Yosea 10
10
1Izirali jam ka tiib buui ale a teeri. Wa jam a yɔni ka yɔna a te wadek. Ase wa yɔnaŋa ale jam piisi la, wa jam sɛ ka kuŋkuŋta yega. Ase wa tɛŋka ale jam jigsi la, wa jam gomsi wa tuilum tanaŋa kama. 2Pimpaasima ale bo ba suiniimaŋa po, ate ba yaa le ji badek foolaa. Naawen ale kaasi ba kuŋkuŋtaŋa abe wa kaasi ba tuilum tanaŋa.
3Ba yaa le weeni ayen, <<Ti ka naaba dii nyiŋla ti an zuli Naawen. Alege ti dan poom ta naab, wa ate le baga a nye ka boa a te ti?>> 4Ba a biisi ka wakotta ale a pɛ pɛ kayaata, ale a nye nɔiyeŋsa. Ate dila nyiŋ nye kaasika a yiti nna se wubiok ale bo kaduk po diila. 5Nuru baai ale bo Samaria la a yɔksa kama Bet Aven naabiik bɔglukku nyiŋ. Ka nuruma ale kum ku nyiŋ, ate ku kaabteerɔba bɔgluk kaabdɔma ale gum du ale baai ale dɛ masim ku nalimu nyiŋla, dii nyiŋla ba pai nyini ka ba jigi a ta cheŋ jigi yoŋ. 6Ba ale ji ta cheŋ Assiria ase tiirim la a te naab kpioŋku. Ɛfraim ale jo chivie po. Chivie ale yik Izirali wa daata bɔgtaŋa nyiŋ. 7Ba ale ji Samaria ale ka naawa a ta cheŋ ase diok ale bo nyiam zuk diila. 8Ba ale kaasi gaasa pimpitimaŋa zuk. Ku ka Izirali wabaata. Muŋsa ale wuuta ale chim a lik ba kuŋkuŋtaŋa. Ba yaa le weeni pinaŋa ayen, <<Lik ti!>> ale guutaŋa ayen, <<Lo ti zuk!>>
9Izirali, a zaani Gibea daaŋa po, fi nye ka wabiok a yaa wari bo dula. Kpaliŋ an jam pai Gibea waba nyeerisaŋa? 10Ase m sui a dan peenti, m le namsi ba tɛŋ kpieŋsaŋa ale tigsi a jam ba zuk a bobi ba ba wabaataŋa ate ba nye buyewa la nyiŋ. 11Ɛfraim ka naab sari ate ba sak di ate di a yaali zaa fɔbika. Ate m le pai diok a vi wa ŋmankpalaŋa zuk. M le dam Ɛfraim, ate Juda a za wa kpa, ate Jekob a magsi wa guti tɛŋka. 12Bori wayɔrisima a te nidek, abe ni che yaali kaai ale kan a nueri la yɔna abe ni guti ni tɛŋka ate ba an kpa nya la. Diila ku paari ka Naawen gisika, ate wa ga jam a pai wayɔrisima a basi ti zuk. 13Alege ni bori ka gaasa ale che biem ale dɛ pimpaasima yɔna. Dii nyiŋla ni pai ni sebchakka a basi ka nidek pagrim zuk ale ni tugurik tɔŋdɔma ale piisi la. 14Kpaliŋ kaarik a cheen ni nuruma zuk, ate ni yie pagrisaŋa meena ale kaasi ase Salman ale jam kaasi Bet Arbel kpaliŋka danni la, ase maba ale jam lo tɛŋ ale ba bisa diila. 15Betel, be ka dila ale di nye fu, dii nyiŋla fi gaasaŋa a zuak kama. Ase dai dila danni a dan jam Izirali naawa ale kaasi.
Currently Selected:
Yosea 10: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Yosea 10
10
1Izirali jam ka tiib buui ale a teeri. Wa jam a yɔni ka yɔna a te wadek. Ase wa yɔnaŋa ale jam piisi la, wa jam sɛ ka kuŋkuŋta yega. Ase wa tɛŋka ale jam jigsi la, wa jam gomsi wa tuilum tanaŋa kama. 2Pimpaasima ale bo ba suiniimaŋa po, ate ba yaa le ji badek foolaa. Naawen ale kaasi ba kuŋkuŋtaŋa abe wa kaasi ba tuilum tanaŋa.
3Ba yaa le weeni ayen, <<Ti ka naaba dii nyiŋla ti an zuli Naawen. Alege ti dan poom ta naab, wa ate le baga a nye ka boa a te ti?>> 4Ba a biisi ka wakotta ale a pɛ pɛ kayaata, ale a nye nɔiyeŋsa. Ate dila nyiŋ nye kaasika a yiti nna se wubiok ale bo kaduk po diila. 5Nuru baai ale bo Samaria la a yɔksa kama Bet Aven naabiik bɔglukku nyiŋ. Ka nuruma ale kum ku nyiŋ, ate ku kaabteerɔba bɔgluk kaabdɔma ale gum du ale baai ale dɛ masim ku nalimu nyiŋla, dii nyiŋla ba pai nyini ka ba jigi a ta cheŋ jigi yoŋ. 6Ba ale ji ta cheŋ Assiria ase tiirim la a te naab kpioŋku. Ɛfraim ale jo chivie po. Chivie ale yik Izirali wa daata bɔgtaŋa nyiŋ. 7Ba ale ji Samaria ale ka naawa a ta cheŋ ase diok ale bo nyiam zuk diila. 8Ba ale kaasi gaasa pimpitimaŋa zuk. Ku ka Izirali wabaata. Muŋsa ale wuuta ale chim a lik ba kuŋkuŋtaŋa. Ba yaa le weeni pinaŋa ayen, <<Lik ti!>> ale guutaŋa ayen, <<Lo ti zuk!>>
9Izirali, a zaani Gibea daaŋa po, fi nye ka wabiok a yaa wari bo dula. Kpaliŋ an jam pai Gibea waba nyeerisaŋa? 10Ase m sui a dan peenti, m le namsi ba tɛŋ kpieŋsaŋa ale tigsi a jam ba zuk a bobi ba ba wabaataŋa ate ba nye buyewa la nyiŋ. 11Ɛfraim ka naab sari ate ba sak di ate di a yaali zaa fɔbika. Ate m le pai diok a vi wa ŋmankpalaŋa zuk. M le dam Ɛfraim, ate Juda a za wa kpa, ate Jekob a magsi wa guti tɛŋka. 12Bori wayɔrisima a te nidek, abe ni che yaali kaai ale kan a nueri la yɔna abe ni guti ni tɛŋka ate ba an kpa nya la. Diila ku paari ka Naawen gisika, ate wa ga jam a pai wayɔrisima a basi ti zuk. 13Alege ni bori ka gaasa ale che biem ale dɛ pimpaasima yɔna. Dii nyiŋla ni pai ni sebchakka a basi ka nidek pagrim zuk ale ni tugurik tɔŋdɔma ale piisi la. 14Kpaliŋ kaarik a cheen ni nuruma zuk, ate ni yie pagrisaŋa meena ale kaasi ase Salman ale jam kaasi Bet Arbel kpaliŋka danni la, ase maba ale jam lo tɛŋ ale ba bisa diila. 15Betel, be ka dila ale di nye fu, dii nyiŋla fi gaasaŋa a zuak kama. Ase dai dila danni a dan jam Izirali naawa ale kaasi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation