Amos 5
5
1Ni be wom wanni de, Izirali demma, mi pai ni a yi ka kuun yiila, 2<<Izirali demma a nye ase ka Nipok Kaliak La alege ba lo kama. Wa be kan ŋman yiti, wadek tɛŋ dem a zɛri wa kama, ate nuru karo ale zak wa ate wa yiti.>>
3Nyɔnɔwa Naawen ale biisi diila ale nna, <<Izirali demma a dan ta tugurik tɔŋdɔba tusidi a cheŋ kpaliŋ po ba po kook ale za ba nyini kpaliŋ ka po a ŋmani, tɛŋ kaai ale ta tugurik tɔŋdɔba kook la a za ba tali ka pi dekki.>>
4Naawen ale weeni Izirali demma diila ale nna, <<Ni gisi mi ate ni vua. 5Ni kan cheŋ Betel a yaali maarika. Ni kan cheŋ ga bo Gilgal. Ni kan cheŋ Beerseba ayen ni a yaali maarika. Ba ale yik Gilgal demma a ta cheŋ tɛŋ yoŋ po ate Betel ale chim kinla.>> 6Ni gisi Naawen ate ni vua, dan kan daa di wa ale pai ka bolim a dɛ Josefi yenni demma meena. Bolimu ale dɛ Betel kama ate waai a kan boro ale kpimsi bu. 7Nama ale baai ale pai biem a chim nyemagsika ale a yuk wayɔrisima a basi tɛŋ la. 8Waai ale nye Gɔlima Gɔlima chiŋmarisaŋa ale biak ale ka nyɔnɔ chiŋmarisaŋa la, wa a labri legi ate di a chim kantueŋ ale a nye kantueŋ ate ka a chim yok. Wa a tigsi nyakpiemu nyaataŋa a kpiiri a basi tɛŋka zuk. Naawen ale wa yuenni. 9Nuru baai ale pagra la, wa basi kama ate kaasuŋ a jam ba jigi ale te tɛŋ pagrika a waaŋ.
10Ni kisi baai ale a toariŋ ni buusa boka jigini la kama ale kan pai zula a te baai ale weeni wensieŋa a sak ni la. 11Ni a namsi ŋanjaksaŋa kama, ale a fɛ ba ate ba pai ba zaaŋa a te ni. Dila nyiŋla, ni tanaŋa yeeŋa ate ni sɛ la, ni kan bo ŋa po, tiisaŋa ate ni vuk ni kaduksaŋa po la ni kan nya si daam a nyu. 12Dii nyiŋla mi seba ni nye kaasuŋtaŋa ale ni wabaataŋa ale zuak diila kama. Ni a namsi nuru maŋsa ale a tuesi ŋanta a nyini ba jigi ale a kasi ŋanjaksa ate ba kan nya nyemagsika wie buusa yeeŋa po. 13Daaŋa ale ka da baata la nyiŋ nuru waai ale ta yam la a kan weeni wari ya.
14Ni gisi nalim abe ni basi biem ate ni ta nyuvuri. Ate Naawen, Wen Dii Ale A Dɛ Tugurik Tɔŋdɔma Niŋ La ale bo ale ni ase nidek ale seba wa ale ka waai la. 15Ni kisa biem abe ni a yaali nalim ni ta nyemagsika buusa boka ni yeeŋa po. Da dii dai Naawen, Wen Dii Ale A Dɛ Tugurik Tɔŋdɔma Niŋ La ale ta jiirim ale Josefi dɔkdem baai ale tali la.
16Dila nyiŋla Nyɔnɔwa, Naawen, Wen Dii Ale A Dɛ Tugurik Tɔŋdɔma Niŋ La ale a weeni nna, <<Nuruba za ba wooli suitaŋa po abe ba a kum jiga meena. Ba ale te ate kpaarɔba kum ale baai ale a kum kuuna zuk la meena a wooli. 17Woolika ale bo kaduksaŋa po, dii nyiŋla mi ale namsi ba. Ka Naawen ale weeni.
18Ku za ku toa a te nama baai ale a gisi Naawen Danni la kama! Ka boa ale soa ate ni a yaali Naawen Danni? Dai dila danni za di chim ka legi alege daa kantueŋŋa. 19Ku ale nye ase ka nuru ale a chali ayen wa bɛ a nyini gbeŋli nisima po a taam ga tu gɔi biak diila. Ku ale nye ase ka waai ale chali paari wa yeri a pai wa nisa a vi wa yeri parik zuk ayen wa vuusi ate waab biok a ŋman dom wa la. 20Naawen Danni a za di chim ka legi daa kantueŋŋa. Di za di nye ka nna kpitɔ, nyaksika a kan boro.
21<<Mi kisa ni tiŋŋa kama. Mi sui an peenti ni tuka suŋsuŋŋa. 22Ni dan poom ta juka tiirita ale ŋanbie tiirita a jam te mi, m kan tuesi. Ni dan poom ta suiyɔgni tiirita a jam te mi, m kan cheem a nya ti. 23Ni cheŋ du ale ni nuemka yiilaŋa! M kan wom ni kpantaŋa yiilaŋa 24Alege ni basi ate nyemagsika a chali ase belinaŋ la, abe wayɔrisima a kan kpeeri ase beli po nyiam la!
25<<Nama ta kaabka ale tiirita a jam te mi bena pisinaansiwa po ate ni jam bo gɔnni po la Izirali demma? 26Alege yɔgyɔgla de ni ale zuli Sakkut ŋanmɛɛntaŋa ni wen naawa, ale chiŋmarik wenni Kaiwan la nyiŋ, ni yaa le ji ŋanmɛɛn tila. 27Dila nyiŋla, mi ale te ba yik ni a ta ni a gaam Damasikus tɛŋka ate ni ga chim yɔm.>> Ka Naawen ale a weeni, waai yue ale ka Wen Dii Ale A Dɛ Tugurik Tɔŋdɔma Niŋ La.
Currently Selected:
Amos 5: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Amos 5
5
1Ni be wom wanni de, Izirali demma, mi pai ni a yi ka kuun yiila, 2<<Izirali demma a nye ase ka Nipok Kaliak La alege ba lo kama. Wa be kan ŋman yiti, wadek tɛŋ dem a zɛri wa kama, ate nuru karo ale zak wa ate wa yiti.>>
3Nyɔnɔwa Naawen ale biisi diila ale nna, <<Izirali demma a dan ta tugurik tɔŋdɔba tusidi a cheŋ kpaliŋ po ba po kook ale za ba nyini kpaliŋ ka po a ŋmani, tɛŋ kaai ale ta tugurik tɔŋdɔba kook la a za ba tali ka pi dekki.>>
4Naawen ale weeni Izirali demma diila ale nna, <<Ni gisi mi ate ni vua. 5Ni kan cheŋ Betel a yaali maarika. Ni kan cheŋ ga bo Gilgal. Ni kan cheŋ Beerseba ayen ni a yaali maarika. Ba ale yik Gilgal demma a ta cheŋ tɛŋ yoŋ po ate Betel ale chim kinla.>> 6Ni gisi Naawen ate ni vua, dan kan daa di wa ale pai ka bolim a dɛ Josefi yenni demma meena. Bolimu ale dɛ Betel kama ate waai a kan boro ale kpimsi bu. 7Nama ale baai ale pai biem a chim nyemagsika ale a yuk wayɔrisima a basi tɛŋ la. 8Waai ale nye Gɔlima Gɔlima chiŋmarisaŋa ale biak ale ka nyɔnɔ chiŋmarisaŋa la, wa a labri legi ate di a chim kantueŋ ale a nye kantueŋ ate ka a chim yok. Wa a tigsi nyakpiemu nyaataŋa a kpiiri a basi tɛŋka zuk. Naawen ale wa yuenni. 9Nuru baai ale pagra la, wa basi kama ate kaasuŋ a jam ba jigi ale te tɛŋ pagrika a waaŋ.
