2 Samuel 15
15
1Kula ŋaaŋnyiŋ, Absalom yaa yaali toroko ale wusuma ale nidoaba pisinu ayen ba chali a de wa niŋ.#15:1 Nya fotowa Nyinika 14:9 2Wa le kpabi yiti a za suik kuui ale a cheŋ tɛŋka nansuiŋku la nɔi. Diipo meena waai a dan ta funfɔbla a jam naawa niŋ a magsi zɔga, Absalom yaa wi wa ayen, <<Fi nyini ka tɛŋ boa?>> Wa yaa tulisi ayen, <<Fi tomteerɔwa a nyini ka Izirali Yezuimaŋa dinyi.>> 3Absalom yaa weeni wa ayen, <<Nya, fi wieŋa a boro kama ale nala, alege naawa a ka waai ya ate wa tagri wa a wom fu.>> 4Ate Absalom a weeni a gum du ayen, <<Ka ba nin yeeri mi boteerɔ tɛŋka po. Ate waai meena yaa dan ta funfɔbla yaase wari a jam mi jigi ate mi yaa nya ku zuk ate wa nya wensie buusa.>>
5Diipo meena mɛ waai a dan jam wa jigi a koori tɛŋ wa niŋ, Absalom nyiem laari ka nisa a yik wa ale gbaari wa. 6Absalom jam a nye ka nna ale Izirali demma meena ale a jam naawa jigi a bek a yaali wensie buusa la. Wa yaa zu Izirali demma suiniimaŋa.
7Bena ŋanaansi ale nueri la, Absalom yaa weeni naawa ayen, <<Basi ate m cheŋ Yebron a ga tuni m pami ale m puulim a te Naawen. 8Fi tomteerɔwa ale diem jam bo Gesur ale bo Araam po la, ate m nye pumpuulimaŋa de ayen, <<Naawen a dan ta mu ŋmani Jerusalem m le puusi Naawen Yebron tɛŋka po.>>
9Naawa yaa weeni wa ayen, <<Be cheŋ ale, suiyɔgni.>> Wa yaa cheŋ Yebron.
10Absalom yaa tom nuru susuga Izirali yezuimaŋa ayen ba weeni ayen, <<Ase ni dan wom damunsaŋa peerika, ni yaa be weeni ayen, <<Absalom ka naab a bo Yebron.>> 11Nidoaba kobsiye ale nyini Jerusalem a jam bani Absalom. Ba jam wi ba kama ase nicham la ate ba cheŋ alege zɛ wari nɔi po. 12Absalom ale jam boro a nye kaabka la, wa jam tom wi Ayitofel Gilo denɔwa Deevid sagrɔwa, ate wa nyini Gilo wadek tɛŋka a jam. Ba susuga zɔŋŋa yaa jam kasim a piisi ate Absalom ŋaaŋviirɔma kasim jam a piisi.
13Nuru yaa jam weeni Deevid ayen, <<Izirali nuruma suiniimaŋa a bo ale ka Absalom.>>
14Deevid yaa weeni wa nisɔmma meena ale jam bo ale wa Jerusalem po la ayen, <<Ni jam. Ku a fɛ ate ti chali, dan kan daa di ti wanyi a kan be ale Absalom. Ku a fɛ ate ti basi nwuli, dan kan daa di wa le jam ti zuk nwuli, a nya pagrim ti zuk a ta kaasuŋ a jam ti zuk abe wa ko tɛŋka demma ale gebik.>>
15Naawa nisɔmma yaa tulisi wa ayen, <<Fi tomteerɔma a gomsi kama ayen ti nye dii meena ate ti nyɔnɔwa naawa a lueri la.>>
16Naawa yaa nyini ate wa yenni meena a vi wa. Alege wa jam basi ka nɔŋta pi ayen ba a nya naab yenni zuk. 17Dila naawa yaa nyini, ate nuruma meena a vi wa, ate ba yaa ga zaani jigi ale yalima maga. 18Wa nidoama meena yaa gɔk santiri a gaam wa taam, a gum chaab ale Keret demma ale Pelet demma ale Gitti demma kobsiyuebi baai ale jam a bani wa a nyini Gat a gɔk santiri naawa niŋ.
19Naawa yaa weeni Gitti denɔwa Ittai ayen, <<Ka boa ale soa ate fi a jam ale tama? Ŋmani cheŋ ga bo ale naab Absalom. Fi ka nichaanɔ, waai ate ba yik ta nyini fi tɛŋka jam. 20Fi jam ka deemwa dek. Ate jinla m basi ate fi a tuinti ale tama, alege ate mi zɛ mi ale a cheŋ juijui la? Ŋmani cheŋ a ga pai fi tɛŋka demma. Jiirim ale wensie abe bo le fu.>>
21Alege Ittai a tulisi naawa ayen, <<Naawen ale sum boro la nyiŋ, ale mi nyɔnɔwa naawa ale boro la nyiŋ, juijui meena ate mi nyɔnɔwa naawa a boro la, ku dan poom ka kum yaase nyuvuri, fi tomteerɔwa ale bo dula.
22Deevid yaa weeni Ittai ayen, <<Be a cheŋ, gɔk santiri a cheŋ.>> Ittai, Gitti denɔwa ale wa nuruma meena ale dɔkdem baai ale bo ale wa la yaa gɔk santiri a cheŋ.
23Tɛŋ kpaŋka meena a kum ate ku a jueli ase nuruma ale a taam la. Naawa a lo Kidron Viaka a jueli, ate nuruma meena a cheŋ a duŋ gɔnni nyiŋ.
24Zadok mɛ a jam bo dula kama, ate Livaima ale jam bo ale wa la a ji Wen nɔiyeŋka dakanni. Ba yaa zaani Wen nɔiyeŋka dakanni, ate Abiata a nye kaabka a te dakanni, ate Abiata a nye kaabka ate nuruma meena a ga nyini tɛŋka po a nyini.
25Naawa yaa weeni Zadok ayen, <<Pai Wen nɔiyeŋka dakanni a ta ŋmani jo tɛŋka po. Mi dan nya ŋmanteka Naawen nimbie po, wa le ta mi ŋman jam ate mi nya di ale wa boka jigini. 26Alege wa dan weeni ayen, <Mi sui an peenti ale fu, mi gomsi kama, wa nye mi dii ale nala a te wa la.>>
27Naawa a weeni Zadok mɛ ayen, <<Fi daa biisiteerɔ? Ŋman cheŋ tɛŋka po ale suiyɔgni, ale fi nidoabinni Ayimaaz ale Abiata nidoabinni Jonatan. Fi ale Abiata ni ta nidoabilisaŋa baye a cheŋ. 28Mi le limisi beli kpienni po gɔnni po ate wari nyini fi jigi a jam mi jigi.>> 29Zadok ale Abiata yaa pai Wen nɔiyeŋka dakanni a ta ŋmani Jerusalem a bo dula.
30Alege Deevid a tom du a cheŋ jueli Olivi Guuku zuk, a kum a cheŋ ate wa zukku lik ate wa a cheŋ naŋtabie. Nuru baai meena ale bo le wa la a lik ba zuimaŋa mɛ ale kum cheŋ a jueli. 31Ba weeni Deevid ayen, <<Ayitofel a maa bo le ka baai ale ta chaab le wa a bo ale Absalom la.>> Deevid yaa puusi ayen, <<Naawen yaa, tulim Ayitofel sinsaŋŋa ate ŋa chim betta.>>
32Deevid ale paari guuku zuk la, juijui ate nuruba a puusi Wen la, Arki denɔwa Yusai jam bo ka dula ayen wa tu wa. Wa garukku a cheeri ate tanta a bo wa zukku po. 33Deevid yaa weeni wa ayen, <<Fi dan va mu a cheŋ, fi le chim jibta a te mu. 34Alege fi dan ŋman cheŋ tɛŋka po a ga weeni Absalom ayen, <M le chim fi yɔma, naaba, mi jam ka fi kowa tomteerɔ, alege yɔgyɔgla de mi le chim ka fi tomteerɔ,> ate fi yaa baga a maari mu a kasi Ayitofel sinsaŋŋa. 35Kaabteerɔma Zadok ale Abiata ale bo dula ale fu. Weeni ba wari dii meena ate fi a wom naawa yenni po la. 36Ba nidoabilisa bayewa, Zadok nidoabinni Ayimaaz ale Abiata nidoabinni Jonatan a bo dula ale ba. Tom ba ale wari dii meena ate fi a wom la.>>
37Deevid doawa Yusai yaa paari Jerusalem ale Absalom a jo ka tɛŋka po.
Currently Selected:
2 Samuel 15: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
2 Samuel 15
15
1Kula ŋaaŋnyiŋ, Absalom yaa yaali toroko ale wusuma ale nidoaba pisinu ayen ba chali a de wa niŋ.#15:1 Nya fotowa Nyinika 14:9 2Wa le kpabi yiti a za suik kuui ale a cheŋ tɛŋka nansuiŋku la nɔi. Diipo meena waai a dan ta funfɔbla a jam naawa niŋ a magsi zɔga, Absalom yaa wi wa ayen, <<Fi nyini ka tɛŋ boa?>> Wa yaa tulisi ayen, <<Fi tomteerɔwa a nyini ka Izirali Yezuimaŋa dinyi.>> 3Absalom yaa weeni wa ayen, <<Nya, fi wieŋa a boro kama ale nala, alege naawa a ka waai ya ate wa tagri wa a wom fu.>> 4Ate Absalom a weeni a gum du ayen, <<Ka ba nin yeeri mi boteerɔ tɛŋka po. Ate waai meena yaa dan ta funfɔbla yaase wari a jam mi jigi ate mi yaa nya ku zuk ate wa nya wensie buusa.>>
5Diipo meena mɛ waai a dan jam wa jigi a koori tɛŋ wa niŋ, Absalom nyiem laari ka nisa a yik wa ale gbaari wa. 6Absalom jam a nye ka nna ale Izirali demma meena ale a jam naawa jigi a bek a yaali wensie buusa la. Wa yaa zu Izirali demma suiniimaŋa.
7Bena ŋanaansi ale nueri la, Absalom yaa weeni naawa ayen, <<Basi ate m cheŋ Yebron a ga tuni m pami ale m puulim a te Naawen. 8Fi tomteerɔwa ale diem jam bo Gesur ale bo Araam po la, ate m nye pumpuulimaŋa de ayen, <<Naawen a dan ta mu ŋmani Jerusalem m le puusi Naawen Yebron tɛŋka po.>>
9Naawa yaa weeni wa ayen, <<Be cheŋ ale, suiyɔgni.>> Wa yaa cheŋ Yebron.
10Absalom yaa tom nuru susuga Izirali yezuimaŋa ayen ba weeni ayen, <<Ase ni dan wom damunsaŋa peerika, ni yaa be weeni ayen, <<Absalom ka naab a bo Yebron.>> 11Nidoaba kobsiye ale nyini Jerusalem a jam bani Absalom. Ba jam wi ba kama ase nicham la ate ba cheŋ alege zɛ wari nɔi po. 12Absalom ale jam boro a nye kaabka la, wa jam tom wi Ayitofel Gilo denɔwa Deevid sagrɔwa, ate wa nyini Gilo wadek tɛŋka a jam. Ba susuga zɔŋŋa yaa jam kasim a piisi ate Absalom ŋaaŋviirɔma kasim jam a piisi.
13Nuru yaa jam weeni Deevid ayen, <<Izirali nuruma suiniimaŋa a bo ale ka Absalom.>>
14Deevid yaa weeni wa nisɔmma meena ale jam bo ale wa Jerusalem po la ayen, <<Ni jam. Ku a fɛ ate ti chali, dan kan daa di ti wanyi a kan be ale Absalom. Ku a fɛ ate ti basi nwuli, dan kan daa di wa le jam ti zuk nwuli, a nya pagrim ti zuk a ta kaasuŋ a jam ti zuk abe wa ko tɛŋka demma ale gebik.>>
15Naawa nisɔmma yaa tulisi wa ayen, <<Fi tomteerɔma a gomsi kama ayen ti nye dii meena ate ti nyɔnɔwa naawa a lueri la.>>
16Naawa yaa nyini ate wa yenni meena a vi wa. Alege wa jam basi ka nɔŋta pi ayen ba a nya naab yenni zuk. 17Dila naawa yaa nyini, ate nuruma meena a vi wa, ate ba yaa ga zaani jigi ale yalima maga. 18Wa nidoama meena yaa gɔk santiri a gaam wa taam, a gum chaab ale Keret demma ale Pelet demma ale Gitti demma kobsiyuebi baai ale jam a bani wa a nyini Gat a gɔk santiri naawa niŋ.
19Naawa yaa weeni Gitti denɔwa Ittai ayen, <<Ka boa ale soa ate fi a jam ale tama? Ŋmani cheŋ ga bo ale naab Absalom. Fi ka nichaanɔ, waai ate ba yik ta nyini fi tɛŋka jam. 20Fi jam ka deemwa dek. Ate jinla m basi ate fi a tuinti ale tama, alege ate mi zɛ mi ale a cheŋ juijui la? Ŋmani cheŋ a ga pai fi tɛŋka demma. Jiirim ale wensie abe bo le fu.>>
21Alege Ittai a tulisi naawa ayen, <<Naawen ale sum boro la nyiŋ, ale mi nyɔnɔwa naawa ale boro la nyiŋ, juijui meena ate mi nyɔnɔwa naawa a boro la, ku dan poom ka kum yaase nyuvuri, fi tomteerɔwa ale bo dula.
22Deevid yaa weeni Ittai ayen, <<Be a cheŋ, gɔk santiri a cheŋ.>> Ittai, Gitti denɔwa ale wa nuruma meena ale dɔkdem baai ale bo ale wa la yaa gɔk santiri a cheŋ.
23Tɛŋ kpaŋka meena a kum ate ku a jueli ase nuruma ale a taam la. Naawa a lo Kidron Viaka a jueli, ate nuruma meena a cheŋ a duŋ gɔnni nyiŋ.
24Zadok mɛ a jam bo dula kama, ate Livaima ale jam bo ale wa la a ji Wen nɔiyeŋka dakanni. Ba yaa zaani Wen nɔiyeŋka dakanni, ate Abiata a nye kaabka a te dakanni, ate Abiata a nye kaabka ate nuruma meena a ga nyini tɛŋka po a nyini.
25Naawa yaa weeni Zadok ayen, <<Pai Wen nɔiyeŋka dakanni a ta ŋmani jo tɛŋka po. Mi dan nya ŋmanteka Naawen nimbie po, wa le ta mi ŋman jam ate mi nya di ale wa boka jigini. 26Alege wa dan weeni ayen, <Mi sui an peenti ale fu, mi gomsi kama, wa nye mi dii ale nala a te wa la.>>
27Naawa a weeni Zadok mɛ ayen, <<Fi daa biisiteerɔ? Ŋman cheŋ tɛŋka po ale suiyɔgni, ale fi nidoabinni Ayimaaz ale Abiata nidoabinni Jonatan. Fi ale Abiata ni ta nidoabilisaŋa baye a cheŋ. 28Mi le limisi beli kpienni po gɔnni po ate wari nyini fi jigi a jam mi jigi.>> 29Zadok ale Abiata yaa pai Wen nɔiyeŋka dakanni a ta ŋmani Jerusalem a bo dula.
30Alege Deevid a tom du a cheŋ jueli Olivi Guuku zuk, a kum a cheŋ ate wa zukku lik ate wa a cheŋ naŋtabie. Nuru baai meena ale bo le wa la a lik ba zuimaŋa mɛ ale kum cheŋ a jueli. 31Ba weeni Deevid ayen, <<Ayitofel a maa bo le ka baai ale ta chaab le wa a bo ale Absalom la.>> Deevid yaa puusi ayen, <<Naawen yaa, tulim Ayitofel sinsaŋŋa ate ŋa chim betta.>>
32Deevid ale paari guuku zuk la, juijui ate nuruba a puusi Wen la, Arki denɔwa Yusai jam bo ka dula ayen wa tu wa. Wa garukku a cheeri ate tanta a bo wa zukku po. 33Deevid yaa weeni wa ayen, <<Fi dan va mu a cheŋ, fi le chim jibta a te mu. 34Alege fi dan ŋman cheŋ tɛŋka po a ga weeni Absalom ayen, <M le chim fi yɔma, naaba, mi jam ka fi kowa tomteerɔ, alege yɔgyɔgla de mi le chim ka fi tomteerɔ,> ate fi yaa baga a maari mu a kasi Ayitofel sinsaŋŋa. 35Kaabteerɔma Zadok ale Abiata ale bo dula ale fu. Weeni ba wari dii meena ate fi a wom naawa yenni po la. 36Ba nidoabilisa bayewa, Zadok nidoabinni Ayimaaz ale Abiata nidoabinni Jonatan a bo dula ale ba. Tom ba ale wari dii meena ate fi a wom la.>>
37Deevid doawa Yusai yaa paari Jerusalem ale Absalom a jo ka tɛŋka po.
© 2023, Ghana Institute of Linguistics, Literacy and Bible Translation