2 Samuel 5
5
1Izirali buuraŋa yaa jam Deevid jigi Yebron a weeni ayen, <<Tama ka fidek nyiŋ lam ale ziim. 2Bena ale taam la, ate Sɔɔl a jam chim naab a nya ti zuk la, ka fi ale jam de Izirali niŋ ba kpaliŋka po. Ate Naawen weeni fu ayen, <<Fi ale fi kasi m nuruma Izirali demma, abe fi chim ba niŋdeerɔ.>>
3Izirali nisɔmma meena ale jam naab Deevid jigi Yebron la, naawa yaa nye nɔiyeŋ ale ba Yebron Naawen niŋ, ate ba bobi Deevid naab Izirali zuk.
4Deevid jam ka bena pisita wa le jam chim naab la, ate wa dɛ naamu bena pisinaansi. 5Yebron po wa nya Juda zuk bena ŋayopɔi ale chiisa siyuebi. Jerusalem wa nya Izirali ale Juda meena zuk ka bena pisita ale ŋata.
6Naawa ale wa nuruma yaa gɔk santiri a cheŋ Jerusalem ayen wa siti Jebus demma ale jam bo dula la. Jebus demma yaa weeni Deevid ayen, <<Ni kan jo dela, yeema ale gbansaŋa a kan poom te ni jo.>> Ba poli kama ayen, <<Deevid a kan baga a jo dela.>> 7Ale dila meena, Deevid a tuesi Zayon jigi pagrika, juijui ate ŋaaŋnyiŋ ba a wi ayen Deevid Tɛŋka la kama.
8Dai dila danni, Deevid yaa weeni ayen, <<Waai ale nak a de Jebus demma la ale va ka vili po a paari gbaniŋ sii ale yeo baai ale ka Deevid dachaasa la.>> Dila ale soa ate ba a weeni ayen, <<Gbansaŋa ale yeema a kan jo naab yenni po.>>
9Deevid yaa jam bo tɛŋ pagrika po a yaa wi jigini ayen Deevid tɛŋka. Wa yaa sɛ dula a gilim ka, a piilim juijui ate ba sueri tɛŋka ale tana guuku jigini. 10Ate wa yaa kasim jam nya pagrim a gum du dii nyiŋla, Naawen, Wen Dii Ale A Dɛ Tugurik Tɔŋdɔma Niŋ La a jam bo ale wa kama.
11Yɔgyɔgla de Yiram Taaya naawa yaa tom nuruba Deevid jigi ale nyunyoŋta ale danagrɔba ale tain seerɔba ate ba sɛ naab yeri a te Deevid. 12Ate Deevid seba ayen Naawen a basi kama ate wa chim naab Izirali zuk ale basi ate wa naamu a yiti wa nuruma Izirali demma nyiŋ.
13Wa le basi Yebron la ŋaaŋnyiŋ, Deevid yaa faari nipooba ale ta pokbilisa Jerusalem po, ate ba biak nidoabilisa ale lieba a te wa. 14Bi sii ate ba biak te wa la yue ale nna. Sammua ale Sobab ale Natan ale Solomon 15ale Ibyar ale Elisua ale Nefeg ale Jafia 16ale Elisama ale Eliada ale Elifelet.
17Filistia demma ale wom ayen ba bobi Deevid Izirali naab la, ba yaa cheŋ ale pagrim a gisi wa, alege Deevid wom ku wari a yaa cheŋ siŋ jigi pagrika jigini. 18Yɔgyɔgla de Filistia demma yaa jam kama a waaŋ Arefaim Viaka po. 19Deevid yaa bek Naawen ayen, <<M ga siti Filistia demma? Fi le pai ba a te mu?>> Naawen yaa tulisi wa ayen, <<Cheŋ, m le sum pai ba a te fu.>>
20Deevid yaa cheŋ Baal Perazim, ate dula wa yaa nak a de ba. Wa yaa weeni ayen, <<Ase nyaata ale wɛ a nyini la, Naawen a wɛ nyini kama a ta chaab ale mi dachaasaŋa mi niŋ,>> Dila nyiŋ ba a wi dula jigini ayen ka Baal Perazim.#5:20 Baal Perazim kiri ale wɛ nyinika nyɔnɔ. 21Filistia demma yaa basi ba bɔgtaŋa dula, ate Deevid ale wa nidoama yaa pai ti a ta cheŋ.
22Filistia demma a ŋman jam sueri Arefaim Viaka, 23ate Deevid a bek Naawen ate wa tulisi wa ayen, <<Kan deri jueli yɔrr, alege ni gilim ba a siti ba tiisaŋa niŋ. 24Ni dan ga wom santiri gɔgta tiisaŋa zuk, ni cheŋ mwuli, dii nyiŋla kula a sak kama ayen Naawen a nyini kama a de ni niŋ ayen wa ko Filistia Tugurik tɔŋdɔma.>> 25Deevid yaa nye ase Naawen ale weeni wa diila, ate wa ko Filistia demma a dueni a nyini Gibeon a ga paari Gezer.
Currently Selected:
2 Samuel 5: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
2 Samuel 5
5
1Izirali buuraŋa yaa jam Deevid jigi Yebron a weeni ayen, <<Tama ka fidek nyiŋ lam ale ziim. 2Bena ale taam la, ate Sɔɔl a jam chim naab a nya ti zuk la, ka fi ale jam de Izirali niŋ ba kpaliŋka po. Ate Naawen weeni fu ayen, <<Fi ale fi kasi m nuruma Izirali demma, abe fi chim ba niŋdeerɔ.>>
3Izirali nisɔmma meena ale jam naab Deevid jigi Yebron la, naawa yaa nye nɔiyeŋ ale ba Yebron Naawen niŋ, ate ba bobi Deevid naab Izirali zuk.
4Deevid jam ka bena pisita wa le jam chim naab la, ate wa dɛ naamu bena pisinaansi. 5Yebron po wa nya Juda zuk bena ŋayopɔi ale chiisa siyuebi. Jerusalem wa nya Izirali ale Juda meena zuk ka bena pisita ale ŋata.
6Naawa ale wa nuruma yaa gɔk santiri a cheŋ Jerusalem ayen wa siti Jebus demma ale jam bo dula la. Jebus demma yaa weeni Deevid ayen, <<Ni kan jo dela, yeema ale gbansaŋa a kan poom te ni jo.>> Ba poli kama ayen, <<Deevid a kan baga a jo dela.>> 7Ale dila meena, Deevid a tuesi Zayon jigi pagrika, juijui ate ŋaaŋnyiŋ ba a wi ayen Deevid Tɛŋka la kama.
8Dai dila danni, Deevid yaa weeni ayen, <<Waai ale nak a de Jebus demma la ale va ka vili po a paari gbaniŋ sii ale yeo baai ale ka Deevid dachaasa la.>> Dila ale soa ate ba a weeni ayen, <<Gbansaŋa ale yeema a kan jo naab yenni po.>>
9Deevid yaa jam bo tɛŋ pagrika po a yaa wi jigini ayen Deevid tɛŋka. Wa yaa sɛ dula a gilim ka, a piilim juijui ate ba sueri tɛŋka ale tana guuku jigini. 10Ate wa yaa kasim jam nya pagrim a gum du dii nyiŋla, Naawen, Wen Dii Ale A Dɛ Tugurik Tɔŋdɔma Niŋ La a jam bo ale wa kama.
11Yɔgyɔgla de Yiram Taaya naawa yaa tom nuruba Deevid jigi ale nyunyoŋta ale danagrɔba ale tain seerɔba ate ba sɛ naab yeri a te Deevid. 12Ate Deevid seba ayen Naawen a basi kama ate wa chim naab Izirali zuk ale basi ate wa naamu a yiti wa nuruma Izirali demma nyiŋ.
13Wa le basi Yebron la ŋaaŋnyiŋ, Deevid yaa faari nipooba ale ta pokbilisa Jerusalem po, ate ba biak nidoabilisa ale lieba a te wa. 14Bi sii ate ba biak te wa la yue ale nna. Sammua ale Sobab ale Natan ale Solomon 15ale Ibyar ale Elisua ale Nefeg ale Jafia 16ale Elisama ale Eliada ale Elifelet.
17Filistia demma ale wom ayen ba bobi Deevid Izirali naab la, ba yaa cheŋ ale pagrim a gisi wa, alege Deevid wom ku wari a yaa cheŋ siŋ jigi pagrika jigini. 18Yɔgyɔgla de Filistia demma yaa jam kama a waaŋ Arefaim Viaka po. 19Deevid yaa bek Naawen ayen, <<M ga siti Filistia demma? Fi le pai ba a te mu?>> Naawen yaa tulisi wa ayen, <<Cheŋ, m le sum pai ba a te fu.>>
20Deevid yaa cheŋ Baal Perazim, ate dula wa yaa nak a de ba. Wa yaa weeni ayen, <<Ase nyaata ale wɛ a nyini la, Naawen a wɛ nyini kama a ta chaab ale mi dachaasaŋa mi niŋ,>> Dila nyiŋ ba a wi dula jigini ayen ka Baal Perazim.#5:20 Baal Perazim kiri ale wɛ nyinika nyɔnɔ. 21Filistia demma yaa basi ba bɔgtaŋa dula, ate Deevid ale wa nidoama yaa pai ti a ta cheŋ.
22Filistia demma a ŋman jam sueri Arefaim Viaka, 23ate Deevid a bek Naawen ate wa tulisi wa ayen, <<Kan deri jueli yɔrr, alege ni gilim ba a siti ba tiisaŋa niŋ. 24Ni dan ga wom santiri gɔgta tiisaŋa zuk, ni cheŋ mwuli, dii nyiŋla kula a sak kama ayen Naawen a nyini kama a de ni niŋ ayen wa ko Filistia Tugurik tɔŋdɔma.>> 25Deevid yaa nye ase Naawen ale weeni wa diila, ate wa ko Filistia demma a dueni a nyini Gibeon a ga paari Gezer.
© 2023, Ghana Institute of Linguistics, Literacy and Bible Translation