Уэрэд 4
4
4-нэ Уэрэд
Пщыхьэщхьэ тхьэлъэӀу
1УэрэдыӀуэхэмрэ пшынауэхэмрэ я пашэм папщӀэ. ШыкӀэ пшынэкӀэ дежьууэ. Даут и уэрэд
2СыныщоджэкӀэ сыкъызэхэх,
Тхьэуэ си хьэкъыр сэ къызэзыт!
ЩӀыпӀэ зэвым сыщихуам,
ар Ӏэхуитлъэхуит схуэпщӀащ.
ГущӀэгъу къысхуэщӀ,
си тхьэлъэӀур къызэхэх.
3Фэ, зыкъызыфӀэщӀыжхэм, си щӀыхьыр
сыт хуэдизрэ вгъэпудыну?
Ӏуэху пщӀэншэхэм зыдевгъэхьэхыу,
пцӀым сыт хуэдизрэ фыхэтыну?
4Зиусхьэным и фӀэлӀыкӀ зигу илъыр
Езым папщӀэ къызэрыхихар зэвгъащӀэ:
сэ сыщеджэкӀэ Зиусхьэным сызэхех.
5Гузэвэгъуэм фыхэтми,
гуэныхь фымыщӀэ;
фи гъуэлъыпӀэ филъу
фэр-фэрурэ фыгупсысэ, зывгъэӀэсэ.
6Хабзэм тету къурмэн фщӀы,
фыщыгугъ Зиусхьэным.
7Куэдым жаӀэ: «ХуэщӀауэ дыпсэуатэмэ!»
Уи нэгум и нэху къыттегъапсэ, Зиусхьэн!
8ЦӀыхухэм гъавэмрэ санэмрэ щахуэбагъуэм
си гуфӀэгъуэр Уэ нэхъыбэ пщӀащ.
9Сигу псэхуауэ согъуэлъри сожей,
сыту жыпӀэмэ Уэ Зырщ, Зиусхьэн,
шынагъуэншэу сызыгъэпсэур.
Currently Selected:
Уэрэд 4: KbdNTGP2017
Highlight
Copy
Compare
Share
Want to have your highlights saved across all your devices? Sign up or sign in
© Библиер зэдзэкӀыным елжь Институт, 1993, 2007, 2011, 2017
