2 Korinti 13
13
1M yaa cheena ni jigi nna a nyeka buta. <<Fi dan a yaali ayen fi biisi gaam nuru waai, ku a fɛ kama ayen fi ta nuruba baye yaase nuruba bata ate ba chim fi seerɔba.>> (Teerika 19:15) 2Diipo ate m jam ni jigi a nye buyewa la, m jam kaam nama baai ale a tom tuimbaata la kama. Alege yɔgyɔgla de ate m yalima ale ni la, m diem a kaam ni kama ale waai meena mɛ. M boro a gomsi kama ayen m jam te ni waalika yegayega. 3M dan jam ni jigi ni le seba nalimnyiini ayen Kirisita a va mi nyiŋ biisi a te ni. Dila la m dan jam te ni waalika ni ale seba ayen mi an wobsa alege ka Kirisita ale a sak wa pagrimu ni suŋsuŋ. 4Ba le jam yik wa a kpi jabarimu nyiŋ ayen wa kpi la, wa jam ka pagrim. Alege yɔgyɔgla de wa ŋman vua kama, dii nyiŋla Wen pagrimu nyiŋ ate wa nak wa a yiti kum po. Tama ale wa ale ka bunyi la nyiŋ ate ti wobsa, alege tama ale nama ale ka bunyi la ti le maa chaab a nya pagrim buui ale basi ate wa vua la.
5Ni a nye nidek a nya ase ni ta siaka ale Yeezu Kirisita nalimnyiini ya. Nama seba ayen wa bo ka ni suiniimaŋa po, ni be dan kan ta wa ni suiniima po ni be an tagri ya. 6Mi seba kama, ayen nama mɛ dek seba kama ayen wa bo ti suiniimaŋa po. 7Ti a puusi a te ka Wen ayen ni ka a tom dii ale kan nala la, daa ti sak ayen ti baga wamaŋsa kasim a nye alege ni a tom a magsi ase tama a nin poom nye wie a kpeeri. 8Ti kan baga a nye wari a kaasi Wen wensieŋa alege ti a nye a magsi chaab ale ka wa wensieŋa. 9Nama a dan poom pagra alege tama a wobsa, ti sue peenti kama dila nyiŋ. Ti be a puusi kama ayen ni chiib za ale pagrim. 10M ni kan bo ale ni la ale soa ate m ŋmarisi gbaŋka de a te ni ayen ni tagri, ate m dan jam abe m kan te ni waalika ale Naawen pagrimu ate wa a te mu la. Wa pai pagrimu de a te mu kama ayen m maari ni daa ayen m kaasi ni.
11Ti suata, yɔgyɔgla de, ti a yaali ayen ti ŋmarisi ti gbaŋka a kpeglim ka dela. M weeni ni kama ayen ni gomsi wie ŋaai ale kan yɔrisi la a magsi. Ni ta nɔiyeŋ ale chaab, abe ni boro ale suiyɔgni. Wen dii ale a yaali ni la ale a basi ate ni a boro ale suiyɔgni la, le maari ni ate ni nye wieŋa de. 12Ni a puusi chaab nalimnyiini a te ti. 13Wen nuruma meena a puusi ni.
14Ti Nyɔnɔwa Yeezu Kirisita ŋmanteka ale Wen yaalika ale Wen Chiika tuka a bo ale ni meena.
Currently Selected:
2 Korinti 13: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
2 Korinti 13
13
1M yaa cheena ni jigi nna a nyeka buta. <<Fi dan a yaali ayen fi biisi gaam nuru waai, ku a fɛ kama ayen fi ta nuruba baye yaase nuruba bata ate ba chim fi seerɔba.>> (Teerika 19:15) 2Diipo ate m jam ni jigi a nye buyewa la, m jam kaam nama baai ale a tom tuimbaata la kama. Alege yɔgyɔgla de ate m yalima ale ni la, m diem a kaam ni kama ale waai meena mɛ. M boro a gomsi kama ayen m jam te ni waalika yegayega. 3M dan jam ni jigi ni le seba nalimnyiini ayen Kirisita a va mi nyiŋ biisi a te ni. Dila la m dan jam te ni waalika ni ale seba ayen mi an wobsa alege ka Kirisita ale a sak wa pagrimu ni suŋsuŋ. 4Ba le jam yik wa a kpi jabarimu nyiŋ ayen wa kpi la, wa jam ka pagrim. Alege yɔgyɔgla de wa ŋman vua kama, dii nyiŋla Wen pagrimu nyiŋ ate wa nak wa a yiti kum po. Tama ale wa ale ka bunyi la nyiŋ ate ti wobsa, alege tama ale nama ale ka bunyi la ti le maa chaab a nya pagrim buui ale basi ate wa vua la.
5Ni a nye nidek a nya ase ni ta siaka ale Yeezu Kirisita nalimnyiini ya. Nama seba ayen wa bo ka ni suiniimaŋa po, ni be dan kan ta wa ni suiniima po ni be an tagri ya. 6Mi seba kama, ayen nama mɛ dek seba kama ayen wa bo ti suiniimaŋa po. 7Ti a puusi a te ka Wen ayen ni ka a tom dii ale kan nala la, daa ti sak ayen ti baga wamaŋsa kasim a nye alege ni a tom a magsi ase tama a nin poom nye wie a kpeeri. 8Ti kan baga a nye wari a kaasi Wen wensieŋa alege ti a nye a magsi chaab ale ka wa wensieŋa. 9Nama a dan poom pagra alege tama a wobsa, ti sue peenti kama dila nyiŋ. Ti be a puusi kama ayen ni chiib za ale pagrim. 10M ni kan bo ale ni la ale soa ate m ŋmarisi gbaŋka de a te ni ayen ni tagri, ate m dan jam abe m kan te ni waalika ale Naawen pagrimu ate wa a te mu la. Wa pai pagrimu de a te mu kama ayen m maari ni daa ayen m kaasi ni.
11Ti suata, yɔgyɔgla de, ti a yaali ayen ti ŋmarisi ti gbaŋka a kpeglim ka dela. M weeni ni kama ayen ni gomsi wie ŋaai ale kan yɔrisi la a magsi. Ni ta nɔiyeŋ ale chaab, abe ni boro ale suiyɔgni. Wen dii ale a yaali ni la ale a basi ate ni a boro ale suiyɔgni la, le maari ni ate ni nye wieŋa de. 12Ni a puusi chaab nalimnyiini a te ti. 13Wen nuruma meena a puusi ni.
14Ti Nyɔnɔwa Yeezu Kirisita ŋmanteka ale Wen yaalika ale Wen Chiika tuka a bo ale ni meena.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation