2 Samuel 13
13
1Kula ŋaaŋnyiŋ, Deevid nidoabinni Amnon yaa jam a yaali Deevid nidoabinni Absalom tuawa. Tamara a jam nala kama.
2Ku jam daani Amnon kama nna yegayega ate wa a yuak wa tuawa Tamara nyiŋ, diila wa jam zɛ nidoa, ate ku tua ale wa le baga a nye wa wari.
3Amnon abe jam ta ka doa, wa yuei ale Jonadab. Wa jam ka Deevid suoku Simeaya nidoabili. Jonadab jam ka waai ale ta yam ale kperi. 4Wa yaa bek Amnon ayen, <<Ka boa ate fi naawa nidoabinni a nye ase fi a yuak la saluik meena? Fi kan weeni mu? Amnon yaa weeni wa ayen, <<Mi a yaali ka m suoku Absalom tuawa Tamara.>>
5Wa yaa weeni wa ayen, <<Fi dan jo goom potim a nye ase fi a yuak la.>> Fi kowa a dan jam jo ayen wa nya fu, weeni wa ayen, <Mi a yaali ka m tuawa Tamara a jam te mu jaab ate m dɛ. Basi ate wa a dik ŋandiintaŋa mi niŋ ate mi a nya a yaa tuesi wa nisa po a dɛ.>>
6Amnon yaa duak a potim a nye ase wa a yuak la. Naawa ale jam ayen wa nya wa la, Amnon yaa weeni wa ayen, <<Mi a yaali ka m tuawa Tamara a jam nye ŋandiinta mi niŋ, ate m tuesi wa nisa po a dɛ.
7Deevid yaa tom weeni Tamara naab yenni po ayen, <<Cheŋ fi tuawa Amnon yenni a nye ŋandiinta a te wa. 8Tamara yaa cheŋ wa tuawa Amnon yenni. Wa jam dua kama. Wa yaa pai zom, a bu a nye boroborok wa niŋ a sɛ ku. 9Wa yaa pai taasidi a nyo boroboroku du a te wa, alege wa zɛri wa an dɛ ya. Amnon yaa weeni ayen, <<Te ti waai meena nyini dela. Waai meena yaa basi wa. 10Amnon yaa weeni Tamara ayen, <<Ta ŋandiintaŋa a jam dela m goomu dɔkku po ate m tuesi fi nisa po a dɛ? <<Ate Tamara yaa pai boroboroku ate wa nye la a ta jo wa tuawa Amnon goomu dɔkku po. 11Alege wa le ta jo ayen wa te wa ate wa dɛ la, wa yik wa a weeni ayen, <<Jam goa ale mu, m tua.>>
12Wa yaa weeni wa ayen, <<M tua kan nye di. Kan fɛ mu. Wanni de choa an magsi di nye Izirali. Kan nye wabiokku de. 13Le ge mi? Be ate mi ale yeeri m chivieŋa? Alege fi? Fi le nye ase ka bettaŋa kunyi la Izirali tɛŋka po. Mi a saalim biisi ale naawa, wa kan peri mi fi yalika.>> 14Alege wa zɛri wa an wom wa, wa be le pagra a gaam Tamara la, wa fɛ goa ale wa.
15Amnon yaa kisi wa nna yegayega. Wa jam kisi wa kama a gaam wa le jam a yaali wa diila Amnon yaa weeni wa ayen, <<Yiti a nyini.>>
16Tamara yaa weeni ayen, <<Aaya, basi ate m nyinika a bie a gaam dii ate fi poom nye la.>> Alege wa zɛri wa an wom wa. 17Wa yaa wi wadek tomteerɔwa a weeni wa ayen, <<Basi ate nipowa de a nyini dela abe fi lik tuoku.>> 18Wa tomteerɔwa yaa te ate wa nyini ale lik tuoku. Wa jam jo ka garuk kuui diak ale pagra, garuk tii chaab ate naawa lie baai ale kan seba nidoaba a jo la ale la. 19Tamara a jam pai ka buntuem a nyo wa zukku po ale dari wa garuk naliŋka ate wa jo la a cheeri. A pai nisa a ji zuk a kum a cheŋ.
