Yosea 8
8
1<<Pai damuniŋka a maŋ fi nɔngbanvaataŋa! Jiiruk ale bo Naawen yenni zuk, dii nyiŋla nuruma a kaasi m nɔiyeŋka kama ale zɛri m sinsaŋŋa. 2Izirali a kaari a wi mi kama, <Ti Wen yaa, ti miŋ fu kama!> 3Alege Izirali a zɛri ka dii ale nala la. Dachiak ale vi wa. 4Ba a bobi ka nalima ate mi an te ba suikwa. Ba a lueri nabisa ate mi an siak ya. Ba pai ka ba kpanaŋa ale ba ligmɔniŋka a nye bɔgta a te badek ate ti ta ba a cheŋ badek kaasuŋ po. 5Samaria, ni yuk ni naabiik bɔglukku a basi. M suinni a puuri kama ale ba. Ku ale beni soa ka sɛ ate ba kan baga a nye cheri? 6Ba nyini ka Izirali! Naabiika de daa Wen ya. Ka peesirɔ ale nye ku. Samaria naabiik kala ale wɛ nna bunabuna.
7<<Ba bori ka viok a che va pagrik. Kinkaaŋa ka zuima. Ŋa kan ta zom a jam mu. Ŋa dan nye ŋanbie, nicham ale nɛ ŋa meena. 8Ba nɛ Izirali ka meena. Wa yaa maa bo ka tɛŋ kpieŋ sii ale a nye ase jaab ale kan ta kiri la po. 9Diila ba cheŋ jueli ka Assiria ase boniŋ kaai nyeka ale toa la a tuinti wadek wa nyiini. Ɛfraim a pai ka wadek a da te baai ale a yaali wa la. 10Ba poom ŋaam pai badek a da te ka tɛŋ kpieŋsa, m yaa le tigsi ba. Ba ale piilim a buk a bɛ naab kpioŋku namsika nyiŋ.
11<<Ɛfraim a poom jam sɛ ka kuŋkuŋta yega a magsi biem tiirita, ti de a chim ka kuŋkuŋta a magsi wabaata nyeka. 12Mi ŋmarisi ŋanta yega m sinsaŋŋa po kama a te ba, alege ba nya ŋa kama ase ŋan chaŋsa la. 13Ba jam nyeka kaabka a te mi ale ŋɔbi lammu, alege Naawen sui an peenti ale ba. Yɔgyɔgla de wa le teeri ba gaasaŋa a namsi ba, ba wabaataŋa nyiŋ. Ba ale ŋman cheŋ Ejipiti. 14Izirali a baŋ wa Nyeerɔwa kama ale sɛ nalima yie. Juda a nye kama ate tɛŋsa yega a pagra. Alege m le basi ate bolim a lo ba tɛŋ kpieŋsaŋa zuk ate bu dɛ ba yie pagrisaŋa.>>
Currently Selected:
Yosea 8: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Yosea 8
8
1<<Pai damuniŋka a maŋ fi nɔngbanvaataŋa! Jiiruk ale bo Naawen yenni zuk, dii nyiŋla nuruma a kaasi m nɔiyeŋka kama ale zɛri m sinsaŋŋa. 2Izirali a kaari a wi mi kama, <Ti Wen yaa, ti miŋ fu kama!> 3Alege Izirali a zɛri ka dii ale nala la. Dachiak ale vi wa. 4Ba a bobi ka nalima ate mi an te ba suikwa. Ba a lueri nabisa ate mi an siak ya. Ba pai ka ba kpanaŋa ale ba ligmɔniŋka a nye bɔgta a te badek ate ti ta ba a cheŋ badek kaasuŋ po. 5Samaria, ni yuk ni naabiik bɔglukku a basi. M suinni a puuri kama ale ba. Ku ale beni soa ka sɛ ate ba kan baga a nye cheri? 6Ba nyini ka Izirali! Naabiika de daa Wen ya. Ka peesirɔ ale nye ku. Samaria naabiik kala ale wɛ nna bunabuna.
7<<Ba bori ka viok a che va pagrik. Kinkaaŋa ka zuima. Ŋa kan ta zom a jam mu. Ŋa dan nye ŋanbie, nicham ale nɛ ŋa meena. 8Ba nɛ Izirali ka meena. Wa yaa maa bo ka tɛŋ kpieŋ sii ale a nye ase jaab ale kan ta kiri la po. 9Diila ba cheŋ jueli ka Assiria ase boniŋ kaai nyeka ale toa la a tuinti wadek wa nyiini. Ɛfraim a pai ka wadek a da te baai ale a yaali wa la. 10Ba poom ŋaam pai badek a da te ka tɛŋ kpieŋsa, m yaa le tigsi ba. Ba ale piilim a buk a bɛ naab kpioŋku namsika nyiŋ.
11<<Ɛfraim a poom jam sɛ ka kuŋkuŋta yega a magsi biem tiirita, ti de a chim ka kuŋkuŋta a magsi wabaata nyeka. 12Mi ŋmarisi ŋanta yega m sinsaŋŋa po kama a te ba, alege ba nya ŋa kama ase ŋan chaŋsa la. 13Ba jam nyeka kaabka a te mi ale ŋɔbi lammu, alege Naawen sui an peenti ale ba. Yɔgyɔgla de wa le teeri ba gaasaŋa a namsi ba, ba wabaataŋa nyiŋ. Ba ale ŋman cheŋ Ejipiti. 14Izirali a baŋ wa Nyeerɔwa kama ale sɛ nalima yie. Juda a nye kama ate tɛŋsa yega a pagra. Alege m le basi ate bolim a lo ba tɛŋ kpieŋsaŋa zuk ate bu dɛ ba yie pagrisaŋa.>>
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation