Лука 13
13
13 къаьм
Тавба бовал нуцӀоцалас аьгьи
1Вагьалълъо мехлаъ мовакъова̄ гьоᵸсо аьдамла̄ Исахъа нисойо Пилати Галилеялиъис аьдамлана бийакьена гьоллос гьеᵸ Аллагьлила билӀоъ къурбаллил мухова боцӀилала гьеᵸйагъой лъицӀхоьчӀиллолӀо нисона. 2Иса гьоллохъа вагьалълъол жаваб богьна нисойо:
– Мизол гицца зогъас вагьалло̄л аьдамла вагьла̄ бувагъолъ, Галилеялила бадло аьдамла̄гъа мунагь-гьаькъ тели гаьгьийа̄ гейлӀона? 3ГаьъалӀо нисос До мизохъа: амма къацӀцӀола мижена тавба боваъда, вагьла̄ мижена бувагъас. 4Йаги гього Силоамлис#13:4 Иерусалимлиъ гаьгьийо хъала. хъала бекна лӀийо мийахъова̄ ацӀона белӀна сукӀо Иерусалимлила аьдамла̄гъа мунагь-гьаькъла тели зувакъова̄лӀонад мизол гицца? 5ЗукъеэшлӀо нисос До мизохъа: амма тавба боваъда, къацӀцӀа̄ мижена вагьла̄ бувагъас.
Пихъ нилӀаъцала легъилала хоьхис хабар
6Бета Иса вагьаддийо хабар ме̄йо:
– Гьоᵸс сукӀола венахийаъ зукъона гей легъилас хоьхо. Гьули оᵸкъойолӀо легъи йокӀолал, амма гьолцол хоьхкьа легъи йиᵸхъона гаьъа. 7Нисона гей венахи богьцала сукӀохъа: «Гьуна до лъана лӀи го̄йо, амма гьоᵸсна легъи гуцӀона йикъеэш вагьалӀо хоьхкьа. БуьчӀна болъола гьоло, наьгьакъда маьче бохиллечӀе». 8Амма гьолцо нисона гей: «Йа̄ БетӀерчӀахъаяв! Беччаннейа желӀбасса̄за. До со̄ᵸгъой баьхал, гьолълъол йаᵸко гулал. 9Бета гизилалдана йахъассаъад гьолълъо хоьхкьа легъи. Нагагь йахъаъда, буьчӀна болъолал».
Шамат водиъ михъа̄ гъоддо аьдам йахъилло
10Шамат водла̄ъ Иса ваъза-насигьат бо̄с зукъона гей сид синагоглиъ. 11Гьулиъ зукъона гей ацӀон белӀен лӀиъ кьодос болъаъцала унтилаъ кӀокӀойо, гъоддо, билъахъа къаьм йохна йахъаъцас гьоᵸс аьдам. 12Гьоло йегалъ, Иса гьиндойда̄на илӀена нисос:
– Йе аьдам! Ми дибола узролаъас хъосар йахъийо!
13Гьолълъолъ ко̄ йеᵸхелло. Вагьаллиъисзу михъа̄ъ йаᵸкъойцӀойо, бета гьоло Аллагьлил рец бовал йуьᵸхолъийо. 14Иса шамат водиъ вагьло аьдам йахъиллъо, Гьолцокьа симахъова синагоглила гьаькимли халкъилахъа вагьда̄ нисойо:
– Илъна водо гей анкьилаъ батӀтӀийо гьаьлтӀи бовал бахъцас. Шамат водиъ гуйчӀе, вагьагло водла̄ъ гугь миже сагъ бовагьал.
15Гьолцол жаваб богьна Кьодда̄ла Иса нисойо:
– Йа̄ къонда̄ моькьош аьдамла! Гейд мизоъ эᵸдо гьоᵸсдана сукӀо сийаъас макна мизосзу оᵸс йаги аᵸу шамат водиъ лъи хулӀал бежеллаъцас? 16Вагьдо, Ирбагьинила умматлис кид, ацӀона белӀна лӀи илбисли йиᵸцона йохна зукъойо, шамат водиъ гьоло йаᵸкал йахъаъасди?