10Ni kisi baai ale a toariŋ ni buusa boka jigini la kama ale kan pai zula a te baai ale weeni wensieŋa a sak ni la. 11Ni a namsi ŋanjaksaŋa kama, ale a fɛ ba ate ba pai ba zaaŋa a te ni. Dila nyiŋla, ni tanaŋa yeeŋa ate ni sɛ la, ni kan bo ŋa po, tiisaŋa ate ni vuk ni kaduksaŋa po la ni kan nya si daam a nyu. 12Dii nyiŋla mi seba ni nye kaasuŋtaŋa ale ni wabaataŋa ale zuak diila kama. Ni a namsi nuru maŋsa ale a tuesi ŋanta a nyini ba jigi ale a kasi ŋanjaksa ate ba kan nya nyemagsika wie buusa yeeŋa po. 13Daaŋa ale ka da baata la nyiŋ nuru waai ale ta yam la a kan weeni wari ya.
14Ni gisi nalim abe ni basi biem ate ni ta nyuvuri. Ate Naawen, Wen Dii Ale A Dɛ Tugurik Tɔŋdɔma Niŋ La ale bo ale ni ase nidek ale seba wa ale ka waai la. 15Ni kisa biem abe ni a yaali nalim ni ta nyemagsika buusa boka ni yeeŋa po. Da dii dai Naawen, Wen Dii Ale A Dɛ Tugurik Tɔŋdɔma Niŋ La ale ta jiirim ale Josefi dɔkdem baai ale tali la.
16Dila nyiŋla Nyɔnɔwa, Naawen, Wen Dii Ale A Dɛ Tugurik Tɔŋdɔma Niŋ La ale a weeni nna, <<Nuruba za ba wooli suitaŋa po abe ba a kum jiga meena. Ba ale te ate kpaarɔba kum ale baai ale a kum kuuna zuk la meena a wooli. 17Woolika ale bo kaduksaŋa po, dii nyiŋla mi ale namsi ba. Ka Naawen ale weeni.
18Ku za ku toa a te nama baai ale a gisi Naawen Danni la kama! Ka boa ale soa ate ni a yaali Naawen Danni? Dai dila danni za di chim ka legi alege daa kantueŋŋa. 19Ku ale nye ase ka nuru ale a chali ayen wa bɛ a nyini gbeŋli nisima po a taam ga tu gɔi biak diila. Ku ale nye ase ka waai ale chali paari wa yeri a pai wa nisa a vi wa yeri parik zuk ayen wa vuusi ate waab biok a ŋman dom wa la. 20Naawen Danni a za di chim ka legi daa kantueŋŋa. Di za di nye ka nna kpitɔ, nyaksika a kan boro.
21<<Mi kisa ni tiŋŋa kama. Mi sui an peenti ni tuka suŋsuŋŋa. 22Ni dan poom ta juka tiirita ale ŋanbie tiirita a jam te mi, m kan tuesi. Ni dan poom ta suiyɔgni tiirita a jam te mi, m kan cheem a nya ti. 23Ni cheŋ du ale ni nuemka yiilaŋa! M kan wom ni kpantaŋa yiilaŋa 24Alege ni basi ate nyemagsika a chali ase belinaŋ la, abe wayɔrisima a kan kpeeri ase beli po nyiam la!
25<<Nama ta kaabka ale tiirita a jam te mi bena pisinaansiwa po ate ni jam bo gɔnni po la Izirali demma? 26Alege yɔgyɔgla de ni ale zuli Sakkut ŋanmɛɛntaŋa ni wen naawa, ale chiŋmarik wenni Kaiwan la nyiŋ, ni yaa le ji ŋanmɛɛn tila. 27Dila nyiŋla, mi ale te ba yik ni a ta ni a gaam Damasikus tɛŋka ate ni ga chim yɔm.>> Ka Naawen ale a weeni, waai yue ale ka Wen Dii Ale A Dɛ Tugurik Tɔŋdɔma Niŋ La.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation