Уэрэд 26
26
26-нэ Уэрэд
ЩӀыхь тхьэлъэӀу
Даут и уэрэд
1Зиусхьэныр си нэхунэщ,
си КъегъэлакӀуэщ:
хэт сызыщышынэнур?
Зиусхьэныр си гъащӀэм и хъумапӀэщ:
хэт шынагъэ зыхузиӀэнур?
2БзаджащӀэхэр, си пэрыуэгъухэри си бийхэри,
къыстобанэ, сызэпкъратхъыну;
лъэпэрэпэнхэщи, джэлэнщ ахэр.
3Дзэр къызэбгъэрыкӀуэми, сышынэнкъым,
сигу къэдзыхэнкъым, къыспэтэджми зауэр –
абы щыгъуэми сиӀэнщ гугъэ.
4Зызакъуэщ сэ Зиусхьэным
сызэрелъэӀур,
зызакъуэщ дапщэщи сызылъыхъур:
къэзгъэщӀэну махуэхэм я кӀуэцӀкӀэ
сыщыпсэуну Зиусхьэным и унэм,
Зиусхьэным и фӀыгъэ слъагъуну,
Ар и унэ щызгъэлъэпӀэну.
5Сыту жыпӀэмэ махуаем щхьэегъэзыпӀэ
схуэхъунурэ, сыщихъумэнщ,
и шэтырым#26:5 и шэтыр – Тхьэм и унэшхуэ. сыщӀигъэпщкӀуэнщ,
абрэмывэм сыдрихьеинщ шынагъуэншэу.
6Си бийхэу сыкъэзыувыхьхэм
ящхьэкӀэ сыщысӀэтынщ итӀанэ,
сэри Абы и шэтырым гуфӀэгъуэ макъышхуэкӀэ
щысщӀынщ къурмэнхэр,
Зиусхьэным уэрэд хужысӀэурэ,
и щӀыхь сӀуэтэнщ.
7Къызэхэх, Зиусхьэн,
си макъыу сынызэроджэр;
гущӀэгъу къысхуэщӀи, жэуап къызэт.
8Уэ жыпӀэгъащ: «Сэ сызыхуэдэр зэвгъащӀэ».
Си гум къызжиӀащ Уэр папщӀэ:
«Зиусхьэн, узыхуэдэр зэзгъэщӀэнщ».
9СщумыгъэпщкӀу уи нэгу;
губжьым ухэту, сэ, уи ӀурыщӀэр, ӀэщӀыб сумыщӀ.
ДэӀэпыкъуэгъуу узиӀащ Уэ;
сыхыфӀумыдзэ, сыкъомыбгынэ,
Тхьэуэ си КъегъэлакӀуэ!
10Сыту жыпӀэмэ си ани си ади сыкъабгынами,
Зиусхьэным сызришэлӀэнщ.
11Уи гъуэгур сыгъащӀэ, Зиусхьэн,
си бийхэм сащыпхъумэну,
гъуэгу захуэм сытегъэхьэ:
12къыспэувхэм саӀэщӀумыгъахуэ,
щыхьэт нэпцӀхэр къыспэтэджащи,
абыхэм ягу къысхуоплъ.
13Ауэ псэ зыпытхэм я щӀыгум
Зиусхьэным и фӀыщӀагъэр
зэрыщыслъагъунур си фӀэщ мэхъу.
14Зиусхьэным щыгугъ,
зыгъэбыдэ, уигури иребыдэ,
Зиусхьэным щыгугъ, зышыӀэ.
Currently Selected:
Уэрэд 26: KbdNTGP2017
Highlight
Copy
Compare
Share
Want to have your highlights saved across all your devices? Sign up or sign in
© Библиер зэдзэкӀыным елжь Институт, 1993, 2007, 2011, 2017
