Azaya 4

1Dai dila danni, nipooba bayopɔi ale yik nidoa yeŋ a weeni wa ayen, <<Tama ale dɛ tidek ŋandiinta abe ti yaali tidek gatta a jɔ, fi tin siak ate ti a wi fu ayen ti chorɔ. Ate dila ale lik tama chivieŋa.>>

2Dai dila danni, Naawen Tiib Naŋ ale ta nalim ale zula, ate tɛŋka yɔnaŋa ale chim baai ale vuuk la kanjanta ale zula Izirali tɛŋka po. 3Baai ale tali a bo Zayon la ale baai mɛ ale diem bo Jerusalem la, ba ale wi ba ayen nuru weleŋsa. Ale baai ate ba ŋmarisi ba yueŋa a nyo ŋanvutaŋa po Jerusalem la. 4Nyɔnɔwa ale sugri Zayon nipooma daŋtaŋa a basi. Wa ale pai buusa boka chiik ale bolim chiik a duisi ziim buui ale maŋ Jerusalem la a basi. 5Ate Naawen ale nye ate chiŋmari ale nyuisa a bo Zayon Guuku ale baai ale tigsi dula la zuk kantueŋ abe bolim ŋiak a bo ba zuk yok. Viuk ale ku bo zulaŋa meena zuk. 6Ku ale chim ka kusuŋ ale yɔgsum jigi ate kantueŋ kaa nak ba, ale varibasika ale sukka jigi ate vioku ale ŋmorukku kaa paari ba.

Currently Selected:

Azaya 4: BWU

Highlight

Copy