20Wa tuawa Absalom yaa weeni wa ayen, <<Fi tuawa Amnon a goa ale fu kama? M tua, be nye diki yɔgyɔgla de, wa ka fi tua. Kan pai kude a nyo fi sui po.>> Ate Tamara yaa jam bo wa tuawa Absalom yenni, niniga nipok.
21Naab Deevid ale wom kude meena la, wa sui yaa a puuri nna yegayega. 22Absalom an jam weeni Amnon wari ya, wabiok yaase wamaŋŋa. Wa jam kisi wa kama wa le nye wa tuawa Tamara chivieŋa la nyiŋ.
23Bena ŋaye ŋaaŋnyiŋ, baai ale a che Absalom piisaŋa kɔbtaŋa la yaa bo Baal Yazor a moata Ɛfraim banni. Wa yaa wi naawa nidoabilisaŋa meena ayen ba jam dula.#13:23 Va ŋala po ba jam pai ka piisa kɔbta a nye gatta. 24Absalom yaa cheŋ naawa jigi a weeni wa ayen, <<Fi tomteerɔwa a nya ka cheerɔba ate ba jam. Naawa ale wa nisɔmma ale jam gum ti po?>>
25Naawa yaa tulisi ayen, <<Aaya, m biiga. Ti meena kan cheŋŋi, ti le chim ka jibta a te fu.>> Absalom a jam a tik kama, alege wa zɛri chelim. Wa jam te wa ka wa niauŋ.
26Absalom a ŋman weeni ayen, <<Fi be dan kaa jam, be te ate m suoku Amnon jam.>> Naawa yaa bek wa ayen, <<Ka boa ale soa ate wa a cheŋ ale fu?>> 27Alege Absalom a tik, ate wa tom Amnon ale wa nidoabili sinsila ate ba cheŋ.
28Absalom yaa weeni wa nuruma ayen, <<Ni wom de, Amnon a dan nyu daamu a buk ate m weeni ni ayen, <Ni nak Amnon a lɔnsi, ni ko wa. Ni kan chali yɔgsummoa. Daa mi ale te ni suiku de? Ni ta pagrim abe ni tua. 29Absalom nuruma yaa nye Amnon dii ate Absalom a weeni la. Naawa nidoabilisaŋa meena yaa yiti do ba wusum bonsaŋa yaa chali.
30Ba le diem jam bo suik la, ku yaa paari Deevid ayen, <<Absalom a ko naawa nidoabilisaŋa ka meena, ba wanyi an tali ya.>> 31Naawa yaa yiti zaani a cheeri wa gattaŋa ale dua tɛŋ. Wa tomteerɔma meena jam za ka wa tɛŋ ate ba gattaŋa a cheeri.
32Alege Simeaya nidoabinni Jonadab, Deevid suoku a yaa weeni wa ayen, <<Mi nyɔnɔwa kaa poli ayen ba ko nabisaŋa meena kama ka Amnon nyiini ale kpi. Kude jam ka Absalom popola a nyini da dii dai ate wa fɛ goa ale wa tuawa Tamara la. 33Mi nyɔnɔwa naawa a kan te wa popola a bo dii ate ba weeni ayen naawa bisaŋa meena a kpi la. Ka Amnon nyiini ale kpi.
34Dila meena ale Absalom a chali kama. Nuru waai ale za a nya la yaa zak nya nuruba yegayega a bo manpanni po wa niŋ yeri niŋ geŋ guuku geŋsa. Waai ale a limisi la yaa ga weeni naawa ayen, <<Mi nya ka nuruba Yoronaim geŋsa, guuku geŋsa.>>
35Jonadab yaa weeni naawa ayen, <<Nya naawa nidoabilisaŋa a bo ka dela, ku nye ase ka fi tomteerɔwa ale weeni diila.
36Wa le biisi ga nueri la, naawa nidoabilisaŋa a jam jo a kaari. Naawa mɛ ale wa tomteerɔma meena a kum ale sue kaasima nna yegayega.
37Absalom yaa chali cheŋ Ammiyud nidoabinni Talmai, Gesur naawa jigi. Alege Deevid a kum wa nidoabinni nyiŋ daa meena.
38Absalom ale chali cheŋ Gesur la, wa bo dula ka bena ŋata. 39Ate naawa chiika a maa cheŋ Absalom jigi, diila wa sui a jam yɔk kama a ta va Amnon kummu.
Currently Selected:
2 Samuel 13: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
2 Samuel 13
13
1Kula ŋaaŋnyiŋ, Deevid nidoabinni Amnon yaa jam a yaali Deevid nidoabinni Absalom tuawa. Tamara a jam nala kama.
2Ku jam daani Amnon kama nna yegayega ate wa a yuak wa tuawa Tamara nyiŋ, diila wa jam zɛ nidoa, ate ku tua ale wa le baga a nye wa wari.
3Amnon abe jam ta ka doa, wa yuei ale Jonadab. Wa jam ka Deevid suoku Simeaya nidoabili. Jonadab jam ka waai ale ta yam ale kperi. 4Wa yaa bek Amnon ayen, <<Ka boa ate fi naawa nidoabinni a nye ase fi a yuak la saluik meena? Fi kan weeni mu? Amnon yaa weeni wa ayen, <<Mi a yaali ka m suoku Absalom tuawa Tamara.>>
5Wa yaa weeni wa ayen, <<Fi dan jo goom potim a nye ase fi a yuak la.>> Fi kowa a dan jam jo ayen wa nya fu, weeni wa ayen, <Mi a yaali ka m tuawa Tamara a jam te mu jaab ate m dɛ. Basi ate wa a dik ŋandiintaŋa mi niŋ ate mi a nya a yaa tuesi wa nisa po a dɛ.>>
6Amnon yaa duak a potim a nye ase wa a yuak la. Naawa ale jam ayen wa nya wa la, Amnon yaa weeni wa ayen, <<Mi a yaali ka m tuawa Tamara a jam nye ŋandiinta mi niŋ, ate m tuesi wa nisa po a dɛ.
7Deevid yaa tom weeni Tamara naab yenni po ayen, <<Cheŋ fi tuawa Amnon yenni a nye ŋandiinta a te wa. 8Tamara yaa cheŋ wa tuawa Amnon yenni. Wa jam dua kama. Wa yaa pai zom, a bu a nye boroborok wa niŋ a sɛ ku. 9Wa yaa pai taasidi a nyo boroboroku du a te wa, alege wa zɛri wa an dɛ ya. Amnon yaa weeni ayen, <<Te ti waai meena nyini dela. Waai meena yaa basi wa. 10Amnon yaa weeni Tamara ayen, <<Ta ŋandiintaŋa a jam dela m goomu dɔkku po ate m tuesi fi nisa po a dɛ? <<Ate Tamara yaa pai boroboroku ate wa nye la a ta jo wa tuawa Amnon goomu dɔkku po. 11Alege wa le ta jo ayen wa te wa ate wa dɛ la, wa yik wa a weeni ayen, <<Jam goa ale mu, m tua.>>
12Wa yaa weeni wa ayen, <<M tua kan nye di. Kan fɛ mu. Wanni de choa an magsi di nye Izirali. Kan nye wabiokku de. 13Le ge mi? Be ate mi ale yeeri m chivieŋa? Alege fi? Fi le nye ase ka bettaŋa kunyi la Izirali tɛŋka po. Mi a saalim biisi ale naawa, wa kan peri mi fi yalika.>> 14Alege wa zɛri wa an wom wa, wa be le pagra a gaam Tamara la, wa fɛ goa ale wa.
15Amnon yaa kisi wa nna yegayega. Wa jam kisi wa kama a gaam wa le jam a yaali wa diila Amnon yaa weeni wa ayen, <<Yiti a nyini.>>
16Tamara yaa weeni ayen, <<Aaya, basi ate m nyinika a bie a gaam dii ate fi poom nye la.>> Alege wa zɛri wa an wom wa. 17Wa yaa wi wadek tomteerɔwa a weeni wa ayen, <<Basi ate nipowa de a nyini dela abe fi lik tuoku.>> 18Wa tomteerɔwa yaa te ate wa nyini ale lik tuoku. Wa jam jo ka garuk kuui diak ale pagra, garuk tii chaab ate naawa lie baai ale kan seba nidoaba a jo la ale la. 19Tamara a jam pai ka buntuem a nyo wa zukku po ale dari wa garuk naliŋka ate wa jo la a cheeri. A pai nisa a ji zuk a kum a cheŋ.
20Wa tuawa Absalom yaa weeni wa ayen, <<Fi tuawa Amnon a goa ale fu kama? M tua, be nye diki yɔgyɔgla de, wa ka fi tua. Kan pai kude a nyo fi sui po.>> Ate Tamara yaa jam bo wa tuawa Absalom yenni, niniga nipok.
21Naab Deevid ale wom kude meena la, wa sui yaa a puuri nna yegayega. 22Absalom an jam weeni Amnon wari ya, wabiok yaase wamaŋŋa. Wa jam kisi wa kama wa le nye wa tuawa Tamara chivieŋa la nyiŋ.
23Bena ŋaye ŋaaŋnyiŋ, baai ale a che Absalom piisaŋa kɔbtaŋa la yaa bo Baal Yazor a moata Ɛfraim banni. Wa yaa wi naawa nidoabilisaŋa meena ayen ba jam dula.#13:23 Va ŋala po ba jam pai ka piisa kɔbta a nye gatta. 24Absalom yaa cheŋ naawa jigi a weeni wa ayen, <<Fi tomteerɔwa a nya ka cheerɔba ate ba jam. Naawa ale wa nisɔmma ale jam gum ti po?>>
25Naawa yaa tulisi ayen, <<Aaya, m biiga. Ti meena kan cheŋŋi, ti le chim ka jibta a te fu.>> Absalom a jam a tik kama, alege wa zɛri chelim. Wa jam te wa ka wa niauŋ.
26Absalom a ŋman weeni ayen, <<Fi be dan kaa jam, be te ate m suoku Amnon jam.>> Naawa yaa bek wa ayen, <<Ka boa ale soa ate wa a cheŋ ale fu?>> 27Alege Absalom a tik, ate wa tom Amnon ale wa nidoabili sinsila ate ba cheŋ.
28Absalom yaa weeni wa nuruma ayen, <<Ni wom de, Amnon a dan nyu daamu a buk ate m weeni ni ayen, <Ni nak Amnon a lɔnsi, ni ko wa. Ni kan chali yɔgsummoa. Daa mi ale te ni suiku de? Ni ta pagrim abe ni tua. 29Absalom nuruma yaa nye Amnon dii ate Absalom a weeni la. Naawa nidoabilisaŋa meena yaa yiti do ba wusum bonsaŋa yaa chali.
30Ba le diem jam bo suik la, ku yaa paari Deevid ayen, <<Absalom a ko naawa nidoabilisaŋa ka meena, ba wanyi an tali ya.>> 31Naawa yaa yiti zaani a cheeri wa gattaŋa ale dua tɛŋ. Wa tomteerɔma meena jam za ka wa tɛŋ ate ba gattaŋa a cheeri.
32Alege Simeaya nidoabinni Jonadab, Deevid suoku a yaa weeni wa ayen, <<Mi nyɔnɔwa kaa poli ayen ba ko nabisaŋa meena kama ka Amnon nyiini ale kpi. Kude jam ka Absalom popola a nyini da dii dai ate wa fɛ goa ale wa tuawa Tamara la. 33Mi nyɔnɔwa naawa a kan te wa popola a bo dii ate ba weeni ayen naawa bisaŋa meena a kpi la. Ka Amnon nyiini ale kpi.
34Dila meena ale Absalom a chali kama. Nuru waai ale za a nya la yaa zak nya nuruba yegayega a bo manpanni po wa niŋ yeri niŋ geŋ guuku geŋsa. Waai ale a limisi la yaa ga weeni naawa ayen, <<Mi nya ka nuruba Yoronaim geŋsa, guuku geŋsa.>>
35Jonadab yaa weeni naawa ayen, <<Nya naawa nidoabilisaŋa a bo ka dela, ku nye ase ka fi tomteerɔwa ale weeni diila.
36Wa le biisi ga nueri la, naawa nidoabilisaŋa a jam jo a kaari. Naawa mɛ ale wa tomteerɔma meena a kum ale sue kaasima nna yegayega.
37Absalom yaa chali cheŋ Ammiyud nidoabinni Talmai, Gesur naawa jigi. Alege Deevid a kum wa nidoabinni nyiŋ daa meena.
38Absalom ale chali cheŋ Gesur la, wa bo dula ka bena ŋata. 39Ate naawa chiika a maa cheŋ Absalom jigi, diila wa sui a jam yɔk kama a ta va Amnon kummu.
© 2023, Ghana Institute of Linguistics, Literacy and Bible Translation