2 Korinti 11
11
1Yɔgyɔgla de, mi a yaali ayen m ŋmarisi ka m dek wie gbaŋka de po. Ni ba gela a poli kama ayen m biika ka kiri ya. Ni be ta chichiiba nna maga ale mu. 2Mi a yaali ni ka nna yegayega ase Wen ale a yaali ni diila. Ni a nye se ka nipokbili ale kan diem seba nidoa la ate m puulim ayen m pai wa a te nuru yeŋ nyiini, wala abe le Kirisita. 3Alege yɔgyɔgla de mi a chali ka yɔgsum waamu ale paasi yik ni popola ase wa le jam paasi Iiv diila, a chali yɔgsum mɛ ni ale tagri ni popolaŋa a basi Kirisita va ka la.#11:3 Piilimka 3:1-6, 13 4Diila waai a dan jam ni jigi a mooli Yeezu yoŋ wie alege daa Yeezu waai wie ate tama mooli la, yaase ni tuesi chiik yoŋ alege daa kaai ate nama tuesi la, yaase wapaali yoŋ alege daa wa dii ate nama siak la, ni deri siak nna chaalima la an magsi ya. 5Ni a poli kama ayen sagrɔma de a gaam mi kama. Mi be kan siak a te ni. 6Ku ka wensie ayen mi an baga a biisi nalimnyiini nuruba niŋa, alege m kan kpeeri yam. Daa meena mi a nye kama ate ku sak ni ayen nya kude ka wensie.
7M le liŋ jam bo ale ni ate m jam sak ni Wen wamaŋsaŋa la, mi an jam yaali tutuna ku nyiŋŋa. Mi yik m dek kama nama nyiŋ ayen ni chim nuru kpienta. Dila an jam magsi ya? 8Ni basi ate m weeni a sak ni ku ale jam ka diila. Mi ale jam bo ale ni la, nuru baai ale jam bo niŋniŋ la, ba gela a jam pai tiirita a te mi, ate ku a nye nna se mi a zu ba kama a tom a te nama la. 9Dai yeŋ po ate mi ligra a yaa nueri, alege mi an jam bek ni ayen ni maari mu. M suataŋa baai ale bo Masidoniya tɛŋka po la, a jam pai ŋan baai meena ate mi jam a yaali la, a ta jam te mu. M jam kpesi ka m dek ayen m kan jam a yaali ayen ni a nya m zuwa. Ku le chim ka nna chum diipo mɛ. 10Mi a weeni ni ka wensie, dii nyiŋla Kirisita a bo ka m suinum po. Baai meena ale bo Akaaya la, le wom ayen daa nama ale a nya mi zuwa. 11Nama a poli ayen m kan yaali ni kama ale soa ate m yaa nye nna ya? Wen seba ayen mi a yaali ni ka nna yegayega.
12M kan tagri m ni a nye dii nna la, ate sagrɔma de a nya suik a weeni ayen ba tuimaŋa ale tama tuimaŋa ka bunyi. 13Ba daa Wen wensie tuimtomdɔba. Ba ka velimvendisa, dii nyiŋla ba a paasi ni kama ayen ba sinsaŋŋa ale tama sinsaŋŋa ka bunyi. Ba tagri ka badek ayen ni poli ayen Kirisita ale tom ba ni jigi. 14Sitaana mɛ a baga a tagri wadek kama, ate nuruba poli ayen wa ka Wen maarɔma baai ale a nyaksi la wanyi. 15Sitaana a be dan baga a nye dila, kun toa ate wa tomteerɔma a tagri badega, ate ni a poli ayen ba ka Wen tomteerɔba. Wen a dan jam ayen wa bo ba buusa, wa le nya ba kaasuŋku kama abe wa basi ate ba kan ta kiri ya.
16M poom ŋmarisi a weeni ayen ni ba gela a poli kama ayen yam ka m biika po. M be ŋman diem a saalim ni kama ayen ni ta chichiiba ale mu. Yɔgyɔgla de, ni basi ate mi mɛ a yaali yuei maga a te m dek. 17Ti Naawen an jam sak ti ayen ti a yaali yuei a te ti dega. Ka betta nyiini ale a nye dila. 18Sagrɔma de a va ka badek ŋan yaalik ale a yaali yuei mɛ a te badek. Dila ale soa ate mi mɛ a yaali yuei a te m dek. 19Ni a poli kama ayen ni ta ka yam nna yegayega, alege ni kan beni ale a wom betta sinsaŋŋa de. 20Ni basi kama ate nuruma de a nye ni se yɔm la, ale a nye a dɛ ale a zu ni ale a fɔbi ni. 21Mi a chali chivie kama ale m le weeni ayen ti wobsa ale dila nyeka. Ba daa kuulim mi mɛ baga a kuulim kama alege ku la ka betta. 22Ba ka Juuba? Mi mɛ ka Juu. Ba ka Izirali demma? Mi mɛ ka Izirali denɔ. Ba ka Abrayam ŋaaŋbisa? Mi mɛ ka ba po wanyi. 23Ba a weeni nama kama ayen ba ka Kirisita Tomteerɔba? Ni le poli kama ayen mi a yesim kama, alege mi a yaali ayen m weeni ni kama ayen mi ka wa tomteerɔ nalimnyiini a gaam ba meena. Mi tom tuima ka nna yegayega a te wa. Nuruba a jam yik mi a lik ate ku paari ka dii choa, ale pai fiŋsa a miiri mu. M be jam tali ka maga ate m kpi. M gaam ba kama yegayega ale wieŋa de meena.
24Juuma a jam pai fiŋsa a miiri mi ka pisita ale neok. Ba nye nna a paari ka ku nɔi bunu.#11:24 Teerika 25:1-3 25Nuruba mɛ a jam pai doa a nak mu ka buta. Nuruba mɛ a jam pai tintana a yuk mu. Ba jam nye nna ka bunyi. M be jam jo ŋaaruŋta po mɛ ate viok kpioŋ jam fuk a yaa chiak ti a ta jueli pina zuima ate ŋaaruŋtaŋa a yaa kaasi. Nya kude a saari ka buta. Dan di dai, ate mi jam wari nyakpiemu po yok ale kantueŋ meena. 26Mi le kasim jam cheŋ jiga tɔgatɔga la, m jam cheŋ jigi baata ka nna yegayega. Mi jam lo bela a jueli kama. Bela ŋaai nyaata ale jam sueri ŋa a waaŋ tɛŋka meena. Nuruba a jam daani mu nalimnyiini ayen ba zu m ŋantaŋa ale pagrim. Juuma ale baai ale kan daa Juuba la, a basi kama ate mi nya ninam nna yegayega. Baai dek mɛ ate mi jam poli ayen ba ka m doaba la, a jam basi mi kama. Mi cheŋ satɛŋ sii ale jigi ŋaai ale nya tii ate yɔgsum yegayega a boro la kama. 27M jam tom ka nna yegayega a ga gaam taam, ale ge jam basi m goom mɛ ate ku paari diichoa. Nyanyuila ale kom a jam yik mu mɛ. M be jam ka gatta mɛ a piisi ya. Daa meena m jam ka vuusum jigiya m be ka ŋandiinta mɛ. 28Wie ŋa chaab a boro kama ate mi an weeni a sak ni. Mi le kasim jam a yaali dii yegayega la ale, Yeezu ŋaaŋviirɔma le va wa nalimnyiini. 29Waai a dan ka a va wa nalimnyiini, ku a daani mu kama. Waai a daa tom tuimbaata, m sui ale kasim a kaasi ale nuru bala chaab.
30Mi dan poom a kuulim, mi a kuulim ka wie ŋaai ale a sak ayen mi wobsa la nyiŋ. 31Wen dii ale ka ti Naawenni Yeezu Ko la, a seba kama ayen m daa velimvendika. Ni basi ate ti a te wa pimpauk taam wuu. 32Mi le jam bo Damasikus la, gominawa ate wa jam tom a te Aretas la, a jam tom wa tugurik tɔŋdɔma kama a weeni ba ayen ba zaani juijui meena ate nuruba a va a jo ale a nyini tɛŋka po a nyini la, ate ba baga nya mu a yik mu. 33Alege m doama a jam maari mu. Ba jam pai mu kama a nyo busik po a yaa pai miik a bobi busika a yaa basi ate m kali ka po ate ba zagri ka a ta va siaka ate ba se gilim tɛŋka la ate m siŋ tɛŋ. Mi le ga siŋ tɛŋ nueri la, m jam chali bɛ kama, ate gominawa an ŋman jam nya mu a yik ya.
Currently Selected:
2 Korinti 11: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
2 Korinti 11
11
1Yɔgyɔgla de, mi a yaali ayen m ŋmarisi ka m dek wie gbaŋka de po. Ni ba gela a poli kama ayen m biika ka kiri ya. Ni be ta chichiiba nna maga ale mu. 2Mi a yaali ni ka nna yegayega ase Wen ale a yaali ni diila. Ni a nye se ka nipokbili ale kan diem seba nidoa la ate m puulim ayen m pai wa a te nuru yeŋ nyiini, wala abe le Kirisita. 3Alege yɔgyɔgla de mi a chali ka yɔgsum waamu ale paasi yik ni popola ase wa le jam paasi Iiv diila, a chali yɔgsum mɛ ni ale tagri ni popolaŋa a basi Kirisita va ka la.#11:3 Piilimka 3:1-6, 13 4Diila waai a dan jam ni jigi a mooli Yeezu yoŋ wie alege daa Yeezu waai wie ate tama mooli la, yaase ni tuesi chiik yoŋ alege daa kaai ate nama tuesi la, yaase wapaali yoŋ alege daa wa dii ate nama siak la, ni deri siak nna chaalima la an magsi ya. 5Ni a poli kama ayen sagrɔma de a gaam mi kama. Mi be kan siak a te ni. 6Ku ka wensie ayen mi an baga a biisi nalimnyiini nuruba niŋa, alege m kan kpeeri yam. Daa meena mi a nye kama ate ku sak ni ayen nya kude ka wensie.
7M le liŋ jam bo ale ni ate m jam sak ni Wen wamaŋsaŋa la, mi an jam yaali tutuna ku nyiŋŋa. Mi yik m dek kama nama nyiŋ ayen ni chim nuru kpienta. Dila an jam magsi ya? 8Ni basi ate m weeni a sak ni ku ale jam ka diila. Mi ale jam bo ale ni la, nuru baai ale jam bo niŋniŋ la, ba gela a jam pai tiirita a te mi, ate ku a nye nna se mi a zu ba kama a tom a te nama la. 9Dai yeŋ po ate mi ligra a yaa nueri, alege mi an jam bek ni ayen ni maari mu. M suataŋa baai ale bo Masidoniya tɛŋka po la, a jam pai ŋan baai meena ate mi jam a yaali la, a ta jam te mu. M jam kpesi ka m dek ayen m kan jam a yaali ayen ni a nya m zuwa. Ku le chim ka nna chum diipo mɛ. 10Mi a weeni ni ka wensie, dii nyiŋla Kirisita a bo ka m suinum po. Baai meena ale bo Akaaya la, le wom ayen daa nama ale a nya mi zuwa. 11Nama a poli ayen m kan yaali ni kama ale soa ate m yaa nye nna ya? Wen seba ayen mi a yaali ni ka nna yegayega.
12M kan tagri m ni a nye dii nna la, ate sagrɔma de a nya suik a weeni ayen ba tuimaŋa ale tama tuimaŋa ka bunyi. 13Ba daa Wen wensie tuimtomdɔba. Ba ka velimvendisa, dii nyiŋla ba a paasi ni kama ayen ba sinsaŋŋa ale tama sinsaŋŋa ka bunyi. Ba tagri ka badek ayen ni poli ayen Kirisita ale tom ba ni jigi. 14Sitaana mɛ a baga a tagri wadek kama, ate nuruba poli ayen wa ka Wen maarɔma baai ale a nyaksi la wanyi. 15Sitaana a be dan baga a nye dila, kun toa ate wa tomteerɔma a tagri badega, ate ni a poli ayen ba ka Wen tomteerɔba. Wen a dan jam ayen wa bo ba buusa, wa le nya ba kaasuŋku kama abe wa basi ate ba kan ta kiri ya.
16M poom ŋmarisi a weeni ayen ni ba gela a poli kama ayen yam ka m biika po. M be ŋman diem a saalim ni kama ayen ni ta chichiiba ale mu. Yɔgyɔgla de, ni basi ate mi mɛ a yaali yuei maga a te m dek. 17Ti Naawen an jam sak ti ayen ti a yaali yuei a te ti dega. Ka betta nyiini ale a nye dila. 18Sagrɔma de a va ka badek ŋan yaalik ale a yaali yuei mɛ a te badek. Dila ale soa ate mi mɛ a yaali yuei a te m dek. 19Ni a poli kama ayen ni ta ka yam nna yegayega, alege ni kan beni ale a wom betta sinsaŋŋa de. 20Ni basi kama ate nuruma de a nye ni se yɔm la, ale a nye a dɛ ale a zu ni ale a fɔbi ni. 21Mi a chali chivie kama ale m le weeni ayen ti wobsa ale dila nyeka. Ba daa kuulim mi mɛ baga a kuulim kama alege ku la ka betta. 22Ba ka Juuba? Mi mɛ ka Juu. Ba ka Izirali demma? Mi mɛ ka Izirali denɔ. Ba ka Abrayam ŋaaŋbisa? Mi mɛ ka ba po wanyi. 23Ba a weeni nama kama ayen ba ka Kirisita Tomteerɔba? Ni le poli kama ayen mi a yesim kama, alege mi a yaali ayen m weeni ni kama ayen mi ka wa tomteerɔ nalimnyiini a gaam ba meena. Mi tom tuima ka nna yegayega a te wa. Nuruba a jam yik mi a lik ate ku paari ka dii choa, ale pai fiŋsa a miiri mu. M be jam tali ka maga ate m kpi. M gaam ba kama yegayega ale wieŋa de meena.
24Juuma a jam pai fiŋsa a miiri mi ka pisita ale neok. Ba nye nna a paari ka ku nɔi bunu.#11:24 Teerika 25:1-3 25Nuruba mɛ a jam pai doa a nak mu ka buta. Nuruba mɛ a jam pai tintana a yuk mu. Ba jam nye nna ka bunyi. M be jam jo ŋaaruŋta po mɛ ate viok kpioŋ jam fuk a yaa chiak ti a ta jueli pina zuima ate ŋaaruŋtaŋa a yaa kaasi. Nya kude a saari ka buta. Dan di dai, ate mi jam wari nyakpiemu po yok ale kantueŋ meena. 26Mi le kasim jam cheŋ jiga tɔgatɔga la, m jam cheŋ jigi baata ka nna yegayega. Mi jam lo bela a jueli kama. Bela ŋaai nyaata ale jam sueri ŋa a waaŋ tɛŋka meena. Nuruba a jam daani mu nalimnyiini ayen ba zu m ŋantaŋa ale pagrim. Juuma ale baai ale kan daa Juuba la, a basi kama ate mi nya ninam nna yegayega. Baai dek mɛ ate mi jam poli ayen ba ka m doaba la, a jam basi mi kama. Mi cheŋ satɛŋ sii ale jigi ŋaai ale nya tii ate yɔgsum yegayega a boro la kama. 27M jam tom ka nna yegayega a ga gaam taam, ale ge jam basi m goom mɛ ate ku paari diichoa. Nyanyuila ale kom a jam yik mu mɛ. M be jam ka gatta mɛ a piisi ya. Daa meena m jam ka vuusum jigiya m be ka ŋandiinta mɛ. 28Wie ŋa chaab a boro kama ate mi an weeni a sak ni. Mi le kasim jam a yaali dii yegayega la ale, Yeezu ŋaaŋviirɔma le va wa nalimnyiini. 29Waai a dan ka a va wa nalimnyiini, ku a daani mu kama. Waai a daa tom tuimbaata, m sui ale kasim a kaasi ale nuru bala chaab.
30Mi dan poom a kuulim, mi a kuulim ka wie ŋaai ale a sak ayen mi wobsa la nyiŋ. 31Wen dii ale ka ti Naawenni Yeezu Ko la, a seba kama ayen m daa velimvendika. Ni basi ate ti a te wa pimpauk taam wuu. 32Mi le jam bo Damasikus la, gominawa ate wa jam tom a te Aretas la, a jam tom wa tugurik tɔŋdɔma kama a weeni ba ayen ba zaani juijui meena ate nuruba a va a jo ale a nyini tɛŋka po a nyini la, ate ba baga nya mu a yik mu. 33Alege m doama a jam maari mu. Ba jam pai mu kama a nyo busik po a yaa pai miik a bobi busika a yaa basi ate m kali ka po ate ba zagri ka a ta va siaka ate ba se gilim tɛŋka la ate m siŋ tɛŋ. Mi le ga siŋ tɛŋ nueri la, m jam chali bɛ kama, ate gominawa an ŋman jam nya mu a yik ya.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation