Лука 14
14
14 къаьм
Шамат водиъ лъӣла унтилаъ кӀокӀо̄ сукӀо ахъилло
1Гьоᵸс шамат водиъ фарисейлила сид укъа гьаькимлила билӀоъ Иса эсал оᵸкъолъ, Гьолцо сийоле йовалла̄лӀона гувабацӀона бечена зувакъойо гьулиъ гаьгьийа̄ аьдамла. 2Гьолцодой аьᵸйда̄ оᵸкъойо оᵸхаъ лъи йечена кӀокӀо̄ сукӀо. 3Вагьлиъис Иса диниябла аьлимла̄хъана фарисейла̄хъана нисолло: «Шамат водиъ кӀовакӀова̄ аьдамла сагъ бовал ба̄хъцад йаги ба̄хъаъасди?» 4Гьогго̄л гьокӀа йоваъинна гьихбалъойо. Иса ко̄на йеᵸхенна гьули сукӀо ахъилло бета билӀогъа э̄ᵸйо. 5Иса гьоллохъана нисойо:
– Мизос лъойсна аᵸу йаги оᵸс лъи гаьгьийа тагьризлиъ бекда, шамат водо гейлӀо нисода, гиса багъаъасди миже гьоло?
6Гьоллохъа кьа̄ь гьоьшшона нисона йахъеэш.
МутӀиъ бахъал нуцӀоцалас дарс
7Гьолцогъой бесал бовакӀийа аьдамла̄ супралгъа со̄ᵸ гьидел санаъатаб кӀетӀо маьче бохал аьᵸйдаба̄кчаш бегабалъ, Иса гьоллол гьоᵸс хабар ме̄йо.
8– Бейтеллиъ ийалӀелъ, кьушеллидой шеблаъ къе̄ беца̄къа. Гьулиъ къе̄ бецал илӀейа̄ъ дӯгъана къиматаб сукӀо зогъца. 9Мийа̄ъ, илӀейо бадисо сукӀо оᵸкъолъ, кьодо оᵸкъова бетӀергьалли дӯхъа нисас: «НилӀа гьоцо сукӀол маьче», – лӀо. Ницна ахъна, аьгъиъна биссун муьгъатта̄ла мицаъ къе̄ эцал нуцӀас. 10Оᵸкъослаъзу, ми бишшун муьгъатта̄ къе̄ эче. БетӀергьаллил ми эга̄йоназу, дудойна гогьна нисас: «Гьалмагъ, аьгъиъна аьᵸйда̄ кӀетӀа мицаъ къе̄ эче», – лӀо. Гьолълъогъа муьгъатта̄ бейтелликьа гаьгьийа̄ъ эᵸдо дибо къадро-къиматна кьодда̄кас. 11СудлӀо нисода гьинизу жу кьодда̄кӀийо сукӀо Аллагьлидой аьᵸйда̄ лӀийода̄ ахъца, жу лӀийода̄ эгацас сукӀо кьодда̄кца.
12Бета Иса билӀола бетӀергьаллихъа нисойо:
– Вагьаддийо бес-хулӀо̄лъи йо̄лъ, бовакӀийа сукӀоба̄ мина кьа̄ь окӀаллакьа кулна богьна, гьоллоъкьа̄ гьоᵸсдана пайда гаьгьийо жо йахъаслӀона, дибо вацца̄на, иснана, аьгарлъина, бечедабла мадугьаллана бовакӀа̄къа. 13Вагьаллийо бес-хулӀо̄лъи йо̄лъ, ми бовакӀа гьардухъаллана, азизабла аьдамлана, гьула̄зу лаьхъдийа̄, боцдийа̄ сукӀобана. 14Талигьаб гей ми гьоглохъа дул йоцӀона йахъаъалъ. Жейса дуниялликьа гьоглол йо̄йо жо хиса къиямасаб водиъ муъмилла бувагъоваъас баьгъбаъла̄лъо дул гьули йиᵸхъас.
Бесал бовакӀийа̄кьас хабар
15Вагьли тухълъо, гьулиъ гаьгьийа сидцойсола Гьолцохъа нисойо:
– Гьардараб гей Аллагьлила Парчагьлиъ къе̄на эчена баьба муьхъчаш сукӀо.
16Исана гьолцохъа кьа̄ь нисойо:
– Нишел тели аьдамла бесал илӀал гьоькмо бахъийо гьоᵸс пуланаб сукӀос. 17Бесалцо бог мокъолъ, гьолцо э̄ᵸйолӀо гьинис лагъ бовакӀийа аьдамла бесал илӀал. Эᵸкьена лагъли гьоглохъа нисойолӀо: «Гугь миже, къацӀцӀо кен-оᵸх лъикъона». 18КъацӀцӀола гьоᵸс сикӀо йогьна нисойо жуво̄л нигъана гувал бахъаъаслӀо; ми илокьа кьодос тилӀкилӀо. Сиди нисойолӀо: «Гьини гьоᵸс маьче бохна гей, гьоло маьче бега̄л эᵸкьал нуцӀос, гьарзи йо̄с дӯхъа, ми дӣкьа кьодос тилӀки». 19Бацосола нисойолӀо: «Гьини ацӀона оᵸс бохна гей, вагьалло̄л лӀийаᵸгьна йийакъелал йа̄тӀна гей, гьарзи йо̄с дӯхъа, ми дӣкьа кьодос тилӀки». 20Лъанасла нисойолӀо: «Гьини жейса ахъо йоᵸкъона гей, вагьалълъобза жу говал ахъаъас». 21Лагъ кьа̄ь билӀогъа оᵸкъолъ, ме̄йолӀо гьинила бетӀергьаллихъа къацӀцӀо йахъийа жойлас хабар. Гьолълъогъа муьгъатта̄ симо бӣйа гьолцо нисона гей лагълихъа: «Хехлъи ахъна эᵸкьена къатӀла̄ъна хъаьчӀла̄ъна иᵸхъойо шинаб гьардухъаллана, гьула̄зу азизаблана, боцдийа̄на, лаьхъдийа̄на аьдамла ба̄къолла гьолӀоъ». 22Э̄ᵸйацос оᵸкъолъ, лагъли нисойолӀо: «Дибо амро тӀубази бо̄йо, бетӀерчӀахъаяв! Амма жена маьче гьихлъона гей». 23БетӀергьалли нисойолӀо лагълихъа: «Гьинолкьана кала̄гъойна мийахъова̄ аьдамла ба̄къоллина гогь. Дие билӀо аьдамла̄ш йоцӀала. 24Амма нисос мизохъа: до ийабалӀена гуйэшла̄ диела билӀоъос кен-оᵸх йуьᵸхъаъаш».
Иса авараглигъой муьгъалӀ мекьейа̄с къимат
1. БилӀо йогьцалакьас хабар
25Тели аьлам зукъойо Исагъой къацӀо мекьецас. Гьоллохъана гоцӀохъна Гьолцо нисойо:
26– Гьинила ийо-абоъ, къова-хъизаллиъ, исна̄ъ, вагьла̄зу гьинила оьмролалъда̄ рокьукълъи гаьччо сукӀо Дӣдой оᵸкъода, гьули сукӀо Дие асгьаблъилаъ ахъаъас. 27Гьинис хъанчна бохна, Дӣгъой говаъцасна сукӀо Дие асгьаб ахъаъас. 28СукӀод мизоъ эᵸдо гей, билӀо йовал хийал гаьгьийо сукӀо, гьакъкъа къе̄на эчена гьисаб боваъцас: оьлалди гьаьжа-къай, окко-месед билӀо йогьна гикьа йоᵸкъолал. 29Гьолълъол бигъана гунна гьули билӀо йогьна лъикъаъда, бета гьолцокьа аьдамла лъоᵸваба̄с, 30билӀо йовал уьᵸхолъна гьули йогьна гикьа йоᵸкъонна йахъеэшлӀо нисона.
2. Рагълиъ эᵸкьал атӀийа ханликьас хабар
31Йана бацо ханлил данде эгъал аьгъиъийо хан къе̄на эчена ургъизи ахъал нуцӀаъасди: хъона гьазай рагъухъан гаьгьийо тушмаллила аскарлил данде ацӀона гьазай рагъухъан гаьгьийо аскарна жуна эгъна ахъалдилӀо нисона. 32Эгъна ахъаъцаслъи икъелъ, тушман цӀихода̄ гаьгьийаъзу, гьолцо ханли рекъел бовалъгъа йатӀийо жо нисолал мейас гьинис чапарла. 33Вагьла̄ мизоъ эᵸдо гаьгьийо шинабли къацӀцӀо жойлакьас инкар боваъда, гьолло̄л Дие асгьабла ба̄хъаъас.
3. Гемо йолъова циᵸйакьас хабар
34Цаᵸ кӀетӀо жо гей. Амма гьолълъос гемо йугъода, кьа̄ь гемона йоᵸкъонна йахъаъалъ, гьолълъоъкьа̄ пайда гаьъа гьоᵸссидилна. 35Йа̄ гьули мицал йуьᵸхаъаш, йа мицалъ гулцала йаᵸкол йуьᵸхаъаш. Гьули къе̄ чӀалӀеш. Аьᵸгъа̄ гаьгьийа̄л тухъала гьули!
Currently Selected:
Лука 14: KapPROLUK
Highlight
Share
Copy
Want to have your highlights saved across all your devices? Sign up or sign in
© Библия таржама йогьцас Институт, 2005 (PRO)
© Басмалаъ йагъойо Библия таржама йогьцала Институтли, 1999 (LUK)
Лука 14
14
14 къаьм
Шамат водиъ лъӣла унтилаъ кӀокӀо̄ сукӀо ахъилло
1Гьоᵸс шамат водиъ фарисейлила сид укъа гьаькимлила билӀоъ Иса эсал оᵸкъолъ, Гьолцо сийоле йовалла̄лӀона гувабацӀона бечена зувакъойо гьулиъ гаьгьийа̄ аьдамла. 2Гьолцодой аьᵸйда̄ оᵸкъойо оᵸхаъ лъи йечена кӀокӀо̄ сукӀо. 3Вагьлиъис Иса диниябла аьлимла̄хъана фарисейла̄хъана нисолло: «Шамат водиъ кӀовакӀова̄ аьдамла сагъ бовал ба̄хъцад йаги ба̄хъаъасди?» 4Гьогго̄л гьокӀа йоваъинна гьихбалъойо. Иса ко̄на йеᵸхенна гьули сукӀо ахъилло бета билӀогъа э̄ᵸйо. 5Иса гьоллохъана нисойо:
– Мизос лъойсна аᵸу йаги оᵸс лъи гаьгьийа тагьризлиъ бекда, шамат водо гейлӀо нисода, гиса багъаъасди миже гьоло?
6Гьоллохъа кьа̄ь гьоьшшона нисона йахъеэш.
МутӀиъ бахъал нуцӀоцалас дарс
7Гьолцогъой бесал бовакӀийа аьдамла̄ супралгъа со̄ᵸ гьидел санаъатаб кӀетӀо маьче бохал аьᵸйдаба̄кчаш бегабалъ, Иса гьоллол гьоᵸс хабар ме̄йо.
8– Бейтеллиъ ийалӀелъ, кьушеллидой шеблаъ къе̄ беца̄къа. Гьулиъ къе̄ бецал илӀейа̄ъ дӯгъана къиматаб сукӀо зогъца. 9Мийа̄ъ, илӀейо бадисо сукӀо оᵸкъолъ, кьодо оᵸкъова бетӀергьалли дӯхъа нисас: «НилӀа гьоцо сукӀол маьче», – лӀо. Ницна ахъна, аьгъиъна биссун муьгъатта̄ла мицаъ къе̄ эцал нуцӀас. 10Оᵸкъослаъзу, ми бишшун муьгъатта̄ къе̄ эче. БетӀергьаллил ми эга̄йоназу, дудойна гогьна нисас: «Гьалмагъ, аьгъиъна аьᵸйда̄ кӀетӀа мицаъ къе̄ эче», – лӀо. Гьолълъогъа муьгъатта̄ бейтелликьа гаьгьийа̄ъ эᵸдо дибо къадро-къиматна кьодда̄кас. 11СудлӀо нисода гьинизу жу кьодда̄кӀийо сукӀо Аллагьлидой аьᵸйда̄ лӀийода̄ ахъца, жу лӀийода̄ эгацас сукӀо кьодда̄кца.
12Бета Иса билӀола бетӀергьаллихъа нисойо:
– Вагьаддийо бес-хулӀо̄лъи йо̄лъ, бовакӀийа сукӀоба̄ мина кьа̄ь окӀаллакьа кулна богьна, гьоллоъкьа̄ гьоᵸсдана пайда гаьгьийо жо йахъаслӀона, дибо вацца̄на, иснана, аьгарлъина, бечедабла мадугьаллана бовакӀа̄къа. 13Вагьаллийо бес-хулӀо̄лъи йо̄лъ, ми бовакӀа гьардухъаллана, азизабла аьдамлана, гьула̄зу лаьхъдийа̄, боцдийа̄ сукӀобана. 14Талигьаб гей ми гьоглохъа дул йоцӀона йахъаъалъ. Жейса дуниялликьа гьоглол йо̄йо жо хиса къиямасаб водиъ муъмилла бувагъоваъас баьгъбаъла̄лъо дул гьули йиᵸхъас.
Бесал бовакӀийа̄кьас хабар
15Вагьли тухълъо, гьулиъ гаьгьийа сидцойсола Гьолцохъа нисойо:
– Гьардараб гей Аллагьлила Парчагьлиъ къе̄на эчена баьба муьхъчаш сукӀо.
16Исана гьолцохъа кьа̄ь нисойо:
– Нишел тели аьдамла бесал илӀал гьоькмо бахъийо гьоᵸс пуланаб сукӀос. 17Бесалцо бог мокъолъ, гьолцо э̄ᵸйолӀо гьинис лагъ бовакӀийа аьдамла бесал илӀал. Эᵸкьена лагъли гьоглохъа нисойолӀо: «Гугь миже, къацӀцӀо кен-оᵸх лъикъона». 18КъацӀцӀола гьоᵸс сикӀо йогьна нисойо жуво̄л нигъана гувал бахъаъаслӀо; ми илокьа кьодос тилӀкилӀо. Сиди нисойолӀо: «Гьини гьоᵸс маьче бохна гей, гьоло маьче бега̄л эᵸкьал нуцӀос, гьарзи йо̄с дӯхъа, ми дӣкьа кьодос тилӀки». 19Бацосола нисойолӀо: «Гьини ацӀона оᵸс бохна гей, вагьалло̄л лӀийаᵸгьна йийакъелал йа̄тӀна гей, гьарзи йо̄с дӯхъа, ми дӣкьа кьодос тилӀки». 20Лъанасла нисойолӀо: «Гьини жейса ахъо йоᵸкъона гей, вагьалълъобза жу говал ахъаъас». 21Лагъ кьа̄ь билӀогъа оᵸкъолъ, ме̄йолӀо гьинила бетӀергьаллихъа къацӀцӀо йахъийа жойлас хабар. Гьолълъогъа муьгъатта̄ симо бӣйа гьолцо нисона гей лагълихъа: «Хехлъи ахъна эᵸкьена къатӀла̄ъна хъаьчӀла̄ъна иᵸхъойо шинаб гьардухъаллана, гьула̄зу азизаблана, боцдийа̄на, лаьхъдийа̄на аьдамла ба̄къолла гьолӀоъ». 22Э̄ᵸйацос оᵸкъолъ, лагъли нисойолӀо: «Дибо амро тӀубази бо̄йо, бетӀерчӀахъаяв! Амма жена маьче гьихлъона гей». 23БетӀергьалли нисойолӀо лагълихъа: «Гьинолкьана кала̄гъойна мийахъова̄ аьдамла ба̄къоллина гогь. Дие билӀо аьдамла̄ш йоцӀала. 24Амма нисос мизохъа: до ийабалӀена гуйэшла̄ диела билӀоъос кен-оᵸх йуьᵸхъаъаш».
Иса авараглигъой муьгъалӀ мекьейа̄с къимат
1. БилӀо йогьцалакьас хабар
25Тели аьлам зукъойо Исагъой къацӀо мекьецас. Гьоллохъана гоцӀохъна Гьолцо нисойо:
26– Гьинила ийо-абоъ, къова-хъизаллиъ, исна̄ъ, вагьла̄зу гьинила оьмролалъда̄ рокьукълъи гаьччо сукӀо Дӣдой оᵸкъода, гьули сукӀо Дие асгьаблъилаъ ахъаъас. 27Гьинис хъанчна бохна, Дӣгъой говаъцасна сукӀо Дие асгьаб ахъаъас. 28СукӀод мизоъ эᵸдо гей, билӀо йовал хийал гаьгьийо сукӀо, гьакъкъа къе̄на эчена гьисаб боваъцас: оьлалди гьаьжа-къай, окко-месед билӀо йогьна гикьа йоᵸкъолал. 29Гьолълъол бигъана гунна гьули билӀо йогьна лъикъаъда, бета гьолцокьа аьдамла лъоᵸваба̄с, 30билӀо йовал уьᵸхолъна гьули йогьна гикьа йоᵸкъонна йахъеэшлӀо нисона.
2. Рагълиъ эᵸкьал атӀийа ханликьас хабар
31Йана бацо ханлил данде эгъал аьгъиъийо хан къе̄на эчена ургъизи ахъал нуцӀаъасди: хъона гьазай рагъухъан гаьгьийо тушмаллила аскарлил данде ацӀона гьазай рагъухъан гаьгьийо аскарна жуна эгъна ахъалдилӀо нисона. 32Эгъна ахъаъцаслъи икъелъ, тушман цӀихода̄ гаьгьийаъзу, гьолцо ханли рекъел бовалъгъа йатӀийо жо нисолал мейас гьинис чапарла. 33Вагьла̄ мизоъ эᵸдо гаьгьийо шинабли къацӀцӀо жойлакьас инкар боваъда, гьолло̄л Дие асгьабла ба̄хъаъас.
3. Гемо йолъова циᵸйакьас хабар
34Цаᵸ кӀетӀо жо гей. Амма гьолълъос гемо йугъода, кьа̄ь гемона йоᵸкъонна йахъаъалъ, гьолълъоъкьа̄ пайда гаьъа гьоᵸссидилна. 35Йа̄ гьули мицал йуьᵸхаъаш, йа мицалъ гулцала йаᵸкол йуьᵸхаъаш. Гьули къе̄ чӀалӀеш. Аьᵸгъа̄ гаьгьийа̄л тухъала гьули!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Библия таржама йогьцас Институт, 2005 (PRO)
© Басмалаъ йагъойо Библия таржама йогьцала Институтли, 1999 (LUK)