2 Korinti 12
12
1Ku magsi ka m le kuulim alege kunkuulimaŋa ka maarika. Alege m le weeni Naawen ale pai wie ŋaai meena a sak mu la. 2Bena pi ale ŋanaansi ale ga taam la, Wen a jam lueri nuru wanyi a ta jueli ga jo wenŋmazuk ku po. M zɛ ase dila sum nye kama yaase ku jam a nye se ka Wen ale pai a sak wa la. Wen nyiini ale jam seba dila. 3Ni basi ate m ŋman weeni ni ayen Wen ale jam lueri wa a yaa pai wa a ta jueli a ga jo wa jigi naluŋku po. Wala nyiini ale seba ase ku sum jam nye kama yaa, ku jam nye se ka Wen ale pai a sak wa la. 4Wa ale jam ga jo dula la, wa jam wom ka wie, ŋaai ale chim wakperikaliisa ate wa an baga a weeni. 5Ku magsi ka m ti a kuulim nuruwa de nyiŋ, alege daa m dek nyiŋŋa. M din bola a yaali kama ayen m weeni m le wobsa diila. 6M dan weeni ni le ka diila, ni kan ni a weeni ayen yam ka m ni a biisi diila po. Mi a weeni ni ka wensie. M kan yaali ayen nuruba seba ayen m ka nuru kpioŋ a gaam ba, dii nyiŋla Wen ale nye dii a te mu la. Mi a yaali kama ayen ba bo mi buusa m tuimaŋa ale wieŋa nyiŋ.
7Wen an jam a yaali ayen m ta kanjanta wa le basi ate m wom bi kperikaliika la nyiŋŋa. Dila ale soa ate wa yaa pai tuem a te mu ate m nyiŋka a kasim a dom daa meena. Ku a nye ase ka Sitaana ale a nak mu la. 8Mi jam saalim ti Naawenni ka buta wanni de nyiŋ ayen wa nye ate tuemu basi mu. 9Alege wa weeni mu ayen, <<Mi ŋmanteka ale a magsi fu. Diipo ate fi wobsa la, mi pagrimu zuak kama nna yegayega a bo fi jigi.>> Dila la mi sui peenti kama ale m nin ta kanjanta m wobsimu nyiŋ. Dila nyiŋ m seba kama ayen Kirisita pagrimu a lik mu kama. 10Dila ale soa ate Kirisita nyiŋ, mi mariŋ wobsim kama ale leeta ale ninam ale namsika ale wapagra. Diipo ate mi wobsa la dila po ale mi pagra.
11Ni daani mu kama dila ale soa ate mi a ŋmarisi nna ase m ka beruk la a te ni. Ka boan nyiŋ ate ni ba gela a kan te mu zula? M dek pagrimu ka pagrim kayiok, alege m kan va sagrɔma de baai ale a velim ate ni a poli ayen ba ka tuimtomdɔba a gaam mi la. 12M le jam bo dula ale ni la, ni jam ka chichama a se mi ka Wen wensie tuimtomdɔ. Wa jam a maari mu kama ate mi a tom tuimkperikaliisa nna yegayega ale chichiiba a te ni. 13Mi nye ni kaasi kama alege an nye Kirisita bisaŋa ale a tu chaab a bo jigi ŋa chaab la, kaasi ya. M dan poom nye wari ka m le kan weeni ayen ni maari mu la. Ku be dan ka dila ni vɔŋ a te mu.
14M dan jam ni jigi ku yaa nye ka m naŋtuok nɔi buta. M dan jam tu ni, m kan yaali ayen ni pai jaab a te mu. Mi a yaali ka nidek daa ni ligra. Ni a nye se ka m bisa la. Bimbaansa kan nya ba nyam zuwa, alege ka ba nyama ale a nya ba zuk. 15M gomsi kama ale suipeentik ayen m kaasi jabuui meena ate m ta la ale m dek mɛ meena ate m baga a maari ni. Mi a yaali nama kama, alege nama a kan yaali mi. 16Nama dek seba chak kama ayen diipo ate m jam bo ale ni la, mi an nya nama ayen ni Maari mu. Nuru waai ale weeni ayen mi a velim kama ale a paasi ni. 17M vari ka ni ŋanta ale m ni tom baai ni jigi la. 18M jam saalim Titus kama ayen wa jam ni jigi. Wa le jam siak la, m jam tom ka wala ale ti suoku wanyi ni jigi. Titus jam vari ni ŋanta kama? Nama zɛ ayen Titus ale mi suiniimaŋa ale a poli diila ka bunyi?
19Nama a poli kama ayen tama a yaali ka yuei gbaŋka de po? Dila daa wensie Wen ale soa ti ate ti ŋmarisi wie ŋaai ate Kirisita a jam pai a te ti la. M dek doaba, ti tuimaŋa meena le maari ni kama. 20Mi a poli kama ayen m dan jam ni jigi, ni kan ni a nye dii ate mi a yaali ayen ni a nye la. Nama mɛ a kan yaali mi ale a nye diila. Mi a poli kama ayen ni ale kasim a nak ka nanpaga ale chaab ale a dɛ nyuri ale chaab ale a ta sui ale chaab, ale a ta butuem, ale a lɛ chaab ale a bobri ale a ta kanjanta ale a zɛri ni kpaŋŋa noa. 21Mi a poli kama ayen m dan jam ni jigi, Wen le basi ate m yik m dek ni niŋ. M sui le kaasi kama, dii nyiŋla ni yegayega a kan yaali ayen ni basi ni kaboŋsa tuimaŋa ale ni nipok yaalik ale nidoa yaalik tuimaŋa, ale ni tuim daŋtisaŋa yegayega.
Currently Selected:
2 Korinti 12: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
2 Korinti 12
12
1Ku magsi ka m le kuulim alege kunkuulimaŋa ka maarika. Alege m le weeni Naawen ale pai wie ŋaai meena a sak mu la. 2Bena pi ale ŋanaansi ale ga taam la, Wen a jam lueri nuru wanyi a ta jueli ga jo wenŋmazuk ku po. M zɛ ase dila sum nye kama yaase ku jam a nye se ka Wen ale pai a sak wa la. Wen nyiini ale jam seba dila. 3Ni basi ate m ŋman weeni ni ayen Wen ale jam lueri wa a yaa pai wa a ta jueli a ga jo wa jigi naluŋku po. Wala nyiini ale seba ase ku sum jam nye kama yaa, ku jam nye se ka Wen ale pai a sak wa la. 4Wa ale jam ga jo dula la, wa jam wom ka wie, ŋaai ale chim wakperikaliisa ate wa an baga a weeni. 5Ku magsi ka m ti a kuulim nuruwa de nyiŋ, alege daa m dek nyiŋŋa. M din bola a yaali kama ayen m weeni m le wobsa diila. 6M dan weeni ni le ka diila, ni kan ni a weeni ayen yam ka m ni a biisi diila po. Mi a weeni ni ka wensie. M kan yaali ayen nuruba seba ayen m ka nuru kpioŋ a gaam ba, dii nyiŋla Wen ale nye dii a te mu la. Mi a yaali kama ayen ba bo mi buusa m tuimaŋa ale wieŋa nyiŋ.
7Wen an jam a yaali ayen m ta kanjanta wa le basi ate m wom bi kperikaliika la nyiŋŋa. Dila ale soa ate wa yaa pai tuem a te mu ate m nyiŋka a kasim a dom daa meena. Ku a nye ase ka Sitaana ale a nak mu la. 8Mi jam saalim ti Naawenni ka buta wanni de nyiŋ ayen wa nye ate tuemu basi mu. 9Alege wa weeni mu ayen, <<Mi ŋmanteka ale a magsi fu. Diipo ate fi wobsa la, mi pagrimu zuak kama nna yegayega a bo fi jigi.>> Dila la mi sui peenti kama ale m nin ta kanjanta m wobsimu nyiŋ. Dila nyiŋ m seba kama ayen Kirisita pagrimu a lik mu kama. 10Dila ale soa ate Kirisita nyiŋ, mi mariŋ wobsim kama ale leeta ale ninam ale namsika ale wapagra. Diipo ate mi wobsa la dila po ale mi pagra.
11Ni daani mu kama dila ale soa ate mi a ŋmarisi nna ase m ka beruk la a te ni. Ka boan nyiŋ ate ni ba gela a kan te mu zula? M dek pagrimu ka pagrim kayiok, alege m kan va sagrɔma de baai ale a velim ate ni a poli ayen ba ka tuimtomdɔba a gaam mi la. 12M le jam bo dula ale ni la, ni jam ka chichama a se mi ka Wen wensie tuimtomdɔ. Wa jam a maari mu kama ate mi a tom tuimkperikaliisa nna yegayega ale chichiiba a te ni. 13Mi nye ni kaasi kama alege an nye Kirisita bisaŋa ale a tu chaab a bo jigi ŋa chaab la, kaasi ya. M dan poom nye wari ka m le kan weeni ayen ni maari mu la. Ku be dan ka dila ni vɔŋ a te mu.
14M dan jam ni jigi ku yaa nye ka m naŋtuok nɔi buta. M dan jam tu ni, m kan yaali ayen ni pai jaab a te mu. Mi a yaali ka nidek daa ni ligra. Ni a nye se ka m bisa la. Bimbaansa kan nya ba nyam zuwa, alege ka ba nyama ale a nya ba zuk. 15M gomsi kama ale suipeentik ayen m kaasi jabuui meena ate m ta la ale m dek mɛ meena ate m baga a maari ni. Mi a yaali nama kama, alege nama a kan yaali mi. 16Nama dek seba chak kama ayen diipo ate m jam bo ale ni la, mi an nya nama ayen ni Maari mu. Nuru waai ale weeni ayen mi a velim kama ale a paasi ni. 17M vari ka ni ŋanta ale m ni tom baai ni jigi la. 18M jam saalim Titus kama ayen wa jam ni jigi. Wa le jam siak la, m jam tom ka wala ale ti suoku wanyi ni jigi. Titus jam vari ni ŋanta kama? Nama zɛ ayen Titus ale mi suiniimaŋa ale a poli diila ka bunyi?
19Nama a poli kama ayen tama a yaali ka yuei gbaŋka de po? Dila daa wensie Wen ale soa ti ate ti ŋmarisi wie ŋaai ate Kirisita a jam pai a te ti la. M dek doaba, ti tuimaŋa meena le maari ni kama. 20Mi a poli kama ayen m dan jam ni jigi, ni kan ni a nye dii ate mi a yaali ayen ni a nye la. Nama mɛ a kan yaali mi ale a nye diila. Mi a poli kama ayen ni ale kasim a nak ka nanpaga ale chaab ale a dɛ nyuri ale chaab ale a ta sui ale chaab, ale a ta butuem, ale a lɛ chaab ale a bobri ale a ta kanjanta ale a zɛri ni kpaŋŋa noa. 21Mi a poli kama ayen m dan jam ni jigi, Wen le basi ate m yik m dek ni niŋ. M sui le kaasi kama, dii nyiŋla ni yegayega a kan yaali ayen ni basi ni kaboŋsa tuimaŋa ale ni nipok yaalik ale nidoa yaalik tuimaŋa, ale ni tuim daŋtisaŋa yegayega.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation