Уэрэд 73
73
73-нэ Уэрэд
Тхьэм и унэшхуэр зэракъутэгъам теухуа тхьэусыхэ уэрэд
Тхьэм и лъэпкъыр къригъэлын папщӀэ тхьэлъэӀу. Асаф и уэрэд
1Сыт щхьэкӀэ, ди Тхьэ, дыхыфӀэбдзэжыпа?
Уи хъупӀэм ит мэлым уи губжьыр
сыт щхьэкӀэ яхузэщӀэбгъэплъа?
2Уи цӀыху лъэпкъыу,
къызэрыхэпхрэ бэ щӀауэ,
зи щхьэ пщэхужыгъар
уи лъэпкъ хъуну
уигу къэгъэкӀыж.
Цион Ӏуащхьэу уи псэупӀэ зыдэщыӀари
уигу къэгъэкӀыж.
3ЛӀэщӀыгъуэбэ зи ныбжь къутахуэхэм
нэхъ благъэу екӀуалӀэ:
уи унэшхуэм и кӀуэцӀ псори
зэхикъутащ бийм.
4Бийхэр уи унэшхуэм
текӀуэныгъэм ипкъ къикӀыкӀэ
щыгъуэхъуащ;
я бэракъхэр фӀадзащ абы.
5Мэзым щӀэт лӀыуэ
жыгхэр джыдэкӀэ изупщӀыкӀым хуэдащ ахэр#73:5 евреибзэкӀэ и мыхьэнэ ӀупщӀкъым..
6Джыдэрэ уадэкӀэ зэ уэгъуэм
зэхакъутащ сурэт хэбзыкӀа дахэхэр;
7Уи унэшхуэр мафӀэм ирагъэхьащ
лъабжьэм нэсыху;
Уэ узыщагъэлъапӀэ унэшхуэр яуцӀэпӀащ.
8ЯгукӀэ жаӀащ:
«ЛъапсэкӀуэдыр къахуэдгъэкӀуэнщ абыхэм».
Тхьэм и зэӀущӀапӀэу хэкум итхэр
ягъэсащ.
9Дызэрыгъуэзэн нэщэнэ щӀагъуэ тлъагъужыркъым,
бегъымбари щыӀэжкъым,
апхуэдэу зэрыщытынур зыхуэдизыр
къыджезыӀэни къытхэтыжкъым.
10Сыт хуэдизрэ, ди Тхьэ,
бийм мыскъарэ узэрищӀынур,
Уэ уи цӀэр ягъэпудыну игъащӀэкӀэ?
11Сыт щхьэкӀэ уи Ӏэр,
уи Ӏэ ижьыр епхьэкӀрэ?
Сыт щхьэкӀэ уи Ӏэр
уи гуфӀакӀэ дэбгъэлърэ?
12Ди Тхьэ, пащтыхьу удиӀэщ ижь-ижьыж лъандэрэ,
ди хэку текӀуэныгъэ куэд къыхуэпхьащ!
13Хыр гуащӀэу уиӀэмкӀэ зэгуэпчащ,
хым хэс псэущхьэ бзаджэхэм
я щхьэхэр яхуэпкъутащ.
14Левиатыным#73:14 левиатан – бзэджагъэу щыӀэхэр къызпкъырыкӀыр. и щхьэхэр пкъутэри,
губгъуэ нэщӀым ис цӀыхухэм
гъуэмылапхъэ ящӀыну ептащ.
15Псы къыщӀэжыпӀэ къэпщӀащ Уэ,
псыр къэбутӀыпщащ,
Уэ псышхуэхэр ибгъэгъукӀащ.
16Махуэр ууейщ Уэ, жэщри ууейщ;
Дыгъэмрэ къэзыгъэнэхумрэ
Уэ къибгъэуващ.
17Уэ бгъэуващ щӀыгу гъунапкъэхэр,
гъэмрэ щӀымрэ бгъэнэхуащ Уэ.
18АтӀэ уигу къэбгъэкӀыжыркъэ:
Зиусхьэныр бийм къеуб,
цӀыху акъылыншэхэм уи цӀэр
ягъэпуд, Зиусхьэн.
19Уи цӀыхухэу уи тхьэрыкъуэ Ӏэсэхэр
хьэкӀэкхъуэкӀэм яӀэщӀумылъхьэ#73:19 хьэкӀэкхъуэкӀэм яӀэщӀумылъхьэ – евреибзэкӀэ «уи тхьэркъуэ Ӏэсэхэм япсэр хьэкӀэкхъуэкӀэм яӀэщӀумылъхьэ».;
Уи цӀыхухэу тхьэмыщкӀэхэр, хуэмыщӀахэр
зыщумыгъэгъупщэ.
20ЗэгурыӀуэныгъэу къыдэпщӀылӀам еплъыж,
щӀыгу псом и къуапэ кӀыфӀхэм
цӀыху залымхэм я псэупӀэхэр из хъуащ.
21ЛъэгущӀэт ящӀа цӀыхум
и напэр трумыгъэх,
тхьэмыщкӀэмрэ хуэмыщӀамрэ
уи цӀэр ирегъэлъапӀэ.
22Зыкъэужьи, ди Тхьэ,
хъумэ уи Ӏуэхухэр,
цӀыху акъылыншэхэм махуэ къэс
узэраубыр уигу къэгъэкӀыж;
23уи бийхэм я кӀий макъи
къыппэувхэм зэпымыууэ ягъэӀу макъи
зыщумыгъэгъупщэ.
Currently Selected:
Уэрэд 73: KbdNTGP2017
Highlight
Copy
Compare
Share
Want to have your highlights saved across all your devices? Sign up or sign in
© Библиер зэдзэкӀыным елжь Институт, 1993, 2007, 2011, 2017
