2 Samuel 4
4
1Sɔɔl nidoabinni Isboset ale wom ayen Abner a kpi Yebron la, wa yaa jɔk nyiŋbiiri ate yɔgsum yik Izirali meena. 2Wa jam ta ka nidoaba baye ate ba chim baai ale a siti nuruba la niŋdeerɔba. Wanyi yuei jam le Baanaya, nwala yuei a jam le Arekab. Ba jam ka Arimmon Beerot denɔwa a nyini Benjamin buuni po. Beerot ba jam a nya ba ase ka Benjamin buuni po la, 3dii nyiŋla Beerot nuruma a chali cheŋ ka Gittaim a bo dula ase nicham la a jam paari jinla.
4Sɔɔl nidoabinni Jonatan a jam ta ka nidoabili ate wa chim gbaruk, naŋsaŋa meena a jam gbariŋ kama. Wa jam ka bena ŋanu ate Sɔɔl ale Jonatan wie a jan jam Jezreel. Ate dɔklie waai ale a nya wa zuk la a jam pai wa a ta a chali alege wa le a kpabi ayen wa basi dula la, wa yaa pai wa a lɔnsi ate wa chim gbaruk. Wa yuei jam le Mefiboset.
5Yɔgyɔgla de Arimmon Beerot denɔwa nidoabilisaŋa Arekab ale Baanaya a yaa nyini a cheŋ Isboset yenni, a yaa ga paari du kantueŋ zizirik ale wa boro a vuusi kantueŋ vuusum. 6Ba yaa jo yenni po niŋ ase ba a yaali ba nye za la, ate ba yaa chub wa lɔgni. Arekab ale wa suoku Baanaya a yaa magi a nyini.
7Ba jam jo yenni po alege ate wa doa ka gaduok zuk niŋ dɔkku po. Ba le chub wa a ko la ŋaaŋnyiŋ ba yaa gebi wa zukku. Ba pai ku kama a ta cheŋ yokku meena a va Araba. 8Ba yaa ta Isboset zukku a jam Deevid jigi Yebron a weeni naawa ayen, <<Isboset Sɔɔl nidoabinni zukku ale nna, fi dachiaka, waai ale pii nyiŋ ayen wa ko fu la. Jinla danni Naawen a tuni Sɔɔl ale wa buuni kama a te mi nyɔnɔwa naawa.>>
9Deevid yaa tulisi Arimmon Beerot denɔwa nidoabilisaŋa Arekab ale wa suoku Baanaya ayen, <<Naawen ale boro la nyiŋ, waai ale da tuesi mi daanika meena po la! 10Nuru ale jam weeni mi ayen, <Sɔɔl kpi la>, ale poli ayen wa ta ka wamaŋ cheena la, mi yik wa kama a ko Ziklag po. Wa tutunaŋa jam le la ate mi a te wa wa wanni ate wa ta jam la. 11Alege ka nyeka tuem nuruba ale ko nuru waai ale kan seba wari nɔi po wadek yeri po ale wadek gaduok zuwa. Yɔgyɔgla de m kan bek wa ziimu a nyini fi nisima po abe m yeeri fu tɛŋka zuwa?>>
12Deevid yaa te wa nuruma suik ate ba ko ba. Ba gebi ba nisimaŋa ale ba naŋsaŋa ale pai ba nyiŋsaŋa a yik moata Yebron beli gilini. Alege ba pai Isboset zukku a gu Abner vɔrumu po Yebron.
Currently Selected:
2 Samuel 4: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
2 Samuel 4
4
1Sɔɔl nidoabinni Isboset ale wom ayen Abner a kpi Yebron la, wa yaa jɔk nyiŋbiiri ate yɔgsum yik Izirali meena. 2Wa jam ta ka nidoaba baye ate ba chim baai ale a siti nuruba la niŋdeerɔba. Wanyi yuei jam le Baanaya, nwala yuei a jam le Arekab. Ba jam ka Arimmon Beerot denɔwa a nyini Benjamin buuni po. Beerot ba jam a nya ba ase ka Benjamin buuni po la, 3dii nyiŋla Beerot nuruma a chali cheŋ ka Gittaim a bo dula ase nicham la a jam paari jinla.
4Sɔɔl nidoabinni Jonatan a jam ta ka nidoabili ate wa chim gbaruk, naŋsaŋa meena a jam gbariŋ kama. Wa jam ka bena ŋanu ate Sɔɔl ale Jonatan wie a jan jam Jezreel. Ate dɔklie waai ale a nya wa zuk la a jam pai wa a ta a chali alege wa le a kpabi ayen wa basi dula la, wa yaa pai wa a lɔnsi ate wa chim gbaruk. Wa yuei jam le Mefiboset.
5Yɔgyɔgla de Arimmon Beerot denɔwa nidoabilisaŋa Arekab ale Baanaya a yaa nyini a cheŋ Isboset yenni, a yaa ga paari du kantueŋ zizirik ale wa boro a vuusi kantueŋ vuusum. 6Ba yaa jo yenni po niŋ ase ba a yaali ba nye za la, ate ba yaa chub wa lɔgni. Arekab ale wa suoku Baanaya a yaa magi a nyini.
7Ba jam jo yenni po alege ate wa doa ka gaduok zuk niŋ dɔkku po. Ba le chub wa a ko la ŋaaŋnyiŋ ba yaa gebi wa zukku. Ba pai ku kama a ta cheŋ yokku meena a va Araba. 8Ba yaa ta Isboset zukku a jam Deevid jigi Yebron a weeni naawa ayen, <<Isboset Sɔɔl nidoabinni zukku ale nna, fi dachiaka, waai ale pii nyiŋ ayen wa ko fu la. Jinla danni Naawen a tuni Sɔɔl ale wa buuni kama a te mi nyɔnɔwa naawa.>>
9Deevid yaa tulisi Arimmon Beerot denɔwa nidoabilisaŋa Arekab ale wa suoku Baanaya ayen, <<Naawen ale boro la nyiŋ, waai ale da tuesi mi daanika meena po la! 10Nuru ale jam weeni mi ayen, <Sɔɔl kpi la>, ale poli ayen wa ta ka wamaŋ cheena la, mi yik wa kama a ko Ziklag po. Wa tutunaŋa jam le la ate mi a te wa wa wanni ate wa ta jam la. 11Alege ka nyeka tuem nuruba ale ko nuru waai ale kan seba wari nɔi po wadek yeri po ale wadek gaduok zuwa. Yɔgyɔgla de m kan bek wa ziimu a nyini fi nisima po abe m yeeri fu tɛŋka zuwa?>>
12Deevid yaa te wa nuruma suik ate ba ko ba. Ba gebi ba nisimaŋa ale ba naŋsaŋa ale pai ba nyiŋsaŋa a yik moata Yebron beli gilini. Alege ba pai Isboset zukku a gu Abner vɔrumu po Yebron.
© 2023, Ghana Institute of Linguistics, Literacy and Bible Translation