Azaya 12

1Dai dila danni, ni ale weeni ayen, <<Naawen yaa, m le pak fu. Fi sui ate le jam puuri ale mi, alege fi basi fi suipuurumu kama alege a yaa yɔk m sui. 2Wensie, Wen ale mi varibasika. M le ta sebchakka ale wa la nyiŋ, m kan chali yɔgsummoa. Naawen, Naawen dek ale mi pagrɔ ale m yiili. Wa chim ka m varibasika.>> 3Masim ale bo ni jigi ase ni ale a dari nyiam a nyini varibasika viliŋa po la.

4Dai dila danni ni ale weeni ayen, <<Pai jiam a te Naawen, wi wa yuenni. Ni basi ate tɛŋ kpieŋsaŋa demma a miŋ wa ale nye diila, abe ni mooli ayen wa yuenni a yiti ya. 5Ni yi yiila a pak Naawen, dii nyiŋla, wa nye ka wie naliŋsa. Ni basi ate tɛŋka demma meena a seba. 6Zayon demma, ni nuem abe ni yi yiila ale masim, dii nyiŋla Waai ale Welema a bo Izirali la a zuak kama a bo ni suŋsuŋ.>>

Currently Selected:

Azaya 12: BWU

Highlight

Copy