Jona 3
3
1Naawen a yaa ŋman biisi ale Jona ku naŋtuok nɔi buye. 2<<Cheŋ Niineve tɛŋ kpieŋka a weeni ba wa dii ate m pai te fu ayen fi weeni ba la.>> 3Jona a yaa siak Naawen nɔi a yaa cheŋ Niineve. Niineve jam ka tɛŋ kpieŋ. Ba pai ka daa ŋata a cheŋ a paari ka. 4Jona ale cheŋ paari Niineve wa pai ka dai a cheŋ mooli Naawen ale weeni wa diila ayen, <<Da pisinaansi ale tali ate Naawen yik Niineve nuruma ale ka jaab meena kaasi.>> 5Jona ale biisi nnala a nueri la, Niineve nuruma a yaa siak Naawen lueluku. Ba yaa nya chaab a zɛri ŋandiinta dɛka. A zaani ba ŋankpagsa ta ga paari ba bimbaansa meena a yaa pai boorisa gatta a jo ayen ku sak ayen ba sue a kaasi ale ba wabaataŋa kama.
6Ba le weeni ate ku paari Niineve naawa, Naawen ale weeni diila, wa yaa yeeri wa naamu gattaŋa ale yaali boorisa gatta a jo a yiri wa naamu zaŋgɔŋka zuk a siŋ kala tantaŋa po. 7Wa yaa ŋmarisi gbaŋ a weeni wa tɛŋka demma ayen, <<Naawa ale wa nisɔmma ale a te gbaŋka de a weeni ayen nuru waai kan dɛ jaab tɛŋka po. Waai mɛ la bi kan ta niiga yaase duŋ buulim a nyini ate ŋa dɛ jaaboa yaase ŋa nyu nyiamoa. 8Alege nurubiik ale duŋsa meena a jo boorisa gatta. Waai meena a juisi Wen ale ninmuna. Waai meena a basi tuim kaasima ale nyeka tuem. 9Ka wana ale seba? Wen bag kama a tagri wa popolaŋa a ta jiirim ale ti a kan pai wa suinni a ko ti.>>
10Wen ale nya ba le nye diila, ale ba le pai ba biemu nyeka a basi la, Wen jiirim a yaa dari ba ate wa an ŋman ta kaasika jam ba jigi ya ase wa le poom piilim poli ayen wa kaasi ba diila.
Currently Selected:
Jona 3: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
