20Yok kula Wen a yaa jam Balaam jigi a weeni wa ayen, <<Ase nuruma de ale jam ayen ba ta fu cheŋ la, va ba a cheŋ alege nye dii ate mi a weeni fi la nyiini.>>
21Balaam yaa yiti saluiku a do wa bonika a va Moab nabisaŋa a cheŋ. 22Alege Wen sui yaa jam puuri nna yegayega wa le cheŋ la nyiŋ, ate Naawen maarɔ a yaa za suiku niŋ ayen wa kasi wa. Balaam jam kala ka wa bonika zuk alege ate wa tomteerɔma bayewa mɛ a bo dula ale wa. 23Ase boniŋka ale ga nya Naawen maarɔwa ale wa za suiku po a ta gebik wa nisaŋa po la, ka yaa mobi jo kapeoku po ale basi suiku. Balaam a jam a nak ka kama ayen ka ŋman lo suiku po.
24Ate Naawen maarɔwa a yaa za suik miglik po talita tiye suŋsuŋsa po ate parisa a bo ganaŋa ŋayewa meena. 25Ase boniŋka ale ga nya Naawen maarɔwa la, ka yaa cheŋ maŋ parika ate wa naŋsaŋa a kpiiri parika. Dila a basi kama ate wa ŋman nak ka.
26Naawen maarɔwa a yaa dɛ niŋ a ga zaani suik miglika po kauk kuui ate suik a karo a mobi a va juga yaase gala la. 27Ase boniŋka ale ga nya Naawen maarɔwa la, ka yaa duek Balaam tɛŋ, wa sui yaa jam puuri ate wa nak ka ale wa tachekka. 28Naawen a yaa lak boniŋka nɔnni ate ka weeni Balaam ayen, <<Mi nye fu ka sɛ ate dila basi ate fi a nak mu buta meena?>>
29Balaam yaa tulisi boniŋka ayen, <<Fi koosi mi a la kama, m dan ta ka gebik m nisa po, m te le ko fu.>>
30Boniŋka mɛ a ŋman weeni Balaam ayen mi daa fidek boniŋa, kaai ate fi kasim a do daa meena a paari jinla? Mi diem nye fi nnala nya ya?>> Ate wa weeni ayen, <<Aaya.>>
31Naawen yaa lak Balaam ninaŋa ate wa nya Naawen maarɔwa ale wa za suiku po a yeeri wa gebik. Ate wa yaa koori tɛŋ a lo pai nina vuk tɛŋ.
32Naawen maarɔwa a bek wa ayen, <<Ka boa ate fi nak fi boniŋka buta meena? Mi jam dela ayen m kan siak a te fu dii nyiŋla fi suiku ka suik kaasuŋ a te mi. 33Boniŋka a nya mi kama a ŋmani buta meena. Ase ka dan poom kan ŋmani ya, yɔgyɔgla de m te ko fu kama alege basi ka.>>
34Balaam a yaa weeni Naawen maarɔwa ayen, <<Mi nye ka biem. Mi an kpesi ayen fi za suiku po ayen fi zɛri mu. Yɔgyɔgla de fi sui a dan kaasi m le pilim ŋmani.>>
35Naawen maarɔwa a yaa weeni Balaam ayen, <<Cheŋ ale nuruma alege biisi dii ate mi a weeni fu la nyiini.>> Ate Balaam va nabisaŋa a cheŋ Belak jigi.
36Ase Belak ale wom ayen Balaam a cheena la, wa yaa nyini peelim ayen wa tu wa Moab tɛŋ banni ale bo Arnon la wa tɛŋka kpeglimka jigini a ni la. 37Belak a yaa bek Balaam ayen, <<Mi an tom wi fi tuilituili? Ka boa ate fi an jamu m jigi ya? Mi an baga te fu tiirim ku nyiŋŋa?>>
38Aa, m jam fi jigi kama yɔgyɔgla de, <<Balaam ale tulisi diila ale la. Alege mi bag a biisi wayoŋŋoa? Ku a fɛ ate m biisi dii nyiini ate Wen a pai nyo m nɔnni po la.>>
39Balaam yaa va Belak a cheŋ Kiriat Yuzot. 40Belak yaa nye kaabka ale niiga ale piisa a yaa pai gela te Balaam ale nabisaŋa baai ale jam va wa la. 41Vari ale veenti la saluik Belak yaa ta Balaam cheŋ Bamot Baal jigi. A nyini dula wa yaa nya nuruma gela.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation