Josua 19

1Gbaŋsa buye po a jam lo ka Simeyon dɔkku yezuk yezuk zuk. Ba charuku a jam bo ka Juda tɛŋka po. 2Tɛŋsaŋa de abe jam gum du kama sila abe le Beerseba yaase Siiba ale Molada ale 3Yazar Sual ale Balaya ale Ezem ale 4Eltolad ale Betul ale Yorma ale 5Ziklag ale Bet Markabot ale Yazar Susaya 6ale Bet Lebaot ale Saruyen, tɛŋsa pi ale sita ale si tɛŋ kpaŋsa. 7Ain ale Arimmon ale Eter ale Asan si mɛ ka sinaansi ale si tɛŋ kpaŋsa. 8Side meena a gum chaab ale ka tɛŋ fi sii ale gilim ba la a ta ga paari Baalat Beer yaase Arama, ale bo Negev tɛŋka la. Side a jam le Simeyon dɔkku yezuk yezuk charuk la. 9Ba jam pai Simeyon demma charuku a ta nyini Juda charuku po kama dii nyiŋla, Juda charuku a poom zuak gaam ba ale a silim diila kama. Dila Simeyon demma a jam nya ba charuku a nyini ka Juda po.

10Gbaŋsa butawa a jam lo ka Zebulun dɔkku yezuk yezuk zuk. Ba tɛŋ banni charuku a jam cheŋ paarika Sarid. 11A cheŋ yeniŋ geŋ, di ga va ka Marala, a cheŋ Dabbeset a ta ti paari vooliŋ ale moata Jokneam la. 12Di viriŋ nyini Sarid kori geŋ a duŋ wenbinni pusika jigini a cheŋ Kislot Tabor a ga va Daberat a ga paari Jafia. 13Di ŋman nyini kori geŋsa a cheŋ Gat Yefer ale Et Kazin tɛŋsaŋa, di jam nyini ka Arimmon a viriŋ a duŋ Nea nyiŋ. 14A nyini dula tɛŋ banni a cheŋ gilim va ka wiilukku geŋsa a cheŋ Yannaton a ga kpeglim Ipta El Viaka. 15Tɛŋ sii ale jam maa gum du la ale nna. Kattat ale Nayalal ale Simron ale Idala ale Betiliyem. Si jam ka tɛŋ kpieŋsa pi ale siye ale si tɛŋ kpaŋsa. 16Tɛŋ kpieŋsa ale si tɛŋ kpaŋsaŋa a jam le Zebulun dɔkku yezuk yezuk charuk.

17Gbaŋ Kaai ale saari bunaansiwa la a lo ka Isaka dɔkku yezuk yezuk zuk. 18Ba tɛŋsaŋa a jam maa gum ka side du, Jezreel ale Kesullot ale Sunem ale 19Yaparaim ale Siyion ale Anayarat ale 20Arabbit ale Kision ale Ebez ale 21Aremet ale En Gannim ale En Yadda ale Bet Pazzez. 22Tɛŋ banni a jam paari Tabor ale Sayazuma ale Bet Sɛmes a ga kpeglim Jodan benni. Si jam ka tɛŋ kpieŋsa pi ale siyuebi ale si tɛŋ kpaŋsa. 23Tɛŋ kpieŋsaŋa de ale si tɛŋ kpaŋsaŋa a jam ka charuk a te Isaka dɔkku yezuk yezuk.

24Bunuwa gbaŋka a jam lo ka Asɛ dɔkku yezuk yezuk zuk. 25Ba tɛŋsaŋa a jam maa gum ka si de du, Yelkat ale Ali ale Beten ale Aksap ale 26Alamelek ale Amad ale Misal. Yeniŋ geŋsa tɛŋ banni a cheŋ ka Karmel ale Siyor Libnat. 27Di yaa viriŋ kori geŋsa a duŋ Bet Dagon, a ga paari Zebulun dɔkku ale Ipta El Viaka, a cheŋ wiilukku geŋ a paari Bet Emek ale Neiel, a gaam Kabul basi gala. 28Di jam cheŋ ka Ebron ale Areyob ale Yammon ale Kanaya a ga paari Saidon. 29Tɛŋ banni a yaa viriŋ va ŋaaŋ a duŋ Arama nyiŋ a ga va Taaya tɛŋka ate pari pagrika a gilim la a viriŋ a duŋ Yosa nyiŋ a jam nyini nyakpiemu ale bo Akzib tɛŋ kpieŋka la, 30ale Umma ale Afek ale Areyob. Si jam ka tɛŋ kpieŋsa pisiye ale siye ale si tɛŋ kpaŋsa. 31Tɛŋ kpieŋsaŋa de ale si tɛŋ kpaŋsaŋa a jam ka charuk a te Asɛ dɔkku yezuk yezuk.

32Buyuebiwa gbaŋka a jam lo ka Nafitali dɔkku yezuk yezuk zuk. 33Ba tɛŋ banni a jam nyini ka Yelep ale tiib kpiemu ale bo Zaanannim la, a gaam Adami Nekeb ale Jabneel taam a ga paari Lakkum a ga kpeglim Jodan benni. 34Tɛŋ banni a jam va ka Aznot Tabor yeniŋ geŋ a jam nyini Yukkok. Di jam paari ka Zebulun dɔkku yeseok geŋsa, ate Asɛ dɔkku a bo yeniŋ geŋsa ate Jodan benni a bo kori geŋsa. 35Tɛŋ sii ate pari pagrisa a gilim si la ale Ziddim ale Zer ale Yammat ale Arakkat ale Kinneret 36ale Adama ale Arama ale 37Kedes ale Edrei ale En Yazor 38ale Iron ale Migdal El ale Yorem ale Bet Anat ale Bet Sɛmes. Si jam ka tɛŋ kpieŋsa pi ale neok ale si tɛŋ kpaŋsa. 39Tɛŋ kpieŋsaŋa de ale si tɛŋ kpaŋsaŋa a jam ka charuk a te Nafitali dɔkku yezuk yezuk.

40Buyopɔiwa gbaŋka a jam lo ka Dan dɔkku yezuk yezuk zuk. 41Ba charuku tɛŋsaŋa a jam maa gum ka side du, Zoraya ale Estaol ale Ir Sɛmes 42ale Saalabbin ale Aijalon ale Itla 43ale Elon ale Timnaya ale Ekron ale 44Elteke ale Gibbeton ale Baalat ale 45Jeyud ale Bene Berak ale Gat Arimmon ale 46Me Jarkon ale Arakkon, ale kabi dii ale tuk Jopa geŋsa la. 47Alege Dan dɔkku ku jam pagra kama a te ba ate ba tuesi ba charuku jigini, dila ba yaa jam nye kpaliŋ ale Lesem a tuesi ka, a ko ba ale bo ka po. Ba jam kali Lesem po kama ale te ka yuei ayen Dan. Ba kokpieŋka yuei a jam ni la. 48Tɛŋ kpieŋsaŋa de ale si tɛŋ kpaŋsaŋa a jam ka charuk a te Dan dɔkku yezuk yezuk.

49Ase ba le jam labi tɛŋka a ga nueri la, Izirali demma a yaa jam te Josua Nun nidoabinni mɛ wa charuk, 50ase Naawen ale jam weeni la. Ba jam te wa ka tɛŋ kaai ate wa bek la. Kala abe le Timnat Seraya ale bo Ɛfraim po ate guutaŋa a boro la. Ate wa jam se tɛŋ kpieŋ a kala dula.

51Tɛŋsaŋa de ale kaabteerɔwa Eleaza ale Josua Nun nidoabinni ale Izirali dɔkku yezuimaŋa nyama a jam nak gbaŋ Siilo tɛŋka Naawen niŋ, Tuka Viuku nansuiŋku nɔi la. Ba jam labi tɛŋka a te chaab a nueri kama.

Currently Selected:

Josua 19: BWU

Highlight

Copy

Compare