2 Samuel 14
14
1Zeruiya nidoabinni Joab jam seba kama ayen naawa suinum ale bo ale Absalom. 2Joab yaa tom waai ate wa cheŋ Tekoa a ta nipok waai ale ta yam a jam. Wa weeni wa ayen, <<Potim seba abe fi a nye ase ku ko fu kama la. Jo kuub gatta, abe fi kan sa kpaam fi nyiŋka. A nye ase nipok waai ale pai daa yega a kum kpio nyiŋla. 3Fi yaa cheŋ naawa jigi a ga biisi wieŋa de a te wa. <<Ate Joab a pai wieŋa de a nyo nipowa nɔi po.
4Nipok waai ale nyini Tekoa la ale cheŋ naawa jigi la, wa yaa lo a pai nina vuk tɛŋ ayen wa zuli naawa, a yaa weeni ayen, <<Maari mu naaba.>>
5Naawa yaa bek nipowa ayen, <<Ka boa ale a daani fu?>> Wa yaa tulisi ayen, <<Mi chekki ka pukɔgi. M chorɔwa a kpi kama. 6Mi fi tomteerɔwa a ta ka nidoabilisa baye. Ba yaa kpaliŋ chaab peelim po, ate waai karo a gaari ba. Ate wanyi a nak m wala a ko. 7Yezukku meena yaa yiti ta chaab ale mi fi tomteerɔwa. Ba weeni ayen, <Pai waai ale nak wa suoku ko la a te ti ate ti ko wa a tuni wa suoku ate wa ko la, abe ti yeeri waai ale wa tuesi nitalimu la.> Ba le kpimsi ka bolim kaala ŋaai ate mi tali la, ate m chorɔwa a kan ta yuei yaase ŋaaŋbiik tɛŋka zuwa.
8Naawa yaa weeni nipowa ayen, <<Kuli yeri, m le dueni wari a magsi fu.>> 9Alege nipowa ale nyini Tekoa la yaa weeni wa ayen, <<M nyɔnɔ naaba, basi ate kaasuŋku a bo mi ale m kowa dɔkdemma zuk abe naawa ale wa naamu zukpaglika kan ta kaasuŋŋoa.>>
10Naawa yaa tulisi ayen, <<Waai a dan weeni fu wari, ta wa jam mi jigi, ate wa kan ŋman daani fu.>>
11Nipowa yaa weeni ayen, <<Basi ate naawa a wi a weeni Naawen wa Wenni ate wa kasi waai ale wa tuni ziimu nyiŋla ate wa kan gum kaasuŋ du, ate ba kan kaasi m biika.>> Naawa yaa tulisi ayen, <<Naawen ale sum boro la nyiŋ, fi nidoabinni zuik yeŋ mɛ la a kan lo tɛŋŋa.>>
12Nipowa yaa weeni ayen, <<Basi ate mi fi tomteerɔwa a biisi wari a te m nyɔnɔwa naawa.>> Naawa yaa tulisi ayen, <<Biisi.>>
13Nipowa yaa weeni ayen, <<Ka boa abe le soa ate fi a sak wanni de choa a ta chaab ale Wen nuruma? Naawa a dan weeni nna, wa an bo mini ka wa dega, diila naawa an ta wa biik kaai ate wa zɛri la a jam ya? 14Ase nyiam ale waaŋ tɛŋ, ate bu kan vaari la, ku a fɛ ate ti kpi. Alege Wen kan yeeri nyuvuri ya, wa goanti a yaali ka sui yonta ate waai ale bo peelim la a kan yalima ale wa.
15<<Yɔgyɔgla de mi jam ayen m weeni mi nyɔnɔwa naawa kama dii nyiŋla nuruma a basi ate ka yɔgsum a ta mi. Mi fi tomteerɔwa a poli kama ayen, <M le biisi a te naawa, ate dai dii dai ate wa nye mi wa tomteerɔwa ale bek diila. 16Dai dii dai naawa ale siak vari mi wa tomteerɔwa nuru waai ale a nye ayen wa gebi mi ale m nidoabinni a basi ate ti kan nya nitalim buui ate Wen a te ti la nisa po a basi.>
17<<Yɔgyɔgla de mi fi tomteerɔwa a yaali kama ayen, <Mi nyɔnɔwa naawa wanni abe ta vuusum a jam mi jigi, diila mi nyɔnɔwa naawa a nye ase ka Wen maarɔ a miŋ wamaŋsa ale wabaata la. Mi a yaali ka Naawen fi Wenni abe bo ale fu.
18Ate naawa yaa weeni nipowa ayen, <<Mi ale a bek fu diila, kan peri tulisaŋa.>> Nipowa yaa weeni ayen, <<Mi nyɔnɔwa naawa abe bek.>>
19Naawa yaa bek ayen, <<Joab nisa a ka le fu kude meena po? Nipowa yaa tulisi ayen, <<Fi ale sum boro la nyiŋ, m nyɔnɔ naaba, waai karo a cheem juga yaa gala dii meena ate mi nyɔnɔwa naawa a weeni la. Ka fi tomteerɔwa Joab ale sak mi ayen mi nye kude ale pai wieŋa de meena a nyo fi tomteerɔwa nɔi po. 20Fi tomteerɔwa Joab a nye kude kama ayen wa tagri dii ale nye yɔgyɔgla de la. Mi nyɔnɔwa a ta yam ase ka Wen maarɔ la. Wa seba dii meena ale a nye tɛŋka po la kama.
21Naawa yaa weeni Joab ayen, <<Ku nala, m le nye. Cheŋ ga ta nidoabinni Absalom a ŋman jam.>>
22Joab yaa lo tɛŋ ayen wa te wa zula ale niak naawa. Joab weeni ayen, <<Jinla mi fi tomteerɔwa seba ayen wa nya ŋmanteka kama fi nina po, m nyɔnɔ naaba, diila naawa a siak mi wa tomteerɔwa ale bek diila kama.>>
23Joab yaa cheŋ Gesur a ga ta Absalom a jam Jerusalem. 24Alege naawa ayen, <<Ku a fɛ ate wa cheŋ wadek yenni. Wa kan nya mi nina.>> Absalom yaa cheŋ wadek yenni wa an jam nya naawa nina.
25Izirali meena po nuru karo ate ba pak wa wa nalim nyiŋŋa ase Absalom la. A zaani wa zukku a siŋ paari wa naŋsaŋa wa ka wa kɔŋŋoa. 26Diipo meena wa dan che wa zukku zuisaŋa, wa nyiem a che kama ase si nin dobra a te wa, wa yaa magsi si ate si dobrimu a chim ligbie kobsiye dobrim a magsi chaab ale naamu magsaŋa.
27Absalom a jam biak ka nidoabilisa bata ale lie yeŋ. Wa liewa yuei jam le Tamara. Wa jam chim ka nipok naliŋ.
28Absalom jam bo Jerusalem ka bena ŋaye alege an nya naawa nina. 29Absalom yaa tom wi Joab ayen wa tom wa naawa jigi, alege Joab a zɛri wa an jam ya. Wa ŋman tom nye buye, alege wa zɛri wa an jam ya. 30Wa yaa weeni wa tomteerɔma ayen, <<Nya, Joab talimu a moata ka mi talimu, wa be ta ka barli du. Ni cheŋ ga ju bu bolim.>> Absalom tomteerɔma yaa ju talimu bolim.
31Joab yaa cheŋ Absalom yenni a yaa bek wa ayen, <<Ka boa ale soa ate fi tomteerɔma a ju m talimu bolimoa?>>
32Absalom yaa tulisi Joab ayen, <<Nya, mi tom a weeni fu kama, <Jam dela ate m tom fu naawa jigi ate fi bek ayen, <<Ka boa ale soa ate mi nyini Gesur jamu? Mi dan diem bo dula ku ti zunchoŋŋa.>> > Yɔgyɔgla de, mi a yaali ayen m nya ka naawa nina, ate m dan kaasi wari abe wa ko mu.>>
33Joab yaa cheŋ naawa jigi a weeni wa kude. Naawa yaa wi Absalom, ate wa jam koori tɛŋ naawa niŋ. Ate naawa yaa puusi Absalom.
Currently Selected:
2 Samuel 14: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
2 Samuel 14
14
1Zeruiya nidoabinni Joab jam seba kama ayen naawa suinum ale bo ale Absalom. 2Joab yaa tom waai ate wa cheŋ Tekoa a ta nipok waai ale ta yam a jam. Wa weeni wa ayen, <<Potim seba abe fi a nye ase ku ko fu kama la. Jo kuub gatta, abe fi kan sa kpaam fi nyiŋka. A nye ase nipok waai ale pai daa yega a kum kpio nyiŋla. 3Fi yaa cheŋ naawa jigi a ga biisi wieŋa de a te wa. <<Ate Joab a pai wieŋa de a nyo nipowa nɔi po.
4Nipok waai ale nyini Tekoa la ale cheŋ naawa jigi la, wa yaa lo a pai nina vuk tɛŋ ayen wa zuli naawa, a yaa weeni ayen, <<Maari mu naaba.>>
5Naawa yaa bek nipowa ayen, <<Ka boa ale a daani fu?>> Wa yaa tulisi ayen, <<Mi chekki ka pukɔgi. M chorɔwa a kpi kama. 6Mi fi tomteerɔwa a ta ka nidoabilisa baye. Ba yaa kpaliŋ chaab peelim po, ate waai karo a gaari ba. Ate wanyi a nak m wala a ko. 7Yezukku meena yaa yiti ta chaab ale mi fi tomteerɔwa. Ba weeni ayen, <Pai waai ale nak wa suoku ko la a te ti ate ti ko wa a tuni wa suoku ate wa ko la, abe ti yeeri waai ale wa tuesi nitalimu la.> Ba le kpimsi ka bolim kaala ŋaai ate mi tali la, ate m chorɔwa a kan ta yuei yaase ŋaaŋbiik tɛŋka zuwa.
8Naawa yaa weeni nipowa ayen, <<Kuli yeri, m le dueni wari a magsi fu.>> 9Alege nipowa ale nyini Tekoa la yaa weeni wa ayen, <<M nyɔnɔ naaba, basi ate kaasuŋku a bo mi ale m kowa dɔkdemma zuk abe naawa ale wa naamu zukpaglika kan ta kaasuŋŋoa.>>
10Naawa yaa tulisi ayen, <<Waai a dan weeni fu wari, ta wa jam mi jigi, ate wa kan ŋman daani fu.>>
11Nipowa yaa weeni ayen, <<Basi ate naawa a wi a weeni Naawen wa Wenni ate wa kasi waai ale wa tuni ziimu nyiŋla ate wa kan gum kaasuŋ du, ate ba kan kaasi m biika.>> Naawa yaa tulisi ayen, <<Naawen ale sum boro la nyiŋ, fi nidoabinni zuik yeŋ mɛ la a kan lo tɛŋŋa.>>
12Nipowa yaa weeni ayen, <<Basi ate mi fi tomteerɔwa a biisi wari a te m nyɔnɔwa naawa.>> Naawa yaa tulisi ayen, <<Biisi.>>
13Nipowa yaa weeni ayen, <<Ka boa abe le soa ate fi a sak wanni de choa a ta chaab ale Wen nuruma? Naawa a dan weeni nna, wa an bo mini ka wa dega, diila naawa an ta wa biik kaai ate wa zɛri la a jam ya? 14Ase nyiam ale waaŋ tɛŋ, ate bu kan vaari la, ku a fɛ ate ti kpi. Alege Wen kan yeeri nyuvuri ya, wa goanti a yaali ka sui yonta ate waai ale bo peelim la a kan yalima ale wa.
15<<Yɔgyɔgla de mi jam ayen m weeni mi nyɔnɔwa naawa kama dii nyiŋla nuruma a basi ate ka yɔgsum a ta mi. Mi fi tomteerɔwa a poli kama ayen, <M le biisi a te naawa, ate dai dii dai ate wa nye mi wa tomteerɔwa ale bek diila. 16Dai dii dai naawa ale siak vari mi wa tomteerɔwa nuru waai ale a nye ayen wa gebi mi ale m nidoabinni a basi ate ti kan nya nitalim buui ate Wen a te ti la nisa po a basi.>
17<<Yɔgyɔgla de mi fi tomteerɔwa a yaali kama ayen, <Mi nyɔnɔwa naawa wanni abe ta vuusum a jam mi jigi, diila mi nyɔnɔwa naawa a nye ase ka Wen maarɔ a miŋ wamaŋsa ale wabaata la. Mi a yaali ka Naawen fi Wenni abe bo ale fu.
18Ate naawa yaa weeni nipowa ayen, <<Mi ale a bek fu diila, kan peri tulisaŋa.>> Nipowa yaa weeni ayen, <<Mi nyɔnɔwa naawa abe bek.>>
19Naawa yaa bek ayen, <<Joab nisa a ka le fu kude meena po? Nipowa yaa tulisi ayen, <<Fi ale sum boro la nyiŋ, m nyɔnɔ naaba, waai karo a cheem juga yaa gala dii meena ate mi nyɔnɔwa naawa a weeni la. Ka fi tomteerɔwa Joab ale sak mi ayen mi nye kude ale pai wieŋa de meena a nyo fi tomteerɔwa nɔi po. 20Fi tomteerɔwa Joab a nye kude kama ayen wa tagri dii ale nye yɔgyɔgla de la. Mi nyɔnɔwa a ta yam ase ka Wen maarɔ la. Wa seba dii meena ale a nye tɛŋka po la kama.
21Naawa yaa weeni Joab ayen, <<Ku nala, m le nye. Cheŋ ga ta nidoabinni Absalom a ŋman jam.>>
22Joab yaa lo tɛŋ ayen wa te wa zula ale niak naawa. Joab weeni ayen, <<Jinla mi fi tomteerɔwa seba ayen wa nya ŋmanteka kama fi nina po, m nyɔnɔ naaba, diila naawa a siak mi wa tomteerɔwa ale bek diila kama.>>
23Joab yaa cheŋ Gesur a ga ta Absalom a jam Jerusalem. 24Alege naawa ayen, <<Ku a fɛ ate wa cheŋ wadek yenni. Wa kan nya mi nina.>> Absalom yaa cheŋ wadek yenni wa an jam nya naawa nina.
25Izirali meena po nuru karo ate ba pak wa wa nalim nyiŋŋa ase Absalom la. A zaani wa zukku a siŋ paari wa naŋsaŋa wa ka wa kɔŋŋoa. 26Diipo meena wa dan che wa zukku zuisaŋa, wa nyiem a che kama ase si nin dobra a te wa, wa yaa magsi si ate si dobrimu a chim ligbie kobsiye dobrim a magsi chaab ale naamu magsaŋa.
27Absalom a jam biak ka nidoabilisa bata ale lie yeŋ. Wa liewa yuei jam le Tamara. Wa jam chim ka nipok naliŋ.
28Absalom jam bo Jerusalem ka bena ŋaye alege an nya naawa nina. 29Absalom yaa tom wi Joab ayen wa tom wa naawa jigi, alege Joab a zɛri wa an jam ya. Wa ŋman tom nye buye, alege wa zɛri wa an jam ya. 30Wa yaa weeni wa tomteerɔma ayen, <<Nya, Joab talimu a moata ka mi talimu, wa be ta ka barli du. Ni cheŋ ga ju bu bolim.>> Absalom tomteerɔma yaa ju talimu bolim.
31Joab yaa cheŋ Absalom yenni a yaa bek wa ayen, <<Ka boa ale soa ate fi tomteerɔma a ju m talimu bolimoa?>>
32Absalom yaa tulisi Joab ayen, <<Nya, mi tom a weeni fu kama, <Jam dela ate m tom fu naawa jigi ate fi bek ayen, <<Ka boa ale soa ate mi nyini Gesur jamu? Mi dan diem bo dula ku ti zunchoŋŋa.>> > Yɔgyɔgla de, mi a yaali ayen m nya ka naawa nina, ate m dan kaasi wari abe wa ko mu.>>
33Joab yaa cheŋ naawa jigi a weeni wa kude. Naawa yaa wi Absalom, ate wa jam koori tɛŋ naawa niŋ. Ate naawa yaa puusi Absalom.
© 2023, Ghana Institute of Linguistics, Literacy and Bible Translation