17Иса вагьла̄ нисолъ, Гьолцол данде бечейа̄ аьдамла ниц-ламус ба̄хъийо. Амма къацӀцӀо халкъ Гьолцо йовагьийа къацӀца̄ гьикматаб жойлакьа рази бахъийо.
Генилала кӀаькӀалкьаш хабар
18Бета Иса нисолло:
– Аллагьлис Парчагьлъи лъинилъ йеᵸлъейод гей? Лъинилъди До гьули йеᵸлъелал йахъца? 19Гьули йеᵸлъейо гей генилала#13:19 Инжил ТӀекликьа чахна гей «Горчицалила кӀаькӀалкьаш хабар» – лӀо нисона. Амма иллаъ мицаъ гьоло хоьхо гуцӀаъас, гьоло нӣйо гаьгьийона бикъаъас. Вагьалълъобза гьолълъола мицаъ нилӀийо «Генилала кӀаькӀалкьаш хабар» – лӀо нисона. кӀаькӀалилъ. Инсалли вагьло кӀаькӀа бокчина аьгьбаъ мижейо, гьолълъоъкьа̄ букъо хоьхо бахъийо. Мигьна̄на хоьхила аьᵸлейа̄кьа гьидел сӣᵸбо йовагьийо.
Хашилакьас хабар
20Бетана кьа̄ьна нисойо:
– Лъинилъди До Аллагьлис Парчагьлъи йеᵸлъелал йахъца? 21Гьули йеᵸлъейо гей хашилалъ: ийо лъана билӀей гьаьтӀтӀала йоьᵸтобаъ жу гунна муьгъатта̄, къацӀцӀо йӣйа йийакьалалъ.
Хъусса̄ кавла
22Шагьарба̄ъана аьлӀа̄ъана халкъилал ваъза-насигьатна богьна Иса эᵸкьес зукъойо Иерусалимлиъда̄.
23Сидцойсола Гьолцохъа нисолло:
– Йа̄ БетӀерчӀахъаяв! Йоькькьа аьдамла тиса муьвахошлӀо нисоцас хабар битӀарабди гей?
Гьолцо жаваб нилӀийо:
24– Хъусса аᵸциъкьа̄ эᵸдобакал гъаза бова миже, судлӀо нисода, мизохъа нисос, телида̄с бикьебакьеш эᵸдобакал, амма эᵸдобакна бахъаъас. 25БетӀергьалли аьгъиъна гьинис кав гъешена муьгъатта̄, гисда̄ гьихбалъова̄ миже къоьпӀлӀолдабана илӀелаба̄с: «Йа̄ БетӀерчӀахъаяв! Илол аᵸц йеᵸгьалӀо!» Гьолцо жаваб нилӀас мизол: «Миже на̄с ба̄хъцасна сукӀо гаьгьийа̄на Дил бийакъаъас», – лӀо нисона. 26Бета миже нисал муьхобалъаш: «Иле Дӯгъой къацӀо бес-хулӀойо, гьула̄зу илла шагьарба̄ла къатӀла̄ъ Ми илол ваъза-насигьатла йовагьийо». 27Гьолцо бета мизохъа нисас: «Дил миже на̄с ба̄хъцасна бийакъаъас, болъо дидойс ата̄ къацӀцӀа̄ мекъаб жо йогьцаса аьдамла!» 28Бета мизол гьулиъ, Аллагьлила Парчагьлиъ, бегаба̄с Ирбагьинна, Исакъна, Якъубна, баддо̄л авараглана. МижелӀо нисода гиса тӀуватӀлъо бийабацасна сила̄ къисбалӀолцасна ба̄хъас. 29Аллагьлила Парчагьлиъ гьидела мицаъ бес-хулӀал къе̄ бецал мокъас магъриблиъисна машрикълиъисна, гьула̄зу бихъхъаъда̄лана оᵸкъкъаъда̄лана мица̄ъас аьдамла. 30Гьуна, гьоᵸсо аьᵸйда̄ гаьгьийа̄ муьгъатта̄ бейакца, муьгъалӀ гаьгьийа̄ сад аьᵸйдаба̄кча.
Иса ме̄ш Иерусалимлис хабар
31Вагьалълъо водиъ Исадой мокъова гьоᵸсо фарисейла̄ нисойо:
– Гисакна эᵸкье дибола гьид, Гьеродил Ми икьал атӀна гей.
32Исана гьоллохъа нисойо:
– Мекьанна мекьена гьолцо соралхъа ниса: гьуна До зинналла̄ бовахийа̄на, унти-узрола азаб ниццасана аьдамла ба̄хъилца жейсана хисана, бета лъанасла водиъ До богьцас иш лъикъолца. 33Амма авараг Иерусалимлиъ оᵸкъеэш угъаъас, вагьалълъобза жейсана, хисана, хисалалъна До гьид ахъал нуцӀос. 34Вай Иерусалим, Иерусалим! Аварагла бийакьецасна дӯдой Аллагьли мейагьийа расулла кьала̄д бийакьецасна шагьар! Ла̄хди Дил йатӀна зукъойо гуьди чӀучӀулийацой дибо аьдамла Диела гьаба̄лӀ ба̄гъал, амма мизол гьули йатӀеэш. 35Гьуна же мизос Аллагьлис билӀо йоьчӀчӀо гьихлъас. До нисос мизохъа: «БетӀергьаллила Къудратликьа эᵸгьна оᵸкъоцалал баркат гулала», – лӀо миже нисойо заман мокъеэш, До мизол эга̄ъас.
Currently Selected:
Лука 13: KapPROLUK
Highlight
Share
Copy
Want to have your highlights saved across all your devices? Sign up or sign in
© Библия таржама йогьцас Институт, 2005 (PRO)
© Басмалаъ йагъойо Библия таржама йогьцала Институтли, 1999 (LUK)
Лука 13
13
13 къаьм
Тавба бовал нуцӀоцалас аьгьи
1Вагьалълъо мехлаъ мовакъова̄ гьоᵸсо аьдамла̄ Исахъа нисойо Пилати Галилеялиъис аьдамлана бийакьена гьоллос гьеᵸ Аллагьлила билӀоъ къурбаллил мухова боцӀилала гьеᵸйагъой лъицӀхоьчӀиллолӀо нисона. 2Иса гьоллохъа вагьалълъол жаваб богьна нисойо:
– Мизол гицца зогъас вагьалло̄л аьдамла вагьла̄ бувагъолъ, Галилеялила бадло аьдамла̄гъа мунагь-гьаькъ тели гаьгьийа̄ гейлӀона? 3ГаьъалӀо нисос До мизохъа: амма къацӀцӀола мижена тавба боваъда, вагьла̄ мижена бувагъас. 4Йаги гього Силоамлис#13:4 Иерусалимлиъ гаьгьийо хъала. хъала бекна лӀийо мийахъова̄ ацӀона белӀна сукӀо Иерусалимлила аьдамла̄гъа мунагь-гьаькъла тели зувакъова̄лӀонад мизол гицца? 5ЗукъеэшлӀо нисос До мизохъа: амма тавба боваъда, къацӀцӀа̄ мижена вагьла̄ бувагъас.
Пихъ нилӀаъцала легъилала хоьхис хабар
6Бета Иса вагьаддийо хабар ме̄йо:
– Гьоᵸс сукӀола венахийаъ зукъона гей легъилас хоьхо. Гьули оᵸкъойолӀо легъи йокӀолал, амма гьолцол хоьхкьа легъи йиᵸхъона гаьъа. 7Нисона гей венахи богьцала сукӀохъа: «Гьуна до лъана лӀи го̄йо, амма гьоᵸсна легъи гуцӀона йикъеэш вагьалӀо хоьхкьа. БуьчӀна болъола гьоло, наьгьакъда маьче бохиллечӀе». 8Амма гьолцо нисона гей: «Йа̄ БетӀерчӀахъаяв! Беччаннейа желӀбасса̄за. До со̄ᵸгъой баьхал, гьолълъол йаᵸко гулал. 9Бета гизилалдана йахъассаъад гьолълъо хоьхкьа легъи. Нагагь йахъаъда, буьчӀна болъолал».
