Amos 4
4
1Ni wom wanni de, nipok baai ale a nye ase Basan tɛŋka niiŋa a bo Samaria guuku zuk la. Ni a namsi ŋanjaksa ale a vari baai ale kan ta la. Ale a weeni ni chorɔba ayen, <<Ni ta daam a jam te ti!>> 2Nyɔnɔwa Naawen abe pɛ kama a ta va wa weleŋsaŋa nyiŋ. <<Dai a cheena ate ba ale yik ni ase ba ale pai goatik a yik juma diila. 3Ni wanyi wanyi ale va tɛŋka parisaŋa vieŋa po a nyini, ate ba dari ni a ta va Yarmon geŋ a cheŋ.>> Ka Naawen ale weeni. 4<<Ni cheŋ Betel a ga tom wabaata, abe ni ŋman cheŋ Gilgal a ga tom wabaata yegayega a gum du. Ni ta ni kaabka a jam saluik meena. Daa ŋata po ni ta ni ŋantaŋa piika po bunyi a jam te. 5Ni pai dabinta boroborok a nye kaabka a te Wen jiam, abe ni ta kanjanta ale nidek yaalika po tiiritaŋa, ni kuulim dila nyiŋ, nama baai ale ka Izirali dem la. Ale ka nidek ale poom a yaali diila ale la.>> Ka Nyɔnɔwa waai ale ka Naawen la ale weeni.
6<<Ni tɛŋ kpieŋsaŋa meena mi basi kama ate kom a jam, ate ŋandiinta silimka a jam ni tɛŋ fiisaŋa mɛ po, alege ni an ŋman jam mi jigi ya.>> Ka Naawen ale weeni.
7<< Ku ale jam tali chiisa sita ate ni che ni ŋankpaantaŋa la, mi basi kama ate ŋmoruk an ni ya. Mi basi kama ate ŋmoruk a ni tɛŋ kinka alege a basi ate ku an ni tɛŋ kinka. Talim bun bu a nya ŋmoruk alege m bu an nya ya a yaa ko. 8Nuruba nyiem tɛŋsa kama a gisi nyiam alege ba an nya a nyu ya. Dila meena ni an ŋman a jam mi jigi ya.>> Ka Naawen ale weeni.
9<<Ku nɔi yega mi basi kama ate ni kaduk fiisaŋa ale ni kaduksaŋa a kaasi. Mi basi kama ate ŋankpaantaŋa a chuti ale kɔli. Tintue a kaasi ni kinkaŋsaŋa ale kpaam tiisaŋa, dila meena ni an ŋman jam mi jigi ya,>> Ka Naawen ale weeni.
10<<Mi basi kama ate ninam a jam ni jigi ase m ni nye Ejipiti demma diila. Mi ko ni nidoa paalukku kpaliŋsa po ale ni wusumaŋa. Mi te ate kpieba a nyuŋ ni kpaliŋsaŋa kuuŋa po. Dila meena ni an ŋman a jam mi jigi ya.>> Ka Naawen ale weeni.
11<< Mi kaasi ni ba gela ase ka Wen le kaasi Sodom ale Gomora diila. Baai ale jam vua la a nye ase ka diok ate ba yeeri ku a ta nyini bolim po la, Dila meena po ni an ŋman jam mi jigi ya.>> Ka Naawen ale weeni.
12<< Dila nyiŋla, mi ale za ayen m nye ni diila ale nna, Izirali demma. Mi be ni za ayen m nye ni dila la nyiŋ, Izirali demma, ni a gomsi ate ni tu ni Wenni.>>
13Waai ale nye guuta ale viok la ale pai wa popola a sak nurubiik la, waai ale a labri saluik yokyok ate ku a chim legi la, ate wa a cheŋ a paari tɛŋka pimpitimaŋa la. Wa yuenni ale Naawen, Wen Dii Ale A Dɛ Tugurik Tɔŋdɔma Niŋ La.
Currently Selected:
Amos 4: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Amos 4
4
1Ni wom wanni de, nipok baai ale a nye ase Basan tɛŋka niiŋa a bo Samaria guuku zuk la. Ni a namsi ŋanjaksa ale a vari baai ale kan ta la. Ale a weeni ni chorɔba ayen, <<Ni ta daam a jam te ti!>> 2Nyɔnɔwa Naawen abe pɛ kama a ta va wa weleŋsaŋa nyiŋ. <<Dai a cheena ate ba ale yik ni ase ba ale pai goatik a yik juma diila. 3Ni wanyi wanyi ale va tɛŋka parisaŋa vieŋa po a nyini, ate ba dari ni a ta va Yarmon geŋ a cheŋ.>> Ka Naawen ale weeni. 4<<Ni cheŋ Betel a ga tom wabaata, abe ni ŋman cheŋ Gilgal a ga tom wabaata yegayega a gum du. Ni ta ni kaabka a jam saluik meena. Daa ŋata po ni ta ni ŋantaŋa piika po bunyi a jam te. 5Ni pai dabinta boroborok a nye kaabka a te Wen jiam, abe ni ta kanjanta ale nidek yaalika po tiiritaŋa, ni kuulim dila nyiŋ, nama baai ale ka Izirali dem la. Ale ka nidek ale poom a yaali diila ale la.>> Ka Nyɔnɔwa waai ale ka Naawen la ale weeni.
6<<Ni tɛŋ kpieŋsaŋa meena mi basi kama ate kom a jam, ate ŋandiinta silimka a jam ni tɛŋ fiisaŋa mɛ po, alege ni an ŋman jam mi jigi ya.>> Ka Naawen ale weeni.
7<< Ku ale jam tali chiisa sita ate ni che ni ŋankpaantaŋa la, mi basi kama ate ŋmoruk an ni ya. Mi basi kama ate ŋmoruk a ni tɛŋ kinka alege a basi ate ku an ni tɛŋ kinka. Talim bun bu a nya ŋmoruk alege m bu an nya ya a yaa ko. 8Nuruba nyiem tɛŋsa kama a gisi nyiam alege ba an nya a nyu ya. Dila meena ni an ŋman a jam mi jigi ya.>> Ka Naawen ale weeni.
9<<Ku nɔi yega mi basi kama ate ni kaduk fiisaŋa ale ni kaduksaŋa a kaasi. Mi basi kama ate ŋankpaantaŋa a chuti ale kɔli. Tintue a kaasi ni kinkaŋsaŋa ale kpaam tiisaŋa, dila meena ni an ŋman jam mi jigi ya,>> Ka Naawen ale weeni.
10<<Mi basi kama ate ninam a jam ni jigi ase m ni nye Ejipiti demma diila. Mi ko ni nidoa paalukku kpaliŋsa po ale ni wusumaŋa. Mi te ate kpieba a nyuŋ ni kpaliŋsaŋa kuuŋa po. Dila meena ni an ŋman a jam mi jigi ya.>> Ka Naawen ale weeni.
11<< Mi kaasi ni ba gela ase ka Wen le kaasi Sodom ale Gomora diila. Baai ale jam vua la a nye ase ka diok ate ba yeeri ku a ta nyini bolim po la, Dila meena po ni an ŋman jam mi jigi ya.>> Ka Naawen ale weeni.
12<< Dila nyiŋla, mi ale za ayen m nye ni diila ale nna, Izirali demma. Mi be ni za ayen m nye ni dila la nyiŋ, Izirali demma, ni a gomsi ate ni tu ni Wenni.>>
13Waai ale nye guuta ale viok la ale pai wa popola a sak nurubiik la, waai ale a labri saluik yokyok ate ku a chim legi la, ate wa a cheŋ a paari tɛŋka pimpitimaŋa la. Wa yuenni ale Naawen, Wen Dii Ale A Dɛ Tugurik Tɔŋdɔma Niŋ La.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation