Azaya 18

1Ku ale toa a te tɛŋ kaai ale bo Kus belaŋa nɔi ate ka kiŋkaŋŋa a fuk la 2ate ka tom baai ate ba va ŋaaruŋ tii ate ba pai bimbena a nye la. Ni cheŋ mwuli tomtomdɔba, ni cheŋ nuru baai ale woŋŋa ate ba nyiŋ gbaŋ saala la jigi, nuru baai ate tɛŋka meena a chali ba la jigi, tɛŋ kaai nyeka ale toa ale ta bichaŋ ate bela a poori tɛŋka la. 3Nama tɛŋka nuruma meena, baai ale bo tɛŋka zuk la, tikti a dan zak guutaŋa zuk, ni le nya, ate damuniŋ a dan peeri, ni le wom. 4Naawen ale weeni mi diila ale nna. <<M le nye diki abe m bo m boka jigini a nya, nna ase wenliuk wulum kantueŋ la, nna se chiŋmari maglim cheka wen la.>> 5Alege ate gbesika a paari la, puutaŋa a dan kan ŋman ka, ate yɔnaŋa a muni, wa le che naŋ sii ale a pusi la ale gebisa, abe wa che naŋ sii ale teeri la a lɔnsi a pai ta cheŋ. 6Ba le basi ba meena a te guutaŋa nuinsaŋa ale gɔi duŋsaŋa. Nuinsaŋa ale dɛ ba yoenni meena, ate gɔi duŋsaŋa ale dɛ ba wenkarika meena.

7Ba ale ta tiirita a jam a te Naawen Dii Ale A Dɛ Tugurik Tɔŋdɔma Niŋ La. Tiiritaŋa ale nyini ka nuru baai ale woŋŋa ate ba nyiŋ gbaŋsaŋa a saala la jigi, nuru baai ate tɛŋka meena a chali ba la jigi, tɛŋ kaai nyeka ale toa ale ta bichaŋ la ate bela a poori ka la. Ba ale ta tiiritaŋa a jam Zayon Guuku zuk, Naawen Dii Ale A Dɛ Tugurik Tɔŋdɔma Niŋ La Yuenni jigini.

Currently Selected:

Azaya 18: BWU

Highlight

Copy