2 Samuel 3
3
1Kpaliŋ kaai ale jam bo Sɔɔl yenni ale Deevid yenni suŋsuŋ la a jam beni kama. Deevid a jam kasim a nya ka pagrim, alege Sɔɔl yenni a jam kasim a wobsa.
2Deevid jam biak ka nidoabilisa Yebron. Wa le liŋ biak waai la ka Amnon, Ayinoam ale nyini Jezreel la nidoabili. 3Waai ale saari baye la ale Kileab, Abigail ale ka Nabal ale nyini Karmel la pukɔgini nidoabili. Waai ale saari batawa la ka Absalom, Maaka ale ka Gesur naawa Talmai lie la nidoabili. 4Waai ale saari banaansiwa la ka Adonija, Yaggit nidoabili. Waai ale saari banuwa la ka Sefatia, Abital nidoabili, 5ale waai ale saari bayuebiwa la ka Itream, Deevid powa Egla nidoabili. Bade ate Deevid a biak Yebron.
6Diipo ate kpaliŋka a bo Sɔɔl yenni ale Deevid yenni suŋsuŋ la, Abner a jam nye a nya ka pagrim Sɔɔl yenni po. 7Yɔgyɔgla de Sɔɔl jam ta ka nɔŋ wa yuei ale Arizpaya, Aiaya lie. Ate Isboset a weeni Abner ayen, <<Ka boa ale soa ate fi a goa ale mi kowa nɔŋku?>>
8Abner sui ale jam a puuri nna yegayega Isboset ale weeni diila nyiŋ a yaa tulisi ayen, <<Mi ka biak zuwa a bo Juda geŋka? Jinla danni dek mi siak te fi kowa Sɔɔl yenni kama ale wa dɔkdemma ale wa doama. Mi an pai fu a te Deevid. Alege fi a ŋma mi, mi nye kaasuŋ ale ni nipowa de. 9Wen a nye ale mi Abner, abe ku chiib paari mi kasim a cheŋ, ase mi a nin kan nye dii ate Naawen a puulim te Deevid ale pɛka la 10abe m yeeri naamu Sɔɔl yenni po a basi ate Deevid naamu a zaani Izirali ale Juda a nyini Dan a ga paari Beerseba. 11Isboset an yaksi ŋman weeni wari di choa a te Abner, diila wa jam a chali wa ka yɔgsum.
12Abner yaa tom nuruba Deevid jigi ayen, <<Ka wana tɛŋ ale ka? Nye nɔiyeŋ ale mu, ate m maari fu a ta Izirali meena a jam te fu.>>
13Deevid yaa weeni ayen, <<Ku nala, m le nye nɔiyeŋ ale fu. Alege mi a yaali ka wa yeŋ fi jigi. Kan jam mi jigi ya see ka fi nin ta Sɔɔl liewa Michal a jam ase fi nin cheen fi nya mu. 14Deevid yaa tom nuruba Sɔɔl nidoabinni Isboset jigi a weeni ayen, <<Te mu m powa Michal, waai ate mi gomsi a magsi m dek ale Filistia dem kook yua gboŋta la.
15Isboset yaa te suik ate ba tuesi wa wa chorɔwa Paltiel, Lais nidoabinni jigi. 16Wa chorɔwa yaa va wa, a kum a vi wa a ga paari Bayurim. Abner yaa weeni wa ayen, <<Ŋmani kuli yeri.>> Wa yaa ŋmani.
17Abner yaa nya Izirali nisɔmma a weeni ayen, <<Ni jam a yaali ayen ni nye ka Deevid ni naab. 18Yɔgyɔgla de ni nye ku. Diila Naawen a puulim Deevid kama ayen, <Ta va m yɔmawa Deevid jigi m le vari m nuruma Izirali demma Filistia nisima po ale ba dachaasaŋa meena nisima po a basi.> >>
19Abner dek mɛ a jam biisi ale Benjamin demma. Wa yaa cheŋ Yebron tɛŋka ayen wa weeni Deevid wari meena ate Izirali ale Benjamin yenni meena a siak ayen ba nye la. 20Abner waai ale jam ta nuruba pisiye ale wa la, ale jam Deevid jigi Yebron po la, Deevid a nye ka ŋandiinta tigi a te wa ale wa nuruma. 21Abner yaa weeni Deevid ayen, <<Basi ate m deri cheŋ a ga tigsi Izirali demma a te m nyɔnɔwa naawa, ate ba nye nɔiyeŋ ale fu, ate fi a nya ba meena zuk fi suinummu ale a yaali diila.>> Deevid yaa basi ate Abner a cheŋ ale suiyɔgni.
22Abner ale basi dula la, Deevid nuruma ale Joab yaa nyini kpaliŋ sitika po a jam ale ŋanta yegayega ate ba kɔlim. Alege Abner an ŋman jam bo ale Deevid Yebron tɛŋka po, dii nyiŋla Deevid a basi ate wa cheŋ ale ka suiyɔgni. 23Joab ale tugurik tɔŋdɔ baai meena ale bo le wa la ale paari la, ba weeni wa ayen Ner nidoabinni Abner a jam naawa jigi kama ate naawa a basi ate wa cheŋ ale suiyɔgni.
24Joab yaa cheŋ naawa jigi a ga weeni ayen, <<Ka boa ate fi nye? Nya, Abner jam fi jigi kama. Ka boa ate fi a basi ate wa cheŋ? Yɔgyɔgla de wa cheŋ ya. 25Fi seba Ner nidoabinni Abner a jam kama ayen wa paasi fu abe wa kpesi fi chelimu abe wa nya wari meena ate fi a nye la.>>
26Joab yaa basi Deevid ale tom nuruba ate ba saŋ Abner ŋaaŋ, ate ba ta wa nyini Sira vinni a ŋmani. Alege Deevid a jam zɛ. 27Abner ale pilim ŋmani cheŋ Yebron la, Joab a yaa ta wa cheŋ nakpiak suiku nɔi ase wa a yaali wa biisi ale wa ka wadek wa nyiini la. Dula jigini ate wa ko wa tuni wa suoku Asayel nyiŋ, Joab yaa chubi wa lɔgni ate wa kpi.
28Ku ŋaaŋnyiŋ, ate Deevid a wom kude la, wa yaa weeni ayen, <<Mi ale mi naamu a zɛ wari nɔi po a magsi chaab ale Ner nidoabinni Abner ziimu Naawen niŋŋa. 29Wa ziimu a bo Joab ale wa kowa yenni meena zuk. Joab yenni a kan jɔk waai ate wa noruk a chali nyiamoa yaase, wa nyiŋ kaasi yaase waai ale a sali dagbiowa, yaase waai ate ba ko wa lɔnsi ale gebiga yaase, waai ale a silim ŋandiinta.
30Joab ale wa suoku Abisai a ko Abner ka wa le jam ko ba suoku Asayel kpaliŋka po Gibeon la nyiŋ.
31Deevid yaa weeni Joab ale nuruma meena ale bo le wa la ayen, <<Ni cheeri ni gattaŋa abe ni jo garuk zagsisa abe ni kum a de Abner niŋ.>> Naab Deevid dek a de ka kpiowa ŋaaŋ. 32Ba jam gu Abner ka Yebron tɛŋka, ate naawa a kum boosuku tɛŋ ate ku a jueli. Nuruma meena mɛ a kum.
33Naawa ale lenni kuun yiini de a te Abner, <<Abner magsi wa kpi ase baai ale kaa va sinsaga la ale a kpi diila? 34Ba an jam bobi fi nisima, fi naŋsa an su chɔrima. Fi lo ase ka waai ale a lo nuru baata niŋ diila. Ate nuruma meena a ŋman kum wa zuk.
35Ate ba meena a jam te Deevid nyiŋbiiri ayen wa dɛ ŋandiinta ku le diem ka kantueŋ la, alege Deevid a pɛ a weeni ayen, <<Wen a nye le mi chekki, ase mi a nin lam ŋandiinta yaase jaab yoŋ alege ate junɔi a paari.>>
36Nuruma a yaa kpesi dii ale nye la ate ba sue a peenti, chekki dii meena ate naawa nye la a peenti ba sue kama. 37Dai dila danni nuruma meena ale Izirali demma meena a seba kama ayen naawa niŋ maa ka Ner nidoabinni Abner kummu po.
38Ate naawa yaa weeni wa nuruma ayen, <<Nama an miŋ ayen nabiik ale nuru kpioŋ ale lo Izirali tɛŋka po jinla? 39Jinla danni, mi ale naab waai ba bobi la, alege mi wobsa kama, ate Zeruiya nidoabilisaŋa de a pagra a te mi. Naawen abe tuni biem nyeerɔma de a magsi chaab ale ba biemu.>>
Currently Selected:
2 Samuel 3: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
2 Samuel 3
3
1Kpaliŋ kaai ale jam bo Sɔɔl yenni ale Deevid yenni suŋsuŋ la a jam beni kama. Deevid a jam kasim a nya ka pagrim, alege Sɔɔl yenni a jam kasim a wobsa.
2Deevid jam biak ka nidoabilisa Yebron. Wa le liŋ biak waai la ka Amnon, Ayinoam ale nyini Jezreel la nidoabili. 3Waai ale saari baye la ale Kileab, Abigail ale ka Nabal ale nyini Karmel la pukɔgini nidoabili. Waai ale saari batawa la ka Absalom, Maaka ale ka Gesur naawa Talmai lie la nidoabili. 4Waai ale saari banaansiwa la ka Adonija, Yaggit nidoabili. Waai ale saari banuwa la ka Sefatia, Abital nidoabili, 5ale waai ale saari bayuebiwa la ka Itream, Deevid powa Egla nidoabili. Bade ate Deevid a biak Yebron.
6Diipo ate kpaliŋka a bo Sɔɔl yenni ale Deevid yenni suŋsuŋ la, Abner a jam nye a nya ka pagrim Sɔɔl yenni po. 7Yɔgyɔgla de Sɔɔl jam ta ka nɔŋ wa yuei ale Arizpaya, Aiaya lie. Ate Isboset a weeni Abner ayen, <<Ka boa ale soa ate fi a goa ale mi kowa nɔŋku?>>
8Abner sui ale jam a puuri nna yegayega Isboset ale weeni diila nyiŋ a yaa tulisi ayen, <<Mi ka biak zuwa a bo Juda geŋka? Jinla danni dek mi siak te fi kowa Sɔɔl yenni kama ale wa dɔkdemma ale wa doama. Mi an pai fu a te Deevid. Alege fi a ŋma mi, mi nye kaasuŋ ale ni nipowa de. 9Wen a nye ale mi Abner, abe ku chiib paari mi kasim a cheŋ, ase mi a nin kan nye dii ate Naawen a puulim te Deevid ale pɛka la 10abe m yeeri naamu Sɔɔl yenni po a basi ate Deevid naamu a zaani Izirali ale Juda a nyini Dan a ga paari Beerseba. 11Isboset an yaksi ŋman weeni wari di choa a te Abner, diila wa jam a chali wa ka yɔgsum.
12Abner yaa tom nuruba Deevid jigi ayen, <<Ka wana tɛŋ ale ka? Nye nɔiyeŋ ale mu, ate m maari fu a ta Izirali meena a jam te fu.>>
13Deevid yaa weeni ayen, <<Ku nala, m le nye nɔiyeŋ ale fu. Alege mi a yaali ka wa yeŋ fi jigi. Kan jam mi jigi ya see ka fi nin ta Sɔɔl liewa Michal a jam ase fi nin cheen fi nya mu. 14Deevid yaa tom nuruba Sɔɔl nidoabinni Isboset jigi a weeni ayen, <<Te mu m powa Michal, waai ate mi gomsi a magsi m dek ale Filistia dem kook yua gboŋta la.
15Isboset yaa te suik ate ba tuesi wa wa chorɔwa Paltiel, Lais nidoabinni jigi. 16Wa chorɔwa yaa va wa, a kum a vi wa a ga paari Bayurim. Abner yaa weeni wa ayen, <<Ŋmani kuli yeri.>> Wa yaa ŋmani.
17Abner yaa nya Izirali nisɔmma a weeni ayen, <<Ni jam a yaali ayen ni nye ka Deevid ni naab. 18Yɔgyɔgla de ni nye ku. Diila Naawen a puulim Deevid kama ayen, <Ta va m yɔmawa Deevid jigi m le vari m nuruma Izirali demma Filistia nisima po ale ba dachaasaŋa meena nisima po a basi.> >>
19Abner dek mɛ a jam biisi ale Benjamin demma. Wa yaa cheŋ Yebron tɛŋka ayen wa weeni Deevid wari meena ate Izirali ale Benjamin yenni meena a siak ayen ba nye la. 20Abner waai ale jam ta nuruba pisiye ale wa la, ale jam Deevid jigi Yebron po la, Deevid a nye ka ŋandiinta tigi a te wa ale wa nuruma. 21Abner yaa weeni Deevid ayen, <<Basi ate m deri cheŋ a ga tigsi Izirali demma a te m nyɔnɔwa naawa, ate ba nye nɔiyeŋ ale fu, ate fi a nya ba meena zuk fi suinummu ale a yaali diila.>> Deevid yaa basi ate Abner a cheŋ ale suiyɔgni.
22Abner ale basi dula la, Deevid nuruma ale Joab yaa nyini kpaliŋ sitika po a jam ale ŋanta yegayega ate ba kɔlim. Alege Abner an ŋman jam bo ale Deevid Yebron tɛŋka po, dii nyiŋla Deevid a basi ate wa cheŋ ale ka suiyɔgni. 23Joab ale tugurik tɔŋdɔ baai meena ale bo le wa la ale paari la, ba weeni wa ayen Ner nidoabinni Abner a jam naawa jigi kama ate naawa a basi ate wa cheŋ ale suiyɔgni.
24Joab yaa cheŋ naawa jigi a ga weeni ayen, <<Ka boa ate fi nye? Nya, Abner jam fi jigi kama. Ka boa ate fi a basi ate wa cheŋ? Yɔgyɔgla de wa cheŋ ya. 25Fi seba Ner nidoabinni Abner a jam kama ayen wa paasi fu abe wa kpesi fi chelimu abe wa nya wari meena ate fi a nye la.>>
26Joab yaa basi Deevid ale tom nuruba ate ba saŋ Abner ŋaaŋ, ate ba ta wa nyini Sira vinni a ŋmani. Alege Deevid a jam zɛ. 27Abner ale pilim ŋmani cheŋ Yebron la, Joab a yaa ta wa cheŋ nakpiak suiku nɔi ase wa a yaali wa biisi ale wa ka wadek wa nyiini la. Dula jigini ate wa ko wa tuni wa suoku Asayel nyiŋ, Joab yaa chubi wa lɔgni ate wa kpi.
28Ku ŋaaŋnyiŋ, ate Deevid a wom kude la, wa yaa weeni ayen, <<Mi ale mi naamu a zɛ wari nɔi po a magsi chaab ale Ner nidoabinni Abner ziimu Naawen niŋŋa. 29Wa ziimu a bo Joab ale wa kowa yenni meena zuk. Joab yenni a kan jɔk waai ate wa noruk a chali nyiamoa yaase, wa nyiŋ kaasi yaase waai ale a sali dagbiowa, yaase waai ate ba ko wa lɔnsi ale gebiga yaase, waai ale a silim ŋandiinta.
30Joab ale wa suoku Abisai a ko Abner ka wa le jam ko ba suoku Asayel kpaliŋka po Gibeon la nyiŋ.
31Deevid yaa weeni Joab ale nuruma meena ale bo le wa la ayen, <<Ni cheeri ni gattaŋa abe ni jo garuk zagsisa abe ni kum a de Abner niŋ.>> Naab Deevid dek a de ka kpiowa ŋaaŋ. 32Ba jam gu Abner ka Yebron tɛŋka, ate naawa a kum boosuku tɛŋ ate ku a jueli. Nuruma meena mɛ a kum.
33Naawa ale lenni kuun yiini de a te Abner, <<Abner magsi wa kpi ase baai ale kaa va sinsaga la ale a kpi diila? 34Ba an jam bobi fi nisima, fi naŋsa an su chɔrima. Fi lo ase ka waai ale a lo nuru baata niŋ diila. Ate nuruma meena a ŋman kum wa zuk.
35Ate ba meena a jam te Deevid nyiŋbiiri ayen wa dɛ ŋandiinta ku le diem ka kantueŋ la, alege Deevid a pɛ a weeni ayen, <<Wen a nye le mi chekki, ase mi a nin lam ŋandiinta yaase jaab yoŋ alege ate junɔi a paari.>>
36Nuruma a yaa kpesi dii ale nye la ate ba sue a peenti, chekki dii meena ate naawa nye la a peenti ba sue kama. 37Dai dila danni nuruma meena ale Izirali demma meena a seba kama ayen naawa niŋ maa ka Ner nidoabinni Abner kummu po.
38Ate naawa yaa weeni wa nuruma ayen, <<Nama an miŋ ayen nabiik ale nuru kpioŋ ale lo Izirali tɛŋka po jinla? 39Jinla danni, mi ale naab waai ba bobi la, alege mi wobsa kama, ate Zeruiya nidoabilisaŋa de a pagra a te mi. Naawen abe tuni biem nyeerɔma de a magsi chaab ale ba biemu.>>
© 2023, Ghana Institute of Linguistics, Literacy and Bible Translation