Шамат водиъ михъа̄ гъоддо аьдам йахъилло
10Шамат водла̄ъ Иса ваъза-насигьат бо̄с зукъона гей сид синагоглиъ. 11Гьулиъ зукъона гей ацӀон белӀен лӀиъ кьодос болъаъцала унтилаъ кӀокӀойо, гъоддо, билъахъа къаьм йохна йахъаъцас гьоᵸс аьдам. 12Гьоло йегалъ, Иса гьиндойда̄на илӀена нисос:
– Йе аьдам! Ми дибола узролаъас хъосар йахъийо!
13Гьолълъолъ ко̄ йеᵸхелло. Вагьаллиъисзу михъа̄ъ йаᵸкъойцӀойо, бета гьоло Аллагьлил рец бовал йуьᵸхолъийо. 14Иса шамат водиъ вагьло аьдам йахъиллъо, Гьолцокьа симахъова синагоглила гьаькимли халкъилахъа вагьда̄ нисойо:
– Илъна водо гей анкьилаъ батӀтӀийо гьаьлтӀи бовал бахъцас. Шамат водиъ гуйчӀе, вагьагло водла̄ъ гугь миже сагъ бовагьал.
15Гьолцол жаваб богьна Кьодда̄ла Иса нисойо:
– Йа̄ къонда̄ моькьош аьдамла! Гейд мизоъ эᵸдо гьоᵸсдана сукӀо сийаъас макна мизосзу оᵸс йаги аᵸу шамат водиъ лъи хулӀал бежеллаъцас? 16Вагьдо, Ирбагьинила умматлис кид, ацӀона белӀна лӀи илбисли йиᵸцона йохна зукъойо, шамат водиъ гьоло йаᵸкал йахъаъасди?
17Иса вагьла̄ нисолъ, Гьолцол данде бечейа̄ аьдамла ниц-ламус ба̄хъийо. Амма къацӀцӀо халкъ Гьолцо йовагьийа къацӀца̄ гьикматаб жойлакьа рази бахъийо.
Генилала кӀаькӀалкьаш хабар
18Бета Иса нисолло:
– Аллагьлис Парчагьлъи лъинилъ йеᵸлъейод гей? Лъинилъди До гьули йеᵸлъелал йахъца? 19Гьули йеᵸлъейо гей генилала#13:19 Инжил ТӀекликьа чахна гей «Горчицалила кӀаькӀалкьаш хабар» – лӀо нисона. Амма иллаъ мицаъ гьоло хоьхо гуцӀаъас, гьоло нӣйо гаьгьийона бикъаъас. Вагьалълъобза гьолълъола мицаъ нилӀийо «Генилала кӀаькӀалкьаш хабар» – лӀо нисона. кӀаькӀалилъ. Инсалли вагьло кӀаькӀа бокчина аьгьбаъ мижейо, гьолълъоъкьа̄ букъо хоьхо бахъийо. Мигьна̄на хоьхила аьᵸлейа̄кьа гьидел сӣᵸбо йовагьийо.
Хашилакьас хабар
20Бетана кьа̄ьна нисойо:
– Лъинилъди До Аллагьлис Парчагьлъи йеᵸлъелал йахъца? 21Гьули йеᵸлъейо гей хашилалъ: ийо лъана билӀей гьаьтӀтӀала йоьᵸтобаъ жу гунна муьгъатта̄, къацӀцӀо йӣйа йийакьалалъ.
Хъусса̄ кавла
22Шагьарба̄ъана аьлӀа̄ъана халкъилал ваъза-насигьатна богьна Иса эᵸкьес зукъойо Иерусалимлиъда̄.
23Сидцойсола Гьолцохъа нисолло:
– Йа̄ БетӀерчӀахъаяв! Йоькькьа аьдамла тиса муьвахошлӀо нисоцас хабар битӀарабди гей?
Гьолцо жаваб нилӀийо:
24– Хъусса аᵸциъкьа̄ эᵸдобакал гъаза бова миже, судлӀо нисода, мизохъа нисос, телида̄с бикьебакьеш эᵸдобакал, амма эᵸдобакна бахъаъас. 25БетӀергьалли аьгъиъна гьинис кав гъешена муьгъатта̄, гисда̄ гьихбалъова̄ миже къоьпӀлӀолдабана илӀелаба̄с: «Йа̄ БетӀерчӀахъаяв! Илол аᵸц йеᵸгьалӀо!» Гьолцо жаваб нилӀас мизол: «Миже на̄с ба̄хъцасна сукӀо гаьгьийа̄на Дил бийакъаъас», – лӀо нисона. 26Бета миже нисал муьхобалъаш: «Иле Дӯгъой къацӀо бес-хулӀойо, гьула̄зу илла шагьарба̄ла къатӀла̄ъ Ми илол ваъза-насигьатла йовагьийо». 27Гьолцо бета мизохъа нисас: «Дил миже на̄с ба̄хъцасна бийакъаъас, болъо дидойс ата̄ къацӀцӀа̄ мекъаб жо йогьцаса аьдамла!» 28Бета мизол гьулиъ, Аллагьлила Парчагьлиъ, бегаба̄с Ирбагьинна, Исакъна, Якъубна, баддо̄л авараглана. МижелӀо нисода гиса тӀуватӀлъо бийабацасна сила̄ къисбалӀолцасна ба̄хъас. 29Аллагьлила Парчагьлиъ гьидела мицаъ бес-хулӀал къе̄ бецал мокъас магъриблиъисна машрикълиъисна, гьула̄зу бихъхъаъда̄лана оᵸкъкъаъда̄лана мица̄ъас аьдамла. 30Гьуна, гьоᵸсо аьᵸйда̄ гаьгьийа̄ муьгъатта̄ бейакца, муьгъалӀ гаьгьийа̄ сад аьᵸйдаба̄кча.
Иса ме̄ш Иерусалимлис хабар
31Вагьалълъо водиъ Исадой мокъова гьоᵸсо фарисейла̄ нисойо:
– Гисакна эᵸкье дибола гьид, Гьеродил Ми икьал атӀна гей.
32Исана гьоллохъа нисойо:
– Мекьанна мекьена гьолцо соралхъа ниса: гьуна До зинналла̄ бовахийа̄на, унти-узрола азаб ниццасана аьдамла ба̄хъилца жейсана хисана, бета лъанасла водиъ До богьцас иш лъикъолца. 33Амма авараг Иерусалимлиъ оᵸкъеэш угъаъас, вагьалълъобза жейсана, хисана, хисалалъна До гьид ахъал нуцӀос. 34Вай Иерусалим, Иерусалим! Аварагла бийакьецасна дӯдой Аллагьли мейагьийа расулла кьала̄д бийакьецасна шагьар! Ла̄хди Дил йатӀна зукъойо гуьди чӀучӀулийацой дибо аьдамла Диела гьаба̄лӀ ба̄гъал, амма мизол гьули йатӀеэш. 35Гьуна же мизос Аллагьлис билӀо йоьчӀчӀо гьихлъас. До нисос мизохъа: «БетӀергьаллила Къудратликьа эᵸгьна оᵸкъоцалал баркат гулала», – лӀо миже нисойо заман мокъеэш, До мизол эга̄ъас.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Библия таржама йогьцас Институт, 2005 (PRO)
© Басмалаъ йагъойо Библия таржама йогьцала Институтли, 1999 (LUK)