Yosea 9
9
1Izirali, ni kan dɛ masimmoa. Ni kan ni a naŋi ase tɛŋ kpieŋ sinsila la. Diila ni ka wensie ale ni Wenni. Ni a yaali ka taabuksa tutuna ŋan fɔbinta dabiak meena po. 2Ŋan fɔbinta dabaasaŋa ale daam ŋmiaka jiŋŋa a kan te ate nuruma a dɛ. Da paalika ale paasi ba. 3Ba a kan wari Naawen tɛŋka po. Ɛfraim ale ŋman cheŋ Ejipiti a dɛ ŋandiin tii ale daŋ la Assiria po. 4Ba kan kpiiri daam tiirita a te Naawen yaase ba kaabka a peenti wa sui ya. Kaab sila ale nye ase ka kumsa boroborok a te ba. Baai meena ale a ŋɔbi la a kan welema. Ŋandiintaŋa de ka badek ale soa. Ti kan jam Naawen yenni po.
5Ni ale nye ka boa dai dii dai ate ni lueri a magsi ni tiŋŋa la, Naawen tiŋŋa daaŋa po? 6Ba dan poom baga a suk a nyini kaasuŋ po, Ejipiti ale tigsi ba, ate Memfis ale gu ba. Wuuta ale chim a lik ba kpanaŋa ate ba dueni la, ate muŋsa ale zigri a gaam ba viitaŋa. 7Namsika daaŋa a cheena, tutuna daaŋa a bo ka nisa po. Basi ate Izirali a miŋ nya kude. Dii nyiŋla ni wabaataŋa a piisi ka nna yegayega ate ni biemu a zuak nna yegayega ale a nya Naawen biisiteerɔwa nna se beruk la ale a nya waai ale sueri ale Naawen wanni la ase yesiŋ la. 8Wen biisiteerɔwa ale mi Wenni ale chim limisidɔwa a nya Ɛfraim zuk, alege baruk ale a limisi wa, wa suitaŋa meena po ate biem a bo wa Wen yenni po. 9Ba jo ka kaasuŋ po nna yega ase Gibea daaŋa po la. Wen ale teeri ba gaasaŋa abe wa namsi ba ba wabaataŋa nyiŋ.
10<<Ase mi ale jam nya Izirali la, ku jam nye nna se mi nya ka yɔna gɔi po la. Ase mi ale jam nya ni koma la, ku jam nye nna se mi a nya ka kiŋkama kinkaŋ zuk la. Alege ase ba ale jan jam Baal Peor la, ba jam pai badek a te ka chivie bɔglukku ale bie nna se jabuui ate ba jam a yaali la. 11Ɛfraim zulaŋa ale yiti cheŋ abe ŋa ge ba nna se nuim la, ate biam a kan ŋman boro, ate puuk a kan ŋman boro, ate puuk yikka a kan ŋman boro. 12Ba dan poom wuuk bisa, m le ko ba meena. Ku ale toa a te ba ase mi nin cheem kpai a te ba. 13Mi nya Ɛfraim ase ka Taaya ate ba jam vuk jigi naliŋ diila. Alege Ɛfraim ale ta wa bisaŋa a jam koorɔwa jigi.
14Naawen yaa, te ba. Ka boa ate fi ale te ba? Te ba luik tii ale biak a kaasi la ale biisi jaksa.
15<<Ba gaasa meena ate ba nye Gilgal la nyiŋ, mi jam kisi ba kama dula. Ba tuimbaataŋa nyiŋ, m le yiak ba m yenni po. Mi a kan ŋman yaali ba. Ba niŋdeerɔma meena a nye ka tukpari. 16Ɛfraim a kaasi kama. Ba tɛŋ naŋsaŋa a kpi kama, ate ba kan yɔni. Ba dan poom biak bisa, m le ko ba bi sii ate ba kan siak ba nyiŋla.
17Mi Wenni ale zɛri ba dii nyiŋla ba an wom wa nɔi ya. Ba ale bo ka tɛŋ kpieŋsaŋa po a tuinti.
Currently Selected:
Yosea 9: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Yosea 9
9
1Izirali, ni kan dɛ masimmoa. Ni kan ni a naŋi ase tɛŋ kpieŋ sinsila la. Diila ni ka wensie ale ni Wenni. Ni a yaali ka taabuksa tutuna ŋan fɔbinta dabiak meena po. 2Ŋan fɔbinta dabaasaŋa ale daam ŋmiaka jiŋŋa a kan te ate nuruma a dɛ. Da paalika ale paasi ba. 3Ba a kan wari Naawen tɛŋka po. Ɛfraim ale ŋman cheŋ Ejipiti a dɛ ŋandiin tii ale daŋ la Assiria po. 4Ba kan kpiiri daam tiirita a te Naawen yaase ba kaabka a peenti wa sui ya. Kaab sila ale nye ase ka kumsa boroborok a te ba. Baai meena ale a ŋɔbi la a kan welema. Ŋandiintaŋa de ka badek ale soa. Ti kan jam Naawen yenni po.
5Ni ale nye ka boa dai dii dai ate ni lueri a magsi ni tiŋŋa la, Naawen tiŋŋa daaŋa po? 6Ba dan poom baga a suk a nyini kaasuŋ po, Ejipiti ale tigsi ba, ate Memfis ale gu ba. Wuuta ale chim a lik ba kpanaŋa ate ba dueni la, ate muŋsa ale zigri a gaam ba viitaŋa. 7Namsika daaŋa a cheena, tutuna daaŋa a bo ka nisa po. Basi ate Izirali a miŋ nya kude. Dii nyiŋla ni wabaataŋa a piisi ka nna yegayega ate ni biemu a zuak nna yegayega ale a nya Naawen biisiteerɔwa nna se beruk la ale a nya waai ale sueri ale Naawen wanni la ase yesiŋ la. 8Wen biisiteerɔwa ale mi Wenni ale chim limisidɔwa a nya Ɛfraim zuk, alege baruk ale a limisi wa, wa suitaŋa meena po ate biem a bo wa Wen yenni po. 9Ba jo ka kaasuŋ po nna yega ase Gibea daaŋa po la. Wen ale teeri ba gaasaŋa abe wa namsi ba ba wabaataŋa nyiŋ.
10<<Ase mi ale jam nya Izirali la, ku jam nye nna se mi nya ka yɔna gɔi po la. Ase mi ale jam nya ni koma la, ku jam nye nna se mi a nya ka kiŋkama kinkaŋ zuk la. Alege ase ba ale jan jam Baal Peor la, ba jam pai badek a te ka chivie bɔglukku ale bie nna se jabuui ate ba jam a yaali la. 11Ɛfraim zulaŋa ale yiti cheŋ abe ŋa ge ba nna se nuim la, ate biam a kan ŋman boro, ate puuk a kan ŋman boro, ate puuk yikka a kan ŋman boro. 12Ba dan poom wuuk bisa, m le ko ba meena. Ku ale toa a te ba ase mi nin cheem kpai a te ba. 13Mi nya Ɛfraim ase ka Taaya ate ba jam vuk jigi naliŋ diila. Alege Ɛfraim ale ta wa bisaŋa a jam koorɔwa jigi.
14Naawen yaa, te ba. Ka boa ate fi ale te ba? Te ba luik tii ale biak a kaasi la ale biisi jaksa.
15<<Ba gaasa meena ate ba nye Gilgal la nyiŋ, mi jam kisi ba kama dula. Ba tuimbaataŋa nyiŋ, m le yiak ba m yenni po. Mi a kan ŋman yaali ba. Ba niŋdeerɔma meena a nye ka tukpari. 16Ɛfraim a kaasi kama. Ba tɛŋ naŋsaŋa a kpi kama, ate ba kan yɔni. Ba dan poom biak bisa, m le ko ba bi sii ate ba kan siak ba nyiŋla.
17Mi Wenni ale zɛri ba dii nyiŋla ba an wom wa nɔi ya. Ba ale bo ka tɛŋ kpieŋsaŋa po a tuinti.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation