Апостол Паул Тимофей хуитха етӀуанэ тхылъ 4
4
4-НЭ ЕДЗЫГЪУЭ
1Тхьэм и пащхьи, псэухэмрэ лӀахэмрэ хьэкум ятезыщӀыхьыну ди Зиусхьэн Хьисэ Мэссихь и пащхьи, Мэссихь дунейм къызэрыкӀуэжынумкӀи, абы тепщэныгъэу иӀэмкӀи быдэу унафэ ныпхузощӀ: 2Тхьэм и псалъэхэр цӀыхухэм егъащӀэ, игъуэу щыщытми щыщымытми ахэр ебгъэщӀэным хэт. ЯгурыгъаӀуэ, егъэдэӀуэ, ущий, шыӀэныгъэ псомкӀи щыпкъагъэр егъащӀэ. 3Сыт щхьэкӀэ жыпӀэмэ ди фӀэщхъуныгъэм дигъащӀэ, дызыщыгугъ хъуну Ӏуэхугъуэхэр цӀыхухэм щамыдэну зэманыр къэкӀуэнущ. ЦӀыхухэм я тхьэкӀумэхэм псалъэ дыгъэлхэр ирагъаӀуэурэ, я гур зыщӀэхъуэпс Ӏуэхухэр езыгъэщӀэн егъэджакӀуэхэр къагъуэтынущ. 4Щыпкъагъэр зэхахыну ямыдэу, гъуэщауэ, шыпсэ гъэщӀэгъуэнхэм едэӀуэнущ. 5Уэ, дауэ хъуми, зышыӀэ. Гугъуехь шэчи, хъыбарыфӀыр цӀыхухэм яхуэзыӀуатэм и Ӏуэхур лэжь, Тхьэм уи пщэм къыдилъхьа Ӏуэхур нэсу гъэзащӀэ.
6Сэ къурмэныпхъэ сыхъуу, дунейм сехыжыну си зэманыр къэсащ. 7ХъыбарыфӀым фӀыуэ сыхущӀэкъуащ, къэзжынур къэзжащ, фӀэщхъуныгъэр схъумащ. 8Иджы Зиусхьэным щыпкъагъэм и тажыр схуигъэхьэзыращ. А тажыр щыпкъагъэм тету хьэкум зыщӀэ Зиусхьэным къемэтмахуэм къысхуигъэфэщэнущ, ауэ сэ си закъуэкъым, ар дунейм къызэрыкӀуэжынум щыгуфӀыкӀа псори сэ сщӀыгъущ.
Паулрэ Тимофейрэ я щхьэ я Ӏуэхухэм теухуауэ
9Си деж щӀэхыу укъызэрыкӀуэным хущӀэкъу. 10Сыт щхьэкӀэ жыпӀэмэ Димас#4:10 Димас – еплъ Кол. 4:14. мы дунейр фӀыуэ илъэгъуати, сэ сыкъигъанэри, Фессалоникэ къалэм#4:10 Фессалоникэ къалэр – еплъ 1 Фесс. 1:1. кӀуащ. Крискент Галатие хэкум кӀуащ, Тити#4:10 Тит – Паул дэлажьэу, и гъусэхэм ящыщу щытащ. Еплъ Гал. 2:1. Далмацие хэкум#4:10 Далмацие хэкур – Иллирик хэкум щыщу и ипщэ Ӏыхьэу щытащ. Ар иджырей Кроатиерщ. кӀуащ. Си деж къэнар Лука#4:10 Лука – еплъ Кол. 4:14. закъуэщ. 11Марк#4:11 Марк – еплъ Кол. 4:10. къыздэши, къакӀуэ, абы и дэӀэпыкъуэныгъэ си ӀуэхумкӀэ сыхуейщи. 12Тихик#4:12 Тихик – еплъ Кол. 4:7. Ефес къалэм згъэкӀуащ. 13Троадэ къалэм#4:13 Троадэ къалэр – кхъухь тедзапӀэ иӀэу, Эгейскэ хым (иджырей Тыркум и къухьэпӀэ хы Ӏуфэр аращ) Ӏуту, Мисие хэкум щыщащ. Карп деж къэзгъэна цейри тхылъхэри, псом хуэмыдэу фэм къыхэщӀыкӀа тхылъхэр, укъыщыкӀуэкӀэ къыздэхьыж.
14ГъуаплъащӀэ Александр леишхуэ къызихащ. Зиусхьэным абы и Ӏуэхухэм яхуэфащэр иригъэпшыныжынщ. 15Уэри абы ухуэсакъын хуейщ, ди псалъэхэм лъэщу ар япэувыжащи.
16ХеящӀэм и пащхьэм зыщызгъэхеину япэ дыдэ сыщыхэтам,#4:16 хеящӀэм и пащхьэм зыщызгъэхеину сыщыхэтам – тепщэныгъэ зиӀэ рим цӀыхухэм я пащхьэм. зыри дэӀэпыкъуэгъу къысхуэхъуакъым, псоми сыхыфӀадзэжащ. КъызащӀар Зиусхьэным ярыремыгъэпшыныж. 17Хамэ псоми зэхахын щхьэкӀэ, езым и хъыбарыфӀ псори яхуэсӀуэтэну Зиусхьэныр къызбгъэдыхьэри къару къызитащ. Аслъэным и жьэм сыкъыжьэдихыжам хуэдэщ ар. 18Зиусхьэным бзаджагъэ псоми сыкъыхихыжынущ икӀи сыкъихъумэурэ, езым и Тепщэныгъэшхуэу уафэм щыӀэм сыщӀишэнущ. МыкӀуэдыжын щӀыхьышхуэр зеир Зиусхьэнырщ. Ӏэмин.
Иужьрей фӀэхъус псалъэхэр
19Прискиллэ, Акилэ,#4:19 Прискиллэ, Акилэ – еплъ Апостол. 18:2-3, 18-19. Онесифор и унагъуэм фӀэхъус схуехыж. 20Ераст Коринф къалэм къыдэнащ. Трофим Милит къалэм#4:20 Милит къалэр – кхъухь тедзапӀэ иӀэу, Ефес къалэм и ипщэ лъэныкъуэмкӀэ Эгейскэ хым Ӏутащ. сымаджэу къыщызгъэнащ. 21ЩӀымахуэр#4:21 щӀымахуэм – щӀымахуэм кхъухькӀэ кӀуэныр шынагъуэт. къимыхьэ щӀыкӀэ укъызэрыкӀуэным хущӀэкъу. Еввул, Пуд, Лин, цӀыхубз Клавдие сымэ икӀи къуэш псоми фӀэхъус къуахыж.
22Зиусхьэныр уи псэм гъусэ хурехъу. Тхьэм и нэфӀ къыфщрехуэ. Ӏэмин.
Currently Selected:
Апостол Паул Тимофей хуитха етӀуанэ тхылъ 4: KbdNTGP2017
Highlight
Copy
Compare
Share
Want to have your highlights saved across all your devices? Sign up or sign in
© Библиер зэдзэкӀыным елжь Институт, 1993, 2007, 2011, 2017
